講左廿版又loop番去之前既問題
之前已經好多人講過你條3C定線有問題
跟手又掟出左陰乾3C
咁到底你認清左你係做條3C定唔做條3C未
唔好意思，條新3C定線有咩問題？主要做兩水客（彩虹/富山 - 橫頭磡，
同埋黃大仙/橫頭磡 - 旺角/油麻地/佐敦），幾時有「好多人」話新3C定線有問題？
第一個講陰乾3C的唔係我，而係neoplan720p板友，
你可以話陰乾係hidden agenda，但係成件事只不過係
新3/3A萬一唔夠載要加班的時候，3C會係首選抽車對象，
但亦係按實際客量做野，唔係成條無左。
而2F果度, 將來唔夠載仲可以同2B重組喎
但你條3C如果慈雲山要陰乾3C黎做3/3A咁橫頭磡又陪葬?
反觀我既重組吖
橫頭磡, 竹園其至廣播道都有得益, 車亦唔駛揾到無雷公咁遠既土瓜灣找數
而你提到既"替代"全部都唔經慈雲山, 又唔到尖咀, 點替代法?
2F同2B重組難度好高，收費唔同，合併的話2F會兜左、兼且2B客會俾貴左。
況且2B都係得果五架車，你可以做到D咩？
橫頭磡萬一第時3C減班，都只係「減班」，唔係改變晒佢地既搭車模式、由有變無。
到時3C萬一真係唔夠客，按客量數據減班係必然發生，
但係至少繁忙時間/假日，我相信依然夠客做到15分一班，亦唔係同現時3C差太遠。
反而佢地仲賺左條線去富山/學校村。
你最新的方案，富美街變真空，何嘗唔係更加搵橫頭磡祭旗？
同埋你係講我既咩「替代」？ 原帖由 dippy 於 2012-2-12 17:09 發表 http://www.hkitalk.net/HKiTalk2/images/common/back.gif
1. 你抽車抽3B/5C/11但話可以用11K, 21代
好可惜兩堆線服務範圍好唔同
#5, #6已經有講到你條3C定線唔好而令佢好大機會被陰乾
咁受苦既咪又係棋頭磡人
跟住我講到做1/7/208黎成就3C和平撒出棋頭磡
你又話乜野要慈雲山睇黃大仙區其他部份頭又話乜野搞到咁大陣象呀咁
點解我會咁講？係因為你#162果陣講左d咁既野：
如果1/7/208搞唔成
咁當然就係佢地唔要慈旺快線巴士啦
換言之，你的立場只不過係慈雲山係咪需要一條正常少少的旺角線，
完全視乎1/7/208搞唔搞得成，搞唔成就代表佢地唔需要。
你可以話3C日後如果減班會影響橫頭磡，但係，
我只不過係減班，唔係由有變無，而你最新的方案令富美街、鳳舞街齊齊變真空，問題仲大。
起碼我令到橫頭磡賺左一條線去富山、學校村。
而家3C仲做到勉強可以的班次，純粹係因為有班唔肯俾貴車費的慈雲山客，
寧願搭3C慢碌都唔坐紅小。咁到時3C改左之後，慈雲山客有3/3A出油尖旺，
斧山道都有新9號，3C唔會有人坐足全程，因應需求下跌而減班根本唔係咩問題。
橫頭磡唔應該為左條3C做返而家個班次而要慈雲山客陪兜，
鍾意密車的唔該走去搭港鐵。相反，如果你話拉埋1/7/208重組，
咁到時會牽連埋其他地區（特別係樂富、廣播道、旺角東）的乘客，
令有人由有變無，或者車程、站位、行車路線唔同晒，
為左橫頭磡服務水平不變，而令受影響人數更多，問題仲大。
況且你最新個方案直頭連富美街同鳳舞街齊齊飛走，對橫頭磡的影響肯定大過我改3C。
但係你自己就首先去掠奪左土瓜灣, 彩虹既車去開局, 跟手就去陰乾埋條3C
除非山上面D議員個個都好似方角山咁有牙力姐
唔係九龍城區一否決左咪又係企左响度
你自己都識講資源既分配係好模湖嫁啦
咁我將3C定義係橫頭磡線, 佢做橫頭磡去油尖旺同埋去慈雲山
前者最後比7取代而後者直接比2F做番又有何不對呢
3B對土瓜灣/紅磡的重要性，主要係做紅磡<->土瓜灣<->九龍城<->彩虹道流水，
紅磡九龍城之間仲有5C、11K、12A、21等線，彩虹道依然有3B、5C、21。
無錯我係將3B縮去慈南，但係土瓜灣需要前往慈雲山返工返學的有幾多人？
佢地仲有5C揀，嫌貴六毫子的話，我都加左個塞住佢地把口的轉乘。
只要唔影響到流水客，其實真係問題不大。
5C下路來往尖沙咀獨巿，但係減一兩架真係唔多覺。
而5C係純粹減班，凡親係減班不改線的係唔需要區議會通過，
真係改線果條係3B，但係3B縮落慈南唔見得過唔到
