係海濱單車徑起低地台電車仲實際，唔會佔用車路之餘，又可以用返啟德橋連入觀塘海濱，成個方案平好多
====================================
啟德單軌系統經歷咗十幾年嘅詳細研究後，終於喺2020年正式被政府擱置。其主要死因係成本過高及觀塘段嘅高架系統違反消防安全要求。而政府提出嘅後備方案 — 多元組合系統，說穿了只係電動巴士配上行人電梯網絡，其運載能力明顯遠遜於有軌交通，亦遠遠未能照顧日益增加嘅啟德居民及大量東九上班族嘅通勤需要。
其實早在2013年，電車公司曾建議政府採用現代化電車系統取代單軌列車（圖一）。由於不需建造高架設施，當時建議嘅電車系統造價只係單軌系統嘅四份之一，而且電車嘅班次及載客量可因應需要而靈活調節，令此計劃係社會上收獲不少支持聲音。可惜嘅係，當年政府指電車系統由於需要佔用大量路面空間，會令早已迫爆嘅路面交通更為擠塞，所以執意放棄現代化電車計劃，轉投聚焦已證實係掘頭路嘅單軌系統。
但電車系統是否真如政府所說，必然要佔用車道呢？答案係否定嘅。根據政府文件，雙線電車軌需佔用嘅闊道約7米（圖二）。實地考察過啟德、九龍灣及觀塘嘅道路情況後，發現只要將電車走線適當調整，大部份嘅電車軌道其實不需佔用車道（圖三紅色走線）。
例如由啟德體育園，經啟德車站廣場，至沐翠街一帶本身已預留大量行人道或花圃位置以興建環保連接系統。而跑道區一帶，電車軌道可建於面向啟德內海嘅海濱走道（圖四）。至於係觀塘區，只要將現時觀塘海濱走廊嘅綠化地帶作少量改建，即可容納雙線電車軌道（圖五），令電車網絡可延伸至觀塘行動區。唯獨九龍灣商業區一帶嘅走線無可避免地要走進現行車道（圖三藍色走線）。因此，建議此段路可採用混合路權，雖然會因而減慢電車嘅行進速度，但卻可大幅減少對路面交通嘅影響。
當然，針無兩頭利，利用海濱走廊作電車專線會佔用了原本行人道及單車徑嘅空間。但其實啟德新區本身嘅行人路同單車徑已經好充足，例如跑道區承豐道已建設行人專用嘅空中花園，以及跑道前排向維港一面嘅海濱亦已規劃了闊數十米嘅行人道及共融單車徑。所以即使電車佔用了部份內海海濱走廊嘅位置，對行人及單車前往啟德跑道嘅暢達程度影響相當輕微。
由此可見，只要重組走線，現代化電車對路面交通嘅負荷其實遠低於政府早前嘅預估。希望現屆政府及社會能重新考慮採用啟德現代化電車系統，及早改善啟德及東九龍嘅交通。
作者Facebook專頁：啟德跑道日誌
https://www.bastillepost.com/hongkong/article/11036989-啟德現代化電車系統有無得諗？

KTRW2022 發表於 2022-8-22 10:19
係海濱單車徑起低地台電車仲實際，唔會佔用車路之餘，又可以用返啟德橋連入觀塘海濱，成個方案平好多
==== ...
走線：
KTRW2022 發表於 2022-8-22 10:19
係海濱單車徑起低地台電車仲實際，唔會佔用車路之餘，又可以用返啟德橋連入觀塘海濱，成個方案平好多
==== ...
會唔會俾單車踩上電車路？
qunow 發表於 2022-8-22 10:44
會唔會俾單車踩上電車路？
應該唔會啦。但一來跑道前排已經有單車徑，二來單車定位始終只係for休閒，點計都係用來起電車有效益啲
外國都有係海濱起電車嘅例子
本帖最後由 kei_hk 於 2022-8-22 11:42 編輯
qunow 發表於 2022-8-22 10:44
會唔會俾單車踩上電車路？
電車路上行單車?;P
正式的單車徑就唔會﹐事關係暗藏危機的﹐可以好危險的。
單車只要係與路軌行駛方向相同﹐總有機會路軌的坑槽令到失控。
所以﹐正常來講就會有單車徑在路軌之上。
kei_hk 發表於 2022-8-22 11:37
電車路上行單車?
正式的單車徑就唔會﹐事關係暗藏危機的﹐可以好危險的。
荷蘭好似有啲電車軌有膠，單東踩上去唔會笠入去，電車車轆轆過先會笠入去變成路軌
qunow 發表於 2022-8-22 12:51
荷蘭好似有啲電車軌有膠，單東踩上去唔會笠入去，電車車轆轆過先會笠入去變成路軌
...
總之係一個伏位﹐單車電車共用唔攪好過攪。
攝條膠條入去﹐條膠都會用得耐﹐令到表面唔平。
可能係回彈不足令到某個位凹陷﹐又可能係有個別位突起。
只係出事機會細D﹐但一樣有潛在問題。
另外﹐落雨天鐵軌濕水都係會 "扇" 呔。
對於單車來講﹐單一物料的路面﹐點都好過細範圍內多種不同物料的路面。
最後﹐有名你叫「路權 __」﹐都唔係浪得虛名的。
同一條路﹐大家都有路權。
單車友係唔讓路給後方的電車﹐你估部電車要幾耐才走出困境。:L
以香港人每況越下的人品﹐攪單車電車的混合車道﹐真係少一樣野好過。
其實單車徑係輔助為主，讓位比電車依類集體運輸工具係好合理，何況跑道本身另一邊仲有單車徑
KTRW2022 發表於 2022-8-22 10:36
走線：
5R同22M都做緊
依家似係留條生路比巴士小巴玩
搞電車應該都微
反而係小巴城巴九巴
搶到幾多份額