香港近年超過20萬人移民海外，人口下降對巴士需求的影響

castanopsis 發表於 2024-10-20 08:36
地鐵£2.8 同 巴士£1.75
兌換做港紙，即係$28.4同$17.7
我唔知閣下同樓上係咪富貴人家

地鐵£2.8 同 巴士£1.75 兌換做港紙，即係$28.4同$17.7 我唔知閣下同樓上係咪富貴人家 但一般人而言，難以稱得上差唔多 留意呢個只係zone 1 好似113呢啲，唔計較時間既，一程£1.75載到你去zone 5，差距就更大 未計學生巴士免費

係營運成本，而唔係起地鐵既成本 起地鐵既成本

係你自己話「起地鐵」，照直quote唔似你鍾意加鹽加醋，我仲特登加個引號highlight

Anyway，其實zone2,3,4,5,6 off peak只係£1.8
zone 23456 off peak都係£2.1
同巴士分別不大，重點仍然係鼓勵你唔好入zone 1同埋off peak先行
而家啲巴士路線已經剩返好少可以直去咁外zone，好多時要你轉車，不過兩三程巴士嘅好大機會已經過一個鐘，盛惠double價錢
加埋上面有提及好多時火車客cap咗，tube變相免費，一大堆價錢因素有平有貴有唔使錢有off-peak複雜到不得了。就算香港，屯門站搭去旺角$20.8貴過巴士$13.8成5成，其實唔少得過£1.75同£2.8爭6成太多，你又唔走去話香港鐵路分散成本高？根本好多嘢好多因素，成日將兩個事實夾硬自願其說幫人建立因果關係（又係咁）做乜？
人工高係事實，但重申要點淨係用£2.8呢個價錢（又双叒cherry picking）去推論倫敦地鐵太分散成本高成本貴未必太滑波到唔滑波
以地鐵站規模計，central london好多站只有香港嘅二至三分一，而除咗閘機比較多人手之外亦唔多職員，系統上似乎相對簡單。整個系統同資源運用，無否認佢可能高啲，但就算分散或協同效應見唔到有非常顯着嘅分別。如果係香港嘅密集配合線性網絡發展就應該效率幾高，但井字型網絡你好難做一條或極少線同站可以串連曬所有需求，更加唔需要提過百年前建造技術同需求。

我同意英國巴士載客率係低過香港 但同香港一樣，你喺條街度望，會見到好多吉車 真係搭足全程，又會發現中間大上大落 埋單計曬全程，人數唔少 香港最核心既幾條線1A/6/82/2A呢啲，真係非繁都多客 但次一等個啲，2非繁都好多十零二十個既班次 再低一層，3B/5A/22/25呢啲，用英國標準都係垃圾級客量 但又因為香港既規管制度，擺喺度發霉 計落咁多條線，平均來講，我認真覺得倫敦市中心巴士載客率，同香港市區流水差距唔大

好簡單，日間非繁忙時間喺倫敦都甚少見到6/6c呢啲企滿頂閘境況，而佢哋企人時嘅personally space亦比香港大唔少，實際上唔企到好多人
垃圾級客量大家都有，唔特別數邊個多啲
反而zone 3/4/5/6嗰啲domestic TFL bus，因為無乜鐵路競爭幾獨市下，有啲二三線定點路線仲滿載過Central London嘅巴士
但如果淨係計Central London，都幾肯定平均比香港市區鬆動得多

唔太認同 當然倫敦單車既infrastructure，仲有好多可以改善既空間 但所謂歐洲，講來講去都係荷蘭一枝獨秀 倫敦對比起其他歐洲城市，單車普及度未必係最高，但肯定唔算低

歐洲人嚟英國一般都好好奇咁少單車
唔使去到荷蘭程度
就算觀察唔到，好多數據都support到，肯肯定定係算低，呢點無容置疑，唔使又包拗頸
https://www.cyclinguk.org/article/campaigns-guide/cycling-levels-in-european-countries

Hungary, Germany, and Poland reported rates of bicycle use above 40%. Four out of 10 people in both Austria and Slovakia also said they cycled at least once a week.

While 18% of respondents in France said that they cycled at least once a week, 14% did in the UK, ranking 24th out of 28 countries.

Malta (3%) had the lowest rate of weekly cyclists, followed by Cyprus (10%) and Greece (12%).

https://www.euronews.com/next/2023/09/19/cycling-in-europe-which-countries-and-cities-are-the-most-and-least-bicycle-friendly#:~:text=Hungary%2C%20Germany%2C%20and%20Poland%20reported,%25)%20and%20Greece%20(12%25).

ccchhhuuunnn 發表於 2024-10-20 16:38
係你自己話「起地鐵」，照直quote唔似你鍾意加鹽加醋，我仲特登加個引號highlight

Anyway，其實zone2,3 ...