（萬一真係ban的話，咪繼續擺慈中，但係依然減四架車，
再拉疏少少囉），因此程序上，even九龍城區議會反對抽佢地車重組都好，
佢地係否決唔到。
反而你改1/7/208，因為係大幅修改路線，區議會反對就真係咩都唔使做。
明唔明白減班同改線的分別？
你話7取代3C，但係7去唔到太子，旺角亦只係掂邊，唔能夠取代3C。
當然橫頭磡附近有鐵路站，如果佢地唔介意放棄唯一一條入到旺角心臟地帶的巴士線就無事。
用2F代3C做橫頭磡，問題有兩個：一係會進一步加重本已超負荷的2F的壓力，
2F都要加車，最終你個方案應該慳唔到車。二係2F長沙灣方向，站位對鳳德、學校村無咁方便。
我條新3C正好解決呢個問題，仲食埋富山 - 橫頭磡。
唔係話人地做野既approah 同你唔同就有問題嫁, 一件事有ABC方法解決既時候唔一定係mutually exclusive, 所以喺批評人之前先諗諗人地想做乜先啦
講番上面3C+1既方法, 最後慳到既車如果唔delete左佢既
你鐘意攞去開3又得3A又得啦, 而3C亦可以行番富美街
我點解話你個方案有問題？原因正正就係因為你個方案本身有位俾人入，
受影響乘客/議員大可以話「由有變無」ban左。
我從來無話一定要照足我的方法，好多野係無標準答案。
例如siupy將208變循環線，我覺得係可取；
又例如cong #85將5C由慈雲山縮去九龍城碼頭，開5B直行上路落尖沙咀，
減5仔車，再幫3B加四架車的方案，除左收費問題之外，因為唔會有人由有變無，
我都無話過唔得，實情人地幫下路<->彩虹道減班減得仲勁過我。
但係，盡可能覆蓋晒所有原有途經路段，唔會令大量唔關事的人由有變無，
站位/行車路線唔同晒，係基本原則。
你用1+3C，九巴會唔會俾車行條咁長的1:5沙田坳道都係問題，
用細車會唔夠載，旺角段彌敦道又無咁多quota俾你加班
（唔係咁，我都唔一定要拆開3同3A兩條啦）
而你3C行竹園道直落係為左加快車程，但係最後又要入返富美街的話，
豈不是走回頭路？咁當然你可以到時將3C減返班，
開返3或者3A，但係到時成件事已經同我抽9號資源上山、
兼且留返條主打橫頭磡同區內流水客的3C無分別。
[ 本帖最後由 S3BL100 於 2012-2-13 02:33 編輯 ]
回復 203# 的帖子
用我的208方案將208減去的車俾你的方案
應該5C可以唔洗減車 原帖由 dippy 於 2012-2-13 19:03 發表 http://www.hkitalk.net/HKiTalk2/images/common/back.gif
慈雲山如果要條正常既旺角線, 當年3就唔駛接而直接取代到你3/3A既建議啦
而事實上3C主要出旺角既客都係黎自橫頭磡既, 慈雲山行落去坐203E都仲快D
所以如果要重組3C, 就要先處理橫頭磡既問題, 如果唔係就麻煩佢地用者自負
唔好搞到7/11...非慈雲山線, 如果唔當然要處理埋橫頭磡啦
而處理橫頭磡就先要處理左1/7/208重組, 就係咁簡單
當年3號係行東頭村道，又唔去尖碼，同而家建議條3號可以話係一D關係都無。
仲有3號仔摺果陣慈雲山正值重建，人口少好多，而3C都仲做得OK密，
密而慢唔同而家又慢又疏，果陣根本無人諗到重建後整條慈旺快線咁長遠。
你知道3C出旺角既客主要都係來自橫頭磡就好，我的新3C已經滿足到佢地需要。
我只係話，因為唔會再有人貪平有蒲崗村道搭3C去旺角，
所以3C旺角段需求理應下跌，減班過車俾真正慈雲山旺角線係合理。
我而家唔係無處理橫頭磡、無面對佢地需要，唔係搞到佢地由有變無。
慈雲山係一座山，除非係近慈南，否則無可能行落蒲崗村道坐203E，
上返山更加無可能，所以唔可以話203E已經滿足到佢地需求。
至於你話唔好郁到7/11，咁實際上你咪又係拉埋7仔落水搞大重組，
影響人數仲多，點計？我實在睇唔到點解要解決橫頭磡的問題就非要郁埋1/7/208不可。
[ 本帖最後由 S3BL100 於 2012-2-14 00:34 編輯 ] 原帖由 dippy 於 2012-2-14 00:55 發表 http://www.hkitalk.net/HKiTalk2/images/common/back.gif
