原帖由 dippy 發表
差幾多呢?去好多區澤安都比慈雲山方便喎
你既比較又有乜野論據support呀
如果淨係我覺得, 我認為同埋我喜歡咁無得討論嫁喎
點解當年3A會敗喺小巴度而新3A唔會呢?
掌年既3A班次同依家273差唔多咋喎
當年 3A 同建議中 3A 根本無關
短途線巴士唔夠小巴鬥好普遍
因為巴士單係上落, 已經佔咗短途線行車時間的好大部份,
等車隨時耐過搭車, 所以密車就顯得重要
另外, 37M 可以入沙田坳道小巴站, 巴士就入唔到, 要行遠 d, 先天不足之下, 前 3A 輸好正常
另外, 需知道慈雲山係曾經重建過
九十年代時, 慈雲山舊樓人口老化, 又因為重建而少咗好多座樓, 交通需求下降,
先攪到九巴服務係咁縮
重建完成後, 取消咗線都無乜點加返
依家既203E已經又平又同小巴同路
咁到底搶贏定搶輸吖
慈雲山係一座山, 203E 只係服務到下面的人, 山上面可以搭紅小但唔可以搭 203E
而且佢班次又疏
原帖由 dippy 於 2012-2-6 14:26 發表 http://www.hkitalk.net/HKiTalk2/images/common/back.gif
請教橫頭磡點退步呢?
除左個建議資源運用比你好, 定線比你直接同埋用車比你少之外, 真係揾唔到邊度退步
新既7唔見得去旺角慢過1號
新既1號九龍城流水客完全不受影響
而加左條新7A服務番原有7同208既尖咀客, 又係快左
重組完既1/7/208更加方便之後搞9
本來見到你不斷回帶，都費事再回應，但係唔回始終條氣唔順。
1/7/208你咁搞有咩問題，我已經講過至少兩次，而家再講多次：
1. 搭開7仔去油麻地佐敦的客變慢至少10分鐘
2. 你條7A會唔夠客
3. 廣華醫院無車返樂富，亦無車返尖碼
4. 近杏林街果邊由有變無
5. 新1仔唔夠9公里，收費要降一級，位位收少$0.6至$0.8，
以巿區流水線的profit margin計，呢幾毫子會係賺與蝕的分別。
收緊$4.4至$4.6果堆流水線，就算多客，普遍都係蝕（例如2、6，同埋大部分人俾緊$4.6的9號仔），
反而收緊$5.2果堆，只要多客，都仲有機會賺錢（例如1、6C）
6. 新7仔你收$4.6又唔係（竹園減價，收少好多），收$5.2又唔係（樂富行遠左、慢左仲要加價）
7. 你證明唔到你慳到車，證明唔到資源運用比我好。慳唔到車即係資源運用最多只係打和。
even你話我條3C奇形怪狀都好，如果end up大家的方案的用車總數一樣，咁資源運用其實無分別。
我唔回你實在條氣唔順，因為我留意到你一直都只係識得不斷回帶，
例如我個建議3/3A/3C/9有幾重疊的問題，你提出左至少三次，我都答左至少三次，
次次都係你話我重疊，但係又提唔出理據；跟住我證明到我的方案無增加重疊，
你無聲出，但係之後過多幾十篇文你又回帶，又話我增加重疊，同樣又係無實質理據支持。
最後一次係#149，同樣係你無聲出，不過我估呢條thread繼續落去的話，
只會無限loop無限loop繼續落去，唔會有新point。
咁已經唔係討論啦，此post已完。:victory:
好多野唔係你loop無限次，就會變成事實。
原帖由 S3BL100 於 2012-2-7 11:52 發表 http://www.hkitalk.net/HKiTalk2/images/common/back.gif
本來見到你不斷回帶，都費事再回應，但係唔回始終條氣唔順。
1/7/208你咁搞有咩問題，我已經講過至少兩次，而家再講多次：
1. 搭開7仔去油麻地佐敦的客變慢至少10分鐘
2. 你條7A會唔夠客
3. 廣華醫院無車返樂富，亦無車返尖碼 ...
其實從你扣人地分開始已經唔係討論
意見不合，遇到反對聲音就扣人地分，完全破壞晒討論應有既氣氛
我擺個建議上黎係要你地同意我、appreciate我
你地批評我，唔扣apower我條氣唔順
再討論都無意思，仍然係你有你講，唔肯接受現實
by the way，咁大型既重組都無可能做到，唔洗太上心:victory:
只就以下幾點回應，唔回應我唔想再repeat的論點：
原帖由 dippy 於 2012-2-7 18:55 發表 http://www.hkitalk.net/HKiTalk2/images/common/back.gif
廣華醫院仲無車去好多地方潻, 咁係咪所有線都要停吖
根本好多地方都係用緊彌敦道既站
呢個涉及由有變無的問題，果段窩打老道（特別係再上少少，近萬基大廈果邊）都有人住的，
仲有就係老人家去廣華醫院覆診的問題。
你咁只係將一個本來可以potentially單靠慈雲山同彩虹就解決到的問題，
拖埋樂富橫頭磡竹園廣播道旺角東落水，慈雲山能夠全日有車合理速度出油尖旺的希望
就完全視乎唔關事的樂富橫頭磡竹園廣播道旺角東操控，睇佢地面色，
睇佢地會唔會咁順攤開恩，人地唔俾就唔俾。
如果1/7/208 ban左，係咪咩都唔使做？到時你會點重組？
即係我重組時無打劫過土瓜灣線, 無影響埋唔關事既3B/11/5C
但係你為左搞你既方案, 係一堆唔關事既線度搶左九部車
反觀番我個方案, 如果新1號線去到四美街
咁到時9已經可以斬, 比番兩部車1同203E之後仲有資源剩
搞完新7號上山同208特快(7A)之後, 208過左一部車比7, 車無用多到
但因為橫頭磡已經有新7/7A出油尖, 到時唔駛整條騎呢既3C出黎, 咁3C改快又容易左啦
好老實，3B/5C/11唔只係土瓜灣線，亦係慈雲山/黃大仙線，
我一樣可以話我只係將黃大仙資源左手交右手。
資源分配好多時係好含糊，3C減車俾5C加車夠發生過，而且無記錯應該發生過至少兩次。
你夠可以話橫頭磡減資源俾土瓜灣添，橫頭磡仲要無咁多條線選擇。
反正土瓜灣仲可以叫多飛，依然做到整體頻密班次，我唔覺得咁搞有咩問題。
你話「3C改快又容易左」，但係1/7/208重組得成先算啦。
3. 新3C問題
如果要入黃大仙總站, 根本就談唔上 "快".
