討論港鐵的形象

原帖由 barking 於 2010/4/26 21:03 發表
我係話, 假如乘客唔知比多 30 蚊係隧道費, 那麼, 行屯公的司機都伺機收多30蚊
(假如司機們不會透露行情)

係呀, 又係o個句啦 ... 司機想斷搶加價, 乘客一定要被搶, 唔知隧道費問題唔會要求減下價, 明明覺得貴又唔識轉坐巴士小巴; 係都要知道隧道費問題先知識嗌減價, 先至識轉坐巴士小巴o既。你認為呢個情況好合理o既?

我係唔明點解你可以按你o既真理 (唔想我用 "歪理" 就唔用啦) 設計出一個一方大晒, 另一方要甘心被當作羊牯o既現象出來呀。當乘客唔知隧道費問題時, 一係佢就明明覺得貴都唔識要求減價, 一係佢要求減價但的士佬一定企硬唔減; 但當佢知道隧道費問題後, 佢又一定覺得貴要嘈減價而的士司機又會一定肯減比佢咁喎, 嘩~ 呢個學說真係厲害~ 下年諾貝爾經濟學獎我實提名你呀。

例子, 乘客唔知MTR列車行駛東隧和尖沙咀隧道的成本相差多少 (或許東隧貴點),  那麼, MTR 便可對兩隧的車程收取劃一票價, 並參考東隧成本(較貴一條)收取過海票價, 咁樣, 乘客亦都50/50
採用以上兩條隧道 (假如車程時間一樣) 而且對駛經兩隧劃一票價沒有意見
咁睇, 乘客是否 心智不正常?
如果MTR話行東隧成本高而且東隧列車票務上不虧損, 這時乘客知道成本差異, 咁會有咩後果?
唔駛我講都知道, 嘈要荃灣綫過海減價

乘客知道又如何? 要求減價港鐵就一定減? 交通服務定價唔係自由, 經營環境、法規又同樓市好唔同, 你再舉多一百個無厘啦更o既例子出o黎添啦。

我再問你, 上水至落馬洲$18.8
九巴淨係買十部八部新車, 又開一條一樣咁快靚正 (上水-落馬洲), 又一齊收$18.8,
你話乘客及關注團體會唔會嘈? 是否以九巴成本低(不用起路起隧道)的point去要求九巴減價?

回應同上啦。"乘客及關注團體嘈" o左又點? 嘈完九巴係咪一定減比佢? 我又學你舉o的無厘啦更例子o丫, 692 巴士同港鐵比, 港鐵要行隧道成本高 (你話o既), 692 車程繁時隨時慢一倍, 唔駛起隧道成本又低 (你話o既), 但 692 車費仲要貴過港鐵喎, 你仲唔快o的幫大家關注下叫巴士公司減下價? 同埋問題係, 你呢o的巴士鐵路例子又同樓市有咩可比性呀?

一直唔想討論升值能力, 因為只有去假設升值能力一樣, 才會得出具針對性的討論

你唔想討論o既o野就假設佢唔存在就最好啦。買樓可以轉售, 買家當中又有用家炒家, 但搭港鐵、搭的士巴士、買超市醬油又有升值潛力呀? 炒黃牛呀? 定係港鐵車票鑲o左金?

都係呢句. 以上未足及供求關係 Elasticity of Demand

係啊, 唔考慮 Elasticity of Demand 的話, o的人就可以按你o既真理設定鍾意邊個幾時企硬就企硬啦。

同埋, 點解你要拎 "賣樓o既錢用來交書簿費定 LV 袋" 呢樣野出嚟講
去問, 係一件事, 去理, 係令外一回事, 你連 "問" 同 "理" 都分唔清, 最好查查字典先

你講緊買樓o既買家會 "理" 賣家o既成本嘛, 我咪用買樓做例子囉, 點都貼切過你用醬油做例呀嘛? 係呀, 你覺得買樓要顧及賣方成本呀嘛, 大把人 1997 年買樓 2003 年 "沙士" 大蝕讓, o的賣家有冇見買家咁慘用返 1997 年個天價同佢買呀? 掉轉o丫, 2003 年買樓o既 2007 年賣出去o丫, 個買家又會見賣家賺咁多錢, 食水太深要求佢減價囉, 然後個賣家又會良心發現唔理市價係乜都減價賣出囉。哈哈~ 呢o的係咩真理呀?

咁分得清 "問" 同 "理" 又如何? 咁你答我o丫, 買二手樓o既會唔會 "理" 賣家拎o的買樓錢o黎做乜o丫?

睇o黎你除o左係經濟學者, 又係中文學家, 以為捉人錯字可以轉移視線。

另外, 買家在地產公司議價是正常不過的事, 不用反問我買過樓未

鬼唔知議價係正常, 我係問你知唔知佢o地關心 (即係 "理") o的乜呀。

邊個話當賣家係要企硬唔減價? 你所謂既 供求關係 也會決定企唔企硬囉

咪囉, 咁就得啦。

不過, 我都講咗, 買家的出價不一定要扯上供求關係

出價當然可以唔扯上供求關係啦, 但你話o的樓唔值錢o左喎, 呢個唔係睇交易價係睇出價o既? o的買家出價 1 蚊就當樓價 1 蚊呀?

就算無人知個供求, 買家都會參考其他因素(例如購買力)而有價 (即係產生需求)
如果一定要有供求關係, 才有成交價, 咁就係你本未倒置

新派經濟學說喎。冇供冇求, 自己左手同右手成交呀? 當買家想用 1 蚊買樓, 賣家想賣 1 億, 但買家買唔到, 賣家賣唔去, 最後互相角力、討價還價之後達至成交, 呢個成交和成交價唔係源於有供求關係, 咁係乜o野關係呀, 男女關係呀? 婆媳關係呀?

至於你後面的, 一定無人清楚數量不過一定係眾數, 未知數, 點做都唔關我事
但絕不代表你的企硬唔減價是對是錯, 賣家認為有潛在或需求, 就唔減價

即係家陣只有你一個人覺得港鐵樓補貼票價係影響好大, 然後以己度人以為其他人都覺得港鐵樓補貼票價係影響好大不得止, 更加要以為覺得港鐵樓補貼票價係影響好大係全港眾多 (但又唔知幾多) 買家o既想法, 個影響大過晒其他因素例如升值能力、樓宇座向、質素、樓層等等咁樣, 然後有呢種想法o既人數多到可以集體壓價。你o既幻想力真係一流o番, 呢o的經濟學家、中文學家都不可能想得到, 要係科幻小說家至有呢o的創意啊。

最後, 你好似未答我o的人知道樓價補貼票價同補貼建築費有咩分別, 會有咩不同影響o番。

[ 本帖最後由 syp 於 2010-4-27 01:12 編輯 ]

原帖由 barking 於 2010-4-17 11:59 發表
不如講下好個方面啦

第一條過海鐵路 -  刺激德福花園樓價
荃灣綫進佔過海段 - 刺激綠楊新邨, 新葵芳花園 ,新葵興花園樓價
將軍澳綫進佔東隧 - 刺激將軍澳人口增長, 帶動私人物業
西鐵進佔紅磡 - 方便西鐵乘客轉乘隧 ...

東涌線更推動東涌,青衣發展,協調機場運作...
西鐵更令大西北興起...
雖然佢KE營運模式大家唔認同...包括加價,但係THINK最後D錢起碼有一部分自己享受番WOO....
唔通你想MTR大陸化,起完D野...唔去修理咩....佢岩岩先食左KCR呢隻大笨象...情況同國泰食港龍一樣...剛
開始想快都難...