巴士公司當然有權改線, 有權唔提供任何合理既配套例如賣大包轉乘計劃, (比你轉一條線就叫提供左, 好似74A咁, 比一條74X 已經係大恩大德, 因為佢可以唔比)
有權15分鐘班車又走去開25分鐘, 車無定時, 有權整架單層載唔哂你死你事,
要幾唔方便有幾唔方便都得, 因為到達目的地係乘客責任, 車程由65分鐘增加到95分鐘既話, 乘客有責任早半個鐘頭起身.
需求可以由供應創造, 巴士唔同鐵路, 轉車環境唔好, 又耐一班車, 加上坐得巴士都係想一程車同埋有得坐, 唔通真係貪佢慢過地鐵又塞車仲要貴咩, 唔係好多線做到快過鐵路的.
如果唔認識巴士一程車+有位坐既優勢, 胡亂要人轉車同埋改單層「善用」車入面所有空間, 只會係趕客. 企一次兩次唔緊要, 日日都要企既話我會走, 就好似我以前會選擇搭車去到天水圍轉 276A, 而家為左個坐位, 會去元朗轉 276P.
客是可以被趕走的, 但唔會無故消失, 因為要離開原來通勤地點需要時間. 所以地鐵一日比一日多人, 而巴士乘客量近幾年平均每年跌 1 至 2%, 唔係冇原因.
有熱狗的年代，74A下繁去到大涌橋路兩個方向相遇，
大家客量都係差唔多，窗口位坐滿90%左右，
有時唔相識的人要坐一張椅，以一條雞肋線來說未至於真係好差。
全冷及大量單層化後，至少趕走了我。
話多人咩？睇住一堆數字就真係唔覺，
但我曾經同這些大半生貢獻香港的人一齊坐車，佢地成世人都冇乜享受過，
放工搭巴士坐下瞌下可能係佢地一日入面最寫意的時間，唯一忙裡偷閒的機會，
突然有一日佢地冇車搭，事前通知又極為倉卒，係咪貪人好蝦？
我覺得九巴今次是極不尊重乘客。係呀我讀完中大係咁麻煩架喇。
86系改青沙又唔見佢用同一手法？住馬鞍山就矜貴Ｄ？住秀茂坪翠林藍田就唔係人？
夠膽就成條線取消佢，叫人72/72A轉89、73A轉89X，
夠創意的話72轉98C都可以做返74A轉98A個市場架，時間之嘛。
86系改青沙??幾時既事?
原帖由 EU5472 於 19-2-2012 10:42 AM 發表 http://www.hkitalk.net/HKiTalk2/images/common/back.gif
我反而覺得今次九巴想搶錢
我今朝睇過74A路線紙
74A(往九龍)->74X(往九龍)
74X個程要比$3.6:@
即係74A->74X,仲貴過原本搭74A:@
呢位版友，請你想清楚一點，74A轉74X 會O係邊度轉呢？？
而O係彩虹搭74X去觀塘要幾多錢呢？？
佢話扣$5.7，正正就是分段收費，所以74X的一程確是免費的啊！！
(正如E33P轉E41/E32，佢都話只減收$4.2，因為佢預係東涌轉，並非青馬轉乘。但當然呢個轉乘優惠，以我覺得梗係青馬轉好D啦……E33P之前既T39都係一樣…)
[ 本帖最後由 lsc04d11 於 2012-2-19 19:27 編輯 ]
74A 真係咁多客就唔會咁疏啦
話唔定有 D 客早就搭 28K 轉 89 了
原帖由 neosan 於 2012-2-19 18:12 發表 http://www.hkitalk.net/HKiTalk2/images/common/back.gif
86系改青沙??幾時既事?
