港鐵拒東鐵補貼西鐵

原帖由 ahbong 於 2011-3-17 10:22 發表

現時車站規模，於現時每日三十多萬乘客之下已時見濟湧情況。必需預期上蓋物業於今明兩年相繼落成，及東西綫通車時乘客量進一步上升，車站預留大點空間去應付人流。

至於票價方面，作為用家當然希望減一點，但以現時天水圍及 ...

天水圍三十多萬居民用一個站, 就算市佔率低, 都當然迫架

但代價係市佔率低

原帖由 GD1570 於 2011-3-17 11:57 發表


我又唔覺得車站會擠湧
就以屯門站為例，真係擠湧的都只係輕鐵站那邊。
由中銀櫃員機打落去到河田站，空空曠曠，有時真係想問，係咪真係要咁多空間先？ ...

雖然西鐵當年通車前聲稱由站頭行到站尾要3分鐘
跑過去要1分鐘咁大把

其實需要的...
遲下屯門樓盤入伙
商場開業
D、E出口啟用
帶動屯門站MTR SHOPs
同時市中心北移擴大至新墟
F出口的士站興旺

那邊人流就上升
不過是幾多年後的事...
就幾多年後才看吧


但確實西鐵有些設計是很不佳,
如扶手電梯擺法(特別是元朗站)
個人認為職員通道/後勤區大得有點過份
屯門站下層更是該公司私人停車場/擺貨區

至於錦上路站都見建得比較細小
相信設計前都有視乎附近客源量...

原帖由 Kaix 於 2011-3-18 20:38 發表

天水圍三十多萬居民用一個站, 就算市佔率低, 都當然迫架

但代價係市佔率低

西鐵現佔新界西市場三分之一，其中由於西鐵於屯門佔有率偏低，因此有理由相信西鐵於天水圍及元朗區，市佔率可達四成以上。

市佔率四成的話，與港鐵於全港交通市場的整體市佔率（44%）差不多，並不算低。

[ 本帖最後由 ahbong 於 2011-3-18 23:20 編輯 ]

原帖由 lsc04d11 於 2011-3-18 11:23 發表

作為屯門居民.我就不此認為...

屯門的巴士及鐵路收費及行車時間根本不能競爭..

屯門-->荃灣　$7.3，港鐵(屯門-->荃灣西　$10.9) $16.3(往荃灣站，當然可以荃灣西站轉小巴)
屯門-->藍田　$14.7，港鐵$18.9
屯門-->黃大仙/鑽石山　$12.3(61X)，港鐵$16.2(鑽石山$17.2)
屯門-->港島　$18.8　港鐵$22.4/$23.2
屯門-->深水埗　$10.0　港鐵(屯門-->南昌　$13.2)　$15.2(深水埗)

所以我是指以天水圍及元朗區的巴士票價作比較，西鐵的票價並不算貴。

至於屯門及兆康的票價，存在結構性問題，情況與由屯門往上水的票價一樣，除非建成北環線及屯荃鐵路，否則無辦法解決。

不過除左港鐵無辦法解決此問題外，反而巴士公司似乎有份協助解決此問題。大家可以留意下屯門區巴士路線加價幅度，比天水圍及元朗區更高，有助拉近與西鐵票價的距離。

原帖由 SSBT 於 2011-3-17 17:24 發表
人地東鐵本地線較平，
你地新界西就眼紅
到時過境減價，
東鐵大幅加價，
同時新界東居民（尤其係北區）又無其他選擇，
輸家就變左新界東

咁又何必呢？ ...

似乎冇人要求東鐵本地線加價，係想西鐵車費同東鐵本地線睇齊。

東鐵本地線之所以平，原因眾所週知，但代價就係，畀呢班過境客攪到東鐵線11+1卡都爆，兼大大劣化乘車環境(搭開一定知乜事)。而家某D人呢，一條冇過境客既路線，居然都話想要過境客補貼，即係過境客帶來既負擔就唔使受，過境客帶黎既車費補貼就要有，無須付出，卻要分享，分享唔到，就叫「唔公平」，簡直過份到離晒大譜！「大」西北人係 咪真係惡成咁？！

「唔公平」喎，每次路線改動，東鐵人都係犧牲品(尖東歸西，觀塘線兩度被削過海)，仲有種種唯東鐵線「專享」既「近效鐵路特色風味」，真係夠晒「公平」喇

[ 本帖最後由 mckhgc 於 2011-3-19 20:40 編輯 ]

原帖由 ahbong 於 2011-3-17 10:22 發表

至於票價方面，作為用家當然希望減一點，但以現時天水圍及元朗的巴士票價來看，西鐵的票價並不是特別貴，況且還有月票作補貼。我怕單程可減價，月票就要取消，倒不如一動不如一靜。

如果計埋月票，西鐵並唔比東鐵貴幾多，甚至可能更平

以本年3月份為例，假設星期一至五每日搭兩次，星期六日唔搭，即有23日，共46車次

新客
東鐵上水-尖東月票 = $390 / 46次 = 每程$8.48 (算至小數點後第2位，第3位四捨五入，下同)
西鐵屯門-紅磡月票 = $480 / 46次 = 每程$10.43

長期舊客
東鐵上水-尖東月票 = $315 / 46次 = 每程$6.85
西鐵屯門-紅磡月票 = $390 / 46次 = 每程$8.48

西鐵比東鐵每程貴$1.63-1.95，但唔好唔記得，西鐵月票，係包完善既區內穿梭及駁腳，換言之，如果要駁腳，或有任何區內穿梭，東鐵絕大多數人係要每程另付約$3-4.x，西鐵就一張月票走天涯，計埋呢樣，會係點呢？假設每程駁腳$3.2，東鐵人每月車費，須加$147.2($3.2 x 2 x 23)，月票$390或$315 + 147.2 = $537.2或$462.2，比西鐵$480或$390為貴。

