九巴13和213E開辦消息

laikingsouth 發表於 2025-8-15 10:55
好似過左廿多版都無版友提及，13 將會駛入安鿋街，途經安楹苑；反而 213E 未有提及。

順帶一提 , 13 將成為九巴編號最小的新界區路線

S3BL100 發表於 2025-8-15 22:41
交換埋頭尾車時間，咪即係 2A 改上彩福後縮時，蘇屋同亞皆老街沿線會有好多時間有車搭變無車搭，咪玩啦

...

793

雖然我唔認同呢個方案，有啲站位我都追緊債，但係縮時九巴呢樣嘢真係做得出


無人話無影響，有個$2上咗13都叫有影響，但係咪足以令2A跌落神壇？價錢、班次、站位，話就話重疊，仲係有樂華總站同先達
未知影響如何，但係已經諗到咁大費周章勞民傷財
考慮車費負擔，又唔益得安達臣，2A點都死唔去
分分鐘等到13收成嘅時候東九龍綫都就嚟起好

JX9097 發表於 2025-8-15 22:58
睇下九巴有幾想做大13
始終位位都upgrade咁做

但係架車過咗樂華之後仲要開上去安達臣

tamabaron 發表於 2025-8-14 16:25
講到明會隨安達臣發展區居民入伙進一步按需求加強，仲想213D 上埋去應該無可能 (安盈安柏都應該準備派鎖匙 ...

我寧願11X拉上黎先，而家樓下去觀塘市中心都無車～

1181174166 發表於 2025-8-15 23:25
793

雖然我唔認同呢個方案，有啲站位我都追緊債，但係縮時九巴呢樣嘢真係做得出

但 793 補唔晒 2A 咁多位

而且會縮既時段 2A 本身都有客，甚至 2A 本身最密竟然係上繁返學時段美孚往樂華，縮走左就倒唔少客畀對家，甚至乎倒客程度同數目可能遠超我上面提到 2A 直接改快方案可能會倒走左既亞皆老街往深長荔單向客流，我唔認為厹會咁做

---

又或者換個角度，如果唔係一定要做樂華往來大角咀，長遠咁玩又得唔得：

2A 不變
13 變安達臣加樂華版本 2X，牛頭角至美孚之間跟足 2X 行法（或者去程直頭上埋太子道西天橋跟 2X 開線初期行法），安峯往旺角太子落車或者行落一層坐 213D，方便埋中秀/下秀往長沙灣商貿區
13D 改行中九幹兼延長至安峯，去程繞經寶達總站兼因應改快而加價，順手做埋安峯往來觀塘巿中心

雖然都好似會引起其他問題，而且 2A 13 都係重疊，但至少無而家 2A 13 樂華疊到旺角仲要同站咁嬲

暫時好似無一個做法係完美，但點都好過招標行法，當初 13 唔係咁行就唔會製造咁多問題。睇怕而家可能要睇之後對 2A 客量影響、多左幾多既得利益者，同埋邊種改法擺得上 RPP，有無可能 13 未全日就已經改線，再決定之後應該點改，似乎都係離唔開以下幾個選擇：

1. 上面改法
2. 13 改跟 93P 行東九廊油麻地
3. 2A 直接改快加價、照兜蘇屋，13 不變
4. 13 改直飛中九幹，延長至長沙灣，213D 上山頂（個人估計呢個方案最難）

S3BL100 發表於 2025-8-16 00:00
但 793 補唔晒 2A 咁多位

而且會縮既時段 2A 本身都有客，甚至 2A 本身最密竟然係上繁返學時段美孚往樂華 ...

九公挑起條筋就無話唔得，最多晨早特別班次之類

13寫就寫深水埗，但係咁行法會唔會19轉鐵好過？甚至其實去旺角都會咁

安達臣去旺角213D未必難，成個山頭咁多線，中秀都唔稀罕
而長深係咪歸214系可以諗諗，大角咀只需繁忙時間服務，除非左轉落高鐵站，或者係2076版友咁落中九龍上返嚟再去深水埗

等入伙，擺兩年再睇下揀邊個方案

S3BL100 發表於 2025-8-15 20:55
但 2A 蘇屋至美孚一段區內流水未至於完全無客，當然可以話廿分班載得晒但呢段距離真係開廿分班肯定倒客落  ...

