本帖最後由 mak5052 於 2023-10-5 21:10 編輯
aaron 發表於 2023-10-5 00:00
我再貼多次 #17 提過嘅內容
按 FAM 的規矩的話，將來北環線車費咪貴得恐怖？（按 FAM 規則，往來新界東西不能因應里程縮短而大幅減價，正如鑽石山至紅磡、尖沙咀在屯馬線通車時冇得減）
本帖最後由 Toz 於 2023-10-6 00:43 編輯
aaron 發表於 2023-10-5 00:00
我再貼多次 #17 提過嘅內容
你講呢D無用。假如落馬洲同羅湖兩站收入因競爭而大幅下跌，鐵路營運長期赤字，你覺得本地車費可唔可以唔加?
你理解中既兩站減價其他站就要加價，其實係兩站收入下降其他站收入就要升返補數。
咁政府有無義務去保證邊境兩站收入，強行保鐵?
本帖最後由 aaron 於 2023-10-6 01:46 編輯
Toz 發表於 2023-10-6 00:41
你講呢D無用。假如落馬洲同羅湖兩站收入因競爭而大幅下跌，鐵路營運長期赤字，你覺得本地車費可唔可以唔加 ...
我都係建議版友了解一下整個「票價調整機制」運作，再睇下自己講咗咩。
再Recap多次於兩鐵合併後，無咗票價自主權而誕生嘅「票價調整機制」(Fare Adjustment Mechanism) 重點：
1. 每年票價調整幅度取決於「綜合消費物價指數」及「運輸業名義工資指數」（而非票務收入）按年變動，再扣減以「香港物業發展利潤」計算嘅「生產力因素」。如此計算方式，只會得出車費易加難減嘅結論。
2. 每年加價都係以「所有受管制票價」（包括羅湖站及落馬洲站票價）「加權平均值」（以過去一年各車程組合出入站人次）去計算。個別車程組合車費可以偏離運算幅度最多8% （運算幅度 +/- 8%），但最終整體車費（受管制票價加權平均值）嘅調整幅度需要跟從當年運算幅度去調整。3. 單純用數學角度考慮「加權平均」呢件事，只要其中一堆數嘅調整幅度係0或者係負數，其他數嘅調整幅度自然會比「加權平均值」為高。所以羅湖/落馬洲凍結票價或者減價，其他車站票價就只會比運算幅度加得更多。
但如果版友都係覺得上面講呢堆嘢全部都係廢話，咁我都係留返啖氣暖肚算。
Toz 發表於 2023-10-6 00:41
你講呢D無用。假如落馬洲同羅湖兩站收入因競爭而大幅下跌，鐵路營運長期赤字，你覺得本地車費可唔可以唔加 ...
龜鐵主要賺錢業務係賣樓同商場
做鐵路不嬲喺佢盤數入面係無肉食嘅🤭，只係運人會對受益班人有額外嘅經濟效益
0066都根本係地產股多過公用股
mak5052 發表於 2023-10-5 21:09
按 FAM 的規矩的話，將來北環線車費咪貴得恐怖？（按 FAM 規則，往來新界東西不能因應里程縮短而大幅減價 ...
定古洞車費嗰陣來往大西北特別平就差唔多
羅湖落馬洲咪繼續現時收費，最多加少1-2%
mak5052 發表於 2023-10-5 21:09
按 FAM 的規矩的話，將來北環線車費咪貴得恐怖？（按 FAM 規則，往來新界東西不能因應里程縮短而大幅減價 ...
前環境運輸及工務局於2006年10月31日向立法會《兩鐵合併條例草案》委員會提交「政府當局就票價調整機制及減價建議提供的資料文件」（檔案編號：CB(1)195/06–07(01)），附件A所列出「綜合的 《 營運協議 》 擬稿有關票價規管的主要條文的摘要」第七點提到：
釐定合併後的公司的專營權及服務經營權協議所涵蓋的新鐵路線段以及現有線段的支線的票價時：
(a) 若新線段的票價與合併後的公司當時的車費表一致，合併後的公司須在落實新線段的票價前的一段合理時間內向交諮會及立法會交通事務委員會作出匯報；
(b) 若新線段的票價與合併後的公司當時的車費表並不一致，合併後的公司須在落實新線段的票價前的一段合理時間內就有關票價諮詢交諮會及立法會交通事務委員會 。所以就要睇港鐵如何定義北環線主線車費表，是否與屆時整體車費一致。
本帖最後由 Toz 於 2023-10-7 09:16 編輯
aaron 發表於 2023-10-6 01:43
我都係建議版友了解一下整個「票價調整機制」運作，再睇下自己講咗咩。
再Recap多次於兩鐵合併後，無咗票 ...
根據FAM，如果涉及落馬洲同羅湖站既客量跌一半，會點？用各種優惠減價三成同維持票價客量跌一半，邊個會對其他站既車費影響大？
總體票務收入當然唔會影響總體加幅，但係，如果只係落馬洲羅湖兩站因為競爭收入大幅下跌呢？你敢講港鐵完全無自由去減價維持競爭力？之前果D落馬洲七折優惠唔通係假既？
其實你有無認真睇人地個post？或者，有否係常識層面去理解成件事？
Ricky403 發表於 2023-10-6 10:39
龜鐵主要賺錢業務係賣樓同商場
做鐵路不嬲喺佢盤數入面係無肉食嘅🤭，只係運人會對受益班人有額外嘅經濟 ...
咁一開始話過境鐵路補貼本地鐵路就係笑話了
本帖最後由 Toz 於 2023-10-7 09:23 編輯
如果你地仲係死抱FAM既，不妨諗下，B線以現時價位大開特開，開到市區，FAM可唔可以踩過界管埋巴士公司？
再長遠少少，北都發展後，甚至都唔只係B線，而係大量普通路線都好似79K咁一路開到關口。到時港鐵係咪可以闊佬懶理？
至於話要求巴士公司加價，講出黎果D人自己唔覺得好笑既咩？
Toz 發表於 2023-10-7 09:20
如果你地仲係死抱FAM既，不妨諗下，B線以現時價位大開特開，開到市區，FAM可唔可以踩過界管埋巴士公司？
...
隔離B2都講咗好耐B線好多限制，唔係你一廂情願想拉出市區就拉到