應該取消/搬走哪些觀塘道巴士線，成全其他區途經願望

dennis28a 發表於 2020-8-8 21:07
正確少少黎講，無人會敬業街>成業街>茶果嶺道/巧明街，再出觀塘道。
日日搞到開源道、巧明街路口塞車，除 ...

觀塘下繁塞車第一階段係內圈塞車，的確敬業街既車龍九成都係塞入成業街，但呢個階段既車龍比較容易化解，同埋只係圈內塞，對圈外影響唔大
由地鐵站迴旋處入開源道既車，係成業街／巧明街／鴻圖道燈位，都係順燈，成業街敬業街再塞都好，對迴旋處影響都不大


第二階段，當碼頭迴旋處塞車加埋內街塞車共同效應，開源道倒塞出地鐵站迴旋處都塞，一路塞返去茶果嶺道轉入鯉魚門道既路口，同埋之前既敬業街成業街，又塞返去碼頭，形成塞車閉環時，就好大鑊了，車龍幾乎係唔識郁，近乎所有西行巴士線都會甩班

成業街巧明街駿業街，仲有半截鴻圖道兩邊工厦都係靠巧明街創業街出圈，但開源道以西工厦又要靠巧明街入，偉業街西行係無法轉入內圈，呢度就係打交位
尤其創紀之城六期到創紀之城三期，巴士廠到美亞一段，要出圈既車一架都未走到，但觀塘道又入一批車，鴻圖道又經巧明街入一批車，偏偏好多位收到得一線，呢個樽頸位唔執，觀塘塞車無可能解決
巴士廠重建緊，唔知會唔會放多條線出黎。前面AIA AXA tower行人路好闊，不過行車線照舊
但係美亞果度基本無得擴闊，所以要疏導車流，除左AIA AXA 巴士廠一段要擴闊外，仲要將向海邊方向駁鴻圖道既一段巧明街行車方向調轉，然後將鴻圖道巧明街到創業街一段改為全部西行，避免美亞對出要承受全部出圈車流

觀塘下繁塞車第一階段係內圈塞車，的確敬業街既車龍九成都係塞入成業街，但呢個階段既車龍比較容易化解，同埋只係圈內塞，對圈外影響唔大)
由地鐵站迴旋處入開源道既車，係成業街／巧明街／鴻圖道燈位，都係順燈，成業街敬業街再塞都好，對迴旋處影響都不大

第二階段，當碼頭迴旋處塞車加埋內街塞車共同效應，開源道倒塞出地鐵站迴旋處都塞，一路塞返去茶果嶺道轉入鯉魚門道既路口，同埋之前既敬業街成業街，又塞返去碼頭，形成塞車閉環時，就好大鑊了，車龍幾乎係唔識郁，近乎所有西行巴士線都會甩班

成業街巧明街駿業街，仲有半截鴻圖道兩邊工厦都係靠巧明街創業街出圈，但開源道以西工厦又要靠巧明街入，偉業街西行係無法轉入內圈，呢度就係打交位!
尤其創紀之城六期到創紀之城三期，巴士廠到美亞一段，要出圈既車一架都未走到，但觀塘道又入一批車，鴻圖道又經巧明街入一批車，偏偏好多位收到得一線，呢個樽頸位唔執，觀塘塞車無可能解決!

巴士廠重建緊，唔知會唔會放多條線出黎。前面AIA AXA tower行人路好闊，不過行車線照舊"
但係美亞果度基本無得擴闊，所以要疏導車流，除左AIA AXA 巴士廠一段要擴闊外，仲要將向海邊方向駁鴻圖道既一段巧明街行車方向調轉，然後將鴻圖道巧明街到創業街一段改為全部西行，避免美亞對出要承受全部出圈車流

開源道燈不順就一定, 成業街綠就鴻圖道/回旋處紅紅, 本身偉業街轉燈也比較快所以不太塞, 但放工時間彩虹橋塞車死位一個
除左不順燈外, 運吉隨意加燈也是做成塞車最大幫兇之一, 以我所知新增燈位如下

1. 鋰魚門道右轉入翠屏道, 收窄落隧道位連藍田都塞埋, 若回旋處塞可達最強連鎖效應
2. 巧明街駿業街駿業里三枝燈, 保證不順
3. 巧明街創業街巴士廠, 由讓線位改成交通燈
4. 偉業街巧明街街口(改方向+新增交通燈)

短短巧明街(成條)已6枝燈, 不塞就有鬼, 邊有可能6枝燈一齊順? 跟本話順燈個個是不是搞錯左?
拆燈是最好的根治方法, 根本不應該來回十字路口有咁多燈

expertuser2004 發表於 2020-8-9 09:26
開源道燈不順就一定, 成業街綠就鴻圖道/回旋處紅紅, 本身偉業街轉燈也比較快所以不太塞, 但放工時間彩虹橋 ...

