天水圍至屯門招標巴士線定線

都唔明點解開新線個阻力會跌咗落塞車個到
係，我都理解依家啲司機唔易做。又多西客行車時間都係有加冇減。
但調轉角度諗其實未必一定係咁

依家無論係普通居民定係議員都好都想呢條線係畀九巴公司做
而九巴公司係西北區做嘅線最基本都要45分鐘，做呢啲屯天短途線其實都係濕濕碎
就算真係塞車塞到成一粒鐘先返到站頭，都係同葵芳開嘅69M大同小異。
再者樓上個位師傅你其實都係做港鐵公司，其實關你咩事呢？

之後客量問題
容我講少少背景先
其實天水圍北物價貴已經係街知巷聞，有街坊會去天水圍南元朗甚至係屯門到買平餸。係未通關前甚至會有啲主婦特登走去深圳買平餸。所以有條直出線去屯門，甚至係會影響到班主婦去邊度買送嘅意欲。亦都可能因為咁，會有更多嘅主婦由元朗轉投去屯門買餸。
如你唔信天北物價貴嘅話，都歡迎嚟睇下。

講咗繁忙時間方面先，天水圍有一定嘅人去屯門返工返學，其實頭先上面都有人估算正係K76轉西鐵去屯門嘅人數最基本有800人，以及係乘搭其他唔同交通工具前往屯門。總共人數我可以肯定一定係過千甚至達1200
就當最繁忙一小時有600人會搭條新線，都足以開到15分鐘一班頂閘。我都肯定到呢條線最基本唔會蝕錢。

至於非繁，除咗樓上所指嘅去飲茶見孫仔或者買餸之餘，其實亦有一班客係去屯門各地方玩樂（例如行千島湖、去沙灘玩樂等等都有一定嘅人次。同埋天北亦都係欠缺好多大型商店等，例如吉之島、donki等等。因此咁亦都令到天北人去屯門需求一定唔會細。

係蝕錢同賺錢方面，其實呢條線點好大機會係會賺。除咗頭先所講嘅客量龐大之外。其實天水圍北人有樣嘢好係鍾意一程過。
我就攞967、962X做比喻。
係九巴月票推出後，其實962X好明顯地係跌咗好多客落九巴到。原因就係因為九巴月票平過962X人筆唔少嘅價錢
相反，967就算係九巴月票推出後。客量流失明顯係冇咁嚴重，由巴士公司係2021年疫情嚴重個陣到要係967到加班都明顯可以見到呢件事。尤其係967同月票嘅車費相距仲大過962X，更加證明到天北人要直出都好過要平。更何況新線價錢同「967&九巴月票」差距大過新線同屯門線。我更加相信呢條線撬到鐵路嘅客好大機會會高過50%。

同埋就算佢真係唔夠客，都可以大把方法。
依家呢條線都係經天華路直出天影路，如果真係冇客咪兜埋洪水橋新發展區囉。
冇客就算兜落去，都冇人會嘈得咁大聲啦。

最後講返塞車問題
其實香港人搭得巴士都係求個座位啫（2019.07-現在另計）。
同埋你就算真係塞車，其實時間同鐵路都係差唔多。咁我不如都係搭返巴士坐下仲好過搭K76同人迫到死。

真正需要擔心冇客嘅線呢，叫做同西鐵疊到九彩嘅269B
而唔係同西鐵基本上0重疊嘅線。

lzengalau 發表於 2022-1-30 21:31
睇黎好多人都會錯意...
無阻止你地去用一個好理想既行車時間同客量去繼續討論, 然而實在太理想到唔貼地, ...

塞車問題容後再討論

贏得果十分八分鐘一個人, 輸在整體資源重複投放, 值得嗎? 仲要隔離有個大過天水圍既洪水橋/廈村發展區等住開發, 對巴士黎講, 仲大好前景喎

原30-40分鐘快8-10分鐘，即係已經快左兩三成，效果顯著
至於新發展區，九巴早已有53插旗，廈村去屯門同元朗只需將53加密甚至開53短途路線即可，甚至拎63X同68A名義開其他出市區新線亦冇難度可言。而鐵巴去天水圍站嘅路線亦近乎必備，根本無須擔心。

有鐵嘅新市鎮去另一個有鐵嘅新市鎮最緊要係飛幾長公路去到目的地。照著輕鐵行，最多都只係會平手。行埋天影路嘅新線基本上已經將巴士優勢加到最大。而廈村去屯門，一係就駁去青山公路，一係就行十幹，一係就照上洪天路。行洪天路同十幹，基本上要逆走，又會削弱優勢。行青山公路都係起碼有半段路係輕鐵平衡。最緊要係，洪水橋同廈村嘅發展區係有西鐵洪水橋站呢樣嘢，即係話西鐵轉K76嘅競爭力又細左，同時去屯門嘅話搭巴士就真係冇競爭力，再開線就真係「輸在整體資源重複投放」。

