TommyS58 發表於 2015-10-19 19:38
宜家A22仲有做埋佐敦到觀塘既流水，每班至少10個
雖然唔多錢，得一百蚊，但係冇理由眼白白送咗俾九巴呱
唔好打E23主意得嗎?
我同成個慈雲山既人真係靠佢去機場的....
S3BL100 發表於 2015-10-18 23:01
就算係咁，但係開 A29X 就要面對繁忙時間要額外搵兩部車的問題，如果係額外加車咪又要成本
A29 行六幹走 ...
其實上面計出來個結果
上下繁各開一班A29X已經等同A29P全日將南收入
嚴格來講繁時加一架車對城巴而言已經任務完成
而架車邊度抽？上面講咗，開刀對象E22P
反正A29P加咗24班，捆綁重組減一班E22P問題不大
講真，就算繁時真係要加車，又如何？
家陣A29X新客唔少，唔見得cover唔到成本
A29康盛掃到落康城上六幹，觀塘係要解決我會屬意到時將A26全日化代A29個觀塘位
加車係一定要加（客源都多咗，加係正常，而到時A29應該會落返30分鐘一班）
E22 係慢，但城巴的確無咩誘因改，一來九龍執內水流水客執得幾開心，二來正如我所講，屈人坐紅車
同埋 E22 去機場客運大樓係慢，但去後勤區其實唔算慢，只係兜多個橫頭磡，但回程其實仲有貴 $6 的 E22A 揀。
（當然如果藍田起計，仲要兜多個麗港城，但呢段無得搞）
由九龍灣站起計，去到空運貨站都係 50-55 分鐘，如果搭地鐵，淨係去東涌都要 47 分鐘，盛惠 $19.8，然後再駁多程 S 車，車費跑輸而時間亦唔見得更快，
E22 就算兜埋橫頭磡都有競爭力的。
其實就算去東涌都唔慢得過搭地鐵，E22 而家流失左部分東涌居民落地鐵，尤其下繁機場方向，似乎係脫班趕客多過時間太慢。
（不過我覺得 E22A 可以向 E11A 單向加經東涌北，然後觀塘道加兩三個站，龍翔道相應減站，對東涌係有一定吸引力，
而我相信城巴有誘因用 E22A 做東涌北，但唔會拉 E22 入去）
後勤區當然E22佔優
但東涌其實已經好難講
要記住，後勤區好多位E22做唔到，成班客都係搭S線轉車
加埋嶼南同東涌自身既客源，東涌客源其實好龐大
而去到東涌E22/A真係咁一面倒？我有保留...
我相信城巴都知咁樣落去有客會流失
所以至開E22C盡量擴大E線後勤個覆蓋，阻止班人出東涌
紅字：
如果可以，我真係寧願E22飛橫頭磡兜東涌北（飛橫頭磡吸引通勤客，同時逼人上紅車）
定係又係價錢問題？
咁我無嘢講，不過唔該同時幫E22A加個ETA
唔好以為E22A下繁西行開車穩定，30分鐘一班一樣脫
如果城巴真係覺得 E 線好有價值的話，今次開的唔會係 A29P 而係另一條 E22 分支。
況且就算你話到時 E22/A29 同而家 E22/A22 時間差距相若，事實係觀塘道有客搭 A22 之餘，亦有唔少人知道/怕左 A22 塞車，而搭 E22 的，
再加上回程本身有 A29，如果 A29 同 E22 的時間差距收窄，會有幾多人回流到 E22？城巴未必肯搏。
你又搞錯咗
我唔係話A29/E22時間差距同A22/E22時間差距相約
我係話就算E22飛橫頭磡，只要A29同時飛起黃大仙，E/A時間差距就可以維持20分鐘或以上
如果E22兜埋東涌北個時間差距又會更加大
藍字：
當然啦，A22仲慢過E22，稍有交通常識既人都會選擇後者
A29如果加停觀塘道飛黃大仙，唔止會快過A22，仲會快過E22一截
我相信到時情勢會逆轉，變成大家排隊上紅車
好難講，但 8-20 減到 30 分一班，上繁唔見左超過一半班次，過到的難度係好高，唔好太樂觀，同埋黃大仙 ttc 主席的選區係橫頭磡，我唔覺得橫頭磡唔夠牙力。
況且事實係，會有人話，慈雲山想快的話，唔係一定要兜入橫頭磡搞到橫頭磡無左 E22 要減班囉…
放心，真係大把方法搞掂橫頭磡
最簡單，學215X/15X
繁時開始加飛橫頭磡特車，一步一步搞疏橫頭磡班次
做得好可以極之唔起眼，10變12，12又變15咁
