本帖最後由 RyanPun 於 2026-5-25 00:49 編輯
3ASV174 發表於 2026-5-24 22:57
不如咁講啦
如果唔係九巴之前咁老實真係買定電巴先入標新路線
雙層電巴佢都未必批量咁買
以現時電巴技術，完全係冇必要盲衝一堆返嚟用，反而問題會係 究竟批電 點樣用先係最好？
九巴亦買咗城巴冇買嘅比亞迪，亦唔難理解 城巴會咁勇直接落單20部。
所以某程度上九巴買唔買Wright，未必對試電巴 真係咁重要。
只係我個人覺得，拎少量舊車Quota出嚟試Wright其實無妨，
3百幾萬1部 接近 1部BYD價錢，載客量又比BYD多，真係諗唔到唔入嘅理由。除非一心諗住點都拎電巴行長途線
反而問題喺用途呢方面，大家都想一嘢踢落去行公路線，但現時技術又未達油車標準，自然就唔積極再試。
但對公眾嚟講，長途線唔理想 咪試 中/短途線，依家比人嘅感覺係 長途線唔理想，但就唔去諗 試行短途線拎多啲數據，又好難怪人哋點解set KPI要迫你買電巴。
3ASV174 發表於 2026-5-24 22:46
都唔係嘅
城巴都只係拎咗架 8910 去十四鄉做過幾轉 show
唔買唔派電動巴都贏到支標返嚟
記得之前傳聞係話有就有分
甚至好似有話城巴玩埋氫結果高分過九巴
最簡單理解咪係同 BBI 一樣，有做就有分，唔睇你做幾多
而唔係話要全電巴先計到分
當然另一個可能性係咪彈票
反正都嗌開窮，咪拖字缺
調返轉如果真係要全電巴
72K 賴埔廠無設施拖咗好幾年
之後執幾架柯打有行就當找咗數
用額定載客量以依家個客量可能比到位佢走數，但以 AED 隻佈局計，大家都心知唔會差太多
RyanPun 發表於 2026-5-25 00:47
以現時電巴技術，完全係冇必要盲衝一堆返嚟用，反而問題會係 究竟批電 點樣用先係最好？
九巴亦買咗城巴冇 ...
件事都唔複雜㗎，中短途用落都覺伏咪連試都唔想試
你見佢批 AED 都拖咗咁耐油價急升先捨得攞出嚟都估得到
但當然唔會開口話自己中伏比大家笑㗎啦
RyanPun 發表於 2026-5-25 00:47
以現時電巴技術，完全係冇必要盲衝一堆返嚟用，反而問題會係 究竟批電 點樣用先係最好？
九巴亦買咗城巴冇 ...
我覺得奇怪嘅問題係
明明九巴已經有兩款 52 架雙層電巴行緊街
但大家見到另一間公司第一張 20 部量產雙層電巴訂單
就不斷問點解佢唔買點解唔買點解唔買
咁多年來
新車型有樣辦載咗客一段時間先有量產訂單喺九巴都係常見㗎啦
B8L B9TL E400 歐六E500 K310UD 全部都係咁
唔係咩新奇事
好似 E500EV 直接買一小批返嚟，一樣都係拎兩架出嚟邊試邊執，其他擺廠等到執完先出街
其實同試完先一舉落單有咩分別？
3ASV174 發表於 2026-5-25 01:39
我覺得奇怪嘅問題係
明明九巴已經有兩款 52 架雙層電巴行緊街
咁近年嘅新車又的確少咗「樣板車」呢回事
尤其 ATENU E6X 呢 D 基本上係成批車直接買
如果係新巴迷 , 對「樣板車」呢個先試一兩部再大手買入呢個做法唔熟悉都唔出奇
3ASV174 發表於 2026-5-25 01:39
我覺得奇怪嘅問題係
明明九巴已經有兩款 52 架雙層電巴行緊街
同意,加上係ADL 第一款落香港嘅電巴, 之前冇底,梗係有大把嘢執。
