kay 發表於 2024-3-31 10:07
分到10年前都分左
分唔到又唔重提咩都唔駛講
所以我一直都唔驚乜嘢6C很想要吧，因為6F都唔會拎上去講
一切RPP一鎚定音，仲需要喺呢度討論？
本帖最後由 S3BL100 於 2024-3-31 23:02 編輯
1181174166 發表於 2024-3-30 22:51
45減，何文田受
46減，與人無尤
根本何荔分家有需要
咁你打算點樣同一班本來有 30 分一班直車，畀你搞到要 20 甚至 30 分一班轉 30 分一班既乘客交代？有無考慮過佢地受影響既程度？已經唔同你講荔景山實際有無可能開 30 分一班
分家講就講得好聽，但又係咪合乎現實同效益？有需要分家又點？就代表可以分家？
唔好忘記，45 一條做晒荔景山，開 20 分一班，需要用既車數，係唔夠你拆開兩條 30 分一班。厹點解要聽你支笛，用多左車又收少左錢？佢地有咩理由要咁做？
如果而家可以將一切推倒重來，都幾肯定 45 呢類將兩個唔太關事地區串埋一齊既路線，係無乜可能出現。但你估而家玩緊 SimCity 咩？無得推倒重來，起點同前設已經好大分別
道理就好似條 296C，間唔中就見到有將軍澳人嫌條線畀填海區綁死左。但實情係填海區養起半條線，尚德應該要多謝佢地先係。如果夾硬分家，先唔計用多幾多車，兩條線都會係 25-30 級數，你估仲好似今日做到基本廿分班？
本帖最後由 1181174166 於 2024-4-1 00:35 編輯
S3BL100 發表於 2024-3-31 22:52
咁你打算點樣同一班本來有 30 分一班直車，畀你搞到要 20 甚至 30 分一班轉 30 分一班既乘客交代？有無考 ...
直車?46掟落填海區做緊架，同時45係拉直去加士居道
又或者荔景山有幾大需要上何文田?你又點解將佐敦得兩味?油麻地無車?
紅土唔係直車?又要畀你縮上何文田?
現實同效益？ 唔郁囉，何文田無嘢輸
荔景山兩條線重疊咪死守聯合15分鐘一班落山，一條「無可能30分鐘一班」嘅線，11300唔夠載?
2架車做到點解要3架車?
用嘅車少?45定46少啲?
老九又要聽你?谷45又真係地區唔反你價錢?
縮45，何文田落下路又無端端食241X?
下下何紅土食你啲好橋，劑劑你都must施於人
唔可以推到?固有思維老牌流水，越做越縮囉
有幾多老牌仲係1A之流?
荔景山養起45，真係多謝哂
1181174166 發表於 2024-4-1 00:26
直車?46掟落填海區做緊架，同時45係拉直去加士居道
又或者荔景山有幾大需要上何文田?你又點解將佐敦得兩味 ...
(搭訕)
我一直覺得當年九巴係咪唔想同6C走線重疊
先至將45改行何文田往返土瓜灣...
1181174166 發表於 2024-4-1 00:26
直車?46掟落填海區做緊架，同時45係拉直去加士居道
又或者荔景山有幾大需要上何文田?你又點解將佐敦得兩味 ...
