龍運A41/A42/A46重組

Billy~~ 發表於 2023-12-3 22:44
反而機場嘅顯示屏就有顯示A42/A46嘅班次

第一個站抄到巴士公司時間表

今日喺顯田村站等1235黃泥頭開出嘅A42，可能司機唔熟路，1305見逆線有架A 42經過，車尾電牌見到寫去機場。心諗走咗班車要90分鐘後才有車，點算好。正當準備離開之際，見到原先嗰架A42再次出現，可能司機知道行錯方向，到大圍迴旋處再兜回原有路線。我1312喺原有站頭上車，1347到機場一號客運樓。35分鐘到機場都真係好ok😊

史上最垃圾重組 沒有之一
而家新A41分分鐘要60-65分鐘先到第一城 起碼慢A41P 20分鐘 係咪想一城石門班客比多$5.6 upgrade

過去幾日搭咗3次A41入機場班次 (1905愉翠苑 / 1900石門)：
28/11及30/11都係2000到機場，
3/12(重組第一日)約2005先到，慢咗5分鐘。
(註：沿途交通暢順)

其實對一般坐A線既人，究竟班次重要、行車時間重要，定係站位便利重要?

對我來講，如果拎住一大堆行李，屋企附近有站，有得睇ETA，只要有位坐，我絕對唔會介意40分鐘一班，都唔會介意坐多十分鐘，坐得舒服少少，預早少少時間去機場，check in 完行李去chill下食野等上機。

任何路線重組如果唔加資源，一定有人歡喜有人愁，關鍵係重組對居民整體利益有無改善。只係不停誇大重組壞處，對多區有直車去機場隻字不提，又有甚麼居心?

我只係希望盡快處理好班次，ETA不穩問題，而家3條線都疏車，頂閘上唔到車對旅行既人黎講可以好大鑊

DR2458 發表於 2023-12-4 09:11
其實對一般坐A線既人，究竟班次重要、行車時間重要，定係站位便利重要?

對我來講，如果拎住一大堆行李，屋 ...

對大圍咪有改善，對原有上游區域咪冇。兩個群體都唔同，你又將佢地混為一談，明顯邏輯唔通。
喺咁具爭議性嘅重組上面，著數左嘅係多數唔會出聲，相反原有利益受損嘅一定出聲，係人之常情，並唔係有人想不斷誇大重組壞處。
顯隆、新田圍、水泉、小瀝源「多左部車」，但60-90分班，你想呢班人衝出黎讚，又情何以堪？最著數左果班咪美林、海福、秦石、新翠同源禾，呢班係最大誘因受惠於重組（其實呢度有一部份人都只係得半日車），但同時又影響左乙明、富豪、第一城加埋最具爭議嘅市中心直出，有人多左野，又有人少左野，冇人嘈就假嘅。

12Lane 發表於 2023-12-1 10:35
60-90嘛，係得七班車架啦。
去程朝早比番20塞住黃泥頭班人把口，20直上60再直上90，世界級服務，90分時段 ...

誤會左，改番岩原來朝早A42唔係20而係真係40，變相有時段小瀝源由原本特班20變左40？

12Lane 發表於 2023-12-4 09:23
對大圍咪有改善，對原有上游區域咪冇。兩個群體都唔同，你又將佢地混為一談，明顯邏輯唔通。
喺咁具爭議 ...

首先，改善既不只有大圍。火炭、源禾、石門、水泉、博康、小瀝源、秦石，一樣多左車，即使60分鐘一架，同樣受惠，正如我所講，去機場搭飛機既人，班次唔一定最重要。
利益受損嘅人出聲，利益受惠既人沈默，岩呀係香港常態。乙明富豪第一城既人出黎嘈，正常喎。但與其係度圍爐取暖，與其係度鬧所謂最垃圾重組，我相信呢度大家或多或少都對交通資源有多d了解，係咪應該多d考慮下整體利益，既然而家人車資源係咁多，點樣重組先可以令最多沙田居民受惠。今次重組仲有大把野要改善，但開線第一日我唔會即刻話係所謂既最垃圾重組，亦唔認同某些所謂地區組織只會將壞處煲大的做法，反觀係咪都應該觀察一下客量變化再執班次走線?

以剛才大約9:30用kmp app查閱

A41總站開, 20分鐘新城市, 15分鐘青沙, 15分鐘青嶼, 15分鐘機場, 7分鐘港珠澳, 8分鐘總站, 全程80分鐘, 新城市去機場45分鐘
A46總站開, 11分鐘新城市, 14分鐘青沙, 15分鐘青嶼, 11分鐘港珠澳, 7分鐘機場, 6分鐘總站, 全程64分鐘, 新城市去機場47分鐘

新城市聯合班次
各30分鐘時段: A41-11分鐘-A46-19分鐘-A41
各40分鐘時段: A41-16分鐘-A46-24分鐘-A41

以呢個時間計, 新城市就時間搭A46似乎安全啲, 應該夠位清A41留後