深水埗區議員要求交代6P數據及全日化

stevechau 發表於 2017-2-24 17:03
第二個區呢個OINT好靈活既XDD
有人走亦可以有人加入...甚至加入的人多於走既人都唔奇~
SO??

你想討論既咩3000個客, 有幾多客...全部既答案早就已經係POSITIVE...
純數據化咁去睇...就算6P垃圾到咁既地步, 佢開線到而家既新客數量都上升左20幾%~

每班車得 40 個客咁囉，咁既客量叫人地點樣有信心全日開條直達新線去做？

我只能夠講經驗, 3000基本盤係好似好少...但如果全日3000個客, 單係石硤尾都夠以前條頹40由企滿落客落到坐滿再打得返爆架車...
咁呢種「少少餅碎」未必執唔過的~
青山道黎緊喜字堆入伙, 加埋蘇屋入伙...少少地都大半個晴朗區既人...如果青山道係好無客支持, 唔覺得晴朗有同樣需求要食入去囉~

你又搬緊龍門

之前係你口口聲聲話 3000 個客已經係客，值得做全日，之後我證明俾你睇，3000 個客根本唔夠做全日，
你而家就搬龍門，話 3000 個客能夠將一架已經半滿既巴士塞爆

問題就係「架巴士已經半滿」一點

當日 40 係要加埋半車荃葵客（當中一半係去九龍城沿途，一半係觀荃客）先做到咁。
而家條線長沙灣開，拎走晒呢半車荃葵客，又再拎走埋已經轉投 6D 的沿途流水客

咁剩返 3000 個人塞唔塞得爆架車？

3000 個客，當全日 15 分鐘一班的話，每班車平均係得廿幾個客，係講緊兩繁同非繁拉埋的平均數，咁你話夠唔夠客？

而且我一路講緊，舊區居民乘車習慣已經成形，唔容易改變，就算係呢 3000 個客，除左你根本無人敢寫包單一定全部回流巴士

青山道係得蘇屋有新增人口，但啟德新增人口多一大截，而新區人口乘車習慣可以用新工具培養，
淨係啟德既客量分分鐘都多過青山道

不過係我覺得咁都唔夠條線全日，要觀青 + 啟德深水步 + 沿途流水 + 啟德觀塘先夠囉

我唔係當巴士係無本生意, 但巴士本身既服務同覆蓋係應該要滿足基本需求~
為左要滿足返呢D義務, 蝕唔蝕錢唔應該係討論因素住~
如果呢樣野係大前提, 咁晴朗區到而家連一條巴士線都唔會拉入去做總站~

搬夠龍門未？

之前你一路口口聲聲話肯做就有得賺，而家俾我同其他人鬧完你之後，
就話「蝕唔蝕錢唔應該係討論因素住」、「巴士本身既服務同覆蓋應該要滿足基本需求」

即係你終於肯承認觀青直線會蝕錢啦？咁既話，巴士公司點解要開線？

至於你話「基本需求」喇喎…

青山道唔係孤島，來往觀塘本身仲有紅小同鐵路，開多架巴士都唔會快得過現有交通工具

但你就講到滿足你地一程直達，仲要半直通的慾望係「基本需求」

唔好意思，開多條無時間優勢，只係提供多一個非必需選擇既巴士線，絕對唔係「基本需求」

根本資源係得咁多，大把新區一條正常既全日線都無，又唔近鐵路站，又無跨區小巴送人直達旺區，
但你就講到新區好「荒蕪」，好似應該先滿足舊區需求，已經有既地區就開多條重疊線，無既地區就等班人食多幾年穀種

即係咁，三彩而家得 2X 一條全日跨區線，否則就要行 15 分鐘上山落山，或者俾多幾蚊駁小巴。
2X 係「基本需要」，蝕住都有社會責任要做

但你就竟然叫人 2X 同 24 合併，影響晴朗去旺角乘客，迫三彩兜多 15 分鐘路先可以出城，影響一班無其他選擇既乘客
而觀青仲有其他選擇，你就要巴士公司蝕住開條直達線，都唔優先照顧下孤島
（仲未計 2X 食 24 兜九龍灣，根本唔可以同觀青兜九龍灣去比，
首先 2X 而家係直達線，你叫人兜路係損害現有乘客利益，但觀青無直達線，兜九龍灣根本無損現有乘客；
其次 2X 唔受觀塘道巴士鏈影響，但觀青直行觀塘道會，呢點已經係兜與唔兜九龍灣理據的好大分別）