又翻 loop 你個將 46 掟落填海區變怪獸線、硬塞荔景山食垃圾方案？你到底想荔景山同何文田分家定唔分家？
我唔想再浪費時間重複呢個方案到底有咩原則同道義問題，同埋點解會連 RPP 都上唔到。亦唔同你計到底本版有幾多版友反對你呢個方案。但如果何文田深長荔線去荔景山係一個問題既話，你客觀效果只係將問題轉移，將何文田往來西九龍站、大角咀、深水埗填海區同荔景山捆綁，然後你想藉呢招郁 2E 6F 18 又會有人彈出來問點解何文田落九龍站同大角咀要畀貴一級甚至畀新界價，之後仲會因為新 46 變左做填海區往來瑪嘉烈醫院巴士線，呢枚免死金牌，而永世無得再郁
我想講既係，你呢個重組出現機會，比起直接乾淨利落，翻炒十年前縮 45 再加 46 班既機會更低；但直接咁樣分家，就算唔加 46 班都好，因為比起何文田一條 45 廿分班做晒要用更多車又收少左錢，出現機會都係低過直接 45 做晒，或者乜都唔郁。只係因為直接縮 45 無違反基本重組指引，先至仲有少少機會可以擺上去
同埋除左你之外，真係完全無人嘈過 45 價錢，地區嘈既係 45 班次。如果你搵到 source 有地區人士要求 45 縮短減價，請擺上來分享。搵唔到就唔該唔好再執著呢點
你話 46 用車比 45 少，咁你因為殺 45 而要補返條何文田深長荔線又唔使計？以偏概全？當然，用得最少係直接只留 46，45 殺線唔補償，但大家都知無可能
講左咁耐，你對於咩野係道理上講唔通，咩野違反基本重組指引，或者咩野合乎基本重組指引但厹無誘因做，好似完全無概念
咩「RPP 一鎚定音」，咁當然 RPP 上面大部分野都係之前無出現過，但有咩共通點你又唔去嘗試了解下學習下，反而就講到好似因為 RPP 會出現之前無見過既項目，所以 RPP 都可以出現之前未出現過既重組模式。咁樣偷換概念，將「模式」同「項目」混為一談，我真係唔知畀咩反應好
你呢種必勝論調，夠可以話一樣可以將十幾條唔同區唔關事路線一次過炒埋一碟重組啦。但現實世界有無出現過呢種情況？你知唔知道你到底有幾脫離現實？
S3BL100 發表於 2024-4-1 02:09
又翻 loop 你個將 46 掟落填海區變怪獸線、硬塞荔景山食垃圾方案？你到底想荔景山同何文田分家定唔分家？
...
有名你叫概念股就唔係你咁諗
不過傾左幾十版
應該發現概念股本質上欠缺左d咩
運吉做重組都要先講背景才去重組
概念股個種見條線廢就想改好佢
出發點錯之後討論都會奶野
本帖最後由 1181174166 於 2024-4-1 11:23 編輯
S3BL100 發表於 2024-4-1 02:09
又翻 loop 你個將 46 掟落填海區變怪獸線、硬塞荔景山食垃圾方案？你到底想荔景山同何文田分家定唔分家？
...
你話翻loop 46問我想唔想分家?不如又問下你拎住45縮線加班方案問我無直車問題?一樣啫
好簡單一個問題
班次
有邊個地區唔係講班次?巴士公司變唔變到人出嚟揸?係咪可以寫明班次間隔不得多於20分鐘?
我目的係要解決45又疏又貴問題，班次就一直畀厹睇住嚟食，如果唔係改241X當刻就加咗，TD亦唔會陪佢一齊拎45剩餘運力嚟擋
究竟殺45要補償而殺46可以唔補償?
跟足RPP使鬼去諗，每年坐低等特工/TD公佈咪算
講埋新界價，先唔講分段係咪唔落得
46收幾多?高一格都係講緊不多於一蚊
45拍埋6C都講緊$1.2，所以點解掟46都唔掟45
你殺46，45唔使落返分段?當然我相信九龍呢邊係夠膽死坐喺度白食返$7.6同無咗下路，之後拉banner
你話要「水」荔景山，有車落大角咀返工行街，落西九龍避咗市區塞車都得架
但係個重點係荔景山有直車嘅地方基本上唔會少
回到分家問題，分到當然最好，不過版友kay指出咗要分十年前就分咗(當然當年個方案對九龍城區嚟講係垃圾)
就住荔景山直車問題先諗咗呢個方案出嚟，唔係嘅話一條線直隊旺角返調頭，其餘一律轉車乾手淨腳
由荔景山落嚟，一係夾現時長沙灣道，一係夾填海區
就算何文田要食新界價，要條葵涌道線都好過要荔景山
kay 發表於 2024-4-1 09:28
有名你叫概念股就唔係你咁諗
不過傾左幾十版
應該發現概念股本質上欠缺左d咩
市區線重組
佢講唔用46都可以重組
啱嘅，填海區係畫唔到一條由南昌去佐敦道嘅線
18兜QE係咪唔好呢?
從服務範圍係ok，只不過對比6F，填海區一出北河街要屈返入大角咀道，無咁開胃
但係推哂落45係咪出路，就覆蓋範圍都有阻力
4變3好彩就20分鐘一架，實際班次少咗，靠當區把關
而且46可以換啲乜，根本無答案
kmb71k 發表於 2024-4-1 01:40
(搭訕)
我一直覺得當年九巴係咪唔想同6C走線重疊
先至將45改行何文田往返土瓜灣...
