本帖最後由 S3BL100 於 2015-11-5 13:50 編輯
castanopsis 發表於 2015-11-5 09:54
紅字：
前幾個回帖你不斷藉「藍田搭將軍澳道版A29P慢過A22」一論批評我個方案
到我直接同你計數，你就搬龍 ...
只回應樓上 kay 未回應的 points
如果你想計數，我可以話你知，我試過有一次夜晚，
觀塘道見 A22 唔上，等多五分鐘上 E22，結果在青馬橋見到之前無上果架 A22 係正自己前面
當然好視乎交通狀況，A22 有機會快過 E22，亦有機會慢過。
但係如果藍田站起計，以當日的交通狀況，行山花多至少 10 分鐘，結果藍田站爬山再爬龍翔道係會同呢班 A22 打和甚至慢少少
既然已知有時段速度最多打和，咁試問有咩藉口叫人硬食減班？
但事實係你特登為左迎合一小撮人口味，將走線整到奇奇怪怪，損人害己（呢點你無回應過），而本來係有更正常的定線可以選擇。
呢個先係重點，行車時間快慢幾多係細節問題，當然亦係奇怪定線的結果，但背後動機先係最大問題。
講咗咁多版，我有感你對班次既敏感度好低
我相信唔少版友都會認同機場線30分鐘一班係一條清晰的班次底線
60分鐘一班，就算搭飛機都好難預時間，更遑論通勤客
上面個方案其中一個最大既優點就係所有人至少有30分鐘一班機場車
個人覺得絕對唔應該因為要敷衍將南康城，搞到康翠觀塘山硬食垃圾級班次
我諗你一定無在外國生活過，唔少大城巿，機場線都係 60 分一班（包括性質同功能類似 A11 A21 之類的），甚至有D係一日固定時間對開 8-10 班
搭飛機，預早時間係旅客的責任，根本上應該起飛前 90 分鐘到機場，如果唔係坐早機的話，我會預仲多。
早多半粒鐘去到機場，又算係咩？
而我一直都強調，今次秀順彩雲 60 分鐘一班車，係資源問題而唔係需求問題，
就算係併埋藍田油塘，城巴只肯出三部車的話，結果都會係 60 分一班車。
你做到 30 分一班，只係因為你拉埋其他線重組，強行大幅削減個別地區班次。
但事實係，如果想加到 30 分一班的話，之後減 E 線加落去，一樣可以。
不敢自稱E22常客
但我次次搭E22就算架車坐大半滿，九龍塘落車人數都係一隻手數得晒
我估就算半粒鐘一班E23A，九龍塘都未必可以上到20人
以九龍塘區性質，牙力真係好弱
E22流水客問題
我反而想知，班客去程會搭邊條線？
藍字：
我想講，215X唔止觀塘居民會搭，觀塘居民又可否代表紅磡居民？
如果你係都認為「己所不欲，must 施於人」係可以的話，再拗落去都無意思。
但我想講，有 D 野有普遍接受到的標準，九龍塘橫頭磡有幾多客係一件事，
如果佢地本來無機場線，你塞半粒鐘一班車落去，vs 本來有條密車線，你強行減到半粒鐘一班，兩件事的性質、效果同後果都好唔同
215X 朝早飛曲街的時間，有幾多紅磡居民會使用？唔係幾乎 100% 服務觀塘居民？
至於下繁，其實唔少已經坐緊 11X，因為比較就腳，況且用 15X 代，某程度上係變相提昇左 11X 服務，而人地又支持
根本唔存在紅磡居民通勤被強行大幅削減服務的情況，E22 我的確睇唔到橫頭磡會支持求其搵條 30 分鐘一班的線取代
215X 通勤方向係去尖沙咀，飛曲街係飛走一個落客站，但 E22 通勤方向係去機場，飛橫頭磡係飛走上客站。你拎 215X 去比，簡直係不倫不類。
如果而家每個區都無機場線，由白紙開始，你鍾意點畫線，點去平衡各區利益都可以（但亦唔代表可以隨便整堆奇怪走線出來）。
但而家唔係由零開始，本身唔少區有服務，有唔少持份者同既得利益者，情況又係咪一樣？
castanopsis 發表於 2015-11-5 09:54
紅字：
前幾個回帖你不斷藉「藍田搭將軍澳道版A29P慢過A22」一論批評我個方案
到我直接同你計數，你就搬龍 ...