上面通篇都無提過建築成本
我話人口密度低都選擇起地鐵但既然話會影響票價，當然係指營運成本唔係建築成本

Again，無人話倫敦可以跟香港個套
倫敦本身城市佈局同香港唔同，人口密度差太遠
只係純粹指出呢套系統每個客攤分出來既成本，會高過香港
Zone 1/peak times收附加費原意係想鼓勵人步行或者搭車，呢個係事實
但唔收呢個附加費，TFL做到收支平衡都有難度，而客觀睇呢個價錢差距亦幫到市中心啲巴士線
我上面原文只係話呢個係一個factor，無話係最大既factor

好簡單，日間非繁忙時間喺倫敦都甚少見到6/6c呢啲企滿頂閘境況，而佢哋企人時嘅personally space亦比香港大唔少，實際上唔企到好多人 垃圾級客量大家都有，唔特別數邊個多啲 反而zone 3/4/5/6嗰啲domestic TFL bus，因為無乜鐵路競爭幾獨市下，有啲二三線定點路線仲滿載過Central London嘅巴士 但如果淨係計Central London，都幾肯定平均比香港市區鬆動得多

嗱，我唔係成日去倫敦
但加加埋埋都搭過一堆巴士
近期記得既trip有
South Kensington入市中心搭14
Greenwich去Tottenham Court Road搭188
Queensbridge Road去Chinatown搭55
三程車上座率，都拍的住我喺香港搭車既感覺

香港市區流水非繁恆常會要企既，數來數去都係幾條線
甚至你話6C，宜家非繁企滿頂閘？好少見囉....
九龍6/1A，港島2A/82，都算係有，但其他線，真係好少啦
不過見你不斷喺度話，載得曬就可以減班
我估你對香港巴士既平均客量，戴咗一個唔太現實既濾鏡

歐洲人嚟英國一般都好好奇咁少單車 唔使去到荷蘭程度 就算觀察唔到，好多數據都support到，肯肯定定係算低，呢點無容置疑，唔使又包拗頸

乜嘢無容置疑
講緊倫敦，你就走去quote全英國條數

呢個網站，列曬歐洲首都既單車市佔率
https://ecf.com/resources/cycling-facts-and-figures

倫敦條數係2009年
睇返宜家，TFL報出來，倫敦條數係4.5%
你自己睇下究竟喺歐洲邊個位
唔係前列，但都唔係低

呢個未計倫敦本身喺capital city入面算好大
suburb去市中心好難踩單車
踩單車比率最高，應該會係細城市

s3n370 發表於 2024-10-20 16:02
呢D站距離隔離條Northern同Bakerloo Line有一段距離，
事實上外圍地鐵站除咗步行，實際上都有客搭幾個站巴 ...

大尾督除咗275R之外，75K/20C六日都加密好多
最近發現原來假日都有75P開，但呢啲隱形班次係連豬紙都無寫
加上平日都有遊人，overall就算未到居民相關需求，但應該係同一個order既嘢
人流計，你擺條地鐵落大尾督，個站既使用量，都應該會多過每班車幾個人
當然你話有更好既類比，我都認同，大尾督都係on the top of my head諗到既例子

castanopsis 發表於 2024-10-20 11:33
上面通篇都無提過建築成本
我話人口密度低都選擇起地鐵但既然話會影響票價，當然係指營運成本唔係建築成本 ...

你都幾得意，巴士用自己觀察但係單車就點都死quote數字。
唔係話咁有問題而係要睇適用與否。

TfL嘅數據指市中心嘅巴士客量呈長期下降趨勢，而外圍則上升緊。

至於單車數據，搵唔到佢點define。Modal Share估計係計主要果程。
但係考慮埋駁腳可以係兩個數字。
成日舉嘅例係新界西去港島東，搭K巴M車去地鐵站轉地鐵，就只係計鐵。
搭西隧車去到上環先落地底就只係計巴士。
但逐個stage都計就兩者都係一程巴士一程地鐵。
另一個common嘅例子，美田踩短程單車/搭巴士去火車站，搭到大埔再踩埋/搭K巴去大埔中心，modal share條數落佐鐵路，完全無單車/巴士，但stage計就係兩程單車/巴士一程鐵路。

而無論以行政定係通勤嘅角度睇，香港嘅區界好簡單且單一，跨境通勤比例低
而其他大城市就無咁簡單，行政同通勤已經係兩個世界。
行政區界有無跟住通勤帶擴張更加係個個歷史唔同。

香港無移民潮，你邊隻眼睇到 20 萬人走？

MPF 都係拎返大陸使，你無理由唔知架

castanopsis 發表於 2024-10-20 19:33
上面通篇都無提過建築成本
我話人口密度低都選擇起地鐵但既然話會影響票價，當然係指營運成本唔係建築成本 ...

