siusiupeople 發表於 2016-8-22 19:26
成班巴士迷, 唔識字之餘又唔用腦陪樓主一齊放笑彈比大家,
第一, 新巴一早講左"約"字, 即係根本無講過柴灣可 ...
一、214有問題，係咪就代表88X無問題？我又有無插過新巴寫722用5分鐘由灣碼去鰂魚涌？
無嘛，因為佢真係做到，就算有時碌下車，都係6、7分鐘，唔超得多。
214我未坐過，唔太敢亂講，但如果係35-40分鐘，我覺得都係有問題，但問題嘅嚴重性無88X咁離譜咁解啫。
睇車程，從來都係用relative好過用absolute去睇。
一程71B嘅車程，如果突然話要永久延長5分鐘，相信富亨居民暴動都似；
如果係坐去美國嘅飛機，機程延長5分鐘，相信大家都無乜反應。
去返214，如果214果段車程係35-40分鐘，雖然比聲稱30分鐘慢左5-10分鐘，但計落%，都未算相差得太嚴重。
但88X呢？今日用左近20分鐘先去到中環，即係差唔多超左3倍時間。
就算之後城市花園至中環都係暢通無阻，俾你快多5分鐘，你架88X都要用15先鐘先去到中環。
***************
二、首先，如果你覺得調查員好阻人上、落車嘅，咁唔該叫埋個跟車督察落車啦。
我同個督察一樣，都係企係到，無佔用任何座位。
再講，依你嘅講法，不如繁忙時間大家上車前先申報「乘車目的」先啦。
唔係返工放工，係去玩嘅，一於唔俾上車，好唔好？
053h4 發表於 2016-8-22 19:59
即係咁講, 有人同巴士公司有仇我明, 但一日定生死, 我角度就好搞笑
早繁計, 今日都40幾+20幾客, 已經唔算 ...
一、我針對嘅車程問題，唔通聽日88X就識得用7分鐘飛去中環，贏返788？
二、究竟小西灣人係心甘情願俾$9去中環，定係俾跟車督察嘅宣傳字眼誤導，兼無睇價錢牌而被昆上車呢？
呢樣野過多一、兩星期就會睇到。
三、我好公道架。我咪講左88X真係快過780一大截去中環，係有吸引力，只不過我質疑嘅，係點解要用$9去做呢批客？
當小西灣人可以用$6.2直出中環，柴東人點解繁時都要俾$9先直出中環？
有心搶地鐵客嘅，唔通開幾班780X做柴東特快飛金鐘去中環，真係咁難？
053h4 發表於 2016-8-22 20:13
7分鐘新巴係有問題, 有問題就應該要改
但條線呢班車其他論點根本就唔成理由
所以我一直有插老九開74D、X42C呢類搶錢線。（再重申一次，我並非保九小隊）
唔係話唔開得，係你根本就唔應該用呢種天價去做。
呢種「變相加價」你可以話係「人民自由選擇去搭唔搭」，但真係合乎道德咩？
坦白講，我覺得特快收貴少少，係無問題的。
例如城巴5X，當年就算東行唔快得過5、5B幾多，但我覺得收貴一蚊，問題唔大。
喂，你780收$6.2去中環，你可以話88X係$9去堅城，但點解88X要停中環？
咪就係存心博你班人趕時間，上88X去中環，填滿架車囉。
因為新巴都知道，單靠西環，係無可能填滿架車，一定要搵中環客黎塞爆。
嗱，如果新巴開88X雙向分段，小西灣 <-> 中環，收$7，專吸柴東去中環超級特快客，我係唔會出聲嘅。
053h4 發表於 2016-8-22 20:18
即係咁講, 華富中環紅小, 比4X只係快唔到5分鐘, 早繁一樣會有客有車(前題係總站有車)
而且中途站有位上唔 ...
公共交通機構雖然最終都要賺錢先生存到，
但如果可以完全唔理價格，亂開天價線，咁又有無顧及社會責任呢？
*******
NA線收天價，我無出過一句聲。
因為你去得旅行，講真都唔旨在果幾十蚊，所以巴士公司係呢到抽下水補貼下，我絕對唔認為係問題。（況且，員工都仲有員工優惠）
********
如果某啲區域，交通demand 相對地係inelastic，咁係咪代表巴士公司可以無限量地加價落去？