WR309 發表於 2023-2-27 10:21
暫時睇落就不定期加班, 入人工島四條綫都有加嘅
閒日A36未到屯赤都企到好滿，假期早上直頭大馬路都留後，似唔多夠車加班。
晚上9點幾後往元朗有時見到會由30分加到20分一班，似係不定期。
A33X其實仲多客，仲要接埋其他屯門小區的轉乘客，不過有加車都係20分鐘一班，如果開始轉到15都係好事，起碼高峰期減少留後。
聽到d客講，屯赤轉車惡劣，食風又等得耐，好像部份人開始用自己方法去屯門區內既站上A33X，不再考慮用A33/A34/E33P做駁腳。
再搞唔好就真係的士見！
arfung 發表於 2023-2-27 12:07
閒日A36未到屯赤都企到好滿，假期早上直頭大馬路都留後，似唔多夠車加班。
晚上9點幾後往元朗有時見到會 ...
A36聞說係元朗警署頂閘, 而且已經係30分加到20分都唔多掂, 最少呢三個星期六日情況都係咁,SoS 30分一班出哂事, 而元朗大馬路亦係一個知名景點, 受歡迎也是正路
至於A33X, 有兩浸時段人多, 普遍8點至11半, 9:25之前係有落過20加到15
而短棍係點運作, 要問問人,
暫睇落星期一至五未必需要, 不過一到星期六同紅日, 呢類短棍對乘客就好重要
係咪諗下要將未出牌嘅九巴新車加行李架轉比龍運用住先？而家咁搞法龍運根本唔夠車用，仲有之後幾條A線重組…
WR309 發表於 2023-2-27 12:27
A36聞說係元朗警署頂閘, 而且已經係30分加到20分都唔多掂, 最少呢三個星期六日情況都係咁,SoS 30分一班出 ...
A33X/A36借機用左好多降級車來行正班，每班載多幾個，但質素下降，都有點無奈。
以早上十時前為例，我自己觀察到：
往機場：
A36平日，紅橋半頂閘(企十幾個應未夠二十)。
A36假日，元朗廣場有機會上都上唔到。
A33X平日，屯赤前都叫上到車。
晚上回程，約八點幾九點既時段：
A33X平日有時企滿，但也試過留後(開30分)，20分應勉強夠載，明顯30分就搞唔掂。
A33X假日爆滿，港珠澳真係好多人，機場過到黎都有時半滿 ($15應吸到以前E33機場客轉投)；
(如上到15分應該會較好，未知短棍如何運作，自己未見到)
A36平日勉強上得曬，屯赤站落車轉乘既不多。
A36假日見去到屯門有人企，不知屯赤前情況如何。
arfung 發表於 2023-2-27 12:37
A33X/A36借機用左好多降級車來行正班，每班載多幾個，但質素下降，都有點無奈。
以早上十時前為例，我自 ...
A33X D降級一降就降到快餐椅 :lol
GD1570 發表於 2023-2-27 11:55
下繁入機場60分鐘一班嘅日子終於過去了。
中午1個鐘插個20分鐘班次，搭開果班就變咗一係早10分鐘，一係遲10分鐘，有好有唔好啦！
工廠區打工仔就未必夾到食完飯搭A31落龍德街
LD9156 發表於 2023-2-27 12:37
係咪諗下要將未出牌嘅九巴新車加行李架轉比龍運用住先？而家咁搞法龍運根本唔夠車用，仲有之後幾條A線重組 ...
之前係有出新車，只係出牌幾日就臨收工就響東涌撞爆咗大銀幕等整:L
反而架紅P借將要儘快還原龍運色去幫手先真……
EvilKo 發表於 2023-2-27 12:58
A33X D降級一降就降到快餐椅
係，最慘係呢樣。
側側搏連帶d正規班次都<降級>，到時被問就話可以多載幾個…唉。
最近見越來越多呢d<降級車>在A33X/A36出現，數過A33X用車咁少都可以一程車見到3部。
橙巴新車座椅(叫快餐椅)非常差和不舒適，個人覺得張椅又薄又不太多承托力，leg-room又短(頂腳)。
短途穿梭線還可，長途過橋/隧道線就可免則免。
WR309 發表於 2023-2-27 09:07
上星期五機場同人工島客量整體繼續有上升走勢, 當中星期五整體客量超過11萬,
相信同台灣開關多咗人外遊有關 ...
只知琴晚A21同A29機場出市區加密至12分鐘一班，唔知係咪城巴最好客兼最賺$既A線，反而龍運4條港珠澳A線就keep住20分鐘一班，個站排隊人龍非常之長，因此每班龍運都頂閘從人工島離開，而且仲有部UV6X係港珠澳上客區出A33X牌候命
HE7921 發表於 2023-2-27 21:46
只知琴晚A21同A29機場出市區加密至12分鐘一班，唔知係咪城巴最好客兼最賺$既A線，反而龍運4條港珠澳A線就 ...
我之前幾次晚上經過港珠澳，幾次平日一次假日，城巴都比龍運做得好。
起碼見到市區A車離站大多數唔使企人，睇番原來大線約12至15分鐘就有一班車。
龍運果邊就應該20或30分鐘才有一班，基本上每班車頂閘離開，部分路線等車人客排長龍兼留後，肯企都未必可以即班登車，期間聽到不少乘客都有怨言。
可能我不好彩，基本上未見過龍運在港珠澳有開加班車，但機場開過來的正班就已經自動直接用左降級車。