關於北港島線

TYChow 發表於 2021-9-30 08:21
東九龍半山所新增嘅乘客量，大多數係去深水埗同荃灣，而非旺角，所以「東九龍線過咗彩雲邨之後，應該係去 ...

彩雲《》鑽石山段坡度的話有啲高
真係起的話睇下會唔會係類似彩虹出九龍灣咁
咁鑽石山站就會係架空站
再西延的話就會諗諗點落番地底

JX9097 發表於 2021-9-30 11:45
彩雲《》鑽石山段坡度的話有啲高
真係起的話睇下會唔會係類似彩虹出九龍灣咁
咁鑽石山站就會係架空站

起架空咁要避大老山隧道堆天橋咪要起到好高？東邊點樣落返地底？

想新清冇甘塞，應該限制駛入安達臣地區，甚至西貢,清水灣既私家車既數目，而唔係夾硬興建成本高且技術困難既東九龍線，可以既話應該要研究興建一條由安達臣出市區既新隧道/公路

ryandroid 發表於 2021-9-30 00:17
東鐵同TML 有唔少客經鑽石山油塘轉車去東區
東鐵過海嘅話大圍/顯徑以北都會改經紅磡、金鐘轉車
油塘自然 ...

有保留，因為油塘站逼嘅情況早喺疫情前已出現，當時連屯馬綫一期都仲未通車，
即係油塘人潮裏面冇幾多係大圍以北嘅乘客，所以要疏導嘅人潮主要係來自東九龍+將軍澳

而家雖然比疫情初期多返好多乘客，但仲未完全回復返疫情前嘅人流，2+1人少時只係留後，
人多時接近逼爆月台，究竟訊號系統/寶琳單台問題無法解決前，1+1可行性有幾"高"呢?

如果再加東九龍綫倒晒成個彩順秀安+翠林嘅乘客落鑽石山+寶琳，
先唔講工程困難，亦假設坑口嘅人潮+近郊去坑口轉車嘅人潮肯搭倒頭車，
寶琳同將軍澳站2個站淨係個月台夠唔夠企人呢? 要等幾多班車先上到?

所以若果倒多幾十萬人口落將軍澳綫，首要係陸路交通大規模重組、騰空條鐵先至有位比人上車，
而基於東九龍嘅塞車情況，大規模重組最少都要等2026中九龍幹線通車先有得逐年做、逐年睇效果，
亦即東九龍綫短期內難以落實，除非喺將軍澳開第2條鐵直接出九龍心臟地帶 而唔做接駁線

巴士的膠 發表於 2021-9-28 09:48
咁又唔一定係鋼輪/纜車，參考返之前呢度講東九龍綫篇文，有機會係用膠輪APM（類似機場果套，但較長編組） ...

膠輪APM同低速磁懸浮好似最多都只係食到6%斜度
https://tabiris.com/archives/okinawarail202009/

214P_world 發表於 2021-10-1 00:38
有保留，因為油塘站逼嘅情況早喺疫情前已出現，當時連屯馬綫一期都仲未通車，
即係油塘人潮裏面冇幾多係大 ...

油塘喺TML通車後有冇明顯多人先？
冇嘅話
其實即係大圍以北嘅人以前由未有TML都係經九龍塘、油塘轉將軍澳綫去北角以東
依家有官方APP 計行程
沙田經鑽石山、油塘去北角38 分鐘
沙田經九龍塘、油塘去北角40 分鐘
沙田經九龍塘、旺角、金鐘去北角42分鐘
依家有TML
車公廟以北去炮台山以東以前建議經金鐘
衣家都建議經鑽石山、油塘、北角去炮台山以東

