本帖最後由 1181174166 於 2026-1-19 11:32 編輯
S3BL100 發表於 2026-1-19 01:31
但唔係用拖慢 1 仔全車竹園客往來九龍城同油尖旺車程做代價
而家你講到好似為左想做密竹園樂富食條 7M...
1區要咁多區先做得住，竹園只不過係其中一個客源而已，相比其餘「七成」，竹園咪少數
何況竹園搭1本身車程唔快，要搭鐵一早搭咗
有段時間夜晚搭1由竹園出旺角大概要半個鐘多啲，唔會係7直出嗰種可以同地鐵匹敵
以樂富換廣播道小巴客量，咪玩啦，南北更唔平均，南行仲要少咗架車，仲衰過唔合併
十幾年前同樣建議出過嚟，一樣係趕樂富客收場，最多係當年大家都無咁疏
要改善收支，208拉上翠竹正路好多，反正南段北行都係等7
1181174166 發表於 2026-1-19 07:42
1區要咁多區先做得住，竹園只不過係其中一個客源而已，相比其餘「七成」，竹園咪少數
何況竹園搭1本身車程 ...
你簡直打橫來講
少數唔代表絕對數目少，7 仔樂富佔客量比例的確可能仲多過 1 仔竹園佔客量比例，但計人頭 1 仔竹園客起碼係 7 仔樂富客幾倍，換言之受影響人數都會係 7 仔兜廣播道影響人數幾倍，你搞佢地本身已經唔合理。況且少數亦唔代表坐唔滿，所謂少數只係因為 1 仔沿途仲有大量上落
咁樣唔夠一半就可以唔要，你試下 1 仔倒走晒竹園客，條線應該即刻嚴重虧蝕，10-12 分班次無可能保得住
1 仔慢得來竹園仲有大把客無非因為就腳兼班次仲可以，計埋行落地鐵站時間依然有一定吸引力。你要人夾硬兜多五分鐘仲要原路出入咁核突，已經足以將個天秤 sway 去另一邊
套用你個「少數」邏輯，1A 秀茂坪夠係少數，又有替代品，可以成條縮落觀塘；然後旺角至尖咀一段彌敦道又係少數，又可以縮短，變成只來往觀塘裕民坊同旺角了。你估厹會唔會咁做？Good luck with that.
本帖最後由 1181174166 於 2026-1-19 22:21 編輯
S3BL100 發表於 2026-1-19 11:37
你簡直打橫來講
少數唔代表絕對數目少，7 仔樂富佔客量比例的確可能仲多過 1 仔竹園佔客量比例，但計人 ...
兜完樂富之後維持現有班次都係咁就腳，車程25變30點睇都好過車程20變25，又未計樂富3C轉投1嗰批
1A個比喻明顯係謬誤，明明係要代替其他線而加經你就講成縮短，根本南轅北轍，貫徹方面你屈人精神我甘拜下風啦
1兜樂富下策，但絕對比208變成203C翻版好
反而拉上去翠竹仲有得益，呢度咁多個方案入面7 208合併絕對係不作考慮
1181174166 發表於 2026-1-19 12:11
兜完樂富之後維持現有班次都係咁就腳，車程25變30點睇都好過車程20變25，又未計樂富3C轉投1嗰批
1A個比喻 ...
個比喻無謬誤，因為你做緊既野都係倒走 1 竹園客，但你而家依然唔肯面對同承認呢個事實，仲諸多藉口
就腳就唔代表兜多五分鐘都唔會倒客，因為行落去搭鐵本身都唔遠。係你非黑即白，覺得只能夠係因為就腳所以有絕對優勢，又或者只能夠因為離鐵唔遠所以搭親都唔係貪快。實情優勢與否、吸引力有幾大都係相對，竹園無論搭 1 或者搭鐵都無絕對優勢，1 仔兜多五分鐘仲要原路出入咁核突係一定影響吸引力，講到好似唔會倒客根本笑死人
仲幻想緊 3C 轉投 1 果批，唔知人數有無竹園 1 仔客四分之一？
調返轉 7 咁既班次，加埋鐵又就腳，樂富本身對比鐵都已經無優勢，7 仔點都已經輸，再兜多五分鐘都唔會令兩者吸引力差距分別明顯增加。況且人數本身就遠少過竹園，因此影響都少好多
再講一次：3C 7 點重組都好，任何情況都一定唔會扯埋條本身有客又有少少錢賺既 1 仔落水，徒添受影響人數。你夾硬咁做都只係貫徹你一貫多數人遷就少數、為左個人喜好而不斷擴大重組規模、大幅增加受影響人數思維，講得直接少少就係霸道，同本版出晒名既坑帝無分別
仲好意思話車程 25 變 30 好過 20 變 25，而家 1 仔竹園落九龍城都係兩個幾字，落到九龍城已經大把上落，呢班客係咪車程 12 變 17？
又再講一次：如果 1 仔全車竹園客可以陪兜五分鐘都無所謂，7 仔班人數唔到 1 仔竹園客三分之一既樂富客都可以陪兜廣播道。其他人有資格批評 7 食 208 兜廣播道，但你無資格
講到尾你咁大反應無非都係因為搞到你樓下去樂富廣場要兜多五分鐘，但你樓下仲有 7B 103 都可以去到樂富，時間都同 7 仔差唔多。你以為我唔知你咩，你都係收手啦
本帖最後由 1181174166 於 2026-1-20 12:34 編輯
S3BL100 發表於 2026-1-19 23:20
個比喻無謬誤，因為你做緊既野都係倒走 1 竹園客，但你而家依然唔肯面對同承認呢個事實，仲諸多藉口
就 ...