咁你覺唔覺得你好自私？全世界淨係圍住青山道轉，青山道蝕錢都要倒資源落去，其他孤島需要就唔使理？

藍田山油塘去西九有214...不過214去到西九既多客位只限單向及一小部份範圍...東行回程呢?? 成個西九接近無做到咁滯~
另外, 對油塘人包括工業區既人黎講, 一條214上山兜到暈先落返新清水...油塘再出現一條行鯉魚門道觀市既觀深半直通...
同一班次同一價錢, 乘客會坐邊條來往西九多D呀?? 仲要214既西九上落客點係有去無回喎~
半個秀茂坪有98C同214...呢樣你岩, 咁最多做唔到山頂既朋友客...咁落返D呢??
曉光街唔通叫4順?? 聯合醫院你會上山等214定係落山上唔到紅小都仲有觀深半直通??)
九工係客...觀工又唔係客??樂華就真係唔會預佢地放棄2A...班次實在太理想, 連2A西九站位都一樣係靚~
觀深無得打2A...但唔代表觀深本身就有必要打2A...你將個觀塘山什至觀塘區睇到一棵樹咁...
原來暱下係自我實現緊你所講既睇一棵樹而睇唔到一個森林喎~

就算山腰會搭你呢條觀青新線又點？山頂咁多條村都唔會，呢點已經說明
你口中條觀青直達線觀塘區覆蓋地區數目遠少於當日改線的 40，客源基本盤少一截

觀青有山腰客，40 一樣都有山腰客靠佢轉車，而山腰雖然相對山頂山腳都唔就腳，但人口根本唔係特別多

話 214「兜到暈」就真係好笑，根本 214 行山走就唔慢，仲避開觀塘道塞車。
就算油塘山腳非繁有機會直行觀塘道快少少都好，一上到碧雲道已經唔同講法

根本油塘就已經俾 214 吸得七七八八，觀青新線入埋油塘都係自己打自己

如果你想觀青直線夠客，有足夠山上客支持，彌補山下不足的話，
應該要學其他新界線咁，得一條線直行觀塘道，山上最多一條搞掂，將大部份山腰客/山上客集中晒落呢條主幹線轉車

即係應該好似去荃葵或者去沙田咁，山上執剩 42，甚至 98C 都要執笠，214 更加唔使講，
然後 2A 一腳縮去旺角，2X 又縮去旺角，焗呢堆線既深水步客落九龍城或觀塘/九龍灣轉車，咁觀青就或者會夠客

不過呢條線快唔過地鐵，山上客落左山後係咪乖乖地轉呢條觀青巴士，都係未知之數

況且，你又認為 2A 2X 有可能唔做深水步？214 有可能執笠？98C 又可能放棄深水步往返秀茂坪將軍澳的巿場？受影響地區唔會暴動？
為左你一條觀青直線而玩殘咁多山上居民，講得過去？

S3BL100 發表於 2017-2-25 23:51
每班車得 40 個客咁囉，咁既客量叫人地點樣有信心全日開條直達新線去做？

青山道最近又唔係淨係得蘇屋既, 都有幾個房協新盤入左伙, 加上近年好多舊樓重建都起多左好多新樓入伙
214上山我都覺得幾快, 基本上唔會點塞, 成段路最有機會塞都係老龍, 如果講兜路應該係東行落左荔枝角道, 長沙灣道轉入興華街有時多車到排到昌華街口, 又要停多幾支燈位

kay 發表於 2017-2-25 17:47
但未改線前40/6D本身各自有困局

40路線長做流水，但間接做埋6D個份，無咩人坐足兩邊

40要改道提速作為大前題係啱既好處唔係冇
但問題亦都顯著


296C廣義來講係做到觀深
但理唔理想係後話
不過條線改動空間都高
執成為類觀深路線既可能性都高

石硤尾要有返來往觀塘區既巴士應該難度更大
話晒成條觀塘線係腳底

觀青行半直通嘅話，其實可望可以搶走紅小至少60%客源

結果係唔係真係得基本盤嗰3000或更少，有待商確
但除非九巴忽然好進取，或者想藉機解決40要繞經美孚長沙灣嘅問題（但美孚＜＞東九呢part其實應該由38/40A解決），唔係都好難有條新線會由石頭爆出黎

