FBI2 發表於 2025-1-12 20:25
而家應該37.6%都唔止
嗰兩成減哂去88/88x/屯馬度啦，睇呢幾年88x客量有幾進步就知，記得屯馬通車之後有一段時間89客量係同88差唔多
ccchhhuuunnn 發表於 2025-1-12 22:37
個人睇好260X/259B下繁/晚間加屯轉轉乘效應做類似走線九龍公園徑柯士甸直落公路，但如果87D都要拆類似特 ...
我的構思係將87D旺角段同尖沙咀分開做,新線由西九龍站開(前W1)開跟268B去到尖東,然後左轉漆咸道,直上公主道,停九龍塘三站,87D改由紅磡直落中郵或西九龍271的總站,跟63X去到中郵返回原線到界限街就直飛,尖沙咀就按需要20/30分鐘一班,唔夠客直情斬埋去,281A由濱景開經石門或大老山迴旋處去廣源返回原線
天空之神 發表於 2025-1-12 22:46
但至少 89P 特 40X 特行先一步錦駿直出
希望一步步先飛起富安比 89C 43X
89P時段89C都係有沙田醫院尾站，差都係差個彩虹，要平衡仲可以89C特改埋跟89P九龍段。
本帖最後由 RyanPun 於 2025-1-13 00:12 編輯
ccchhhuuunnn 發表於 2025-1-12 22:27
唔係話87C冇用而係成個提議對比最新情況已經滯後好多，你而家開得嚟都冇鬼用，走線啱都要時間啱
馬後炮講 ...
如果冇用而唔需要做，咁其實今時今日份RPP係冇作用，所有需求直接用加班減班去解決，各方人士亦都做少好多嘢。
沙田減車交數係必然前提，我亦都幾相信東九龍個quota好大機會比埋沙田，就算用任何方法減班/取消去解決所有問題，最終答案有能力留得低嘅都係全部20，甚至30一班起跳。
只不過兩者之間，其實仲有一個隱藏option，就係 走線提速慳幾部車 換 直接減班減車交數。明顯 40X特 同 87C/D 係呢一個類別，而行先一步嘅85X/85P都幾明顯係落錯賭注。試問下九巴點會唔知直接減班係最慳水慳力？我都唔差在講埋，87D絕對有能力減到最密15一班，但6點放工時間紅磡多數開緊10，只不過尖沙咀塞車問題，變哂海鮮班次，啲人就唔覺得佢開緊10一班。但九巴選擇 走線提速慳幾部車 而唔係 直接咁減班減車交數，顯然在九巴立場，未去到你認為嘅worst case、要非直接減車不可。
RyanPun 發表於 2025-1-13 00:06
如果冇用而唔需要做，咁其實今時今日份RPP係冇作用，所有需求直接用加班減班去解決，各方人士亦都做少好多 ...
85x星期日下午5點去紅磡都有四五十入隧道,唔太算失敗姐,始終目的地無乜特別吸人流的地方,藉提速去散走瘀血,萬一提速分拆後,好似68X同268X咁,開到新客源又俾多少少車做到密車,點會無著數,萬一失敗都可以直接剷走瘀血
hadboy5 發表於 2025-1-12 23:19
我的構思係將87D旺角段同尖沙咀分開做,新線由西九龍站開(前W1)開跟268B去到尖東,然後左轉漆咸道,直上公主 ...
彌敦道先係客倉，基本上一係行窩打老道，一係行280X走線。當然好想飛公主道都可以右轉加士居道，左轉衛理道入公主道，但真係唔快。
hadboy5 發表於 2025-1-13 00:22
85x星期日下午5點去紅磡都有四五十入隧道,唔太算失敗姐,始終目的地無乜特別吸人流的地方,藉提速去散走瘀 ...
其實我係針對85P，得嗰兩班車仲要行啲特別走線、連主要客源都掂唔到，都唔知佢個定位係想點？話想改善盤數大纜都扯唔埋。
本帖最後由 ccchhhuuunnn 於 2025-1-13 01:29 編輯
RyanPun 發表於 2025-1-13 00:06
如果冇用而唔需要做，咁其實今時今日份RPP係冇作用，所有需求直接用加班減班去解決，各方人士亦都做少好多 ...
四隻字，時機已過
相若行車時間情況下，你早過人哋通車就開線就話早着先機可以儲落熟客再密車有位坐留客啫
而家人哋通曬車搭慣搭熟你先慢慢整條快咗但都只係追到打和咁大把再30分鐘一班起跳，真係揾鬼搭仲點儲客，除咗錦英呢啲唔近鐵可以吸下客之外都冇乜人會賣帳。
ccchhhuuunnn 發表於 2025-1-13 01:22
四隻字，時機已過
相若行車時間情況下，你早過人哋通車就開線就話早着先機可以儲落熟客再密車有位坐留客 ...
咁你唔應該喺呢度講，而且寫信寫email去九巴/運輸處講，我反對推行87C，原因係：時機已過。嗱、原因你自己講嘅。睇下人哋show唔show你？已成定局嘅事，冇必要死雞撐飯蓋。
巴士的膠 發表於 2025-1-12 23:42
89P時段89C都係有沙田醫院尾站，差都係差個彩虹，要平衡仲可以89C特改埋跟89P九龍段。 ...
89C 沙田醫院尾站特車一樣都係唔經彩虹同啟業的
同 89P 一樣都係同一個落橋位出觀塘道
但 89C 無論特車定普通班次都好，往翠屏道方向真係應該要加返觀塘市中心呢個站