作為A29常客,其實我底線都好低
現時定線班次我都收貨
若果想停觀塘?只要加密到15/20分鐘已經收貨
(不論飛唔飛龍翔道)
因為根據回程時間睇
停觀塘道大約多10分鐘左右
城巴肯加到15(繁時)/20(非繁)已經抵消到增加行車時間
但我可以更易夾時間坐車
本帖最後由 castanopsis 於 2015-11-10 09:45 編輯
kay 發表於 2015-11-5 11:14
你又肯定坑寶會支持停觀塘道換加班?
再者，依家坑口搭A29，預岩時間上車，正常情況1個鐘一定到機場
出機場方向停完觀塘道肯定做唔返呢條數
A29當初出現就係要比E22A跑得更快
再加上觀塘道有A22，無理由A22慢又要將A29整慢，大家齊齊鬥慢好過癮?
再者，去得機場，都唔會係last minutes先去做登機手續
基本上開1個鐘1班，半個鐘1班，20分鐘1班，咪又係咁搭
唔會話開密左，會遲左出門口，出門永遠都係有早無遲
城巴就擺明要保留A29競爭力，又唔想浪費資源係同一條線
無論A29拉上康翠、經將南或者國泰城，都面對行車時間不足問題
就算當日RDP寫A29開線後加班，都無附帶條件要停觀塘道
而A29事實客量係咁多就係咁多，唔加班好合理
有車又想搵錢，開A29P根本就係不二之選
如果A29事必要停觀塘道，A22根本就無可能再係觀塘道生存
但藍田站有人搭A22出機場，A22唔去藍田
無車比人反對，比架E車入去/叫人搭E車，城巴賺少左
同埋有樣野就係，既然署方之前係安達臣規劃做法係，觀塘將軍澳分家，整條騎呢秀安沙
而A29P就已經違反呢個定律，之後見你地既做法，就繼續違反呢個定律
但大家又唔係唔知，最想觀塘將軍澳交通分家既，係將軍澳區
開290個陣觀塘山飛站都係將軍澳意願
Sorry, 好忙，一排無時間上italk
你不如重新望過我個方案
A29P 平田 - 碧雲道 - 油塘 - 藍田站 - 將軍澳道 - 秀順 - 黃大仙 - 機場 （+3車）
A29 康翠 - 寶林 - 坑口 - 觀塘道 - （龍翔道飛站）- 機場 （+2車）
A22 縮短至啟麗 （-3車）
A29X 康城將南特快，上下繁各開一班（由E22P抽車）
E22 飛橫頭磡半日加經東涌北，因應順向客量減少減3車
E23 縮短至九龍城，減三車
E23A 慈雲山 - 彩虹道 - 橫頭磡 -九龍塘 （+5車）
- 整體只係加一車
- 藍田山、藍田站、油塘都用A29P處理
- 觀塘道20分鐘一班A29
- E22東涌客快咗
1.
停完觀塘道幾個大站再飛走黃大仙堆站，總體行車時間其實唔會點增加
但同時班次加密到落20分鐘一班
坑寶點會唔受落？
我個方案根本就無將A29明顯整慢，反而係坑寶觀塘齊齊特快入機場
2.
拉上康翠加密班次行車時間問題
上面係有相應地加車
3.
A22縮短之後藍田站有一條快過A22既A29P補償
搭緊A車既乘客唔單止繼續有A車搭，而且會upgrade做$42兼比現時快20分鐘
4.
