中大學生會，玩夠未呀？

有時候覺得家醜不應外傳，不想搬上來這裏談。不過，我經常覺得，
有人無理取鬧已經到了相當離譜的地步。

當然，中大高層管治有其嚴重問題，這方面大家心照不宣；不過，就
以近日拆烽火台事件為例，校方已經聲明拆烽火台只是臨時性質，圖
書館地底擴建完成後，會原址重置，絲毫不損，比起我們的專制政府
拆皇后、填海、拆喜帖街的處理，有誠意得多。不過，學生會直至今
天，仍然窮追猛打，搞論壇聲討，又以「不拆又何需原址重置」這種
荒謬理由，反對一切改動。

事實上，中大圖書館的藏書是全港之冠，但是比起外面的大學，實在
差天共地；就以本人暑假到過的某所位於加州洛杉磯附近的學校為例，
面積不過是中大的20%，不過已經有四所圖書館，理工科的藏書，粗
略估計是中大的四、五倍。哪裏像中大，許多時主要的literature都沒有，
要走到hkall借，浪費時間。

一所研究型的大學，絕對需要大量資源；學生會的所作所為（先前是
一刀切反對校園發展計劃，完全沒有把學生的利益放在首位，現在是
烽火台），完全讓人覺得反對校方發展成為主要研究型大學的主要阻力，
不是錢，而是學生會本身。（雖然，香港沒有一間大學稱得上不錯的
大學，看看收生仍要大肆宣傳；外面的名大學根本不用這樣）

要數學生會的罪狀，還有很多，例如之前反對「國際化」，反對英語
教學，甚至企圖發動學生杯葛所有英語授課的課程（當然不能得逞），
簡直是故步自封，見識淺薄，不了解學術界的運作，以倒退為榮。校
方有校方的不是，不過緃然我支持民主，我同時亦覺得，校方在某些
事情上，獨裁一點比較好。

多言了。

要擴建 U Lib，根本唔駛拆峰火台，
田家炳樓樓上已經有唔少地方
而在田家炳同行政樓之間的 U 型停車場建(地下)圖書館亦比在峰火台下好得多

講返學生會，有時真係覺得好壞參半
關於反對國際化一事，唔知你有冇睇過早幾日的明報
香港的大學所謂國際化，收回來的非本地生，足有九成都係大陸來的
試問這算甚麼國際化？

英語教學方面，其實有唔少科目本來用緊講廣東話用英文 Notes 的情況
考慮到香港學生和教師的情況，這會比強行用英文+英語來得更好

原帖由 Quanta 於 2008-11-24 21:56 發表
英語教學方面，其實有唔少科目本來用緊講廣東話用英文 Notes 的情況
考慮到香港學生和教師的情況，這會比強行用英文+英語來得更好

其實對於一間大學黎講....咁情況似乎唔係可觀.....

不過如果從中文大學本身的歷史背景同定位去睇, 就可能有另一睇法...

我唔係中大人, 了解有限, 不便多講...

問題正正在於，中大管理層有「心照不宣」的「嚴重問題」，致令新舊生不再相信校方真的會原址重置。
而校方在提出此方案前沒有「放風」，也沒表示考慮過其他建議，
第一個拋出來就係拆烽火台，即係佢地根本無考慮到唔拆烽火台。

又唔係第一單，狂建書院、七彩大樓、拆李達三、「不雅事件」，處處可以看出，
現任管理層對中大數十年來的形象及理念完全不了解，
假如錢穆尚在人間（我係新亞人所以請賓四先生出場），一定激到扎扎跳。

關於七彩大樓（CSLB），我係用家，激氣事可真多了：
1. 顏色與中大不協調，解釋極其牽強（元素周期表云），非常突兀。
2. 總共有四部升降機，中間兩部常用，側翼兩部貨lift。
　全部lift都係Thyssen Krupp，經常自己壞，然後自己郁返，我有同學試過被困接近一小時。
　開幕一年仍無改善，有人聽到清潔工話，係電壓不夠。
3. 有密碼鎖做保安，OK，但最初開時係：大門一個、lift一個、走廊一個、實驗室一個，總共四個鎖先入到實驗室，
　有咩緊急事故，救援人員多得你唔少。經我們反映後取消主lift的鎖。
4. 有三條樓梯，中間一條梯一定要在G樓出，但幢樓係2-1-G-LG1-LG2-LG3，我想唔搭lift行多幾層都唔得。
　而那條樓梯的梯級係鋼板，可以望穿的，女士小心裙底。假如有人打翻有毒物質......
5. 兩邊的逃生梯，梯級極窄，自己一個行都極易失足，多人逃生時極易發生人踩人。
6. 空調包括製冷及通風，但我個lab上面的sensor壞，熱天時佢照抽室外熱氣入內。
7. 有人轉述物業管理處（EMO）的人話，圖則唔掂，水渠、通風等喉管駁錯晒，所以廁所就算日日洗都有一陣惡臭。

一個非常重要的一點：劉遵義係經濟學者。

[ 本帖最後由 DIH 於 2008-11-24 23:05 編輯 ]

原帖由 DIH 於 2008-11-24 23:03 發表
一個非常重要的一點：劉遵義係經濟學者。

以前中大BBA, MBA, 全港最Top.

而家最勁當然係UST, 連港大都谷底返彈.

經濟學者, 都自己本科都搞唔好.

逸夫書院廿多年來從無自家既圖書館，論急切，點都應該優先起去逸夫度啦，
館藏唔會同一時間畀人借晒，但閱讀／自修空間就會經常爆，擴建U-Lib都解決唔到最迫切既問題喎。

利益申報：我係逸夫校友，但冇做過宿生

原帖由 Quanta 於 2008-11-24 21:56 發表
要擴建 U Lib，根本唔駛拆峰火台，
田家炳樓樓上已經有唔少地方
而在田家炳同行政樓之間的 U 型停車場建(地下)圖書館亦比在峰火台下好得多

講返學生會，有時真係覺得好壞參半
關於反對國際化一事，唔知你有冇睇過早幾日的明 ...

衰就衰在中大十幾年先起得個兩三層
我都唔知田家炳10幾年樓齡上面還能否支持建高一些, 當然我都想咁

*我係uc 人, 個陣有人講話UC 應該食咁D 書, 事實上UC 一向都有書可以外借, 胡忠2樓係有幾個架空左, 應該有D 特別收藏可以到這裡, 不過未必幫到很多...