引自#17
:lol:lol:lol
人地neoplan720p係講緊你將3C兜入黃大仙總站，根本就唔快，唔係講緊我個方案。
4. 彩虹邨問題
引自#28
咁例如呢?
我計過由彩頤商場行到太子道東彩頤花園往旺角既巴士站要兩個半字
紅萼樓就更加啦
你係咪無視我條新9號的存在？仲有95呢？
5. 點解3C同9好差?
依家兩條線都全大車掛牌, 全日1X分已經有車
好多線都唔夠呢個數
3C同9如果做得好的話就唔會俾人不斷減班啦。
9號根本客量奇差，蝕大本；3C有流水客頂住，好少少，但係慈雲山出旺角，
除非嫌時間多，否則唔會搭。
6. 引自#42
咁你諗完未?
如果無更好既offer咁即係我既方案已經係最好offer黎啦
呢個係咩道理？無更好的offer係咪代表改好過唔改？
1同7根本無咩問題，問題係出在條208，九龍塘無乜客都死攬住條線，九巴又縮短唔成。
不過，208用單層，又收$7一位，profit margin絕對多過7仔。
3C取消，橫頭磡肯定過唔到，果邊去旺角亦有一定需求。
另外仲有慈雲山去窩打老道的問題。
用你改1/7/208填橫頭磡，橫頭磡多數過到
引自#57
咁你點解決呢個落差?
斷章取義，我話橫頭磡多數過到，但係再落少少的樂富幾乎ban硬。
你係要斷章取義的話，唔使討論落去，因為好多野都俾你由攣拗到直。
[ 本帖最後由 S3BL100 於 2012-2-8 00:12 編輯 ]
原帖由 GL3789 於 2012-2-7 18:10 發表 http://www.hkitalk.net/HKiTalk2/images/common/back.gif
其實從你扣人地分開始已經唔係討論
意見不合，遇到反對聲音就扣人地分，完全破壞晒討論應有既氣氛
我擺個建議上黎係要你地同意我、appreciate我
你地批評我，唔扣apower我條氣唔順
我係見到歪理 / 不合乎事實既野先郁手扣分:handshake
原帖由 dippy 於 2012-2-8 00:11 發表 http://www.hkitalk.net/HKiTalk2/images/common/back.gif
總而言之就係你根本無更好處理橫頭磡既方法
一味就係陰乾3C/9, 比哂D車慈雲山
仲要連車都要7貼埋
你處理橫頭磡的方法係郁埋竹園廣播道旺角東，我只係將條3C減班，
減完其實同而家相差唔多，無郁到其他人。
你郁埋樂富竹園廣播道旺角東，而人地唔俾你郁，咁係咪成盤野流產？
橫頭磡唔使處理？定係慈雲山繼續無合理速度出油尖旺？
你咁搞，學我#155所講，即係：
你咁只係將一個本來可以potentially單靠慈雲山同彩虹就解決到的問題，
拖埋樂富橫頭磡竹園廣播道旺角東落水，慈雲山能夠全日有車合理速度出油尖旺的希望
就完全視乎唔關事的樂富橫頭磡竹園廣播道旺角東操控，睇佢地面色，
睇佢地會唔會咁順攤開恩，人地唔俾就唔俾。
如果1/7/208 ban左，係咪咩都唔使做？到時你會點重組？
原帖由 dippy 於 2012-2-8 00:21 發表 http://www.hkitalk.net/HKiTalk2/images/common/back.gif
好明顯地又一次無留意開區議會
坪石同四彩係觀塘區
但樂富橫頭磡同竹園都係黃大仙既
分別就喺度
而1/7/208一組只係影響到3C
而且只係黃大仙內部既問題
唔會因為坪石一個人既取態而all or nothing ...
我夠知坪石四彩係觀塘，但係坪石唔係由有變無，或者車程大幅受影響，
四彩我更加係俾全日線俾佢。你不如擔心下橫頭磡/樂富/旺角東/廣播道好過。
旺角東係油尖旺區議會，無左7仔落尖碼佢地好可能會嘈；廣播道係九龍城區議會，更加唔使講。
如果你答唔到「橫頭磡/樂富/旺角東/廣播道ban左，點處理」的問題，咁已經唔使討論落去。