開源道最少去到鴻圖道都係順燈，係盡量令地鐵站迴旋處無咁易塞，所以成業街入開源道既車係會首當其衝，碼頭迴旋處就係另一回事
只係當巧明街頂實晒時，開源道順唔順燈都無分別，放工時間入巧明街既右線係塞過左線好多
同埋巧明街順唔順燈，有分別嗎？就算巧明街兩支燈就可以經創紀之城三期出觀塘道，綠燈前面都係要死等架啦

太多車流要經過美亞對出段創業街出入，但係果度人車爭路，加埋違泊經常收到得一線：


咁多條路（藍)都要靠創業街出，仲要受埋創紀之城六期入黎既車流（橙)，而右上圖中因為違泊收到得一線既情況仲要係常態
只要巧明街一頂出去開源道，全區交通收晒皮

牛頭角道除左部份路段只有一線，玉連臺到康寧道有大量違泊，甚至係要巴士越過對面線爬頭，加上多人亂過馬路，問題不比觀塘道細

同埋宜家都好多巴士行，下繁有10條線西行，另外又有好多綠van紅van, 再加點頂. 留心觀察下, 牛頭角道巴士比例遠比觀塘道大. 觀塘道加唔到, 牛頭角道更加加唔到.

觀塘碼頭出觀塘道既方法有幾個

1. 偉業街東行-敬業街-成業街-茶果嶺道-鯉魚門道-地鐵站迴旋處/地下通道-觀塘道. 現時主流行法.

2. 偉業街西行-基業街-海濱道-勵業街-觀塘道

3. 偉業街西行-基業街-海演道-駿業街-巧明街-創業街-鴻圖道-勵業街-觀塘道

4. 偉業街西行- ... -九龍灣天橋--觀塘道/龍翔道

下繁基本上每個行法都會塞車.

路線 1 係主流路線, 優點缺點個個都清楚同硬食緊. 塞車不嚴重時睇敬業街D車生唔生性, 入圈既車會唔會頂死埋出油站既車, 塞車嚴重時, 無計, 焗住甩班.

路線 2 係睇基業街同海濱道路況. 我舊年上半年, 下繁間中經過海濱長廊果頭, 車未多到嚴重過敬業街同成業街. 但係乘客步行距離長, 基本等於牛頭角起載. 下繁已經拆左線既 74X 應該比較適合試行.

路線 3 塞得最大鑊, 因為巴士行內街本身都慢, 巧明街又係內圈最易塞車既樽頸位, 不過呢條走線最大優勢係深入內街, 乘客步行距離有潛力縮短. 只能話留個希望睇下內圈交通會點變化, 會唔會執下D 路向咁.

路線 4 涉及九龍灣下繁塞車問題, 除非係去太子道東既路線, 否則點走都無得快. 觀碼得一條 11D 去太子道東, 呢條應該無可能踢走或拆線.

現況去睇, 路線 1 仍要擔正, 路線 2 可以輔助. 畢竟海濱道唔方便乘客, 亦塞唔到幾多車入去. 路線 4 如果係主力做九龍灣商貿區, OK 的, 但就唔好拉埋觀塘既線去講了, 當係觀塘碼頭擺車.

至於有人提及偉業街西行既違泊塞車問題, 只可以話周街都係違泊, 不如諗下慈母既拖車點行先方便啦. 比如話巧明街創業街既違泊, 慈母想入去都要半個鐘. 只可以話慈母要加倍努力, 出拖車係進步, 不過唔夠.


派車既問題? 觀塘道東/南行下晝四點車龍開始出現, 牛頭角站基本難以倖免, 牛下就睇運.

用福淘街牛頭角道回車, 塞都係塞少少, 睇只去到九龍灣站夠唔夠客law.

牛頭角站回車, 司機最好帶尿袋, 真係裝尿果種...