係factor唔係最大factor 就講經咩
鬼唔知阿媽係女人，更加唔使用£2.8去證明佢
講咁多嘢越來全部都係廢話

幾時有話載得曬可以減班？
又係質人講嘢唔使本，不過慣咗，算啦

14/74車海博物館線
一日都唔知拖幾多卡，有上得多人嘅有後面拖住比較鬆動嘅，你抽個人多嘅嚟睇，唔睇大圍睇個別車次有咩意思印象中有搭過等好一陣子多人嘅，亦有搭過唔使點等或根本係拖卡第二／三卡無乜人嘅
唔少大線日間開6-8/7-10分鐘一班，好多時都係咁，而且幾普遍
香港仲有幾多線可以開到呢個程度，開15/20啲friend連拖卡機會都好低，莫講話會前後不均導致客量飄忽

國家層面點都project到個capital
28排第22你估首都可以完全反吸？
唔好忘記，就算greater london人口都係得全國1/8左右，數字上London踩單車要有幾高先可以扯返高個排名，定係你覺得英國central london以外單車通勤好少所以扯得低個數字？自己諗諗
越近central/capital只會越少人踩單車，正如你會喺上水大埔見到唔少但中環唔會多掛
就算你條link，London都已經係最少嗰1/3，全部0.x/1/2%，隨時個統計誤差都大過佢，咁嘅數字都唔叫差？
自己將兩樣嘢９唔搭８反而走去建立因果關係，全國同首都有一定程度嘅推敲同相似性又喺度包拗頸
又觀察又數字都講唔通倫敦踩單車人口唔低，一日到黑鑽牛角尖唔知做乜
次次都對人唔對事，專揾嘢嘈但又唔係啱



再認真啲，走去問下copilot先

castanopsis 發表於 2024-10-20 12:22
大尾督除咗275R之外，75K/20C六日都加密好多
最近發現原來假日都有75P開，但呢啲隱形班次係連豬紙都無寫
...

唔計你自己都唔敢講實加密好多即係幾多嘅假日班次先。

單站人口最少六成幾shortfall要靠假日填補，
假日就要兩倍幾至三倍嘅客量填番條數，唔係做唔到但亦唔係咁易achieve。
沿線人口計嘅shortfall直頭係兩三倍，真係靠假日填到條數？

早已經舉佐其他更relevant嘅例子，甚至舉多個元朗南、十八鄉、大旗嶺、大棠咁大地方加埋都近磅架。

唔明咁堅持個咁遠嘅例子為乜。

s3n370 發表於 2024-10-20 20:40
你都幾得意，巴士用自己觀察但係單車就點都死quote數字。
唔係話咁有問題而係要睇適用與否。

單車條數點計係一回事
但點都唔會好似樓上咁，明明講緊倫敦，攞條全國既數字出來，然後咬牙實齒話無容置疑

至於巴士，你有載客率數據，歡迎補充
但未有數字咁唯有用住自己觀察
留意載客率條數，唔同整體客數條數

ccchhhuuunnn 發表於 2024-10-20 06:06
好似好多個point炒埋一蝶，不過以自己有限認知又好似唔係好準確唔緊要逐樣嚟

過百年嗰幾條你當輕鐵容量/ ...

我而家住倫敦，逐個point回覆你
1. £2.8同£1.75當然差得遠（zone 1地鐵非繁忙時間而家係£2.7，繁忙時間£2.8，除非好似我咁有折，咁就非繁忙時間£1.75。不過我用 Railcard 搭巴士無折，變相zone 2打外搭地鐵明顯平過巴士）。而火車地鐵有cap，個cap係包埋巴士電車嘅，按zone計；巴士電車有自己獨立分開cap，所以唔存在話cap咗變相令到搭巴士平過搭地鐵嘅情況（不過無cap嘅情況下，火車地鐵係同一個收費系統，巴士就獨立計費，所以如果地鐵轉巴士就車費雙計，地鐵轉火車就一樣一程按 zone 計）。

雖然話搭巴士嘅話， £1.75 可以由 zone 1 搭到 zone 5 ，但因為速度實在太慢，甚至好似窩打老道嗰種嘅 trunk road 都只有1條流水線服務重要站站停。結果甚少有人搭足全程，除非係嗰兩條SL線。orbital情況就另計，基本上係焗搭巴士（下述），所以而家TfL重點都係改善外圍嘅服務。

