[2024/6] 首次內陸機 QF435 SYD > MEL

基本上唔少航空公司內陸線都會比起長途線 hea，就算去到歐洲同北美都係，可能只係因為香港無真正內陸線所以大家唔多覺，出到去會有 culture shock，我果陣第一次都係

QF 有派呢件 pear cake 已經算係咁，好過唔少美國內陸機好多

我喺美國坐內陸機，一樣都係上落機用同一個登機橋入口、同一個 boarding area。好深印象係舊年去 AMS，佢地堆洲際航線，上落都係同一個 boarding area 添

Fuk19805 發表於 2024-6-10 22:04
其實睇呢度唔少歐陸/同你啲美國report都已經有啲心理準備架啦，見到有Free Wifi又有大份snack，唔係好似 ...

其實要幾耐之前去到機場，都無一貫答案

美國呢邊官方建議係內陸線起飛前兩小時到機場、國際航線就三小時。但我而家住果頭，個機場唔大，得 12 個登機閘，我而家一般都係起飛前 60-90 分先去到機場。調返轉如果係大機場，好似 Atlanta 呢類，安檢人龍長，入到去仲要搵另一個登機大堂，就算坐內陸有時都可能要預返三粒鐘

我最癲一次係今年一月，DCA 返歸（仲要係首都個 DCA 機場），因為朝早貪玩，起飛前半粒鐘先到，安檢後真係跑住衝過去，最後趕到，然後班機又 delay 以後都唔敢拖到咁遲了

不過第一次坐，尤其是又想參觀 / 視察 / 體驗下 terminal，早少少到都好

至於內陸線 vs 國際線 terminals，又係因為大家用香港機場上機就一定會出境，慣左上落分隔。但內陸線坐得都唔使重新出入境，自然無左辦入境手續果部分，唔需要將上機同落機人流分隔。又例如好似美國無 exit passport control，所以內陸線可以同國際線用同一個候機區，見過好多次自己坐果班內陸機旁邊係國際線上緊機（或者調轉）。當然 gate agent 會檢查護照，同埋入境人流都係會分返開。但歐洲 Schengen zone 又有 exit control，所以 Schengen 同 non-Schengen flights 候機區係會分開

見識過之後就會慢慢習以為常，我都經歷過呢個 stage