GD1570 發表於 2025-1-6 12:35
其實條線就唔一定要喺市中心設到站先叫入市中心地帶嘅...
內地唔少人會搭B8去大埔及沙田，喺資訊發達嘅 ...
真係咁嘅話就唔會9成都係2蚊客，我當另外嗰一成全部係旅客呢，咁都已經係失敗。開線係對標旅客嘅，就唔會咁劃線要人哋行或者轉，而家搞成咁唔係自食其果係乜
本帖最後由 GD1570 於 2025-1-6 22:24 編輯
Jamesho81 發表於 2025-1-6 22:16
真係咁嘅話就唔會9成都係2蚊客，我當另外嗰一成全部係旅客呢，咁都已經係失敗。開線係對標旅客嘅，就唔會 ...
乜原來B線嘅對象一定只可以係遊客，唔可以係本地市民前往內地？
咁A線嘅服務對象又係唔係只可以係遊客呢？
B9/B9A入晒市中心啦...又係咪吸到旅客呢？咪又係八至九成都係兩蚊客...
況且，落車行兩步都唔得嘅，不如搭的士算數啦:lol:lol
至於係咪9成都係兩蚊客呢...其實真係睇吓咩時段同埋咩方向啦！
GD1570 發表於 2025-1-6 22:21
乜原來B線嘅對象一定只可以係遊客，唔可以係本地市民前往內地？
咁A線嘅服務對象又係唔係只可以係遊客呢？ ...
而家嗰問題係9成兩蚊，5成本地居民同5成遊客係咪合理好多，當7成本地居民3成遊客都叫還好。9成都係本地人仲要俾2蚊，要政府貼個9成人車費，為香港帶來嘅旅客得嗰一成，即係唔符合經濟效益啦。你話條線整到旅客係要識行，唔識行就搭的士，即係證明你條線規劃唔成功，達唔到佢應有嘅功能
hokwanlam 發表於 2025-1-6 20:51
張月票只係用得係79K同B9咩，我閒日搭番工，假日上大陸玩，
閒日我唔用月票車費要千一，而家8舊搞掂，
假 ...
B1都上到深圳啦
hokwanlam 發表於 2025-1-6 21:04
勸城仔一句，慳番筆錢唔好請反駁隊維穩，諗下出優惠打張月票好過，
聲討真係笑死人，真係咁捨得洗錢搭車 ...
B線加多咗，可以減低本地線嘅加福，呢個亦都係政府鼓勵巴士公司咁做
政府檢視了相關路線的服務性質和現時的票價水平而作出適當調整，對日常通勤乘客乘搭的路線實施較低的加幅
本帖最後由 williamwwl1109 於 2025-1-7 09:01 編輯
Ricky403 發表於 2025-1-6 15:34
坦白講深圳好多商場食肆都係靠香港居民撐場先至仲可以睇落繁華
打工嗰班一早無哂生活又為咗平專嗌外賣/自 ...
尤其金光華 東門 會展中心以家隨時唔同年齡層嘅香港人仲多過深圳本地人。以家已經發展到唔少港人寧願去蓮塘再搭成個幾鐘E11/E26去大鵬半島果邊睇海都唔再去西貢 長洲。
P.S.深圳西部公汽陷據聞陷入財困出唔起糧，今個月唔少路線cut已經到60-120分鐘一班車，九城冇響夜繽紛以外嘅時段大手cut班算手下留情。
Jamesho81 發表於 2025-1-6 23:15
而家嗰問題係9成兩蚊，5成本地居民同5成遊客係咪合理好多，當7成本地居民3成遊客都叫還好。9成都係本地人 ...
補貼係另一個問題，就算遊客多都唔代表條線唔駛補貼。依家仲要一大堆遊客落到嚟都只係旺丁不旺才，
就算入到市中心都唔代表可以填到個窿，
只係令到市中心地區更加塞車及令到條線更加兜。
其次，九成兩蚊客其實又未去到咁跨張，
全日計兩蚊客同全費客(包括小童)嘅比例其實都真係只係七三比。
最後，我個人其實真心反對60-64歲人士可以兩蚊乘車，
其實依批客半價已經好足夠，65歲以上兩蚊我個人就認為絕對可以接受。
所以，要改嘅其實唔係條走線，而係資助嘅POLICY。
he_01 發表於 2025-1-7 02:37
B線加多咗，可以減低本地線嘅加福，呢個亦都係政府鼓勵巴士公司咁做
政府檢視了相關路線的服務性質和現 ...
但用2蚊政策角度就有抵觸
就算半價
政府每個客每程貼多1蚊
即日來回就加2
不過去返老問題
城巴三全部路線要加價
加埋城巴咬到7.5%加幅
點做都係醜人
ryumew 發表於 2025-1-6 12:48
咁E車停機場都會受牽連
我會覺得這是例外情況，E線由於要途經後勤區及東涌，與A線的速度相距甚遠，而龍運E線除了E32及E41因為要前往航天城而停暢達路客運大樓地面外全部在停靠暢連路(二號檢查閘)直入地面運輸中心巴總，差不多分割速度便利與價值的需求。
至於香園圍口岸，僅建議B7系列可以維持$2優惠，如果B7取消$2而九巴79K及綠小59S仍然維持$2，可以預視的情況是大量過境人士採用這兩線，因而影響綠小59S承載能力及九巴79K沿途出行所需。
GD1570 發表於 2025-1-7 09:41
補貼係另一個問題，就算遊客多都唔代表條線唔駛補貼。依家仲要一大堆遊客落到嚟都只係旺丁不旺才，
就算 ...
你試冇咗班2蚊你條B8仲係咪咁多客，有啲嘢係咪要兩樣一齊做。檢討下政策上有咩問題，同時檢視條線有咩問題。而家問題係9成兩蚊客，cut 2蚊優惠分分鐘係冇咗9成客，當好少少冇咗4-5成客你條線都經營困難。做嘢要上有政策下有對策先得㗎，一嗰煲冚一嗰煲遲早咪又係爆第二個問題