OT少少
我係在這個貼裡看到的：
http://www.hkitalk.net/HKiTalk2/thread-657041-1-1.html
哪一樓就唔記得了，有興趣可以搵下。
大意就係九記曾經想改86P行青沙，
不過改動會加價一個幾毫，畀區議會ban了而無做到。
86P係一至六繁時三班單向路線，改道會令乘客更快到達目的地，
沿途乘客有替代服務（86C正班），因為加少少價被否決，而九巴冇繼續。
74A係一星期七日全日雙向路線，改去啟業會令原有乘客受影響，
九巴只係諗了直線思維的74X轉乘，而無留意到有人會轉車去秀茂坪藍田將軍澳，
也沒有提供三重轉乘，極速以一日半通知凌厲執行，乘客連討價還價的機會都冇。
就算睇返上面F1板個post，改一條路線，
有冇照顧到原有乘客、如何照顧、如何決定原有乘客的輕重先後，
這些都可以令到幾個站友來來往往三十版，最後都大致執到一些可用建議出來。
在一個業餘、無法律效力的網上討論區都已經要如此嚴謹，
但真正影響到乘客的改動，九巴你竟然夠膽死畀得一日半通知？
原有乘客去搜尋及試用替代方式都要時間，而一般市民根本完全意料唔到74A會改去啟業，
而家好似74A犯了彌天大罪要斬立決咁，這間ISO公司當乘客係乜野？
唔係話74A多客到唔郁得，而係郁都唔該郁得好好睇睇，
大埔公路沿線這些可以話係社會責任，下下以減班縮短陰乾博取消，
以這樣的經營邏輯我作為乘客一定會用腳投票，而且唔使旨意你有難我會幫你。
唔好以為一個小市民影響唔到大公司，有朝一日一人一信要求取消九巴專營權，
或者好似澳門咁搞市營，唔好怪乘客冇畀機會。
澳門搞市營，係有好多質素較好的車被淘汰，這是車齡規定所致而和市營這個舉動無直接關係。
而作為乘客，架車幾唔舒服都好，我知道佢會開足班次，唔使身為受害者還要為它找理由開脫。
嚇下嗟，放心啦，香港政府連教育醫療的開支都唔想出，唔會搞市營巴士的。
九巴最差的下場只係執笠，之嘛。
[ 本帖最後由 DIH 於 2012-2-19 21:53 編輯 ]
其實點解九巴唔將74A延長到觀塘碼頭做總站呢？
即係經九龍灣工業區之後跟15A咁行去觀塘碼頭
咁咪可以食埋更加多返工客，又可以照舊途經觀塘
令受影響乘客人數盡量減少。
[ 本帖最後由 Walker 於 2012-2-19 22:17 編輯 ]
原帖由 Walker 於 2012-2-19 22:10 發表 http://www.hkitalk.net/HKiTalk2/images/common/back.gif
其實點解九巴唔將74A拉長到觀塘碼頭呢？
即係經九龍灣工業區之後跟15A咁行去觀塘碼頭
咁咪可以食埋更加多返工客，而又可以照舊經觀塘
人家擺明要陰乾路線
仲點會去返觀塘?
佢係九龍灣兜黎兜去，用既時間都可以用返原線到觀塘啦...
不過如果跟15A行法
74A會唔會好似15A咁
下場更慘
偉業街D路唔算易行
快既話可以好快..但耐起上黎...
加埋九巴D亂黎班次又收車
係無心做生意就交返條74A比運吉算吧啦...
甚麼25-30...不如劃一半個鐘仲好
起碼唔駛累乘客白等，轉車班友更加可以趕走一去無回頭
埔公班獨巿友無論點都要死等
開返個好既班次，大概每個鐘知道幾多分有車到，識得就時間
好似域多利道咁，客的確唔多，但又係社會責任，行親既線都係劃一20/30分鐘1班(唔係25-30)
但因為佢寫齊開出時間，熟客都知大概幾點有車經過..先至無比人嘈爆
今日路面暢通，平均5~8分鐘就兜完九龍灣，呢個時間應該返唔到觀塘碼頭吧，
繁忙時間真係有待觀察，塞起上黎觀塘市中心排隊落客都可以搞好耐。
不過九龍灣企業廣場有$2特惠站，如果拍一拍搭港鐵只需$8.1。
[ 本帖最後由 on11358 於 2012-2-19 23:21 編輯 ]