偉業街南行, 兆業街大業街都回到車, 塞車情況還好. 可以做到觀塘道北行既牛頭角下邨站, 仲可以利用偉業街德福旁既南行站上九龍灣既客.

至於九龍灣車廠私去碼頭, 十五到二十分鐘. 但繞道有時會塞死, 就絕對唔止十五到二十分鐘. 隨時私到過去已經可以返廠.


講到底, 咁易搞得掂, 九巴早就做左. 宜家短期內只有寄望慈母日日抄牌拖車, 唔好有投訴先做, 抄到D 違泊司機怕.


改路向, 好易牽一髮而動全身. 我淨係睇到巴士廠到美亞呢段樽頸, 可以靠改創業街到鴻圖道一段巧明街路向(由向北改做向南)分流, 而唔會郁到太多. 巴士廠對出既巧明街都有一定空間擴闊一線.

八十年代開源道係全線雙程, 後來觀塘區路向大執, 改做只有成業街到迴旋處一段可以北行, 成業街從雙程改做單向西行, 但係後來搞到成業街都塞得好勁, 開源道再改做全段南行, 車要從茶果嶺道出觀塘道.
宜家既行法可以話好難再優化, 除非全區一齊大改

Toz 發表於 2020-8-9 09:58
開源道最少去到鴻圖道都係順燈，係盡量令地鐵站迴旋處無咁易塞，所以成業街入開源道既車係會首當其衝，碼 ...

車房多死車是一個要解決的問題


創紀之城出觀塘道出口好似有限車長, 過12m 長度的車有機會過不到咬角位(即雙層巴士, 24T 以上車輛, 貨櫃車不可駛入)
變相呢三種車要用鴻圖道 > 勵業街出觀塘, 但鴻圖道轉勵業街好多搵食車違迫, 個到又倉拆櫃, 長車又可能塞死

不知邊間教車師父, 教學生把車泊去轉彎位阻住晒, 呢D 好應該抄牌是 $640 or 直接拖走部車 (不是抄 $320), 呢d 叫影響公眾時間, 影響driver利益兼阻住晒個地球轉
若觀塘大塞車用九龍灣淘大堆過山線是幾好的選擇 (213X, 13X, 619, 23M, 89A綠, 89C綠, 48綠, 2A, 28, 秀佐紅小, 旺佐紅小, 瑞和街/淘大綠牌紅小)

expertuser2004 發表於 2020-8-9 13:06
車房多死車是一個要解決的問題

鴻圖道同創業街附近見過慈母拖車,明明周圍都係停車場, 近乎隔一座樓就有個, 都係一街死車.

係咪真係要日日每二百米擺個慈母睇住, 佢地先知道下繁咁泊法係會累到全區塞爆?

Toz 發表於 2020-8-9 13:17
鴻圖道同創業街附近見過慈母拖車,明明周圍都係停車場, 近乎隔一座樓就有個, 都係一街死車.

係咪真係要日 ...

好多工廈不比私家車泊, 或是業主車位 (沒時租), 也可以賣車位變相永久沒時租
以我所知假設月租 3200, 即4星期內食少過十張牛肉乾就羸


大把人用貨物/卡板/車仔唧車垃圾霸位, 一樣是阻街但是至少保證抄不到牌

Toz 發表於 2020-8-9 13:17
鴻圖道同創業街附近見過慈母拖車,明明周圍都係停車場, 近乎隔一座樓就有個, 都係一街死車.

係咪真係要日 ...

更大問題係好多臨時停車場都比人收晒黎起樓，
違泊的確係乞人僧，但上落貨可以泊邊？

Fedex 同順豐唔係偉業街出面佔領，一陣間連車都出唔到。
根本觀塘仲有一半做工廈，貨櫃車出入又要倒車，根本未適合轉型做商貿區引大量私家車行。

我成日都話，拆左駿業街遊樂場，起個超級智能停車場同落貨區出黎，
駿業街 > 巧明街去到三期出口劃晒做 24 小時禁區。

之後再將敬業街一半或全部巴士線踢晒出偉發道，再取消幾條偉業街班馬線迫人行天橋，
偉業街至鴻圖道一段敬業街劃做 24 小時禁區，疏通敬業街入口。

基本上淨番法院至開源道依個樽頸位未搞姐，咁唯有要等觀塘工業中心幾時想拆。

expertuser2004 發表於 2020-8-9 13:06
車房多死車是一個要解決的問題

創紀之城三期車路的限制是長逾九米的貨車。