然後就拆E23A，E22全面飛走橫頭磡
怕反對？簡單，初期E23A又可以開繁時15非繁20，過多幾年慢慢偷疏都得
反正只要唔好有大動作，區議員就好難入你
dennis28a 發表於 2015-10-22 04:27
我先假設你依點成立，開 A26 選擇係藍田站加站。
至少唔係成條線無左，無車返屋企先。底線係，A29 觀塘道加站，就算加埋班，亦唔代表 A22 就咁可以撤離觀塘道。
你都識話收唔返，將南有 A29P，佢地唔鐘意搭係佢既事。
政治現實嗎，你拉倒又點，咁好簡單 A29/E22A 幾年內繼續 30 分鐘一班、A29P 亦會健在唔會再改，更加唔好提康城。
城巴唔夠機場車用，而 A29/E22A 入機場有好大剩餘載客能力，依點係影響大家口中觀塘道新線最大阻礙，
唔好以為將軍澳既事唔會影響到觀塘區先得嫁，否則新線一早開左。
你明知道將軍澳既事會影響到觀塘區最好，唔需要再白費心機整一個人地會反對而不能實行，從而令觀塘亦無法得益的方案出來。
A29/E22A 係仲有唔少剩餘運力，但善用唔善用都好，客量亦唔會有爆炸性增長，最多只係左手交右手，黃車變紅車。
反正車都係出咁多，塞觀塘客落 A29 vs 新線，最後條數咪又係一樣。如果城巴係醒目的，應該要考慮呢點。
點解你認為 E22A 容易唔少？都話左好多次，最難改既係 E22A。
單係回程入唔入調景嶺 PTI，城巴都唔會放行，恐嚇會增加車程 10 分鐘，之後將北就加入戰團。
另外，有考慮過 E22A 觀塘道加站，補償 E22P 改上山結果，結果就係將軍澳居民反彈，至決定將 E22P 改開做 E22X。
當年都反對一次，又想再黎，你真係想兩區互殺？根本唔可行。
再講一次，就算 E22A 改唔成，都唔影響 big picture E22/A22 的重組
咁又點？城巴本身真係想削 E22A／E22P 變條觀塘道新線出黎。
你估開新線唔洗找數？邊有咁著數？假落 A29P 想加兩班係早繁度，E22A／E22P 就一定會各減一車。
我個 point 係無論 A29P 去將軍澳定油塘都好，A22/A29/E22 重組都會碰到同樣的問題，尤其資源方面，唔好諗住 A29P 去油塘可以幫到觀塘道解決問題，
因此唔見得你的方案比起我的方案在呢方面有優勝之處，你將所有野入晒 A29P 數、當人地係原罪，呢點係不能成立。
難道你認為係鯉魚門道加一個站就解決到藍田站問題？
你叫第 9 座既朋友碌幾百級樓梯，定係兜成個大圈去鯉魚門道上車？咁易解決到就一早改左線啦。
至少唔係無車返屋企、成條線無左，如果我呢套唔 work 的，你或城巴亦唔使旨意 A29 加站就可以成條 A22 撤離觀塘道
你點解一定認為「山上 A 線入康翠，順便入埋將南，幾乎係唯一選擇」？
首先，麻煩你先刪除「康翠永世無快車」依個謬誤，只係佢地仲要等幾耐。
但而家可以好肯定預見幾點：
1. A22 縮線視乎啟德道路網規劃以及入伙期，啟麗未必有份，最快 17 年成事；
2. 東九龍新 A 線係未有車源前同 A22 縮線前唔會出現；
3. 如果區會過唔到城巴任何既重組方案，視乎中九龍幹線仲要拖幾耐，到時再一併重組。
唯一我認同你一點，觀塘道仲等得下既，2017 年，都唔爭在等多幾年。
但油塘仲要再等，但政治現實嗎？如果搞唔到，城巴拖到 202X 年再搞又有幾奇。
你成日認為油塘仲有機會嗎，但你敢寫包單新線計劃會成事？
唔好忘記，A22 改線係影響到彩虹邨、采頤花園、啟業、麗晶花園。
但我睇唔出係中九龍幹線落成前，城巴提出既任何方案點令 A22／E22 沿線既得利益者唔反對，
並唔影響 A29／A29P／E22A 下，成功生到一條東九龍新 A 線出黎。
你又敢寫包單，如果今次 A29P 唔入將軍澳，康翠一定可以將行車時間合理化？
正如我之前回應所講，唔鍾意 A 線入將南都好，政治現實係
