如果當年冇兩鐵合併，屯馬綫（東西線）有冇可能行九卡？

matthew1009 發表於 2020-1-20 00:43
「唔用錦上路預留位，河水不犯井水」
係唔係咁?

其實北環綫都同落馬洲支綫或者初期康城支綫差唔多規模嘅話
8-10分鐘一班直接用返錦上路月台就唔使擴建車站
所有班次落馬洲/古洞開出去到錦上路站清客之後站後折返就簡單得多
北環綫間唔中先一班錦上路總站其實又唔會好影響到西鐵班次
元朗、新田、荃灣西三個方向都可以好似將軍澳站咁同月台轉乘
突登起多一個島式月台配2條軌其實有啲浪費

dogdog002 發表於 2020-1-19 22:39
似乎肯定減卡果個係你唔係我囉

12卡＋港島地形 -》 9 卡

由頭到尾你自己最 adamant ，東鐵除非過海，否則不會減卡。

用「否定前件」嘅謬誤來形容你，仲貼切─
　　P→Q
　　∴¬P→¬Q

睇唔明？可以再簡單啲─
　　阿媽一定係女人。
　　某人唔係阿媽，所以唔係女人。

你咪犯咗呢個謬誤囉─
　　東鐵過海所以減卡。
　　如果東鐵不過海，就一定不會減卡。

Who knows? 一向消息靈通嘅 tonyng 兄 knows (原文)─

根據兩鐵合併聯合報告，政府當局以減少合併後網絡各轉車站的轉車總人次為目標，決定在紅磡站興建兩線交匯站 (2-way interchange)，因此若採用馬鐵過海方案，則東鐵就會與西鐵連成一線，統一採用九卡列車，由羅湖/落馬洲開往屯門。

del

Lyt_Kondisc 發表於 2020-1-20 09:43
當一架運椅嘅北環線塞落/佔用屯馬線月台，係整疏27/28/29/30個屯馬線車站嘅班次，你仲覺得唔大影響？ ...

站數好似唔關事喎
依家屯馬綫只係最密3分鐘一班
一小時20 班插6班北環綫問題不大啊
機場快綫同東涌綫共軌都係最密一小時最密32 班
屯馬綫日後插多幾班技術上都唔係唔可行吧

依家慳錢去換時間再詳細規劃大西北嘅新鐵路
好過起完之後屯門區居民改搭新鐵路出市區
屯馬綫維持1小時20班就嘥咗新起嘅北環綫月台
大西北居民要搭北環綫要經大堂又嘥時間

到真係決定唔起新鐵路而屯馬綫唔加班先擴建北環綫月台都未遲

del

Lyt_Kondisc 發表於 2020-1-20 17:07
咁你自己都話第二西鐵線唔及第二東鐵線急切啦，而且要分流現有東鐵線、觀塘線同荃灣線客流，再因應短期內 ...

其實北環綫又真係可以唔起住
起都係因為政府手頭上冇乜工程可以俾土木開工

洪水橋、元朗南只係多30萬人口
元天屯「新市鎮」都係90萬人口
90 萬多30萬人都係1.33倍
20 班嘅1.33 倍即係26.66
就算加1小時5-6 班直通落馬洲都唔係問題吧
而且屯馬綫加班暫時都冇任何計劃
你講嘅加班加到三十幾班係有可能發生嘅
不過係唔知幾時囉
洪水橋同元朗南全面落成都要等十五年甚至廿年
十一號幹線已經分流屯門公路及大欖隧道嘅車流
明日大嶼填完海嘅第一個基建就係十一號幹線
甚至第二西鐵出現後就解決咗問題唔使加班
根本唔使依家就叫哂救命告急

我又冇話錦上路一定唔使擴建車站
我只係話現階段可以唔使擴建
到屯馬綫真係有計劃加班兼買車時
錦上路站先擴建都唔遲
車站擴建完可能啲車都未到運

而你講嘅東鐵、將軍澳綫都唔係因為有分支而成日壞
東涌綫都係人為製造、先天不足嘅電力供應問題比較多影響服務
與共軌運作沒有直接關連
大把地方都有共軌安排

北環綫直通運作減少屯元天嘅班次喎，影響唔大？
仲有北環綫連接新東丶新西，又有古洞、粉嶺北班客支持，唔認為需求唔大，相信客量同依家馬鞍山綫差唔多，起多一個月台唔浪費囉

matthew1009 發表於 2020-1-28 21:36
北環綫直通運作減少屯元天嘅班次喎，影響唔大？
仲有北環綫連接新東丶新西，又有古洞、粉嶺北班客支持，唔 ...

如果北環綫只去落馬洲
古洞、粉嶺北落實起第二南北鐵路
咁西鐵確係中期内都夠班次容納落馬洲、新田、牛潭尾客
尤其係新田、牛潭尾要發展都要十幾廿年後先入伙
北環綫唔起新月台做直通確係中期唔影響依家元天屯西鐵班次密度，就算加埋洪水橋元朗南都仲有空間容納落馬洲西鐵支綫

短期起原西鐵二期方案錦上路至落馬洲及第二南北鐵路
中期再起屯門至九龍鐵路
咁樣西鐵既少咗新界東北客又少咗屯門客
就算新田、牛潭尾後來多咗幾萬個居民
都足夠應付落馬洲直通班次

以前西鐵未有咁多客而做埋屯門同粉嶺北係冇問題嘅
依家洪水橋、元朗南、新界東北都陸逐發展緊
依家先起北環綫駁新界東北係太遲同埋會攬炒
所以北環綫應該堅持駁去落馬洲兼直通營運
等西鐵綫接近營運載客上限就迫政府分別落實第二南北鐵路及屯門至九龍鐵路

否則只會重蹈當年將西鐵拉去屯門之後
屯門廿年都冇獨立鐵路出市區之餘、天水圍市中心冇直達鐵路

依家強行將新界東北客分流去錦上路
只會令西鐵迫上加迫之餘
新界東北、新田、牛潭尾以至錦上路又難上車
屯門獨立鐵路出市區亦繼續遙遙無期
新界東鐵路亦因為有北環綫拉咗去新界東北而阻礙發展第二南北鐵路的進度