要留意，我唔反對開A29P服務觀塘山一帶開拓新客源
只係我覺得條線擺落將南好浪費資源，而班次亦唔吸引
特別要講一講班次問題
搭飛機班人當然唔會到最後一刻先到機場
但對通勤客而言就完全唔同講法
一個鐘一班兼早繁唔開，對班通勤客而言絕對係垃圾班次
本帖最後由 castanopsis 於 2015-11-10 10:19 編輯
S3BL100 發表於 2015-11-5 13:46
只回應樓上 kay 未回應的 points
如果你想計數，我可以話你知，我試過有一次夜晚，
觀塘道見 A22 唔上，等多五分鐘上 E22，結果在青馬橋見到之前無上果架 A22 係正自己前面
當然好視乎交通狀況，A22 有機會快過 E22，亦有機會慢過。
但係如果藍田站起計，以當日的交通狀況，行山花多至少 10 分鐘，結果藍田站爬山再爬龍翔道係會同呢班 A22 打和甚至慢少少
既然已知有時段速度最多打和，咁試問有咩藉口叫人硬食減班？
但事實係你特登為左迎合一小撮人口味，將走線整到奇奇怪怪，損人害己（呢點你無回應過），而本來係有更正常的定線可以選擇。
呢個先係重點，行車時間快慢幾多係細節問題，當然亦係奇怪定線的結果，但背後動機先係最大問題。
你架E22只係快A22五分鐘
但你完全忘記咗E22仲要行10分鐘橫頭磡
所以就算將軍澳道版本A29P要用多10分鐘行山，都仍然會在夜晚交通暢順既情況下快過你架A22
再者夜晚既交通情況實在欠代表性
以A22條路，根本就只有夜晚先會暢通，日間任何時間都肯定會塞車，A29P同A22個時間差距只會更加大
我懷疑大半日A29P都會快到15分鐘以上，繁時更加有望快過A22成20-30分鐘
紅字：
我個方案入面——
- 觀塘山A車密咗一倍
- 康翠A車密咗4倍
- 慈雲山多咗龍翔道E車
- 觀塘道有條比起你A26更快既飛站A線
- 藍田不論E/A車程都快咗10-15分鐘
- 油塘有全日A車
咁都叫「一小撮人」？
成個方案基本上除九龍塘外區區有得益或者無損失，有幾「損人害己」？
我諗你一定無在外國生活過，唔少大城巿，機場線都係 60 分一班（包括性質同功能類似 A11 A21 之類的），甚至有D係一日固定時間對開 8-10 班
搭飛機，預早時間係旅客的責任，根本上應該起飛前 90 分鐘到機場，如果唔係坐早機的話，我會預仲多。
早多半粒鐘去到機場，又算係咩？
而我一直都強調，今次秀順彩雲 60 分鐘一班車，係資源問題而唔係需求問題，
就算係併埋藍田油塘，城巴只肯出三部車的話，結果都會係 60 分一班車。
你做到 30 分一班，只係因為你拉埋其他線重組，強行大幅削減個別地區班次。
但事實係，如果想加到 30 分一班的話，之後減 E 線加落去，一樣可以。
好諷刺，我正身在外國，而且會住一段長時間（你從我個在線同回覆既時間唔難推斷出嚟）
我身在個城市去機場都係一粒鐘一班
但唔同既地方係附近無人要去該機場返工
所謂強行大幅削減個別地區班次，其實得九龍塘E線受影響
比起你個方案在E22身上強cut三車影響整個九龍東，我個方案負面影響真係唔大
castanopsis 發表於 2015-11-10 09:43
Sorry, 好忙，一排無時間上italk
你不如重新望過我個方案
問題係，觀塘道環境比黃大仙堆站惡劣
一加一減係咪可以行車時間不增有少少保留
又咁講，機場巴買既係車程同舒適
要頻密既話，觀塘道都已經有A22+E22
觀塘道係咪事必要A29都係問題
如果城巴真係算死草，好似你咁盡量每部車載到盡
觀塘道照加站但開30分1班都可以，唔係話叫佢加班佢就肯加
之前先有人話A29非繁往機場出到觀塘道可以得十個八個
*
而依家A29P康盛起計理論上會快過A29拉上康盛去機場
康盛都應該唔會再要求有A29，亦都唔駛為康翠再浪費車落A29度
將南有A車，得償所願，起碼往後會議唔會再有重覆"將南A車"議題
唔見得A29P真係得物無所用，計埋地區政治層面其實有賺
