Ricky403 發表於 2025-2-18 16:01
北上方向元朗站出站3-4分鐘夠落到B1個上車位
只要九巴繼續肯擺吉車，唔認為會走幾多客
你都識講「只要九巴繼續肯擺吉車」。
我相信北環線開咗，雖然仲有兩蚊客，
但到時個勢九巴肯定唔會再擺咁多資源落去B1，
所以基本上吉車數量甚或整體用車數量都會減少。
至卡搭鐵要轉多次車依個問題，你更加唔駛點擔心。
東鐵綫未過海前，大西北過海一樣要轉兩三次車，
一樣有一批客肯咁樣做。
雖然佢哋原因可能只係因為唔想塞車，
但帶出背後嘅因素就係只要車程穩定的話，
轉多次車其實問題真係不大。
尤其係南行，型點落車行去元朗站其實唔近㗎，
變相鐵係有優勢的。
當然，都要睇埋個價錢啦，相差太遠巴士唔係無優勢的，
不過總有一班唔想諗嘅人士係繼續保鐵的。
B1 5分鐘2班，我在形點I通常仍要第三班先上到車。
duncan827 發表於 2025-2-18 15:12
你淨係計行車時間當然冇問題啦 但實際操作根本冇可能淨係落馬洲兩架車一齊等客都等成7，8分鐘 加上博愛過 ...
東鐵都辛苦, 而家福田過關返黎真係點都唔會慳的士錢
要慳錢就真係學你話齋, 走其他口岸坐直通巴好過
GD1570 發表於 2025-2-18 14:41
我相信最起碼屯門人未必會再轉B1，而係揀直接鐵路過去落馬洲站。
元朗站由頂樓落返地面仲要等埋車其實應 ...
新皇崗有巴士好似B3系咁深入屯門的話
應該直接去咗新皇崗
更加唔會等你北環去福田
要轉兩三次車仲要唔密車
本帖最後由 hadboy5 於 2025-2-18 18:29 編輯
GD1570 發表於 2025-2-18 16:22
你都識講「只要九巴繼續肯擺吉車」。
我相信北環線開咗，雖然仲有兩蚊客，
但到時個勢九巴肯定唔會再擺咁 ...
師兄，你計漏一樣野，就係北環通車後，會不會仲有B1，同埋北環線好似話會加多個站去皇崗，始終覺得兩程收一程錢，仲揾笨過直接做駁腳，因為多用資源去同一批客，除非第二程收返一半，先有機會圍到數，搶到市佔率，但會因為用太多資源而倒蝕
Ricky403 發表於 2025-2-18 16:01
北上方向元朗站出站3-4分鐘夠落到B1個上車位
只要九巴繼續肯擺吉車，唔認為會走幾多客
深圳灣本身仲要有唔少長途客用黎去東莞、廣州、粵西，相比福田，人哋一出已經係S3沿江高速，北上廣、寶安機場、粵西比福田方便好多，B1會少咗客都正常。
hadboy5 發表於 2025-2-17 22:26
唔怪之得尋日68A係夜晚終於有返15分鐘一班車,用家來計,深圳灣行得最少,福田兩條扶手出完關後仲要兜圈子過海 ...
如果以深圳地鐵轉港鐵/香港巴士計
我覺得羅湖先係行得最少
本帖最後由 Toz 於 2025-2-18 21:13 編輯
dennis28a 發表於 2025-2-18 01:15
如果「過境額外費」減價，東鐵同馬鐵本地服務會加價。
更何況，蓮塘開左，東鐵江湖地位係咪動搖到減價先 ...
深圳居民黎得幾次就會識搭巴士
又貴又慢你覺得有無足夠誘因轉會？
亦唔可以用蓮塘去比，蓮塘交通時間本來就輸蝕，過關都唔快，咁都做起一班客已經係警號黎
你可以咁諗，深圳灣開左後，你覺得屯天元去上水轉鐵北上既客唔見左幾多?
新皇崗係有咁既效果，但今次不限於大西北
東鐵本身果程已經唔快得去邊，羅湖落馬洲過關耐新皇崗起碼十幾二十分鐘，東鐵可以點爭? 拆左宜家個關篤入去深圳？
新皇崗一開深圳果邊就有7號線，起緊穗深延長線，plan緊20號線延長，吹緊中軸城際
唔計後面唔知幾時起好果兩條線，等於一條地鐵一條城際，過關仲要勁方便
港鐵係咁二篤條北環線支線入去，仲要2047年都唔知起好未，高層諗緊乜? 唔會諗住D客仔會係落馬洲過關搭兩個站地鐵4號線轉7號線去新皇崗再轉城際掛?
比B1 開條分支落錦上路為名，實質係大欖八鄉路
ccchhhuuunnn 發表於 2025-2-18 01:19
跑狗限時限刻限站
大區大站搭跑狗自然爽，但唔係度度都係
而且唔知新皇崗會唔會將跑狗重新洗牌 ...
怕就怕到時本來應該鐵路去做既客，因為港鐵自己嘆慢板，比跑狗搶左，然後搞到各區都亂晒大籠
我都想知政府諗住點樣處理新皇崗，早五六年已經好清楚新皇崗將會係過關時間最快，流量最高，深圳果邊交通最方便既口岸，香港呢邊完全係零配套，究竟發生緊乜野事