leungky0528 發表於 2022-10-29 10:52
講到成件事係「搬」會唔會睇得太簡單
前面已經個個講到改建轉車站難處
仲未計有啲組合明顯見到你想同時飛 ...
你指乜嘢難處？工程上？政治上？
272X呢種玩法，擺到明搵大埔笨
如果肯跟樓上話齋，玩白石角轉車站，至少大家都有得益
da93 發表於 2022-10-29 14:20
有晒既定目的嘅真係好無謂，已經唔想回佢
哈你真係，理虧潛水都講到好似我錯咁
咁你上面話白石角轉車站無用呀嘛
我舉啲實際例子出來，你又話有既定目的
你玩曬啦
本帖最後由 da93 於 2022-10-30 02:34 編輯
castanopsis 發表於 2022-10-29 22:29
哈你真係，理虧潛水都講到好似我錯咁
咁你上面話白石角轉車站無用呀嘛
我舉啲實際例子出來，你又話有既定 ...
就用你講果條大埔經葵芳去荃灣嘅巴士線黎講，先唔討論佢用唔用太和走，你用得青沙嘅，青沙咪可以轉270B，根本就唔駛另外再搵個轉車站去做。
又用你講果個樂富嘅窿黎講，北區嘅，277x/277E晌大老山轉75x，本身就行梗，咁白石角轉車站我要黎做乜先？係咪停得白石角就唔駛停大老山丫，總唔會係咁。
到頭來，最真真正正架床疊屋嘅，就係呢堆所謂轉車站。
本帖最後由 da93 於 2022-10-30 04:32 編輯
castanopsis 發表於 2022-10-29 22:26
你指乜嘢難處？工程上？政治上？
272X呢種玩法，擺到明搵大埔笨
如果肯跟樓上話齋，玩白石角轉車站，至少 ...
工程同政治上都有難處
第一：
1999年政府公佈吐露港擴闊至每邊4線行車時，當時預設流量係每小時4200架次，而規劃上假設係足夠應付到2011年大埔及北區嘅交通需要，呢d野你可以搵番當時政府嘅新聞公告，而去到2015年後，基本上已經over晒。2020年大埔區議會要求政府研究新公路網，當時成份議程嘅原稿仲晌我度，而你上番區議會網站，亦可以睇到運輸署晌2020年交俾區議會嘅數據，當中包含到粉嶺公路，大埔公路沙田段，吐露港公路，沙田區四條行車隧道嘅流量數據。
條路咁嘅樣，你覺得可以點起轉車站？甚至乎去到有白石角站，做好條272A隨時仲實際。粉嶺公路都仲可以借擴建搵空間俾佢塞件咁嘅野，吐露港公路，莫講轉車站，連巴士綫都set唔成，分別就晌呢度。
去到2021年，愛國者治港，你睇番當時建制出黎選新界東南，佢地嘅競選政綱？
第二：
政治上而家無人問責，當日力推粉嶺公路轉車站嘅係咩人？而家做梗乜？如果再力推一個咁嘅倒模出黎，浪費納稅人金錢嘅罪名同臨尾香冇分別，你俾而家呢班安然做埋餘下呢年任期然後各散東西啦好嗎？
如果係一個文明嘅體制，卓慧思都可以因為一份財政預算案引發政治風波令佢下台，好多野唔係你諗得咁簡單。
本帖最後由 castanopsis 於 2022-10-30 11:17 編輯
da93 發表於 2022-10-30 02:31
就用你講果條大埔經葵芳去荃灣嘅巴士線黎講，先唔討論佢用唔用太和走，你用得青沙嘅，青沙咪可以轉270B， ...
其實不如換個角度
撫心自問，係咪個個區都開得齊 大隧/獅隧/城隧/青沙 四組線？
根本除咗 華明上水 同 大中廣福 之外，根本無一區開得齊
對你無用，唔代表對其他人無用
然後你兩個例子
留意73X生仔我無指明行青沙定城隧
但無論如何，重點係太和頂盡開一條直出線
如果有方法俾班客直出公路，白石角轉返 大隧/獅隧/城隧線，效果會好好多
運頭塘/聯和墟/汀角路/皇后山呢啲區，situation都類近
樂富個例子，留意我講百和路沿線，佢地無大隧線
再要駁多程273A就真係乜嘢吸引力都無
da93 發表於 2022-10-30 02:43
工程同政治上都有難處
第一：
工程問題，有啲嘢事在人為
有錯請指正，但以我理解，白石角站都係打算將條東鐵路軌推入去偷位開
如果有心既我又唔認為工程上有好大難度
反而係政府向來唔肯花錢俾巴士相關基建，先係問題所在
當然我都覺得白石角轉車站絕對唔係最逼切
巴士專線，絕對逼切過轉車站好多
至於政治問題
粉嶺轉車站本身plan咗要拆
所以無論如何，都已經係浪費納稅人金錢既大白象
如果拆完之後擺返喺白石角，點睇都好過拆完之後原區重置
YY487 發表於 2022-10-30 11:50
咁而家離火車站遠兼好多人搭巴士嘅區，即係富亨富善大埔中心大埔墟廣福
俾你整慢咗條線之後有咩得益？ ...
最大好處當然係推曬白石角科學園啲客去轉車海
取代272X呢類，大埔兜白石角既畸胎
而其實可以用呢個機會
建構返一個新東線網絡出來，例如——
富蝶富亨富善 直出，直插沙市大圍
73A拆特快線做返好 廣黃一城<>大埔
宜家呢類線唔會夠客，但如果做埋轉車客，就有得玩
咁當然，吐公無啦啦要停站，點都係唔開胃
但個vision本身係有一定好處，值唔值得就自己衡量
本帖最後由 da93 於 2022-10-30 13:18 編輯
castanopsis 發表於 2022-10-30 11:15
其實不如換個角度
撫心自問，係咪個個區都開得齊 大隧/獅隧/城隧/青沙 四組線？
根本除咗 華明上水 同 大 ...
明明你原文就寫梗大埔經青沙，葵芳去荃灣
咁你北區開條行百和路嘅大隧線都得架，成本仲低添，人口上你北區仲有得繼續上添。
講真，粉嶺公路果個，佢拆，係佢嘅事，我冇需要將個錯誤再做多次
castanopsis 發表於 2022-10-30 11:40
工程問題，有啲嘢事在人為
有錯請指正，但以我理解，白石角站都係打算將條東鐵路軌推入去偷位開
如果有心 ...
調轉，你政府都要收番教大運動場撻地先有空間做你講嘅野啦，即係公路也好火車也好，根本就冇位起。
巴士綫個問題上過會，轉車站亦都唔係冇講過，但根本晌客觀環境下就做唔成。
晌一條車流超負荷嘅路上黎攪轉車站，必然引發嘅問題係更影響條路個流量