唔去做野 appease 將南班大帝，滿足佢地左攬黃車右攬紅車的慾望，A29 係唔使旨意拉上康翠，亦唔使旨意觀塘道加站。對觀塘一樣無好處。
呢個道理，上次提出 A29 入國泰城已經應驗，佢地就係問，做咩入國泰城唔入將南，最後方案撤回，A29 到而家都未入國泰城。
幾唔鍾意都好，呢D政治現實唔可以唔考慮，唔係你一廂情願可以好理想唔理班大帝意見就可以。
當然，如果係都要 A29P 去油塘的話，仲有一個方法，就係開多條 A29X，將南入隧道，來回兜入藍田站 PTI，將南應該會和平收貨。
然後 A29 上康盛，A29/A29X 其中一條觀塘道加站，A22 縮短。
但我睇唔到 A29/A29X 兩條去程都停觀塘道的可能，最盡都會係齊齊半粒鐘一班，不過因為資源問題，結果 A29P 都會係一粒鐘一班車。
呢個方案下，兩條觀塘道 A 線因為去遠左，至少要 14 部車，比起我提出 A29 + A26，用多兩部車，
效率仲差左，而且到時油塘因為併觀塘山，都會一粒鐘一班，反而最無需要的將南，因為觀塘道，可以享受半小時一班車。
結果係觀塘道都要多一條新線先可以和平通過，效率差，而且反而仲無咁公平，結果仲差過直接拆 A22。
我無講過 A29 加站同 A29P 拉去油塘可以解決所有問題，但 A29P 拉去油塘，最低限度油塘唔需要無限期等。
A22 拆線真係咁簡單？你唔好傻，完全城巴真係玩到盡，A22 份份鐘唔係改去啟德，連一部車都無減，新 A 線無咁易新開得成，仲要等幾耐？
觀塘道同藍田等得，無問題，先唔好搞佢地。你都曉計，油塘 8 萬，加彩雲四順秀茂坪 20 萬，加埋碧雲道、連德道呢？
E22P 全日 A 車化唔係仲抵？康翠車程唔合理，但終有一日會變得合理，果 3 萬人又等唔等得先？你已家叫個 8 萬人去「等埋 A22 縮線」。
儘管 A22 有幾迫切要離開觀塘道，但啟德道路網最快 17 年至搞好，有可能再等多幾年入晒伙至改，加埋地區鬥爭，咁等到幾時？
難道個個係觀塘道搭車入機場，就等於佢地住觀塘咩？觀塘市中心重建緊，成堆甲級寫子樓起好，又唔似得中環仲有得上機鐵，原來 CBD 唔係合理理由？
更何況單係觀塘已經有三間酒店，一間做自由行，兩間做商務客，仲有第四間準備起，多謝自由行唔黎香港，否則有幾塊地都準備轉做酒店。
次次有朋友問我觀塘有咩方法最快機場，佢趕住入機場，我建議佢唔好上 A22，佢問我，如果搭 215X 轉機鐵呢？⋯⋯
咁請問係唔係觀塘道要 30 分鐘一班 A 車無問題？無的話 A12 可以取消中環去機場所有站，唔好阻東區既居民去機場。
寶達、安達行秀茂坪道真係唔可以？我可以答你，而家 A29P 寶達邨個站對寶達普遍居民而言，入機場反而仲麻煩。
油麗問題，係油塘邨上落，行去油麗都唔係咁過份姐下化。
另外，將南仲發展緊，如果將南唔介意上 E22A 當然好事，但可必要比條 A 車價錢、E 車時間既 A29P 佢地？
你認為可行嗎，唔爭在加多部車比康城、清半，到時康城出左個不合理車程，仲要係比緊 42 定 45 蚊，咁就好笑。
同上，我覺得 A29P 去油塘，最後結果對各區都唔係理想，而「康翠車程要合理化」亦要睇將南面色，唔係就咁 A29 加部車拉上山就可以。
你要三萬人無了期等，而最後結果又唔見得對大家好理想，我覺得你厚此薄彼兼無視長遠規劃，只係諗住做左先就算。
而我亦好唔同意觀塘因為變左商業區、有幾間酒店，就唔可以 30 分鐘一班 A 車（出巿區仲要 15 分一班）。
田灣夠有自由行酒店，A10 開幾耐一班？數碼港夠有酒店，仲有跨國公司，有無 A10？
根本去得機場搭飛機都係要預時間提早出門，30 分鐘一班車有咩問題？況且 30 分一班，只要夠快，都仲有唔少競爭力。
我想講，外國唔少大城巿，類似 A 線都係 30-60 分一班…
而家你都識話 A22 每班車 15-20 個客離開觀塘道（實際我目測唔少時間未必有呢個數），就算變半粒鐘一班都夠載