倒客落 6 6C 其實冇問題，反正美孚總站最就腳都係得 6C，本身同 2A 同價，唔見得會有乜損失。蘇屋落旺角 2 + 2A + 6 + 6C 本身就係服務過剩嚴重重疊，2A 減班好正路。

麻煩位係服務時間問題，兩邊服務時間係要睇齊，其實都只係撥亂反正，要做市區快車有一定時段冇車根本就係奇怪，本身牛頭角同深水埗都算係全日位。麗翠苑早繁其實都要出街，邊有理由 2X 早繁東行係冇服務。

班次方面，本身早繁係因為做密左 2A 東行 10 分鐘一班，2A 西行 12 分鐘一班，再加 2X 西行 20 分鐘一班。西行因為 2A 唔駛再照顧樂華需求可以 2A 2X 班次對調，呢度慳到的行車時間，加上 2A 東行減落去 15 分鐘一班，都已經足夠 2X 早繁東行開 15-20 分鐘一班。早繁東行蘇屋仲有 6E 6P 幫手，2A 唔算係必需品。

1181174166 發表於 2025-8-16 00:18
九公挑起條筋就無話唔得，最多晨早特別班次之類

13寫就寫深水埗，但係咁行法會唔會19轉鐵好過？甚至其實 ...

13 如果真係跟 2X 行，站位唔見得差過標書行法幾多，但快一大截就肯定

標書因為要求做全日，所以大角咀得返繁忙時間服務就無乜可能。反正就算無安達臣因素，13D 長遠都要處理

擺兩年？最吊詭係擺越耐就既得利益者越多越難改，但兩年都可能夠 2A 由老牌大線變成老牌線，到時隨時會變左我上面方案三最易做

2076 發表於 2025-8-16 00:39
倒客落 6 6C 其實冇問題，反正美孚總站最就腳都係得 6C，本身同 2A 同價，唔見得會有乜損失。蘇屋落旺角 2 ...

服務過剩但 2A 本身又真係出到客，厹一定會繼續用 2A 屈蘇屋錢。如果話 2A 直接改快，飛兩條橋飛多六個站屈蘇屋客畀多 $1.1 都仲可能易少少

S3BL100 發表於 2025-8-16 00:00
但 793 補唔晒 2A 咁多位

而且會縮既時段 2A 本身都有客，甚至 2A 本身最密竟然係上繁返學時段美孚往樂華 ...

都係果句，如果 13 飛得走亞皆老街加旺角，咁就一定係新路光環入中九幹最似 TD 會做的野。現階段 2A 同 13 重疊半程，對九巴而言分分鐘仲合理過同 2X 重疊大半程。反而中九幹有海庭自肥再加減少亞皆老街車流雙重光環，九巴 & TD 肯試的機會會更大。至於飛走大角咀，睇近年大角咀巴士服務大幅增長就知 13 冇得甩走大角咀，正如 78X 大改，開埋 78C 都仲係要玩逆走做啟德。

13 行中九幹，213D 上安峯，以重組規模計真係非常細，沿路的替代服務亦都非常充足，唔見得在 13 可以改走服務範圍的前提下，呢個方案的難度與其他改 13 方案的難度有決定性的差異。難得的係，東行旺角道 13 都仲係收 $8.3，213D 減 $0.7，甚至借新清特快包裝照收 $9.0，安峯視角計都仲係可接受範圍內，九巴東行只要嘉道理道加分段，最大舊客的旺角太子都仲係收 $8.3-$9.0 計，計埋安峯客倒落去令佢加班，令班客唔上 27 轉 lift，成盤數一定靚左。