Man@MFHK 發表於 2026-1-16 13:19
個人嚟講當然唔想搞1同7，但如果任由巴士仔陰乾，不如及早另謀出路。
如果殺唔到 7 仔
根本無出路
1181174166 發表於 2026-1-16 00:26
未姐，但唔會話完全改唔到
富強苑會係一個理由拉入去叫行少兩步
7同208合併始終無信心，觀感唔認同比1好， ...
問題就係 1 號仔神主牌地位暫時仍不能動搖
但你成件事個邏輯就好奇怪。1 號仔竹園邨一段客量點睇都係 7 仔樂富客量幾倍，郁佢地要全車人兜樂富總站原路出入用多五分鐘就得；要 7 仔樂富班客兜廣播道一圈就唔得
當然你可以話 7 仔樂富又遠比 208 廣播道多客，但問題係道路網限制左樂富兜廣播道點都好過廣播道兜樂富，況且窩打老道本身就有其他替代品，將條 7 仔改行喇沙利道本來就唔係問題，前提係車型行到
倒不如話你一開始 3C 7 合併然後改 1 入樂富總站呢件事本身就係好奇怪甚至本末倒置，改條 1 仔遷就本身就係夾硬來，就算唔係大規模改 1 仔都係咁話，本身都係有唔少人受影響
明明 7 208 相似同重疊幅度最高，又係呢兩條客量最差，直接合併兩條然後視乎需求兩繁繼續拆開，本來就係最簡單做法，亦影響最少人。你就偏要捨易取難，偏要揀一個影響更多乘客方案
本帖最後由 1181174166 於 2026-1-17 13:38 編輯
S3BL100 發表於 2026-1-17 00:00
問題就係 1 號仔神主牌地位暫時仍不能動搖
但你成件事個邏輯就好奇怪。1 號仔竹園邨一段客量點睇都係 7...
問題係7 208合併之後1+1=1，你要堅持少數讓多數嘅sorry啦，係廣播道兜樂富
1人多唔使郁就梗係好，只要富強苑接受行去鳳舞街搭1代替3C，咁直頭唔使煩，肯定唔會揀7同208合併
1181174166 發表於 2026-1-17 08:34
問題係7 208合併之後1+1=1
1人多唔使郁就梗係好，問題係你永遠搞到得一條線有車搭，其他人就食自己，集中 ...
窩打老道入竹園樂富尚有103。
利申: 小弟係中九龍居民, 同本帖提及嘅所有巴士線(同103)都有淵源。原因如下:
1. 小弟喺樂富返工, 係7仔(同7B)常客, 而103係我去樂富嘅 Plan B。7仔亦是我出入尖沙咀嘅途徑之一。
2. 本人亦可用1仔同3C間接經橫頭磡到達樂富。兩者都係本人出入油尖旺區嘅常用方式。
3. 小弟於何文田或尖沙咀辦事/約會後, 亦間中會用208返家。
總括而言, 小弟住處附近嘅一眾少客巴士線(2D, 7, 7B, 10同208), 係死局一個。鑑於喇沙利道一帶係學校區, 返放學時間巴士需求唔錯; 但其餘時間, 就因嗰邊太多有車階級而令巴士需求疲弱(仲未計綠小25M線競爭)。而經喇沙利道右轉, 係巴士路線進入衙前圍道嘅唯一方法; 因此除咗喺廣播道可用ATSE嘅大前提下用7仔食208, 將專營巴士線完全撤離喇沙利道, 係絕不可行。
而事實上現時7仔已常用ATSE。
ECBuzz 發表於 2026-1-17 11:11
窩打老道入竹園樂富尚有103。
利申: 小弟係中九龍居民, 同本帖提及嘅所有巴士線(同103)都有淵源。原因如 ...
雖然睇唔明你嘅理據，但個人唔認同7同208合併，特別係北段工作大不相同，唔會係82X/84M而係80X/83X
S3BL100 發表於 2026-1-17 00:00
問題就係 1 號仔神主牌地位暫時仍不能動搖
但你成件事個邏輯就好奇怪。1 號仔竹園邨一段客量點睇都係 7...
208 係應該拉上翠竹
利益最大化，位位收全費落山好做過 211
直出市區都會大把人課金上車
天空之神 發表於 2026-1-17 14:09
208 係應該拉上翠竹
利益最大化，位位收全費落山好做過 211
208上翠竹呢個我都有諗過，211轉車其實一啲都唔平，直達車就算兜路都有吸引力，而208出尖沙咀行法係快過1號，隨時隨笨有精
但風險係受歡迎得滯
即使半個鐘一班，翠竹係可以令一架單層頂閘（睇211A都知），然後208原線唔使上車，但加班就唔係九巴想要嘅嘢，就另一問題
1181174166 發表於 2026-1-17 08:34
問題係7 208合併之後1+1=1，你要堅持少數讓多數嘅sorry啦，係廣播道兜樂富
1人多唔使郁就梗係好，只要富 ...
廣播道兜樂富搞得掂我又唔拘架，至低限度全程可以繼續收 $9.3 添。但上面都講左，廣播道兜樂富耐過樂富兜廣播道，你再乘返人數到底邊樣影響大都未必講得咁清。用多左行車時間講緊可能要用多部車。況且仲有好實際運作考慮，廣播道同尖碼都唔係可以長擺食飯休息站位，你都要解決車長食飯休息問題
你將 3C 7 合併又何嘗只係得富強苑受影響？浸大都有客，而作為巿區流水浸大落旺角係無乜可能完全無直接替代。你搞得掂富強苑都搞唔掂浸大。真係要數仲有黃大仙一段龍翔道，雖然我唔認為下面有鐵好需要有巴士替代品落旺角，但一來又會影響埋條真係廢既 9 號仔重組空間，二來原來 3C 綁住 211 BBI
講到尾你唔係強行將 3C 7 合併就唔使煩咁多野，7 208 相似程度唔少得過 3C 7，但 3C 本身都多客過呢兩條好多
天空之神 發表於 2026-1-17 14:09
208 係應該拉上翠竹
利益最大化，位位收全費落山好做過 211
我原則上唔反對 208 拉上翠竹，呢個都係救線出路
然後應該輪到 7 仔減到日中 30 分一班