*
藍田版A29P係咪快過A22有保留，既然觀塘道有得直路跑去機場
觀塘以東無啦啦兜上山去機場，似乎都好怪
唔係見話A22兜佐敦就屈人地兜觀塘山
我自己係Google Map劃過，藍田站出發上龍翔道，第1個result都係跑觀塘道
*
雖然繁忙時間A29P唔夠班次
但上下繁已經有單向E22P服務
通勤客理論上唔會全日由朝到晚都有
非繁以前用咩方法搭E22，依家都可以用同一方法
再者以E22非繁營運狀況，有車多做旅客生意實際過個少少通勤客
你話E22執左笠就要反對姐
睇晒咁多頁文，第一個感覺就係覺得每個山頭都有佢自己的需要同意見，城仔資源又係得咁多，唔通真係去CUT市區資源放落機場線度，然後去滿足每一個區的要求，咁樣做真係當間公司係黃大仙，要有求必應？
作為寶林人，A29的定線真係無咩誘因再去執，有師兄話見過A29得嗰小貓幾隻飛觀塘道入機場，但師兄見到的時候係唔係旅遊旺季先？唔係的話，其實A29又唔係行咁多酒店、旅遊景點，你話一班車載到5-10將軍澳入機場的客仔，我都覺得幾理想架啦喎~再者A29都仲有個客倉喺黃大仙，龍翔道A車特快入機場，比起以往坐E線陪兜東涌同後勤區，其實已經差好遠。而且早兩日上下繁都坐過E22A，出入東涌，你問我條線主要的客倉係邊，我好肯定咁講，一定唔會係康翠先，因為上繁喺寶林上車的時候一個客都無，下繁返將軍澳，落車的時候都係得返一個客上山，而事實上，大半車客都係喺將南上落車，要兜咁耐，對將北客嚟講，其實都真係唔多吸引。
不過咁樣，我都同意東九龍機場線的分工都真係可以再畫得清楚少少，爬文的時候睇過唔同師兄的方案，其實都係講緊班次夠唔夠，有無能力加到車以維持三十分鐘一班的班次等等。我自己忽發奇想，諗到個咁樣定線的方案，先此聲明，小弟唔係好熟加車唔加車，用車要幾多的方面，只係提出定線上的一些小建議。建議如下︰
A22 定線不變，班次略減至全日二十分鐘一班。
A29 維持不變，班次依舊為三十分鐘一班。
A29P，總站延伸至康城，總站設於日出康城嶺都泊街，減省在康城繞圈時間，開出後跟796X現有路線駛至將軍澳站PTI，出站右轉唐德街再左轉唐俊街、然後右轉唐明街，然後左轉寶康路返回A29P沿線停翠林、康盛、寶達、跟93A路線曉光街，中途只停曉麗苑、然後右轉協和街再左轉康寧道，右轉振華道，停樂華南邨、振華苑、右轉牛頭角道出觀塘道，跟A29路線不停站直往機場。班次加密至40分鐘一班。反方向亦然。
E22A，縮短至將南，放將軍澳PTI，開出後跟現有A29P走線行走，中途加停將軍澳中心分站，至調景嶺站後返回原有路線往博覽館。反方向亦然。班次依舊為三十分鐘一班。
此方案會令康盛、翠林、寶林、坑口居民失去直車往東涌，因此建議同時設八達通分段優惠以作補償，乘客於將軍澳區內乘坐A29/P往機場方向可於青嶼幹線收費廣場免費轉乘任何E線往東涌/後勤區，於上下車時使用同一張八達通卡拍卡，即可回贈$18，即最高收費仍為$24。而乘客於東涌/後勤區內乘坐任何E線往市區方向可於青嶼幹線收費廣場以補差價轉乘A29/P往將軍澳區，並於上下車時使用同一張八達通卡拍卡，即可現金回贈，並提供補償優惠，即最高收費仍為$24。
另外，建議開設A26，油塘開出，上廣田、德田後，不停站沿秀茂坪道，停秀程樓、秀康樓後，跟A29P原有路線至彩虹沿途各站，而龍翔道上亦不設站。既可滿足油塘、藍田山居民的需要時，亦可補足因A29P路線改動而對秀茂坪、順利居民的影響。
好處︰將南、寶林、坑口可以皆有快捷的方法入機場，將北人入東涌的話又唔駛陪兜將南; 康城、曉麗、樂華、油塘、藍田山又可以有A車。
壞處︰1) A29P改動後，時間上應該唔會快太多
小小意見，歡迎賜教 :)
castanopsis 發表於 2015-11-10 10:12
你架E22只係快A22五分鐘
但你完全忘記咗E22仲要行10分鐘橫頭磡
所以就算將軍澳道版本A29P要用多10分鐘行山 ...
