[小道消息]
傳龍運有意於3月修訂A41和A46安排
[複製鏈接]
|
預左有人咁講，唔緊要，你亦說得對。但就算隔籬既沙角博康，都係沙田老人邨頭幾位，比那傳說中的「沙田唯一老人邨」，更老人邨。
但偏偏今次既相關討論，老人邨論完全無影無蹤。可見某些差別待遇、bias有幾嚴重。
上面官網冇愉城苑數據(可能係規模、人口不足，不獲政府統計處納入「主要屋苑」之列 ，與顯耀同理)，無法比較。不過就算不談人口老化，計晒乙明+愉城+沙角+博康，今次重組，對上述地區，係咪真係咁差咁無法接受？
對沙角博康，重組前，須到河邊既大涌橋路，乙明邨或麗豪酒店巴士站，至有機場A線服務(A41)。重組後，新線A42繞經沙角街並設站，站位明顯較大涌橋路適中，對博康更是大幅拉近距離。咁都有不滿？
對乙明愉城，冇左A41，但有A42，當然我知實有人話相比A41，A42既服務相當不足，但係咪應該爭取改善/加強A42服務(例：增加班次及服務時間、雙向繞經乙明邨街)，會更加合理？
嘈到好似冇左A41就會令乙明世界末日咁，A41唔重返乙明就彌天大罪十惡不赦(但同時又要攬著A42？咁都得？)，係咪過左火位呢？
|
|
|
最差配套 狗也不D
|
|
|
|
|
|
去airport / HZMB 同人口老化真係有直接關係？老咗就唔會去呢啲地方？上面版友講得啱, 用人口老化嘅數據其實真係冇乜參考價值
|
|
|
中五嘅小刺蛋 ;p
|
|
|
|
|
|
mckhgc 發表於 2024-1-25 21:41
預左有人咁講，唔緊要，你亦說得對。但就算隔籬既沙角博康，都係沙田老人邨頭幾位，比那傳說中的「沙田唯 ...
所以沙角問題唔難處理，但沙中問題先難。 |
|
|
|
|
|
|
|
|
本帖最後由 mckhgc 於 2024-1-25 22:52 編輯
長文注意
師兄也許誤會了。去尖沙咀定機場/港珠澳，只係一個冰山一角例子，也非重點。此類情況，適用於任何配套設施/服務。
重點是，多年來，一講到某邨配套缺乏(包括但不限於巴士服務，巴士服務也包括但不限於來往尖沙咀、機場/港珠澳)，甚至是相當不公義的情況時，主流風向總係一句「呢條係老人邨，邊有需求，使乜咁多野」車埋黎，然後必須收聲，再講就係煩膠國王大帝。
嘩，唔知仲以為，全沙田(甚至全港)只有一條老人邨，其他邨全部係仿如大學宿舍既後生仔女世界。
但事實係咪呢？數據已顯示，傳說中的「沙田唯一老人邨」，人口老化程度，在同區公屋只係中游位置。全區有一半公屋更老人邨，但那一半的公屋，從來無人提「老人邨」，更從無人以此為籍口為削服務合理化。
甚至今次頭幾號老人邨受影嚮(但程度係咪真係咁嚴重？)，成個月既熱烈討論，老人邨論居然一直芳蹤杳然。
至於係咪房協屋邨/租置公屋，就比較有家底有閒錢去旅行，比較需要有機場巴呢？呢點冇確實數據。但有一項相近既數據，可供參考：
劃公仔劃出腸，捉手式教埋點搵
先到2021年人口普查官網
https://www.census2021.gov.hk/tc/district_profiles.html
(建議瀏覽傳統電腦版，不建議手機版)
按「主要屋苑」，「選擇區議會分區」選「沙田」，再從「請選擇」64個公居私屋苑中選擇一個，選定後，地圖下按「經濟特徵」，拉下睇「每月主要職業收入中位數（不包括外籍家庭傭工）」
我睇晒所有公屋既相關數字，講真，好意想不到，由高至低順序排列
公屋名稱(*為租置公屋) 每月主要職業收入中位數（不包括外籍家庭傭工）
博康* 17,500
恒安* 17,000
顯徑* 16,500
耀安*、新田圍 16,000
乙明、廣源*、頌安 15,500
隆亨、秦石、瀝源、禾輋、駿洋、利安 15,000
水泉澳 14,810
新翠、沙角 14,500
美林 14,420
美田、碩門 14,000
欣安 13,020
豐和 13,000
租置公屋是否比較有家底？大方向係，但非絕對，廣源就係一個例外。
房協屋邨，是否比房委會公屋有家底？看來是，但也不一定，至少比不上房委會租置公屋。當然，最大問題是沙田只有一個房協屋邨，樣本不足，難以定論。