你所講嘅嘢有你嘅道理，呢點我明白。但輕鐵同三重轉乘嘅弊病係不容忽視。隨著新界北又發展，輕鐵西鐵只會愈嚟愈逼同慢，開特快做翻原來嘅客源亦唔係無理要求。

俾我有資源多既話, 我就情願放資源去969, 都好過食呢舊瘦肉

其實講塞車嘅話，969真係有排都未比得上呢條屯天線。銅鑼灣同電車路幾塞車相信都唔洗多講，而且969缺乏雙向客源同過兩條收費相對高嘅隧道，即刻收得貴亦唔係相像中咁好賺。屯天線只係用嚟運車去幫補油錢已經可以接受，計埋原本係私牌嘅車，呢條線真正投入嘅資源唔會太多

不過天影路遲下好似會拆, 到時條線要再劃過

KW2523 發表於 2022-2-1 20:55
不過天影路遲下好似會拆, 到時條線要再劃過

據聞最新計劃就唔拆的。
不過就算拆，其實改天恩開，經濕地、嘉湖北，行朗天路出元朗公路，都唔係話慢。

962x因為960超密送人到轉車站，然後有架超密超直接的59系列返屯碼，962X去到湖景時，搭59M的人一早落曬車，只要有條八鄉路起載的265M，967會好似962客量暴跌

hadboy5 發表於 2022-2-2 01:42
962x因為960超密送人到轉車站，然後有架超密超直接的59系列返屯碼，962X去到湖景時，搭59M的人一早落曬車， ...

開始離哂題喇清, 去隔離po啦

lzengalau 發表於 2022-1-30 23:10
杯渡路西行龍尾呢... 一半機會過杯渡站, 即係話紅橋上黎要插隊
呢組燈一round唔多過分半鐘, 而呢枝橋底左 ...

啱啱又搵到條片，有拍低杯渡路同鄉事會路嘅路況
https://youtu.be/nbbJHwEUoIk
當中呢條片～18:20-21:05就係上橋去到市中心嘅情況


加上呢條片 https://youtu.be/zRXuSlerlYI
～1:35-12:20大致等於欣富閣去新墟街市。當呢條線要大上大落到15分鐘先去到
當杯渡路2組燈都過唔到要等多round，就算杯渡路轉出鄉事會路都俾前車塞住用多1分鐘 (私家車同巴士分別)

咁總行車時間就係~3+15+5 (塞燈)＋1=24分鐘，仍然比想像中嘅25分鐘快，亦會比751由頌富去市中心快

再順便回應埋呢點:

贏得果十分八分鐘一個人, 輸在整體資源重複投放, 值得嗎?

係唔係一個人，天北版友已經俾咗答案你，但如果快十分八分鐘就唔可以討論嘅話，呢個網就唔會有咁多嘢好拗。同埋如果咁算係整體資源重複投放嘅話，咁969沿途都有地鐵覆蓋，走線相同，亦係資源重複投放。
當然，我唔係想包拗頸同搵交嗌，但只係想講，呢類新市鎮區間特快需要隨著發展同人口增長而開辦。當年大西北未有咁多人，夾硬cut已經唔算理想。近5-7年幾年屯元市中心人流大增，天水圍人口亦有增長，非繁輕巴同輕鐵都有機會頂閘，用真流水做中程路程(區間特快唔算流水)已不合時宜。但大家都知，運輸處批呢類巴士線甚至開全日係難能可貴。既然開呢類線唔會有明顯損失時，點解唔去支持呢?

tina 發表於 2022-1-31 01:40
都唔明點解開新線個阻力會跌咗落塞車個到
係，我都理解依家啲司機唔易做。又多西客行車時間都係有加冇減。
...

967X嘅成功，265M敗家功不可沒
不過單價屎水都唔會平，最好就俾九巴啦

JC8385 發表於 2022-2-7 21:48
967X嘅成功，265M敗家功不可沒
不過單價屎水都唔會平，最好就俾九巴啦

老九接管咗967X之後啲班次嚇死班客就唔好啦

tina 發表於 2022-2-7 22:02
老九接管咗967X之後啲班次嚇死班客就唔好啦

我講緊條屯天線
我恨不得967 969聽日就俾晒九巴啦
但大家都知道係唔會發生