A22 東行其實比 A29 平均慢 15-20 分鐘，藍田站行山線係無可能比 A22 快 20-30 分咁多，除非唔好彩佐敦道塞到癱
當然而家因為高鐵工程同紅隧倒灌，佐敦道塞到癱機會唔係真係無
不過我發覺而家個討論已經去到一個地步，就係每提出一個論點，你就會搬出一堆數字（尤其行車時間數字）出來反駁，
（雖然我有時都會咁做），於是成個討論就變左爭論點行會快少少，反而本來的重點，
亦即係點樣定線先係最合理，就失左焦。我覺得咁樣討論落去，都唔會有共識。
我個方案入面——
- 觀塘山A車密咗一倍
- 康翠A車密咗4倍
- 慈雲山多咗龍翔道E車
- 觀塘道有條比起你A26更快既飛站A線
- 藍田不論E/A車程都快咗10-15分鐘
- 油塘有全日A車
咁都叫「一小撮人」？
成個方案基本上除九龍塘外區區有得益或者無損失，有幾「損人害己」？
歸根究柢，A29 觀塘道加站，A22 定位就會好模糊，但藍田站本來有的服務又唔可以拎走，變左為左遷就 A29 觀塘道加站，
其他 A 線要整到奇奇怪怪
你可以拎你個方案同現狀比較，但事實係幾條 A 線都俾你整到奇形怪狀，而人地本來可以有更好的選擇同更正常的定線
其次我覺得你都好雙重標準，A29 坑口尾站入隧道行經觀塘道係既有事實，你就決定尊重呢個既有事實，仲要拉上康盛同加班兼觀塘道加站
（其實加兩車唔夠拉長加站，但已經係後話）
但 E22 入橫頭磡九龍塘，提供頻密班次，亦係現況，你就可以夾硬大幅削減人地服務
而家唔係 start from zero，唔係鍾意點樣分配、鍾意點樣在 google maps 畫線都可以。
如果一切可以推倒重來，我相信 E22 的確未必會入橫頭磡，E22A 甚至未必將南尾站，但亦絕對唔會係藍田站兜山而康翠行隧道停觀塘道
但事實係你無得推倒重來，唔可以令現有乘客的服務大幅倒退
好諷刺，我正身在外國，而且會住一段長時間（你從我個在線同回覆既時間唔難推斷出嚟）
我身在個城市去機場都係一粒鐘一班
但唔同既地方係附近無人要去該機場返工
睇到呢度，我真係笑左
有咩機場係無人返工的？就算係客運大樓，登機閘、security checkpoint、仲有餐廳、入境櫃位，都已經大把 staff
如果你有追開我 B5 R3 C2 版的 posts，你應該會估到我有唔少時間都身在外地，而且去過唔少地方，
見過的野係咪多過你就好難講，不過隨便都諗到幾個例子：
洛杉磯國際機場，旅客人次比香港仲要多，幾條 Flyaway 線，除左去 Union Station 果條半粒鐘一班外，
其餘全部一粒鐘一班，而且呢個機場係無鐵路接駁
（當然 LAX 點解交通咁差，背後有好荒謬的政治原因，但超越呢度討論範圍）
Denver 機場旅客人次同香港差唔多，舊年去果陣，印象中有五條機場巴士線，巿中心果條部分時段 30 分一班，其餘全部 60 分一班
Las Vegas 機場有條特快巴士線 WAX 去巿中心同巿郊，除左 weekdays 部分時段較密，其餘基本班次都係 60 分一班
而呢堆機場線，全部都有機場員工乘坐的
但重點都係，去得機場本身就要預時間，如果需求得咁多，一小時一班真係唔係咩問題。
當然你可以唔同意，但有D區如果搞到得早繁幾班車，唔係比一小時一班仲要差？
HE7707 發表於 2015-11-11 12:14
睇晒咁多頁文，第一個感覺就係覺得每個山頭都有佢自己的需要同意見，城仔資源又係得咁多，唔通真係去CUT市 ...
呢個方案就咁睇有以下幾個問題
1.無解決到觀塘道沿線車程慢問題
2.A26單靠油塘/觀塘山夠唔夠客?
3.將北肯唔肯放手E22A? (始終A29半個鐘一班,去到青馬又要再等車轉)
4.感覺上呢個方案要加車先可以維持到(因為冇乜減車,但又開線)
不過呢個方案下,A車服務範圍係擴大咗
JX9097 發表於 2015-11-11 14:29
呢個方案就咁睇有以下幾個問題
1.無解決到觀塘道沿線車程慢問題
2.A26單靠油塘/觀塘山夠唔夠客?
感謝師兄指正，嘗試逐點回應，睇下會唔會可以完善到個方案先 :)
1)無解決到觀塘道沿線車程慢問題
的確呢點小弟係諗漏左，只要A29喺觀塘道加站就可以，不過前提係唔會跟A22站位一樣全部都埋，因為全部都埋的話會拉慢左A29的車程，寶林、坑口人未必會接受，所以建議A29只於創紀之城及九龍灣站加站。
2)A26單靠油塘/觀塘山夠唔夠客?