今時今日有得upgrade......嘿
1181174166 發表於 2024-4-1 09:53
你話翻loop 46問我想唔想分家?不如又問下你拎住45縮線加班方案問我無直車問題?一樣啫
咁你到底想定唔想分家先？口口聲聲話想分家，到頭來原來將問題轉移去第二度，解決左咩問題？又製造左咩問題？不如乜都唔好改
講到好似荔景山好想要一條去填海區既線，佢地幾時有咁樣要求過？佢地會願意為左有條線去填海區而搞到深長荔旺角得返半粒鐘一班？道理就正如你地何文田都唔想為左條青衣特快而搞到去深長荔得返半粒鐘一班啦。你再點美化都好，都改變唔到你夾硬塞人食垃圾呢個事實。改人地條線原來係為左借人過橋為自己，佢地點解要就範？
講左好多次，45 一條做晒，佢地唔係無野換返來，至低限度穩定廿分班深長荔旺角 + 兩繁佐敦九龍東特快係有用既野，從來就唔係無左直車就一定過唔到，你連地區想要D咩都唔知，講到好聽只要有直車就得
咁一條做晒荔景山，何文田紅土同油麻地佐敦一定二揀一。油麻地佐敦仲有成堆密車線可以轉，何文田轉咩車？轉半粒鐘一班車係咪合格同合理補償？
至低限度，RPP 無左直車既方案大把，換言之無左直車唔一定上唔到 RPP，過唔過到係另一個問題；但我個方案甜頭已經比起好多削減服務方案鬆手好多。調返轉唔合乎基本重組指引，好似你咁架床疊屋，成堆線炒埋一碟重組，就算補足晒所有位都好，都因為規模太大、架床疊屋而唔會上到 RPP，佢地寧願有位留白補轉乘都唔會同你咁玩
你就連基本玩法都唔識，仲堅持自己果套，為左直車而搞咁大攤野根本就係本末倒置
唔係話咩「跟足 RPP 使鬼去諗」，而家只係叫你諗返有咩野係擺得上去、咩野擺唔上去，跟個框架去諗啊，唔好非黑即白好嗎？根本唔郁同搞一場大龍鳳之間，仲有好多可能性，而家就係叫你唔好搞咩大龍鳳
又講返你個方案，起碼一次過至少搞晒 45 46 6F 先做齊咁多野，上唔到 RPP 已經係問題不在話下。但你口口聲聲講話「巴士公司變唔變到人出來揸」，你自己照下鏡望下你個方案減唔減到車
45 46 名義上 6+6 實際就 7+5，你望下你條新 46，5 部車夠唔夠跑 30 分一班？要幾多部車先夠？就算我當你條畫左去加士居道既新 45 可以減半部車同 46 跳飛機，12 部車夠做兩條要齊齊塞死亡交叉既線？咪玩啦
再 Google Maps 同我畫一次你條兜落填海區再經佐敦兜上何文田既新 46，呢個里數仲有得收 $6.4 賣大包？你堆咩 $6.4 只係比巿區短途 $5.4 貴一級已經係廢話，你無資格嘈人地咩 $7.6 比 $6.4 貴左 $1.2，反正事實係 $7.6 同 $7.5 同級，$7.5 係 $6.4 對上一級就係
再望下你條下路經何文田去美孚新 6F，繁忙時間 5 部車夠唔夠跑？你知唔知而家 45 實際派緊幾多部車幾多行車時間？
然後 45 分段問題，大家彼此彼此啦。荔景山落深長荔旺角得返條 45，弼街加返個 $6.4 分段本身就係相當合理，來回車費同而家 45+46 平均咪一樣。唔好有口話人無口話自己
再講多一次，地區根本無人嘈過 45 收費問題，係得你一個嘈。佢地要既係班次，你做緊既野係人地要蘋果你畀個橙佢。就算畀你減到價，到時佢地一樣會繼續嘈班次
咁就算簡簡單單，荔景山一條 46 做晒，下路何文田深長荔線美孚止步，兩條 30 分一班都要開 11 部車。而家就因為你開 30 分一班，用人同用車就會少得過我 20 分班一條做晒？除非你證明到你打散咁多條 30 分一班用車會少過我一條廿分班做晒，否則你批評我個方案無咁多人同車去開本身就係自相矛盾