點解依家巴士公司淨係會識趕客落地底？

其實喺ETA時代, 大家千祈要記得呢個世界仲有樣叫巴士公司app嘅嘢。如果出門或放工前無望app睇心儀路線下班車嘅ETA而去規劃日程又去埋怨巴士班次疏落, 個人就覺得係咎由自取。（當然如有學校唔俾學生喺街或臨放學前喺校內用手機就另計)

ECBuzz 發表於 2024-9-14 15:19
其實喺ETA時代, 大家千祈要記得呢個世界仲有樣叫巴士公司app嘅嘢。如果出門或放工前無望app睇心儀路線下班 ...

當你要用轉車站轉車，ETA規劃時間就唔得了

ECBuzz 發表於 2024-9-14 15:19
其實喺ETA時代, 大家千祈要記得呢個世界仲有樣叫巴士公司app嘅嘢。如果出門或放工前無望app睇心儀路線下班 ...

疏車個問題係就唔岩出行時間多過要死等。
你係獨市嘅都算，唔係嘅見你下班30分，45分後直接落去搭鐵啦仲屋企發呆等夠鐘？

JH_LE4612 發表於 2024-9-13 23:56
咦師兄係咪 quote 錯左post定係有咩誤會?

不過印象中，上任特首有話過想執下呢啲過時法例，就唔駛架架 1 ...

唔好意思quote錯，咁因乜原因缺人都好，加大都係解決方法

貼番少少題，健康嘅社會梗係多數人會人望高處向上流而唔會想躺平。
除咗你講嘅人力車，當年揸巴士無咁多輔助，要更高技術。
當年車長相比起咕哩農業，等同於今日嘅文職專業vs巴士車長。
（個人無意分高下，只係描述大眾睇法）

之不過呢D基本需要都要滿足，咪機械化規模化。
巴士加大再加大除咗係需求，都係應對少人做嘅答案。
（咦，講到呢度好似又似拉得埋）
唔通好似DC9孖叉D客唔夠禮貌、搭短途、夾份搭，D貴客就會返黎？


交通規劃角度，大小巴鐵路係同類嘅野，對大部分乘客亦然。
有幾多客就擺乜落去，巴士唔夠搵鐵做係自然嘅事。
之前句潮語“30歲仲要依賴（公共）交通工具”都唔會分得那麼細。

世界各地一有鐵，巴士要由主幹變輔助係常態。
香港嘅人口密度本身要鐵路，香港亦係少有地，
一係塊餅大到疊住都可能養到巴士細有細做（一定要做大先至掂？），
一係鐵都頂唔順要巴士幫拖。

香港巴迷部分仇鐵嘅心態，外地似乎唔普遍，
甚至“中國人開油站”嘅心態（vs猶太人開油站、印度人開油站，唔知講乜嘅可以google chatgpt下），
死搶爛搶普遍得多。

s3n370 發表於 2024-9-15 17:17
唔好意思quote錯，咁因乜原因缺人都好，加大都係解決方法

貼番少少題，健康嘅社會梗係多數人會人望高處向 ...

香港係少數鐵路同巴士完全唔同公司營運、票務完全分開（地區限定鐵巴同極少數巴鐵轉乘例外）嘅大城市

其他同類大城市，多數玩法都係巴鐵屬同一票務系統，甚至同一間公司，加上鐵路網喺市中心密度容量都足夠，咁就可以玩鐵路巴士互補不足，巴士負責市區一兩個站轉乘，或者做鐵路需要繞路轉車先去到嘅位置

但香港長期係巴鐵分開規劃，如果係巴+鐵出行，兩程加埋支出甚大，以市區尤甚，硬要由直達巴士改為巴轉鐵，額外支出已經唔易接受
如果巴鐵轉乘平一截，應該已經易接受好多

但同時鐵路容量未足夠做鐵路為主（師兄你早幾日都講過至少港島北同九龍東西需要多一條線，我都相當同意），以現有鐵路網無可能將乘客隊晒落鐵，但巴士服務水平又下降不少，唔少朋友係對巴鐵兩者近年服務都唔滿意

鐵路通車巴士減班難免，但唔近鐵路嘅住宅區往往suffer最多，硬食劣化巴士服務，但條新鐵又幫唔到幾多，連轉鐵駁腳都要俾多程
加上以往的確有段時間嚴格保鐵，仲記得當年將軍澳線巴士重組，連無一忽掂到新線嘅91都上過執笠名單，算係巴士迷唔鍾意鐵嘅遠因

ECBuzz 發表於 2024-9-14 15:19
其實喺ETA時代, 大家千祈要記得呢個世界仲有樣叫巴士公司app嘅嘢。如果出門或放工前無望app睇心儀路線下班 ...

要開app睇下一班車幾耐之後嚟，再諗係咪等 vs 唔駛諗直接行落地鐵站就個位數分鐘內點都有車上，已經係個趕客因素

Ricky403 發表於 2024-9-14 06:36
其實香港鐵路網絡已經發達，但喺為數不少嘅非鐵路上蓋盤，受巴士強力競爭
香港啲單位細，好多非港人都深 ...

除佐新界東因為歷史有條鐵路外，其餘地區嘅規劃都係靠條路做主幹，
D發展自然就沿住條大路。

規劃時預佐有鐵路直出市區，就連條區內道路都會側重區內接駁，
而唔會諗串完哂所有分區再出城。

RE2303 發表於 2024-9-15 00:12
當你要用轉車站轉車，ETA規劃時間就唔得了

近年班次真係破壞咗唔少轉乘網，疏車轉疏車超出一般人接受極限（巴士公司迷痛心公司盤數多過自己時間就另計）
同親友講巴士轉巴士，大部分都耍手擰頭，寧願兜大圈搭鐵，長途無幾可搭直頭去咗call uber
269D客量班次都大跌就係咁，駁腳不給力，就本線自己都走埋客

HV7025 發表於 2024-9-15 10:02
香港係少數鐵路同巴士完全唔同公司營運、票務完全分開（地區限定鐵巴同極少數巴鐵轉乘例外）嘅大城市

其 ...

//多數玩法都係巴鐵屬同一票務系統，甚至同一間公司//

你呢個說法其實都唔太正確，香港的確係分得得最開。
歐陸唔少城市做到全面integrated。
但香港週邊地區，以至唔少港人移居佐嘅英國頂多只係局部integrated。

剩係TfL嘅巴鐵都唔係完全整合，pay as you go分兩程，
要上到daily cap/weekly cap/season ticket先至一併計。
鐵自己都複雜都嘔，都唔好計你跨公司。

更重要嘅係就算全面integrated係好聽，
無論relative甚至係absolute，都貴過香港分開幾程加埋。


至於你講嘅91，看似無關其實唔係。
將軍澳未有鐵梗係全部都要向彩虹走。
一有鐵連最多客嘅西貢，都有D客分佐去將軍澳。
91M由單邊駁鐵，變雙邊都駁到。
咁更少人同更近將軍澳嘅清水灣，點會唔分咁D轉車客走？
當然，將軍澳嘅發展都超越預期，
咁條91就變番仍然有需要直去彩虹。

呢個無程度無深度嘅問題唔係問巴士公司，而係問運輸署，運輸署細微到馬路流量幾多部車都要點算同控制，鐵路開張要巴士公司交巴士出嚟減少路面車輛，問巴士公司無用架。