如果214油塘方向改為直行長沙灣道，2F肯定進一步陰乾
|
|
|
|
|
|
|
|
|
本帖最後由 s3n370 於 2022-11-10 13:32 編輯
stevechau 發表於 2022-11-10 03:00
又咁講, 呢個90年代頭頭尾尾小弟都係有經歷過既~
2仔有冷馬果陣收視一直都唔係差, 只係三菱單層冷馬上客 ...
我唔知你點觀察，同觀察佐幾耐啦。我係坐响架2,6,6A上面嘅。
响九十年代初期，2號有冷馬嘅一段長時間。
架AM响尖沙咀開，上得爆嘅機會唔係無。
但好多時佐敦上都有位揀
（講清楚，有得揀係講緊起碼有十幾個，甚至有窗口孖位都有得揀；
唔係得番三幾個位，唔坐就下次請早），
反而3N要企甚至爆嘅機會大好多。
講緊晚繁、週末出街時段都係。
6同稍遲加冷嘅6A衰極，冷馬上嘅客一定打得爆架AM。
而蘇屋開呢，架半滿都未必有嘅AM，
好多時一轉入荔枝角道，就會追到上一班3N。
見住前面班3N頂閘留後，班客都係唔肯上架有位嘅冷馬。
無論早上繁忙時間，定係週末都係咁。
即使係93年換入佐少量ADS，唔會好似AM咁啦掛？
上座率仍然比唔上熱狗，同隔離條6, 6A冷馬。
（個人懷疑九巴派ADS，係試驗當年只可以揸單層車嘅女車長，逐步轉揸雙層車）
90年代九巴積極為唔同路線加冷，連隔離條2A响95年都加兩架AV果陣，
2號仲係兩、三架ADS+成村AM咁大把。
當然，去到2A都加冷，D客係開始無咁抗拒冷馬。
去到97年，冷馬改派全線ADS。一年都唔夠，冷馬就變哂AV+2架3AV。
過多兩、三年都無，頭批都普躉落地無耐，直頭去哂2號線。
如果2號冷馬嘅收視係好，點會長期派AM倒米呢。
同佢有段重疊嘅212，當年都係AM+AT，
佢都係係靠黃埔果水客而唔係荔枝角道。
仲有，青山道同大埔道嘅新單支樓嘅數目，
都係比荔枝角道果面多之餘，
沿青山道、元洲街早有美居、美寧一類略有規模嘅私樓屋苑。居屋就更不在話下。
而荔枝角道係無乜嘅，最近磅塘尾道口房協嘅萬盛閣，都係好遲先至出現。
|
|
|
|
|
|
|
|
|
我咪比錢上車由頭坐到尾咁觀察囉不過我就出世得比較遲, 無經歷過徙置區&2仔全熱狗年代咁囉~頂盡都係李鄭屋重建後, 李鄭屋公園&漢花園都仲係爛地果陣開始~
6&6A反而真係比較大個先開始多D有得坐, 當年都仲係夏天落大雨, 太子彌敦道會變激流既年代黎~
果陣正正就係2仔行3N主力既年代吧~
90年代初期我當係90-93丫, 基本上93-94年我同屋企人經常夜晚係尖碼上車, 架AM都上得7788
8成次數都係離開佐敦一定頂閘要轉滿牌, 7成夜晚離開柏麗都要企
到再下一個多人要流水同時上落車既站就係雅蘭, 而次次比3N追到一係尖咀二站上客搞好耐後面架3N到(因為架AM好逼, D人成日都係豬油式上車)
再唔係就係雅蘭一堆上落搞成個字都開唔到車, 後面3N殺到......