寶達安達想要線，就要山上 A 車行秀茂坪道？你問左秀明道同曉麗苑未？之前都講過，我提出將荃線行秀茂坪道入四順內街方便安達臣都俾人鬧，
你覺得咁做有可能嗎？反而而家 A29P 的行法，照顧到最多秀茂坪/安達臣乘客的需要。
將南先係最無需要的地區，但事實又係唔去 appease 佢地就會阻住其他區提昇服務，我亦唔覺得要為左佢地又再比 E22A 快少少
而事必一定要整條隧道 A 線（其實快唔過 A29P）甚至尾站 A 線俾佢地，而影響其他區獲取更合理服務水平，A29P 塞住佢地把口咪算。
我亦唔認為 A29 加站可以同 A12 中環停站比較，首先 A12 一開線已經在中環有站，唔似得 A29 而家去程觀塘道無站，係本來原狀係點的問題。
其次呢個亦可以係城巴的商業決定，我相信佢地覺得 A12 中環設站而 A29 唔擺站最合乎在營運需要同競爭力之間取得平衡。
講到尾，你大前提咪又係觀塘道唔可以 30 分鐘一班 A 線，原來為左要有密少少班次，其他區車程唔合理、唔方便，都可以讓路
castanopsis 發表於 2015-10-22 09:31
其實上面計出來個結果
上下繁各開一班A29X已經等同A29P全日將南收入
嚴格來講繁時加一架車對城巴而言已經 ...
後勤區當然E22佔優
但東涌其實已經好難講
要記住，後勤區好多位E22做唔到，成班客都係搭S線轉車
加埋嶼南同東涌自身既客源，東涌客源其實好龐大
而去到東涌E22/A真係咁一面倒？我有保留...
我相信城巴都知咁樣落去有客會流失
所以至開E22C盡量擴大E線後勤個覆蓋，阻止班人出東涌
紅字：
如果可以，我真係寧願E22飛橫頭磡兜東涌北（飛橫頭磡吸引通勤客，同時逼人上紅車）
定係又係價錢問題？
咁我無嘢講，不過唔該同時幫E22A加個ETA
唔好以為E22A下繁西行開車穩定，30分鐘一班一樣脫
E22C 只係被迫開，開的原因係冠忠員工車收檔
城巴用 E22A 做東涌北的誘因大好多，價錢係其一，另外東涌北應該用唔著 15-20 分一班車，
而 E22A 的剩餘運力亦多過 E22，亦唔需要入橫頭磡
不過我知道 E22A 下繁西行因為東行觀塘道塞車搞到返唔切車脫班，城巴都知道，佢地亦因此改左更表
東涌係有潛力，但人口其實遠不及其他新界西北地區，講到尾又係做呢班客定係做 A 線搶錢帶來更多收入的問題。
城巴好明顯揀左後者。而其實真係想做好東涌的話，E22A 入東涌北係其一，其次可以考慮整 E22S 回程、上繁加班，服務當區居民仲好，仲好過將目光擺在東涌巿中心。
（但其實朝早果班 E22S 亦唔係好似九巴大西北東九線咁爆）
當然啦，A22仲慢過E22，稍有交通常識既人都會選擇後者
A29如果加停觀塘道飛黃大仙，唔止會快過A22，仲會快過E22一截
我相信到時情勢會逆轉，變成大家排隊上紅車
A22 慢唔慢過 E22 係視乎咩時間，其實如果漆咸道唔塞車的話，A22 係一定快過 E22 的，當然唔塞車機會真係唔多
或者咁講，E22 如果改快唔入橫頭磡，比起 A 線只係慢兜後勤，果 15 分鐘值唔值得屈人上紅車會係問題。
情況同而家 A22 vs E22 差唔到幾遠。如果 E22 照兜橫頭磡，但觀塘道 A 線行龍翔道入機場，時間差距會有 25 分，情況會唔同
放心，真係大把方法搞掂橫頭磡
最簡單，學215X/15X
繁時開始加飛橫頭磡特車，一步一步搞疏橫頭磡班次
做得好可以極之唔起眼，10變12，12又變15咁
然後就拆E23A，E22全面飛走橫頭磡
怕反對？簡單，初期E23A又可以開繁時15非繁20，過多幾年慢慢偷疏都得
反正只要唔好有大動作，區議員就好難入你
慈雲山橫頭磡一開波就 15/20 分一班？車從何來？
如果真係要從政治現實睇既話
A29P係將南既情況更加出事
先不論點重組都好
如果將南真係口中咁惡既
今日阻你A29經國泰城
聽日可以同你講A29P唔得
我地要一條真既A線先收貨
咁到時又點做呢?