好似  Marble Arch 去 Edgware 嗰條113，係A41沿線獨市，我試過繁忙時間搭，喺 Finchley Road & Frognal 搭去 Edgware 方向經A41獨市位去 Brent Cross ，基本上係班班頂爆閘。亦由於倫敦 Travelcard 巴士唔分區，所以亦都有兩種人喺 zone 2 轉車慳錢：住外圍，返工1區正中心，買1-2區季票，喺2區轉巴士返外圍嘅屋企（尤其係住得唔近鐵路站/個鐵路服務廢嘅地方）；同樣住外圍，返工1區邊緣，買2-外圍季票，由屋企搭地鐵到2區轉巴士入城，咁就可以唔使用1區。

但無論係£2.8定£1.75都好，結果係鼓勵我短途踩單車（中間隔咗座山就無計，1個站，好似 Finchley Road & Frognal 去 Hampstead Heath 嗰種都要搭地鐵過隧道）。

2. 我幾乎無喺 Central London 搭過巴士，但係如果出到 zone 2 嘅話，啲流水線條條線都大上大落，條條都慢到平均得大約 11 km/h ，搭3公里都有排企。我而家屋企同返工嘅地方大約係98巴士線嘅兩端，而呢條線我係從來無搭過去超過 Kilburn High Road 。如果踩單車嘅話，平均大約可以爬到兩班巴士頭，甚至誇張啲講，我試過沿住條線來跑，我呢啲咁廢嘅由頭跑到尾都係同搭巴士相差一班車嘅時間（如果換個 10 km 40分鐘嘅去跑同一條路，應該可以同巴士同步到終點）。

3. 倫敦來講同其它英國城市相比的確可以用地勢平坦來形容，我住西北倫敦呢邊，係座 Hampstead Heath 比較麻煩之外，其它都無乜上山嘅問題。而火車繁忙時間亦都全部禁止拎單車（除非摺車），所以長途嘅話基本上已經係無得諗踩返公司。

4. 一出到去 zone 3 打外嘅 outer London ，無乜環迴鐵路，除咗有電車嘅地方，基本上公共交通只有巴士一種；但啲巴士服務唔係想像中咁好。
我以前住 Cricklewood ，無地鐵到達，但本身已經有火車站，至於巴士方面呢，喺個十字路口，radial 嗰條有4條線，每2-4分鐘有車出地鐵站（之前有5條，前年TfL話 cut cost ，打算對巴士大開殺戒，結果幾乎全部 ban 哂，係得 Cricklewood 個重組因為真係路線重疊得太勁而最終推行到，取消咗條332，而傳統去 Victoria 嘅16亦都唔再去 Victoria ；本來佢重想搞埋條189唔再去 Marble Arch ，一次過將全部兩條出 Central London 嘅線收哂皮，結果街招貼到周圍都係，189嘅改動亦都 ban 咗），orbital 嗰邊亦有4條線（雖然有一條係垃圾線226）。

我尋日參加咗YRP個 transport challenge ，個玩法係限時5個鐘，要到訪格仔來連成最多嘅直線（啲格仔可以係指定車站，或者某啲特徵），有5x5嘅格仔共25格。嗰啲格仔有唔少抽中咗東北同東南地區嘅車站/特徵，其中一格抽中咗 Falconwood ，於是我嗰隊就決定咗用順時針方向 orbital route 去走，去到 DLR 嘅終點 Woolwich Arsenal 之後就巴士過去。結果呢？要巴士轉巴士，直線3.6公里但要40分鐘先到。



之後再去 Grove Park ，又要巴士轉巴士，而且 Falconwood 成條火車線閂咗由 rail replacement bus 取代，5公里路程又用咗40分鐘，而且重要係唔使等車，即刻有架 rail replacement 返 Eltham 先做到呢個時間。



之後再去 Norwood Junction ，本來以為又係搭巴士，點知竟然搭火車返出 London Bridge 再轉線返 Norwood Junction 重快。



結果我嗰隊最後25格攞得23格，5隊之中排第3，有兩隊攞24格嘅就係無去到 Falconwood 嗰格。可想而之 outer London 嘅服務有幾差。

castanopsis 發表於 2024-10-20 23:19
單車條數點計係一回事
但點都唔會好似樓上咁，明明講緊倫敦，攞條全國既數字出來，然後咬牙實齒話無容置 ...

倫敦巴士平均載客量（average loading）係20人，倫敦以外就大約10人，計法係 passenger km / bus km 。

我有興趣知道香港嘅數字係幾多。