小弟觀察過好多班A29P，過左秀順之後其實得返5-6個客仔會返到將南，如果之前D師兄講，一班車都有10-20個人的話，咁大部份都係秀順客仔，我的建議加埋油塘、藍田山呢兩個新客倉，應該都可以COVER到開一班車條數的。
3)將北肯唔肯放手E22A? (始終A29半個鐘一班,去到青馬又要再等車轉)
其實心水清的客仔都會知道，E22A博覽館開20、50，即使A29遲20分鐘之後開，去到收費廣場都會追到20分鐘之前喺博覽館開的E22A，所以先會出現兩條線回程拖住一齊返的感覺，但無可否認，A29係有機會追過班E22A，變相客仔去到收費廣場會MISS左班車，所以我先會建議係任何城巴E線都可以做到呢個轉乘，此舉亦可以唔駛拉線入東涌北，而靠轉乘為東涌北居民提供服務。同埋我上文都有提及到，E22A客倉唔係將北同康翠，如果可以唔駛兜晒成個將軍澳，而且只係用返同樣的價錢，又可以有唔同的線去選擇入東涌同後勤區的時候，對將北嚟講，我覺得反而係吸引D。
4)感覺上呢個方案要加車先可以維持到(因為冇乜減車,但又開線)
呢點小弟真係唔識計要用幾多車，又或者縮短E22A同A22可以省到幾多部車返落嚟做呢D改動，要留待其他師兄接力補充 :)
HE7707 發表於 2015-11-11 23:36
感謝師兄指正，嘗試逐點回應，睇下會唔會可以完善到個方案先
1)無解決到觀塘道沿線車程慢問題
感謝師兄指正，嘗試逐點回應，睇下會唔會可以完善到個方案先 :)
1)的確呢點小弟係諗漏左，只要A29喺觀塘道加站就可以，不過前提係唔會跟A22站位一樣全部都埋，因為全部都埋的話會拉慢左A29的車程，寶林、坑口人未必會接受，所以建議A29只於創紀之城及九龍灣站加站。
A29加站的話,A22定位又如何呢?
因為A29站站停的話,相信絕大部份乘客都唔會再上A22
但A22又唔可能就咁cut出去啟德一帶(因為藍田站冇補償)
若果跳站停的話,A22更加唔使諗cut走
因為cover唔哂原有範圍
但A22"觀塘區主要上落客點"又畀A29搶哂
令到架車更吉咁去土瓜灣
2)小弟觀察過好多班A29P，過左秀順之後其實得返5-6個客仔會返到將南，如果之前D師兄講，一班車都有10-20個人的話，咁大部份都係秀順客仔，我的建議加埋油塘、藍田山呢兩個新客倉，應該都可以COVER到開一班車條數的。
唯一問題係,將條A29P九龍段再拆開
(閣下建議A29P做寶達/曉麗苑同樂華;A26就做油塘/藍田山/四順)
即使加埋新服務範圍,夠唔夠cover additional嘅cost?
(因為閣下建議A29P+A26,應該比現時A29P用多四架車左右)
3)將北肯唔肯放手E22A? (始終A29半個鐘一班,去到青馬又要再等車轉)
其實心水清的客仔都會知道，E22A博覽館開20、50，即使A29遲20分鐘之後開，去到收費廣場都會追到20分鐘之前喺博覽館開的E22A，所以先會出現兩條線回程拖住一齊返的感覺，但無可否認，A29係有機會追過班E22A，變相客仔去到收費廣場會MISS左班車，所以我先會建議係任何城巴E線都可以做到呢個轉乘，此舉亦可以唔駛拉線入東涌北，而靠轉乘為東涌北居民提供服務。同埋我上文都有提及到，E22A客倉唔係將北同康翠，如果可以唔駛兜晒成個將軍澳，而且只係用返同樣的價錢，又可以有唔同的線去選擇入東涌同後勤區的時候，對將北嚟講，我覺得反而係吸引D。
呢個問題其實相對次要,唯一係怕為反而反嘅議員啫~
(若果城巴真係賣大包可以回贈兼轉所有E線)
4)感覺上呢個方案要加車先可以維持到(因為冇乜減車,但又開線)
呢點小弟真係唔識計要用幾多車，又或者縮短E22A同A22可以省到幾多部車返落嚟做呢D改動，要留待其他師兄接力補充 :)
縮短E22A去將軍澳站最多慳一架車,even未必慳到
(因為現時繁時根本唔夠跑,有板友提出過部份E22A將軍澳班次要靠E22攝)
A22唔改,淨cut班應該都慳到一至兩架車
(不過即使最樂觀情況都只係得三架車,都未夠車直接拆A29P)