本帖最後由 tonychow 於 2018-7-9 15:47 編輯
（啱啱㩒錯掣咩都無 sai，依家重打，謹慎起見打一陣就 save） 1. 荃灣走線 坦白講有空位嘅總站得返西站、葵涌邨同青機有得諗。 青衣客明顯唔會 show 你條兜大窩口過海嘅線，況且減時唔多。 得返葵涌邨兜圈同荃西開選擇。 而我係城巴就一定會選擇荃西開，停完楊屋道街市之後直飛大窩口。 本身葵涌邨總站兜圈方案唔係特別快，可能只係減到 1 車。 而楊屋道吸引力在於流水客。楊屋道街市一出，站位最方便係依家 930 果個，都幾受 $2 客歡迎。 930 有咩對手？一係行返沙咀道，一係就條俾九巴陰乾咗一半嘅 33A。 而只要葵芳有足夠人上，對城巴來講葵芳前落嘅客只係善用剩餘運載力。
2. 港島走線 走實講軒尼詩道係全日災難位。 觀感上，除咗紅隧死亡位之外，第二個可以全日都塞燈塞車嘅位就係佢。 而紅隧南行其實唔算好慢：20 分鐘夠我上到 112 116 過海再喺 SOGO 落埋。以前沙田過銅記，我都會神心搭 280X 轉 968，依家真係不了。 點解？架 968 過咗海之後半個鐘都仲未塞到鵝頸橋，有次趕時間果頭真係港澳碼頭落地底算數。
至於保灣仔定銅記客，其實我最後都係保銅記客。 點解？我假設告士打道來往軒尼詩道係合理步行距離： (I) 經灣北：做到灣北 + 灣仔中部 + 銅記客 (II) 經軒尼詩道：做到灣北 + 灣仔中部 + 灣仔南 + 未倒走嘅銅記客
咁邊樣值錢 d？ 灣仔南要經紅隧走一早搭咗 109 113，淨返班人一係行出去搭鐵（注意：我就唔信咁多人咁神心行到出地鐵站仲等巴士），一係就搭 10 駁腳，而本身 10 已經係城巴要咗嘅客（仲有 930 系 BBI）。 況且軒尼詩道仲要同對家架 934 分客，而老銅本來就係獨市位又要倒走。 當然你可以話灣北會同鐵正面交鋒，但其實灣仔站都係搭多兩個站（假設唔係西鐵轉車），我成日話沙中線通咗之後過海線最好做係港島東（起碼係銅記開始打後），因為鐵仲要多重轉線，呢個亦係柴小發圍嘅時機。 所以我先對灣仔無信心，況且灣北係唯一一個難整 BBI 嘅地方，軒尼詩道有海量路線（仲有依家有 BBI 嘅 5B）可以加 BBI。
最後回應一下準巨想飛走中環落軒尼詩道：其實怡和大廈/入境事務大樓係個（如果唔怕貴）轉車去港島東嘅大站（東廊特快 720 722 780 788 A12 同條爛鬼 18X），本身呢種轉法如果可以加 BBI 真係可以大搞，而你咁改法係做唔到港島東生意。 | 
樓主
(雖然呢班客應該非常零碎，而且有得claim $都實搭哂紅跑) 