意想不到的是，傳說中的「沙田唯一老人邨」，居然處於上游位置，僅次於三條租置公屋、同一條租置公屋並列、比另一租置公屋及唯一房協屋邨略高。
老人邨？冇消費力？一大堆年齡中位數更高、收入中位數更低既叫乜？
何謂有家底有閒錢去旅行？何謂對機場巴士有需求？
個龍門又要搬喇。
當然，我明白，地底泥永遠係地底泥，龍門從來都係任搬，地底泥永遠係射唔入的。
很久以前，就計人口，
 ：「你人口少持份細，就係冇話語權」
(事實：誠然，傳說中的「沙田唯一老人邨」人口的確偏少，但不代表毫無需求，更不代表現有服務係合理水平。更重要係，一些人口更少的屋邨/苑，也能獲得相對合理的服務、增設出入設施)
：邊個話淨係計人口？海拔高度水平呢？勉強去到既社福設施呢？人口老化程度呢？你成條邨都係老人，有幾多出外需求？
之後，就搬龍門去計人口老化。好喇原來人口老化只係中游位置，就搬返去計人口、計有冇家底閒錢去旅行。
我而家Sense到，貼出年齡中位數後，就有人帶風向，意圖將個龍門吹去另一邊：越老人邨，就越有資格有機場巴士，因為退休人士有大把空閒時間去旅遊、要避免老人家帶著行李轉車......(咁相對黎講，係咪話居民偏年輕既邨，就冇資格有機場巴士？)
果然話口未完，就有人話人口老化數據冇參考價值，老咗就唔會去呢D地方？當「又」用老人邨論，意圖合理化喺「沙田唯一老人邨」拎走A42嗰陣，又唔見有人咁樣「伸張正義」既？
多年來狂插「沙田唯一老人邨」人口老化就冇資格有要求之說，一貼出人口老化真相，就即刻搬龍門改口風，完全推翻多年偉論。
搬龍門搬到咁，地底泥點同你地玩？
我要講既已講晒，亦唔會再回應此議題，大家請便。
再利申：對呢壇野係咪應該再改、點改，不予置評。就算改到我屋企門口有站，我都唔會再搭呢間垃圾公司。
|
|
|
最差配套 狗也不D
|
|
|
|
|
|
本帖最後由 12Lane 於 2024-1-25 23:31 編輯
mckhgc 發表於 2024-1-25 21:41
預左有人咁講，唔緊要，你亦說得對。但就算隔籬既沙角博康，都係沙田老人邨頭幾位，比那傳說中的「沙田唯 ...
有樣野係講岩左嘅，就係開左邨邨A個頭，就好難有差別待遇，呢個的確係解唔開嘅結。
鬥人口老化，你唔後生我好多，我唔老你條邨好多，點解你有我冇；鬥人口，X邨人口唔少過Y邨好多，點解要犧牲X邨。所以我諗連新田圍都好難掟得走嘅時候，前面最多人想郁手嘅美林同理，呢個係兩難之局，亦係傾重組一定要接受嘅現實，就係潑左出去嘅水，係收唔番。加左時，亦都收唔番，最多係班次做手腳。
所以當有人提議擴大戰線去白石角，真係嫌而家未夠六國大封相。 |
|
|
|
|
|
|
|
|
我先講係有好多層面去切割原始數據去做立論
單單靠人口／收入調查去推斷係咪一個好嘅indicator呢？
人口／收入係一個較為靜態嘅斷面
所以我會話巴士公司點會無八仔／contactless搭車數據
直情去到每日每小時最低限度有幾多人會咁樣坐（現金客你當住唔會影響大局先啦）
將兩者cross-over先至會有更理想嘅結論
同埋撩個「老人村」立論出黎又大戰十版八版
只會令本身件事失晒焦
|
|
|
|
|
|
|
|
|
本帖最後由 deal5354 於 2024-1-26 10:25 編輯
依加乙明邨搭A42去機場比舊A41起馬慢左10分鐘, 繁忙時間班次由每小時3-4班車減到2班, 非繁忙時間更加由2-3班減到1班, 所以先搞到d 人嘈得咁緊要; 與此同時, 沙田市中心搭A46 又係慢左好多, 依加修訂都要睇下A46有冇得精簡四美區走線
|
|
|
|
|
|
|
|
|
其實新田圍班人唔會特登行去後山搭車
沙膠果班又好憎新田圍 世界花園阻住地球轉
其實應該用獅隧公路劃界，然後河東 + 沙中一條(A41 延長上黃泥頭水仔)河西 + 沙中一條(A46)
最後新田圍 + 大圍 + 顯田 + 六美 一條 (A42)
完
|
|
|
.
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