208本身做成點相信大家係有共識既
即係樂富橫頭磡重組通常都有佢分嫁喇
而1/7依家都係服務緊橫頭磡
如果係近摩士果邊, 其實1仲近/密過3C
而橫頭磡重組完係可以用7去旺角, 7A去尖咀
除左佐敦會慢左外, 其他都無變
但樂富邨係可以去到埋旺角
呢個係由無變有既
3C甚至5C都同你想像既有多少出入
啱啱夜晚坐部K牌短躉@5C先係poly企車頂企到落土瓜灣落車
仲要紅磡咁多個站, 無一個站上得哂
亦都係點解成日都有人話5C係入圍十大賺錢線
但我相信, 7, 9, 3C應該都同賺錢線無乜關係
所以站係巴士公司立場, 重組1/7/208比減5C更有意義
雖然你既3C係可以做到橫頭磡-旺角同橫頭磡-慈雲山
但前者我既7都做到, 後者已經有2F/小巴(近潔心一邊)
所以其實就算3C真係計獨市係得摩士公園同埋龍翔咁細舊咋
但新3C就有被陰乾既風險
但7系就無, 因為本身已經乾緊
我想知你而家到底係講緊你既新方案（#188）定舊方案？
舊方案令到咩人由有變無、7A唔會夠客，已經唔止得我一個講過。
唔係你都唔會交個新方案出黎啦。
我夠知5C係十大賺錢線，但係頂閘果班車後面拖幾多架先？
咁我而家多左條新3號，由慈雲山來往尖沙咀快過5C，照計5C會少左一部分客，
減返佢少少都好合理，27架變25架對班次的影響絕對唔明顯。
無左7/208係蝕緊錢，但係1仔相信有賺。
你而家將條1仔搬去彩虹、撤出竹園，用一條線食晒竹園同橫頭磡，
表面上令到橫頭磡無陰乾風險
（不過你最新個方案一樣飛走成條富美街、連鳳舞街都變真空），
但係新1仔途經的黃大仙、彩虹道唔似竹園村獨巿，有其他更快捷選擇，
我好懷疑新1仔會唔會夠客做到你建議的班次。
到時陰乾果條會變左係得返東頭村、九龍城聯合道獨巿的1仔，
你只係將「陰乾」問題由一個叫做有其他選擇的地區（橫頭磡，可以去搭鐵，
宏業樓亦可以去鳳舞街搭1），轉移去另一個選擇較少、無鐵路的地區（東頭村、城寨）。
再講，我條新3C點都做到兩水客，橫頭磡來往富山獨巿，陰乾風險絕對細過
你呢條同10仔有較明顯重疊的新1號線好多。
[ 本帖最後由 S3BL100 於 2012-2-14 01:17 編輯 ] 原帖由 dippy 於 2012-2-14 01:31 發表 http://www.hkitalk.net/HKiTalk2/images/common/back.gif
當1密過10, 而1既收費又貴過10
1係可見既將來都唔會被陰乾
仲要1無車型限制
所以只會令10加快頹落去既步伐
但對整合番係有利既
稍稍修正下7喺橫頭磡既走線
咁樣會更加好咁覆蓋哂樂富, 富強, 橫頭磡, 竹園
http://g. ...
1號仔出旺角至尖咀得返東頭村道、九龍城聯合道獨巿，但係呢段路本身無竹園橫頭磡咁多客，
又有10號可以去油麻地，好大機會係1同10齊齊唔夠客等陰乾，累鬥累。
你都承認10仔會陰乾，但係你既然唔想3C俾人陰乾的話，
點解沿路更多學生客、更遠離鐵路、更少替代選擇的10仔又可以陰乾呢？
係咪雙重標準，將問題轉移去其他地方？
呢條新7仔的行法正常少少，但係竹園取代1仔，點解係來回行亞皆老街而唔經太子果邊？
仲有當然就係，廣華醫院變真空，去果度睇病/覆診的老人家點算？
又，果段窩打老道無左車直去尖碼，轉船客又點算？
當然我知你實會話，叫醫院客行去萬基搭7B，或者行去彌敦道搭7，
但係廣華醫院係醫院，咁實在好難令人接受。
你亦都會話，轉船客可以彌敦道落車行過去，或者搭8，
但係彌敦道行去碼頭起碼兩個幾字，咁已經對轉船客構成極大不便，
而窩打老道上車，7號仔落到梳士巴利道果陣，8可能岩岩佛光街轉緊入馬頭圍道咋。
上面呢d都係我同siupy之前提過的問題。
無論係新方案定舊方案都好，你為左橫頭磡零陰乾風險，
搞到更多人（包括橫頭磡本身）受更大影響，有更多位俾人入。
我只係將其他有不同程度重疊的線減少少班，唔會搞到有人無車搭、由有變無，
減少少班總好過由有變無。你話實行上來，邊種方案無咁多潛在問題，難度低D？