而且揸AM既車長又真係比揸3N果班慢D, 呢個情形去到ADS果期都仲係咁, 我記得當年打上4466聽2仔行車時間係55MINS, 沿路唔塞既冷馬2仔又真係慢碌45MINS先到柏麗~
我仲記得有次係東京街上架ADS, 個車長由旺中揸到去惠豐都死行最左線, 其他線有站都唔出死跟等人地上落客
我伯爺去到惠豐頂唔順落樓問候車長個媽媽, 架車係咪壞指揮燈, 定係考牌唔使考cut線XDDD
你講起女車長, 我都醒起好早期2仔已經好多女車長, 甚至有幾年懷疑過2仔係咪已經無晒男車長添, 好似果陣女車長一掛牌就一定係揸2仔呢條可能係九龍市區最易操既線咁
但日頭非繁我係會相信你既講法, 因為日頭非繁既2仔真係少客一截的
到2仔掛ADS果陣, 我都仲係我記得南行如果佐敦上車我係好多時要企返屋企的, 我就真係唔知咁算少人吉車有位揀喇~
同埋自從掛ADS之後開既3N上客好得意, 好多時係D客唔肯上上層, 同屋企人試過好幾次佐敦上架3N下層企到逼逼地, 硬住頭皮行上去駁有位, 點知樓上反而得三五個客~
同ADS果種樓上真係坐爆先會落樓下企係兩回事黎~
(定係好似轉ADS/AV無幾耐, 3N開始淡出轉S3BL?? 呢段印象有D模糊, 因為冷馬轉雙層多左位之後, 基本上我地連埋身邊識既街坊都係追住冷馬先肯上車)
LCK道就比較後期既事喇, 唔查書好似係沙士之後既事黎, 本身一路都行緊汝洲街, 仲要咁行不比後來行LCK道快~
但你問我如果九巴認為2仔好客又點會派AM倒米呢下真係問得好, 我都唔識點答你, 如果他日我有幸知原因再話你知, 反正九記派車有時都唔多make sense~
before都普躉&大肚婆之前, 九巴派車我覺得真係超唔睇SOUK的, 好似熱狗有大車行, 又有幾架冷馬比客坐就得, 係得112好D有水塘豪囉~
我仲好記得2A正式加果兩架冷馬AV之前果一兩日(我仲記得有一架車牌好似係9335??)
我老豆仲好開心同我分享, 話係蘇屋站頭問到, 九巴等左咁多年終於肯派冷馬行2A, 等左好多年咁話~
2A當年都好多人坐ga, 咁又咁遲先派冷馬??
不過又咁講, 當年要加雙層冷馬仲有好多新界線等住加, 排隊又真係輪唔到2仔秤先
所以都普躉、電都普、大肚婆果期派車真係覺得喜出望外轉死性~
但又反問你, 如果九記真係覺得2仔冷馬咁唔夠客, 點解咁短時間內就由短AM單層加雙層, 再到短雙轉長雙??
要知道果幾年周圍都要冷馬, 點解要加落一條聲稱無咩客仲要客量持續下跌中既超平價流水線呢??
莫非係因為果段每年整一次、一整整一年, 爛到好似rally咁既東京街震爛晒堆AM??
6&6A既冷馬我有印象坐已經係銀柱定黃柱11米龍, 果陣我都記得6&6A係好爆, 只係2仔相比叫做1D都唔失禮, 各有各多客~
我記得果陣既6/6A是但一條既座上率都唔差得過1/1A的~
而2仔北行少客印象中係長沙灣工廠大廈&元洲邨嘉靈小學果邊全拆重建, +SOUK由最高果幾座拆落黎果陣開始的, 至後來行LCK道南昌邨一帶先救活左北行~
南行反而好好多, 黃金+LCK道真係幫左2仔好多好多年~
去到最後你用相比又真係無得駁既, 果幾十年更衰都有美居樂年寶熙做新屋苑, 又有少量單支樓重建左
美寧就真係好舊喇, 舊到同李鄭屋最舊果幾座差唔多, 叫做比宇宙新少少而矣
呢D新盤LCK道果邊果廿年又真係無乜, 果度真係一棟一棟咁起出黎, 有排搞~
|
|
|
|
|
|
|
|
|
本帖最後由 s3n370 於 2022-11-11 22:42 編輯
stevechau 發表於 2022-11-11 02:38
我咪比錢上車由頭坐到尾咁觀察囉不過我就出世得比較遲, 無經歷過徙置區&2仔全熱狗年代咁囉~頂盡都係李 ...