假設將南真係好貪心而咁有威力既話
除時真係要出多條全日既A29X俾將南先收得貨
從另一角度睇
根本冇一方需要去please 將南有冇A線
一向都係佢有佢嘈
官方照舊唔聽
油塘嘈左咁耐都冇服務
又唔見城記或者運輸處用心處理?
而無論點重組都好
最大問題係而家開左果頭將南手上面多左條A線叫價
情況同前幾年既某兩線重組有相似地方
改唔晒留低D手尾先大問題
眼下城記空降三四架車開條A29P好難唔拍手既
咁但係如果lee 三四架既車唔係放係A29P
一開始做其他野既話
其實會唔會有更好既結果呢?
S3BL100 發表於 2015-10-22 12:43
E22C 只係被迫開，開的原因係冠忠員工車收檔
城巴用 E22A 做東涌北的誘因大好多，價錢係其一，另外東 ...
其實如果E22/A真係咁有吸引力
E22C就算唔開，班客都一樣會落城巴袋
因為班客出到東涌一樣會搭返E22
當然搶少幾蚊，但由於成本都低一截，profit開唔開都無大影響
問題係E22本身唔係快，唔少客落到東涌都未必會搭返E線，結果城巴收得$4
咁既情況下，E22C就有價值
同樣道理，E22C服務時段以外
民航署、機場維修區、飛行服務隊、嶼南全部都要出東涌轉車
E22如果在東涌吸引力低，係對城巴收入有影響
城巴用 E22A 做東涌北的誘因大好多，價錢係其一，另外東涌北應該用唔著 15-20 分一班車，
而 E22A 的剩餘運力亦多過 E22，亦唔需要入橫頭磡
不過我知道 E22A 下繁西行因為東行觀塘道塞車搞到返唔切車脫班，城巴都知道，佢地亦因此改左更表
東涌係有潛力，但人口其實遠不及其他新界西北地區，講到尾又係做呢班客定係做 A 線搶錢帶來更多收入的問題。
城巴好明顯揀左後者。而其實真係想做好東涌的話，E22A 入東涌北係其一，其次可以考慮整 E22S 回程、上繁加班，服務當區居民仲好，仲好過將目光擺在東涌巿中心。
（但其實朝早果班 E22S 亦唔係好似九巴大西北東九線咁爆）
A22 慢唔慢過 E22 係視乎咩時間，其實如果漆咸道唔塞車的話，A22 係一定快過 E22 的，當然唔塞車機會真係唔多
或者咁講，E22 如果改快唔入橫頭磡，比起 A 線只係慢兜後勤，果 15 分鐘值唔值得屈人上紅車會係問題。
情況同而家 A22 vs E22 差唔到幾遠。如果 E22 照兜橫頭磡，但觀塘道 A 線行龍翔道入機場，時間差距會有 25 分，情況會唔同
用E22A做東涌北唔係唔得，但有佢自己既弊病
記住，E22A頭班係0700，到東涌已經0720
如果搵E22A去處理東涌北，變相半個早繁無車開，最後好大機會要加車提早頭班
紅字：
我深信兩者唔係mutually exclusive
如果E22飛橫頭磡入東涌北你又覺得點？
如是者，一來E22頭車0530，成個朝早都有車出東九
二來E/A時間差距又會被東涌北拉大，咁就唔需要擔心飛機客搭E車唔搭A29
同時東涌北會有條班次合理、唔使兜橫頭磡的九龍東線
慈雲山橫頭磡一開波就 15/20 分一班？車從何來？
只係一開波15/20
之後慢慢偷疏落30
無車既一開始就30都得，不過要做少少門面功夫先過得到區議會
My point is，政治現實要面對，但好多方法面對，未必一定要向政治現實低頭
Snoopy@FB8617 發表於 2015-10-22 21:46
如果真係要從政治現實睇既話
A29P係將南既情況更加出事
又唔係咁講
好似康城，如果無A29P，E22A同A29是但一條要改路經康城，都唔知可以點樣行
依家康城都睇中左條A29P，如果署方覺得無所謂賣人情，相信要搬入去都唔會係太耐既事
到時佢係將南最大作用咪係康城
不過又咁睇，如果依家覺得A29P係錯誤
當日開A29都係錯誤
比左坑口尾站車出機場快過E22A半個鐘，比左既野收唔返
依家叫做將南尾站一條、坑口一條、寶林就蝕少少啦(當然A29快過E22A好多條數係返度)，康翠雞肋少少一個鐘一班尾站爬山
如果當日純粹E22A逆走、A29將南尾站既話
坑口應該就唔會有快車去機場，康城要開機場巴似乎都係要開新線
如果話將南A車有問題，咁當年比左架尾站A車坑口更加係問題..