觀塘往返SSP港鐵車程約23分鐘

其實好耐之前有人講過

半個鐘以內港鐵車程，巴士係好難鬥

以前由觀塘巿中心坐過40去SSP，都唔只半個鐘

做半直通就等同放棄流水，但要同港鐵直接競爭下
唔覺得有得做，做埋流水車程又唔只半個鐘

事實上我認為深水埗東係要有番觀青or觀美or觀長，什至係兩繁線都 ok, 但 6P 嗰種繁時時間定義等於冇用，最好繁時觀深可以做到 2X 嗰種速度，但我覺得 2X 係暫時唔應該郁，2A, 2D, 6D, 6P 係應該諗辦法理順彩虹道同觀塘道/牛頭角道走線或者係幾年後，研究加入 296C 落 pool, 整到條深東/深西<>中九龍幹線<>九龍灣<>觀塘<>將軍澳嘅方案出嚟

而家的確係紅小係繁時係爆滿，根本上唔到，行去鐵又要兩個字，
行得嚟可能有機會上到下一架小巴，根本上就冇太大動力行去搭鐵，雖然有五成都係上唔到

but, 繁時 2X 嗰種飛橋走線 or 行龍翔唔一定係快，更多時係要等上橋or龍翔交外例塞，所以唔爭在等埋中九幹通車再諗，
反正我覺得九巴開 296P 去旺角係為五年後抽走 296C 出旺角行將觀深(西)特快做緊準備

ChungLam 發表於 2017-2-26 19:18
事實上我認為深水埗東係要有番觀青or觀美or觀長，什至係兩繁線都 ok, 但 6P 嗰種繁時時間定義等於冇用，最 ...

觀深行中九龍幹線有少少兜路
中九龍幹線通車後會分流來往東西九龍既車流，到時堆路未必會咁塞

tunghang 發表於 2017-2-26 20:26
觀深行中九龍幹線有少少兜路
中九龍幹線通車後會分流來往東西九龍既車流，到時堆路未必會咁塞

不過政府預計西九去九龍灣只需要 5 分鐘，當深東加埋 702 去深西行兩至三個字，即係大約四個零字，好似都比搭鐵快或者差唔多，但就有位坐，而且到時呢段路冇小巴競爭至於屆時會同深西 share 同一條線定分拆開兩條線行就到時再諗

但深西去九龍灣、觀塘同將軍澳順理成章咁行係最順路，而且嗰度新樓兩年內將會落成，
南昌站搭鐵轉車去東九比深東會更唔方便，到時深西可能係鐵轉 215X/14X 去九龍灣/觀塘最快，


即係 215X 會更唔夠載…

ChungLam 發表於 2017-2-26 21:57
不過政府預計西九去九龍灣只需要 5 分鐘，當深東加埋 702 去深西行兩至三個字，即係大約四個零字，好似都 ...

成條中九龍幹線可以5分鐘行完，但計埋出入口，中九龍幹線頭尾站之間可能起碼10分鐘
至於深水埗來往九龍灣，只要走線再直接少少已經做到20分鐘完成，例如唔經旺角
而家2X非繁15-20分鐘已經去到深水埗，而西九填海區發展規模似乎唔太大，未必能獨力養起東九線

kay 發表於 2017-2-26 18:02
觀塘往返SSP港鐵車程約23分鐘

其實好耐之前有人講過

咁好老實
大把線都快唔過搭鐵
但一樣大把捧場客

40夠俾人話慢
但一樣做到二三千個觀深客
如果車程再可以下調既
吸引力其實真係可以更高