小弟舊居望出去，成個蘇屋總站盡入眼底，
基本上2, 2A同112派乜車都一清二楚，甚至可以睇定準備開乜車先至出動。
甚至連行2A嘅K廠S3BL，被站長拉去112救駕都見證同坐過。
補充一點，2號初加冷，有段極短時間（無記錯係91年聖誕前後），
冷馬曾經試過全線AL。後來好快又變番AM。
2A初加冷果兩部係AV49同81。
細個都會質疑九巴點解咁大細超架，
甚至九巴出品嘅2號AL砌圖，長期被小弟擺枱頭FF。
但今日諗番轉頭，就算係繁忙時間嘅冷馬都無隔離咁爭氣，
實在好難說服九巴派大部D嘅車。
你自己都證實佐2號冷馬係無其他冷馬咁受歡迎。
响尖碼最盡都係上得七七八八，頂盡咪廿零三十客。
隔離1, 1A, 6同6A嘅冷馬邊止咁少？
可能你會話AM無乜位，D客唔吼。
就算係初派ADS，都係差隔離一截。
2號冷馬載客量開始有起色，應該講緊2A加冷嘅年代囉。你比較番2號1. 齋派AM，到2. 加ADS落去，再3. 全線ADS -> AV/3AV -> ATR，
呢三期用嘅時間其實唔大分別，其實係見證佐2號冷馬响頭兩期初年長期低迷，到第3期極速追落後嘅發展。
題外話，我就唔太明做乜連一年頂多十零廿日都唔知有冇嘅極端天氣都要提。
太子彌敦道水浸，唔通車龍就唔會延伸開去咩。
我自己試過某朝暴雨返學
（無記錯係果日暴雨後，促成今日嘅暴雨警告訊號），
太子彌敦道出事就梗，但果朝係連2A都斷哂纜，
無車返到蘇屋。
好在2號同112仲有响荔廠開過黎嘅車打救。
但架2號慢轆去到欽州街，長沙灣道嘅車龍都已經頂到連架車都郁唔到。
隔三數年，又係朝早暴雨下返學，又係太子水浸，果日我咁啱搭40，
完全無喇更啦掛？去到大坑西一樣前無去路。
（註：後來先至知道，導致太子彌敦道水浸條渠，係先流經大坑東。）
註2：改派AL係首年加冷嘅聖誕，剛查番2號係90年加冷而非91年。
|
|
|
|
|
|
|
|
|
美居，寶熙苑30年前人口未老化好D吧?
眼見九巴冇心機做青山道客，係咪人口老化?
以前6C,6,6A,2F都係好客的線，見平拉疏冇心機做，真係趕客走
31B,36A,36B組合，又照顧到往上葵返工客。
到沙田果批，86都收多86A兩級，都HEA做。
|
|
|
|
|
|
|
|
|
本帖最後由 s3n370 於 2022-11-11 20:47 編輯
HR9710+KU1391 發表於 2022-11-11 17:09
美居，寶熙苑30年前人口未老化好D吧?
眼見九巴冇心機做青山道客，係咪人口老化?
以前6C,6,6A,2F都係好客 ...
就算唔計私樓租客可以如流水，即使係業主自住，
私樓流轉量較公屋大好多。
呢D三至四十年嘅私樓同居屋，到今日都係後生嘅上車樂園。
過幾年啤件細嘅又要轉車。
再加上舊樓重建，老化未必好嚴重。
除咗小弟早前提及，越來越多新界巴士線唔再剩係旺角或深水埗止步，直落到尖沙咀。
乘客唔再需要靠呢D線做駁腳之餘，呢D新界線九龍段都做緊流水，令客量雪上加霜。
鐵路又多佐東涌線、東西鐵落到尖沙咀甚至過埋海，
令荃灣線多佐容量做流水。
仲有個同交通唔大關連嘅原因，就係大型商場越開越多，區區都有。
市民穿梭彌敦道購物嘅需要大減之餘，亦令彌敦道店舖呈老化。
以上兩點解釋佐點解呢D線越來越少客。
相對黎講，1同1A面對嘅情況無咁嚴重，所以無減得咁勁。
其實沙田線算保持到：
86只係衰在多佐條更快入到沙田嘅72爭飯食。
86A不嬲都頹。
86B同86C轉型後仲做大佐。
|
評分
-
查看全部評分
|
|
|
|
|
|
|
|
呢個帖又令小弟想問下：
當年AD1同AL1响6號做試驗果陣，情況係點呢？
雖然當年小弟好少搭巴士，但幾乎每日必經青山道同元洲街。亦會間中遊彌敦道。
但當時偏偏一次都未見過。係後來靠車主及巴士書先至知到。 |
|
|
|
|
|
|
|
|
據聞早期AL 1,AD 1試驗行6仔時係直接收熱狗價.
|
|
|
|
|
|
|
|
|
咁交通協調放寬，昔日新界線唔再佐敦止步，多左新界線入到尖沙咀也分薄客源，以前要搭2或6等流水線轉大西北長途線。269B,260X,270A,271陸續開辦，從此新市鎮唔使轉車，也少左一批尖沙咀至佐敦流水。蘇屋重建後，理應人口年輕及增加，但幫唔到2仔幾多。可能九巴見平冇心機做。
新一代要舒服行大型商場，傳統旺角唔多唔少削弱購物人數。
地鐵東涌線大大分擔荃灣線人流及過海壓力。
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