搭車情況好多時都係住得遠嘅比住喺市區嘅人清楚
因為佢哋根本唔會諗住知上游嘅環境

先唔講東九龍綫工程問題
你講寶坑康2:1:1班次已經係大問題

//加強將軍澳綫列車服務的可行性
11. 將 軍 澳 支 綫（ 二 期 ）通 車 後，將 軍 澳 綫 在 將 軍 澳 站 分支，南行方向至康城站，北行方向至坑口站及寶琳站（路線圖 見附圖一 ）。將軍澳綫在北角至將軍澳站之間的最高列車班次可以提升至約每小時三十班。這個行車班次，與港鐵其他市區綫的列車服務相若。
12. 由於寶琳站只設有一個月台，從坑口站開往寶琳站的列車，必須於寶琳站月台的列車開出後，方可開始駛入寶琳站。計算列車出入站的安全距離和乘客上落車所需時間，前後兩班列車相距最少需時2分 30 秒。由 於 寶 琳 及 坑 口 站 的 列車班次上限受制於寶琳站的月台設計，即使將軍澳綫的信號系統可支援更頻密的班次，亦不能提升班次。至於將寶琳站改建成雙月台的可行性，鑑於該月台位置與附近建築物貼近，並沒有足夠空間進行月台加建工程。//

將軍澳綫二期 Day 1 就已經可以提升每小時30 班
即係唔需要提升訊號系統都可以加到2分鐘1班
問題係寶琳單月台限制2分半一班
你堅持2班寶琳連住開
就變咗最密6.5分鐘3 班
即係理論上最密都係每小時27班
只有寶琳班次同康城班次各自開4 分鐘1 班
先可以做到將軍澳站最密每小時30 分鐘1 班
寶坑唔肯放手由2.5-4分鐘1 班劃一改做4分鐘1 班
自然係攬炒將軍澳站

其實寶坑由2.5-4分鐘1 班劃一改做4分鐘1 班
都係由每小時18班車減3班
但將軍澳站同油塘站就可以多6班康城車清客

撇除唔夠車嘅因素
將軍澳綫將軍澳站同油塘站上唔到車嘅最大問題就係寶坑
而東鐵過海段通車後係舒緩咗部分將油塘站月台擠迫上唔到車嘅問題
但治本方法只有寶琳康城1:1班次編排

ryandroid 發表於 2021-10-1 03:14
油塘喺TML通車後有冇明顯多人先？
冇嘅話
其實即係大圍以北嘅人以前由未有TML都係經九龍塘、油塘轉將軍澳 ...

未有TML前我諗唔少人會搭到尖東，行去尖沙咀站轉，不過更多人係去到紅磡轉隧巴囉，又點會去油塘轉將軍澳綫呀

ryandroid 發表於 2021-9-30 00:17
東鐵同TML 有唔少客經鑽石山油塘轉車去東區
東鐵過海嘅話大圍/顯徑以北都會改經紅磡、金鐘轉車
油塘自然 ...

坑口站搭倒頭車只係4分鐘，相信會同金鐘搭倒頭車去中環過海一樣，路線資源有限嘅時候，大家都為咗上車而各師各法。

TYChow 發表於 2021-9-30 08:21
東九龍半山所新增嘅乘客量，大多數係去深水埗同荃灣，而非旺角，所以「東九龍線過咗彩雲邨之後，應該係去 ...

所以重點應該放喺降低坡度上面，假設彩雲站喺豐盛街近606總站地底，之後經平定道東，喺聖若瑟安老院以西出山，穿過將要清拆嘅牛池灣村。

如果用返彩虹道路廊，直接喺上大老山支路同錦雲柚之間攝過去就可以行到觀繞橋底，巴士可以經四美街出太子道東之餘，總站線可以由孔廟果邊接收。路線喺彩虹道遊樂場入返地都可以西延到。

如果用地底，喺斧山道運動場後山做一個類似展線嘅大S彎，去到曉輝花園後山再入返彩雲站就可以拖低坡度，類似觀塘線油麻地-何文田段咁。

ryandroid 發表於 2021-9-30 00:17
東鐵同TML 有唔少客經鑽石山油塘轉車去東區
東鐵過海嘅話大圍/顯徑以北都會改經紅磡、金鐘轉車
油塘自然 ...

將軍澳線過海嘅龐大客量，將軍澳自己佔咗一半以上，列車到達油塘時已經半滿甚至大半滿
呢班客開咩新鐵路新道路點都唔會離開北角站，而將軍澳仍然有可觀人口升幅
觀塘客會有部分改用東鐵過海無錯，但真係部分囉，返灣北同金鐘嗰班，仲要睇到時九龍塘容唔容易轉東鐵過海，如果一班上唔到，東鐵過海分流力都有限
去中西環銅鑼灣仍然係靠北角轉車
北角樽頸點睇都唔會少人到幾多去