[無爬晒]
無錯100兄所講「A29加停觀塘道西行」「藍田站無左A22」會係一個重組阻力
其實樓上有個諗法應該work, 就係A29西行觀塘道加3~4個站, 跟手cut晒龍翔道D站,
帳目上停站仲少左, 應該昆到將軍澳朋友落搭(包括我);P
觀塘道入機場更加係超特快, 九龍灣尾站的士走法, 就算唔加分段收費都抵比
之後就諗辦法踢走A22, 起碼縮到盛德街, 減至20分鐘一班
28A兄講得也對, 觀塘道得30分鐘一班A車有點不足,
但如果開番條A26, 半粒鐘一班, 同A29聯合班次, 直頭係服務大提昇
(藍田站話晒快左唔少30分一班應該夠塞住把口)
啟麗彩虹坪石, 正好由A26行U型橋/彩虹通道處理,
問題就只係A22縮短減班夠唔夠嘔5部車出黎比A26
最後就係油塘, 我唔打算用A26, 反而想拆E22, 暫且叫「E22甲」「E22乙」
兩條線麗港城至機場係一樣, 「E22甲」繼續原本走線上藍田北,「 E22乙」經茶果嶺道去油塘
兩條線分別30分鐘一班, 聯合班次大致接近現時E22服務水平
藍田山得番30分鐘一班又唔高興, 一於A26上埋藍田北, 西行將軍澳道落山, 處理藍田站問題
*啡字呢段, 如果唔拆E22, 直接拉A26去油塘, 會有藍田站西行問題...
即是總結如下：
A22盛德街←→機場, 20分一班
A26藍田北←→機場, 30分一班
A29寶林←→機場, 30分一班
「E22甲」藍田北←→博覽館, 30分一班
「E22乙」油塘←→博覽館, 30分一班
A22 (土瓜灣)：速度不變, 班次略減
A22 (啟麗彩坪)：A26,速度提昇, 班次30分鐘一班
A22 (觀塘道)：A26/A29聯合班次, 班次照舊, 時間大減
A22 (藍田站)：A26,速度提昇, 班次30分鐘一班
A29 (將軍澳)：無大分別
A29 (黃大仙)：西行改乘A26, 無分別; 東行A26/A29/A29P聯合班次一粒鐘5班:funk: (不如A29東行都飛黃大仙;P)
E22 (麗港城至九龍塘)：「E22甲」「E22乙」聯合班次, 同現時無大分別
E22 (藍田山)：「E22甲」及A26分別30分鐘一班, 聯合班次15分鐘, 但A26快好多, 有A29 VS E22A的感覺
因應觀塘道西行有快到爆燈A線, 觀塘山近來又有A29P, 油塘又會有「E22乙」, 似乎E22P/X有打劫空間
我明白咁拆法會略為混亂分散, 但由藍田北至九龍灣都可以成為掠水對象, 人人樂意上A車
甚至令「E22甲」「E22乙」聯合15分鐘一班都似乎太密(回程仲有E22A), 可以成為下一輪整頓對象
kay 發表於 2015-10-22 21:56
又唔係咁講
好似康城，如果無A29P，E22A同A29是但一條要改路經康城，都唔知可以點樣行
A29P係康城開
經將南一個U型走線
再上埋山同秀明道
真係會要?
康城有人叫緊A29P入康城既同時
其實仲有人叫康城夾將南
停埋觀塘道保客量
E22A始終將南尾站郁唔到
而且如果坑口爬山仲要停返觀塘道
又或者停觀塘山既話
其實都係慢
就當當年既決定錯誤
咁係唔係要繼續越整越complex?