BED就唔同, 佢前身有好多兄弟都落咗嚟香港(BEB,BDE,BE1) BED呢款車去第四代, 九巴用落都應該心裏有數,唔會太差,所以先一次過買四十幾部。 BED同BEB 都近乎係同一代嘅產品,BEB 用落唔差, 出車率都幾高。 咁BED 係好定係壞,九巴一早已經估到。
如果係AED 係廠方嘅第三代嘅話 咁九巴應該唔止買十部咁少, 其實喺電動巴士呢個年代 好多嘢都要試 續航力嗰啲基本上同廠方嘅數字一定有出入。AED 一早吹話可以350KM, 而家得返250。 足足少咗100公裡(行公路嘅話其實續航又上返去300KM)。BED 一開始都話有400-420KM, 一到夏天全部得返300。 AED 如果計廠方第一代電動巴士嘅話其實唔差,同BED 唔係差好遠, 如果執下舊電,執下個program嘅話 令到佢可以行耐啲,穩定性高啲, 咁相信應該都贏BED 九條街。
題外話: AED 呢排都解鎖咗幾條新路線。 最令我驚喜嘅係296D同219X。 兩者都需要跑一段相當長嘅公路, 出嚟嘅電量一單都淨係用6至7%。 如果以夏天開大個冷氣嘅話其實唔錯。 冬天有望可以用3-5%一單。而91M 呢啲要跑山路嘅路線, 前幾日晏晝最熱嘅時候 由寶琳返去鑽石山 一單用8%, 之前搭過幾次,一單大概都係用6至8%。AED 睇嚟可能拎去跑公路會比較慳電啲。
本帖最後由 Man@MFHK 於 2026-5-25 18:38 編輯
3ASV174 發表於 2026-5-25 01:39
我覺得奇怪嘅問題係
明明九巴已經有兩款 52 架雙層電巴行緊街
樣板，通常係借，或者象徵式收啲租金拎嚟試用，試啱真係落單先順便買埋架樣板，或者試完唔買但又根據某啲協議留低架車。
一次過落單買完返嚟先試就好明顯係另一種玩法，因為錢已俾，除非批貨有重大問題，否則都無得退貨要硬食。
以前買油車買慣買熟，都係差唔多嘅嘢怕乜嘢大手入貨，買咁多年都係換吓引擎波箱長短小改款，無乜好試。
但電車最需要試嘅就係續航，因為無人知間廠吹幾大，而呢樣嘢又係電車最大嘅限制，唔同入油，叉電要時間重要配套，要裝叉電設施重要拉電，所以買電車點解買得咁小心。
KE7066 發表於 2026-5-24 19:37
返廠補油關班次咩事？依家 11 密 A10 一倍啲車編定咪又係去香港站叉電，唔係咁㗎喎
行 A21 夠晒密啦掛？
就係講當年啲MAN，唔夠油咪套第二部車接力。
依家電車有好有唔好，好嘅係叉電唔一定要返廠，唔好嘅係叉電一定要去特定地點，反而油車無油都可以叫架工程車嚟補油，當然電車發展落去都可以買幾架奶媽嚟用。
最大問題就係土地，香港從來都係土地問題，邊有咁多地方俾你泊車叉電？依家唔係講十幾架車喎，係直接用電車取代油車，長遠即係養多一倍數量嘅車，泊邊已經係一大問題，仲要全部都要叉電，啲電又會越用越少越叉越密，18年都唔知捱唔捱得住。
Man@MFHK 發表於 2026-5-25 18:32
樣板，通常係借，或者象徵式收啲租金拎嚟試用，試啱真係落單先順便買埋架樣板，或者試完唔買但又根據某啲 ...
如果嚴格定義樣版
8910 8911咪係
然後沒有然後
不過九巴黎緊買電巴都係ESG PROJECT
問銀行借錢買
2021年5億
2022年8億
2026年又5億
其實大概估到九巴買夠唔夠數
kay 發表於 2026-5-25 18:56
如果嚴格定義樣版
8910 8911咪係
嗰兩架擺明係後母老強個仔⋯⋯
正常試新嘢邊會full paid買返嚟玩，你睇吓對家試嘢更多更五花八門，試完唔要退返俾人都得，唔係佢自己想要嘅嘢點會俾錢買返嚟玩，緊係等人哋自動送上門㗎啦;P