1A同1嗰度你強詞奪理，照你意思1應該縮落黃大仙先啱，胡亂比喻自圓其說，你貫徹你屈人精神真係噁心
兜樂富大大聲嫌核突，廣播道繞場一周就無事，你己所不欲must拖於人，今日將你口頭禪還返畀你
你想反咬之前，7無班次，但係1有，又，下游夠唔受影響啦
九龍城嫌慢你仲有條11K，一定要1咩？再者落九龍城搭鐵都無優勢
竹園兩個幾字落九龍城好威？7兜埋杏林街三個字已經去到亞街老街，兜埋廣播道就比地鐵明顯慢
去樂富有7B，所以呢？2076版友9仔方案都好過你呀
重點根本唔係去樂富，而係拎條線合併可唔可以加班，合併之後必然瀨撻嘅事，我先要阻止呀，仲懶醒以為去樂富無車，我夠知有7B同103啦
甚至睇返當年寧願你轉乘29A上去，都唔係樂富兜上去咁反智
聯合道之後唔係富強苑你唔使浪費資源再去樂富啦，加落3C都無咁嬲
小巴反對我都唔拎出嚟講啦
我跳入嚟加把口……
208拉上翠竹幾有諗頭，不過係應該同211A合併再喺樂富巴總加回水機搞掂樂富落車班客。
7號我要重申，佢係喺大大條鐵喺隔離之下都有班鐵粉專門等佢開車，從早到天黑前都有，呢班人大概一半喺去萬基大廈至廣華一帶，另一部份係佐敦至尖碼坐船過海。頭嗰半明顯係因為目的地唔近鐵而搭，後過半係睇中佢夾啱班次其實唔慢過鐵幾多兼又平好多，所以如果走線一郁令佢變慢或者做唔到某啲客，呢班客就九成會直接消失，因此點解我會話佢唔搞得。
竹園要搭巴士落樂富嘅絕大部份都係$2客，要密車已經上咗103，多條1號固然歡迎，但無亦唔會喺鳳舞街落車行入去，所以話要招呼呢班人的確係多此一舉。反而落東頭邨至九龍城就真係佢同11K叫雙飛，咁11K依家又得返半個鐘一班，無埋1號又真係有啲陰公。
3C呢，本身都算係做緊樂富大半邊嘅，就算要食7號，兜唔兜入去巴總都無所謂啦。
1181174166 發表於 2026-1-19 07:42
1區要咁多區先做得住，竹園只不過係其中一個客源而已，相比其餘「七成」，竹園咪少數
何況竹園搭1本身車程 ...
掉番轉，1號竹園佔七成先真喎
由細到大搭1號，以前由太子上車好多時企滿人，去到九龍城落到企幾個，美東東頭加埋落十個八個，樂富兩站通常得小貓三四隻，有時直頭唔使停，即是大半車都係去竹園天馬
Man@MFHK 發表於 2026-1-20 08:18
我跳入嚟加把口……
208拉上翠竹幾有諗頭，不過係應該同211A合併再喺樂富巴總加回水機搞掂樂富落車班客。
https://www.hkitalk.net/HKiTalk2/thread-1173932-1-1.html
當年係建議 208 抽 211 資源做
至於 211A 得某幾日有仲會郁到村巴，唔建議
天空之神 發表於 2026-1-20 15:45
https://www.hkitalk.net/HKiTalk2/thread-1173932-1-1.html
當年係建議 208 抽 211 資源做
211A一早想轉每日服務，就算撥晒208啲車落去做慳唔到車同人，但起碼廢物利用兼開新客源再順手搏$2客唔拍回水機變相賺正苦資助。
你拎條正線搞，點行都影響到211班原客，搞211A只係純粹將佢同208駁埋，翠竹變成有直車出尖沙咀但又唔會影響到原有服務，班大帝無任何反對理由。
HV7025 發表於 2026-1-20 15:36
掉番轉，1號竹園佔七成先真喎
由細到大搭1號，以前由太子上車好多時企滿人，去到九龍城落到企幾個，美東 ...
拎走九龍城條線會仆直就唔係我講，佢咁講咪我咁聽