如果星期六日都搭、每日唔止搭兩次的話，又或有較多區內穿梭行程，兩者差距更大。

唔好同我拗話咩新界 東區內穿梭同駁腳，都有大埔三K巴同馬鞍山線，請問，西鐵線+輕鐵+西北K巴覆蓋率高，定東鐵線+馬鞍山線+大埔三K覆蓋率高？大埔三K巴仲要紅日暫停/冇免費。尤其隨著政府繼續在新界東屢屢規劃遠離鐵路站的孤島公屋，但又不開辦免費接駁的K巴路線，後者的覆蓋百份比，只會越來越少。

以上只係計收費，仲未計東西鐵兩線服務質素，是如何雲泥之別。
邊一邊好，顯而易見。

[ 本帖最後由 mckhgc 於 2011-3-19 20:02 編輯 ]

所以話九鐵起西鐵站起大D係有原因,
預計埋將來的人流量, 不致車站過於擠迫.
起大D總好過迫餐死,
一般乘客比較care乘車環境亦唔會理鐵路公司建造成本.
總好過某公司只顧加店舖賺多D

都唔知有咩唔公平，o係另一邊，眼紅東鐵本地線收費既，問心，如果畀你地東鐵式收費，你地又接唔接受到東鐵式服務？
乜野係東鐵式服務？

1.「近效風味」，月台上，雨天附送淋浴服務，尤其上落車時(大部份站)，您必能亦必須享用，唯東鐵專享。

2.全線無幕/閘門，亦無安裝時間表，最易受他人不幸事件影嚮服務(已樂觀地相信不幸唔會降臨於您身上)，不單舊站唔upgrade ，相反更要新站downgrade同舊站「睇齊」。

3.不知何故本應唔係太多，但就總係不時遇上既東風11、韶山8、九廣通巡遊表演。即使您冇遇上就上到車，都唔好開心著，難保去到某站時，唔知點解入左「非常」月台，然後「由於要等候.....駛經本站，本班列車將稍為延遲......」.......

4.大量羅湖劣客(自由蝗、水貨狗、炮兵團....)兼隨之而來一車一地都係既o急、紅白藍、紙皮箱(有時仲會流出不明液體)....呀唔係，係帶協您有平車搭既貴賓，與您在車廂共享回鄉/遊港/走水貨之興奮心情。

5.每一次路線改動，您都是「小我」(尖東歸西、觀塘線兩度削過海，最受影嚮係邊個？)，至今，您只有一千零一個地下火車轉乘站，而且即使在此站轉乘了地下火車，亦未能渡海。

6.全線除某三條村的非假日外，假日或其他地方，不設免費駁腳。即係話除非你有本事購買「港鐵主打產品」，或比中六合彩頭獎更幸運地獲派少數鄰近鐵路站的公屋，否則，與鐵路站有一定距離的您，將同時作為九巴或小巴的米飯班主，每程請另備$3-4.x(好似話呢，繼美田、清河之後，咩水泉澳、火炭邊皮位，又話想起公屋喎！有D人呢，就成日嘈話點解要駁多程輕鐵K巴咁辛苦咁委屈佢，又唔唸下自己點駁都係免費，其它區大把人要做同樣既野之餘，仲要另外付費)。

自問接唔接受到？尤其第6，成日話西鐵貴貴貴、東鐵平平平，其實計埋駁腳，係咪真係差得咁多呢？如果用月票的話，西鐵其實平過東鐵。
至於第4，乃係東鐵本地線平既main point。呢批劣客，除東鐵線外，其次大影嚮係觀塘線/馬鞍山線，再其次荃灣線，西鐵線？根本大纜都扯唔埋，畀盡味又係尖東<>紅磡呢一小段原東鐵路段(除非北環線通車啦)，有咩資格o係過境補貼沾邊？係都補貼觀塘線/馬鞍山線先啦

[ 本帖最後由 mckhgc 於 2011-3-19 20:44 編輯 ]

原帖由 ahbong 於 2011-3-18 23:18 發表

西鐵現佔新界西市場三分之一，其中由於西鐵於屯門佔有率偏低，因此有理由相信西鐵於天水圍及元朗區，市佔率可達四成以上。

市佔率四成的話，與港鐵於全港交通市場的整體市佔率（44%）差不多，並不算低。 ...

全港交通市場係包括埋冇鐵路地區, 香港大把地方冇鐵路,
用左600億(包括九龍南線), 西鐵天水圍及元朗市佔率仲仍然低於全港整體,
你話值唔值??

將軍澳線市佔率係6-7成, 西鐵於天水圍及元朗卻只得4成,
4成仲已經包埋市佔率極高的區內客, 單計出市區市佔率應該再低一點

而將軍澳線用4個站服務40多萬人, 西鐵卻用一個天水圍站服務近40萬人,
將軍澳40多萬人之中有40萬可以直達區外, 但天水圍近40萬人之中只有5萬左右可以直達區外

承接mckhgc

7. 東鐵線繼續沿用的都城列車由於年事已高，車廂內不時發出一陣陣霉味，潮濕或下雨天特別厲害，車門邊又有空隙入水入風。

8. 都城列車的LCD經常花畫面，又或者Windows reboot不停，這種事我在千九上從未遇過。

9. 火炭和大埔墟站過窄月台和樓梯，這幾乎是不治之症，除非移除中間路軌填為月台一部分，但就算終止直通車服務後港鐵都未必願意改。