本帖最後由 12Lane 於 2023-12-4 11:27 編輯
改善嘅唔止大圍，但受改善嘅最大群體一定係，因為三條線都變晒大圍尾站，變相可以抵銷班次劣勢。 60分班，ok嘅，但90分明顯過左火，你打開個ETA連下班車都見唔到。
呢個唔係圍唔圍爐嘅問題，大家以事論事架啫，冇人會否認有人著數左，但代價明顯地都唔細，如果係一句「60分鐘」問題唔大可以概括，咁我諗呢個重組唔會講左咁耐都仲咁具爭議性。
有人多左車左，係真。但當你唔去選擇「夾岩時間」，好似機場番入沙田，新方案令替代路線更加複雜。例如水泉澳，本身搭開288轉A41沙中直出，而家你比A42佢，一旦時間唔岩，就要搭比原本A41更慢嘅A41/46再轉，有冇著數左真係觀點與角度。新田圍一樣，A42唔岩時間嘅，仲要去諗點樣去落秦石定沙中轉各40一班嘅線。
又要唔加資源，又要一拆三，呢個已經唔實際啦，本來一條，而家三條行多咁多路，仲要整堆啲90分班出黎，你自己都唔敢講90分班係合理啦，加一架都已經可以變番60分班啦，係唔去做，咁抵比人鬧好合理。都唔在講巴士公司係長遠諗住減E42，係變相upgrade，但你同我講upgrade完連多部車都嘔唔到出黎做番合理班次同服務時段？
成個重組多人鬧，有人少左野係其一咋，其二係多左野果班唔覺得自己多左好多野或者多左著數，如果支持》反對，呢度風向都唔會咁。
| 
