新聞透視:輪椅客等50分鐘上九巴21線[mytv已能重溫,01:47有ASB@10]

原帖由 barking 於 2010-7-1 21:51 發表

21彩雲條坑係最入面,
91/91M/92要出去所以輪椅去唔到?

我反而認為係21比91/91M/92更平
而該位人士係要去新蒲崗四美街附近，10/91/92都係唔o岩路

所以選擇21

其實呢,個傷殘人士應該知道架低地台車開幾點(如果成日搭開既話),佢而家咁樣show出泥都無非只係想帶出低地台巴士不足既問題,你估佢平時真係起巴總等足50分鐘咩
不過呢,非低地台巴士仲有咁多架,好難要求班班車都係低地台,有d線甚至一架低地台都冇

原帖由 ASV50 於 2010-7-1 21:50 發表

但要留意節目本身並非只著眼於等車時間
而是傷殘人士在生活上遇到何種障礙

新聞報導無錯應以客觀中立的手法
但不代表第一程久等或第二程順暢都必需要報導
有可能是節目時間編排，而直接刪減「第二程等車所需時間 ...

無錯…
節目重點係  "不便"  一詞
引用相關的例證係正常不過既事…

如果引用其它 "無障礙" 設施既例子
那就是離題…
而且咁列舉法亦無意思

原帖由 3ASV174 於 2010-7-1 19:42 發表
見到呢類題材，
我就會諗起耐不耐都會有健全人士爭取全港巴士線都要有低地台派車，
就算每條線兩三部都好。

但實情運作上就會有上面情況出現，
就係條線有低地台車，但個客o係條街等十年都等唔到，
唔通咁樣就可以滿足傷健人 ...

我就咁諗
唔一定要全線金 , 但放一部都好啦
好似 43M , 你叫個輪椅客係涌美搭乜落葵芳 ? 88D 又上唔到 , 43M 又唔上得
就算調轉搭 , 係葵芳總站叫站長派舊金 , 由 36M 對調俾 43M 都唔肯 , 有生意都唔做你
你話有一部係到 , 仲可以叫個人周圍行一陣 , 夾番時間黎搭啦
除非條路線有其他替代方法 , 否則放舊金係到都好應該姐 ?

如果加一部金落 43M，
咁下次新聞題材就會係「等 43M 等o左個半鐘都未有低地台巴士，
原來全線得 1 架」。

始終唔係全九巴都係低地台巴士，
一定會出現呢個問題，你條線有金有白，實有機會要等多過一班甚至幾班車先上到，
所以我先話低地台車集中派，係總好過周圍打游擊。
有時有時間表係會幫到個客預時間等車，但唔等於就係方便，
你成條線得一架低地台，搭巴士下下要好似搭船咁睇船期先得，都係唔方便，
而且寫明低地台車幾點開，如果有多過一個輪椅客點算？一樣係要等多轉。

你個例子，如果近青康路，我真係會建議佢上 E32 或者 A31 算數，
如果唔得，無辦法之下都真係要坐 42C 去轉車。
當然你可能話呢個提議過份，又俾多o左錢又晒多o左時間，但無辦法，
要傷健完全共融硬件都需要時間改善，
你落一架低地台落去 43M，然後個半鐘一班都係無咩意義。

原帖由 MAN24.350 於 2010-7-1 21:39 發表
你地講埋無用
你地唔係傷殘人土係唔會感覺到o個種無助

老實講，
身體有殘障，就會有無助，
根本唔係要等幾多分鐘既問題。
我有近視，過半數香港人都有近視，
咁唔通就可以要求全香港既交通燈整到籃球咁大，
令到所有近視患者都睇到？

身體有殘障又好，缺憾又好，都應該學識去適應個社會。
可能咁講有少少不近人情，但我覺得，
等21號巴士等成50分鐘先上到車，係該名輪椅人士疚由自取，與人無尤。

九巴就唔知,城巴就有(有報紙(太陽報)提及)
有一個女仔(傷殘人士)住黃竹坑,每朝要撘170去沙田返工,
佢媽咪就打電話俾城巴可唔可以要求每朝佢個女撘果班車係用低地台車,
冇記錯城巴審視情况之後,認為車務調動冇太大影響,於是批淮每朝(好似係九點幾)果班車用低地台車,佢媽咪就打電話比報紙報料,透過報紙讚掦城巴
唔知而家果班車仲有用低地台車呢?

原帖由 053h4 於 2010-7-1 19:36 發表


我就無睇新聞透視點處理呢個話題
但記者係唔係有責係去找呢方面資料

而相關人仕的互助組織, 亦係唔係要宣傳, 有需要的人仕可以向巴士公司查詢班次? ...

熱狗開車時間都問到......何況金車?

呢D PR嘢.....巴士公司同組織都有責任