EX-TL 發表於 2023-8-7 10:39
行過蓮塘口岸兩次, 感覺最大問題係深方連接關卡與商業城之間的天橋路窄(例如往深方去到柱位都唔識相應圍 ...
澄清下先，蓮塘香園圍口岸係疫情前設計嘅。一開波就爆，主因係無預計到沙頭角口岸現時關閉，同埋去香園圍同羅湖嘅車資差距拉大左。
深方對外聯絡，唔計跨境巴平臺，除左使用往商場嘅天橋之外，都可以由旅檢大樓直接搭扶梯或lift落深方公交總站（經延芳路出）。果度仲有私家車停車場同的士站。
深方公交綫路符唔符合旅客需要我不作討論。但係至少我前排在深圳交通局嘅社交媒體見到，延芳路嘅路口會調整劃綫同燈位配時。佢地確實預計會有更多車由口岸出來，係有做緊野。
基於延芳路有機會有更多道路容量比口岸出來嘅車，我會同想用蓮塘香園圍口岸嘅人講，如果深方旅檢大樓地底個公交總站嘅綫路符合你需要，就希望你去搭啦。果度都有的士咖。始終可以避到天橋個樽頸。
EX-TL 發表於 2023-8-7 10:39
行過蓮塘口岸兩次, 感覺最大問題係深方連接關卡與商業城之間的天橋路窄(例如往深方去到柱位都唔識相應圍 ...
溫馨提示，其實蓮塘有三個出口，
第三個出口係直落停車場同巴士站。
只要你識係停車場出口過馬路，
就會入得返口岸城扶手電梯，上一層就係地面。
再唔係咪直接係樓下搭巴士出返羅湖又得。
雖然可能會塞車。
dennis28a 發表於 2023-8-7 14:38
溫馨提示，其實蓮塘有三個出口，
第三個出口係直落停車場同巴士站。
由公交總站行出去嘅階梯，係以“逃生通道”設計，出到馬路之後又欠缺斑馬綫，我唔會鼓勵太多人咁行囖。只可以當係應對天橋擠塞嘅逃生門。
dennis28a 發表於 2023-8-7 14:38
溫馨提示，其實蓮塘有三個出口，
第三個出口係直落停車場同巴士站。
我諗 知唔知 同 用唔用 係兩回事, 而且在場人士都係叫你上一層行天橋, 行左一次覺得OK, 以後都係咁行, 要改變就要由根本做起.
人人一心過關後搭地鐵, 已經冇人會理有冇公交車搭, 知道有公交總站亦唔會去諗D車去唔去到目的地.
除非係深圳灣口岸咁, 除左公交車就得番的士或call車, 人們就會睇下公交車去咩地方.
只要有地鐵站, 不論蓮塘 福田 羅湖, 最終會搭公交車嘅真係寥寥可數, 因為地鐵安全快捷, 指示亦非常清晰, 即使多人時做安檢的確麻煩.
sunhoo 發表於 2023-8-7 14:15
澄清下先，蓮塘香園圍口岸係疫情前設計嘅。一開波就爆，主因係無預計到沙頭角口岸現時關閉，同埋去香園圍 ...
入境處現存公開的每日各口岸出入境數字只保留至2020年1月最後一星期.
如根據當時數字, 以羅湖與沙頭角出入境人次計算, 大約每100人有96人次選用羅湖口岸, 只有4人次會選用沙頭角口岸.
若果此數字能夠完全套用到2023年8月5日, 而沙頭角口岸仍能通關, 得出約4,394人會選用沙頭角口岸, 佔當日香園圍口岸出入境數字的大約16%.
不過, 蓮塘/香園圍口岸亦確實通了關, 實際上一定會搶走部份本身用開沙頭角口岸的市民改用香園圍口岸, 接駁深圳地鐵往返鹽田區.
估計, 對於非以沙頭角為最終目的地的過境人士, 經香園圍口岸在車費和方便程度的優勢都比利用沙頭角口岸為高, 人們自然會棄沙投香.
唯願沙頭角口岸客運通關能夠盡快重新投入服務, 叫做分擔一下啦, 不過沙頭角口岸冇旅遊冇商業, 亦都冇地鐵站, 對港人北上玩樂未有太大吸引力.
EX-TL 發表於 2023-8-7 16:22
入境處現存公開的每日各口岸出入境數字只保留至2020年1月最後一星期.
如根據當時數字, 以羅湖與沙頭角出 ...
認同，假如重開沙頭角，沙頭角口岸每日使用量會係三千幾至四千幾，對分流香園圍有一定但唔算大嘅幫助。現時香園圍通關人數多過預計嘅其餘部分，我會解讀為同羅湖相比交通費用差距拉開左。最初預測果時，應該計左不同口岸交通費用嘅差別會影響旅客選擇，但一定估唔到兩蚊計劃令呢個差距大左咁多。
本帖最後由 hihiman 於 2023-8-7 18:20 編輯
GM 發表於 2023-8-7 12:47
B7 B8知名度未夠
客量仲會再上升
仲有紅隧線可以cut 車
紅隧果邊都cut 到10-15 部車俾B7, B8
GM 發表於 2023-8-7 12:47
B7 B8知名度未夠
客量仲會再上升
聞說運輸署受多位地區人士點名後，
再同黃巴施壓 B8 真係要做野，再比人落面會搞唔掂。
只要黃巴拎到出黎，任何方案都有得傾。
不過黃巴連 B7 都搞唔掂係事實。
dennis28a 發表於 2023-8-7 18:20
聞說運輸署受多位地區人士點名後，
再同黃巴施壓 B8 真係要做野，再比人落面會搞唔掂。
只要黃巴拎到出黎 ...
俾狗巴做B7 B8狂收北區大埔車咪搞得掂
真係好彩狗巴投唔中
hihiman 發表於 2023-8-7 18:10
仲有紅隧線可以cut 車
紅隧果邊都cut 到10-15 部車俾B7, B8
收車系一回事，但是夠唔夠司機做就另外一回事
即使夠司機去做，路線訓練什麼也系需要時間的，有幾多揸開港島同過海噶司機識揸B3X/B7/B8？