建議重組隧巴 103 104，取消 113，分拆 905

1181174166 發表於 2023-6-1 23:26
104內陸流水，白田仲有條905去玩呀

天后圈耐係一個問題，但係睇大區咪就係我會落返地底算，特別係近禮頓 ...

留意 905 行法同 104 唔同，亦做唔到油麻地同 QE，你咁玩只係影響更多人

而家大方向係做完重組唔可能條條街都同你補返條線，繁忙地區就更加唔會，例如隔離之前有版友嘈既 41，取消完都唔會拉 44 出長沙灣道

S3BL100 發表於 2023-6-1 23:36
留意 905 行法同 104 唔同，亦做唔到油麻地同 QE，你咁玩只係影響更多人

而家大方向係做完重組唔可能條 ...

唔使條條街補係咪905起身先?

1181174166 發表於 2023-6-1 23:48
唔使條條街補係咪905起身先?

咁就唔係一條街無左服務，而係一整個地區無左服務了

丫係，唔記得提返，103 改路後會指定經鵝頸橋入紅隧，加停堅拿道西站，堅拿道西同景隆街基本上乜都覆蓋晒

S3BL100 發表於 2023-6-2 00:03
咁就唔係一條街無左服務，而係一整個地區無左服務了

丫係，唔記得提返，103 改路後會指定經鵝頸橋入紅隧 ...

其實都兜到咁樣，直接行返天后圈算
西環嗰邊兜多個銅鑼灣已經唔開胃，銅鑼灣又唔就腳
之後深水埗區順利2變3
何文田2條麻麻地變1條垃圾
係差在未係好似某版友兜勻哂

905拆唔係問題
但拆完拉到咁疏好趕客下喎

1181174166 發表於 2023-6-2 00:16
其實都兜到咁樣，直接行返天后圈算
西環嗰邊兜多個銅鑼灣已經唔開胃，銅鑼灣又唔就腳
之後深水埗區順利2 ...

但景隆街無論行灣北定鵝頸橋入紅隧時間都無咩分別，而家只係正規化鵝頸橋走線兼加一個站

而實情係行海皮加停景隆街同堅拿道西都唔慢得過 113 行皇后大道東入紅隧

當然你可以話不如索性西環沿電車路掃到銅鑼灣，但慢多 15 分，再加埋時段問題，每邊又要用多 1-2 部車，你問下自己有無可能先

又或者索性維持現狀唔改，但就做唔到慳返成條線車數效果，九龍中人口密度加客量好難支持到又 103 又 113

深水埗睇落就二變三，但實際上淨睇 104 905，九巴平手，城巴加得兩部車咁大把

S3BL100 發表於 2023-6-2 00:57
但景隆街無論行灣北定鵝頸橋入紅隧時間都無咩分別，而家只係正規化鵝頸橋走線兼加一個站

而實情係行海皮 ...

每邊又要用多 1-2 部車我唔認同會有問題架，依家重組卡死都係因為兩家想食對岸流水，都解決到就問題不大
103電車路出到客就由佢兜天后，反而170應該要執，都唔會綁佢
103客量唔係太差，最少下午繁忙時間後八點幾都坐到一半左右
如果怡和街走咗班車，出景隆街上返班車都唔係慢慢行做到嘅事

就算你停堅拿道，我喺sogo一落就鐵，遠少少南華會都唔會行返過去
反正都係叫人行，成個銅鑼灣行去堅拿道上落咪得，又唔會倒咗皇后大道啲客

唔留返條線兜天后圈，砌得返條好似112咁行嘅線行返何文田咪得

1181174166 發表於 2023-6-2 01:25
每邊又要用多 1-2 部車我唔認同會有問題架，依家重組卡死都係因為兩家想食對岸流水，都解決到就問題不大
1 ...

又咁講，103 搬去卑路乍灣後，如果九龍方向跟住電車路行到天后再入隧道，就會慢過 113 好多，成個鐘都未必過到海，過唔過到中西區一關係好大問題，亦無理由咁樣拖慢中環返回界限街、聯合道車程
170 我本身諗住出香隧後改行禮頓道、邊寧頓街、怡和街西行、堅拿道東入紅隧，當然你可以話有收費問題

但跨區長途線、過海線，停景隆街或百德新街就當做左銅鑼灣，根本係一貫、慣常做法，你可以反對但改變唔到呢個事實，真係上 RPP 都只會咁樣交功課。今次個重組，係有其他人受到影響既程度，比起你怡和街無左個站更大。但都係果句，跨區長途目的地，唔可能條條街都有車搭

今次個建議，我好多野都計過晒，包括行車時間、時段分配，無人想好似而家 113，每時段開得四班車但原來頭車去到對岸連二車都接唔到，要接三車；而 103 時段大致會跟 113，依然維持到西區日間絕大部分時間都可以等到九巴班次往中環、灣仔同紅隧，反之亦然，已經解決左對岸流水問題

S3BL100 發表於 2023-6-2 06:43
又咁講，103 搬去卑路乍灣後，如果九龍方向跟住電車路行到天后再入隧道，就會慢過 113 好多，成個鐘都未 ...

都係嗰句，唔可能條條街有車搭咪停堅拿道當做咗銅鑼灣
無謂嘥心機兜嚟嘥時間
你諗到過中西區不妨諗下九龍呢邊過唔過到?

交功課係一件事，倒客亦必然

1181174166 發表於 2023-6-2 08:36
都係嗰句，唔可能條條街有車搭咪停堅拿道當做咗銅鑼灣
無謂嘥心機兜嚟嘥時間
你諗到過中西區不妨諗下九龍 ...

我諗呢度一般人都會認為景隆街同怡和街客源有明顯重疊，同樣做到銅鑼灣心臟地帶，但堅拿道東、堅拿道西基本上只做到時代廣場一帶

反正只要行告士打道，西行夏愨道、干諾道中既話，兜景隆街、百德新街都快過而家 113 行法

我話唔一定要停怡和街，你就話只停堅拿道就得，有無限上綱之嫌

同埋又咁講，如果甩走怡和街係問題既話，唔止何文田，九龍塘、樂富、竹園同樣受影響，但你就只係補何文田，唔補樂富同竹園，甚至要拉走人地條油麻地獨巿 104 去補你個被搬站客源。簡直係己所不欲，must 施於人，雙重標準到一個點

你呢種取態，我唔覺得你講既其他野有咩說服力囉