開山 V.S. 填海

原帖由 dippy 於 2011-6-19 00:41 發表


其實如果政府要收原居民地係就咁比錢定要比鄉事會批準

其實係同一般地一樣....政府都係可以透過有關法例收回...法例本身無分是否原居民...
亦無講要鄉事會批準

佢點咨詢同反對是一回事, 但法例主要都係講特首/行會決定就可以

如用124章收地
http://www.legislation.gov.hk/blis_ind.nsf/CurAllChinDoc/5FFF1B9FC50ADEA38825648C00038B17?OpenDocument
行政長官會同行政會議決定須收回任何土地作公共用途時，行政長官可根據本條例命令收回該土地。

如用其他法例, 有d唔同, 但應該都係特首/行會決定



另外講點比錢方面, 法定賠償, 又係同一般地的標準一樣, 但如果係特惠非法定津貼/補償, 原居民就可能有d唔同,
詳細:
http://www.landsd.gov.hk/tc/doc/pamphlet%20-EGA%20_revised3_%20-%20Chinese%206.04_pink%20cover_.pdf

只要照足法例賠，係唔係就可以好順攤咁收到原居民地？
唔好講咁遠，剩係最近的拆僭建風波所惹來的反應，太概可以估到...

只要係開發鄉郊，就會無可避免要收地
（就算個區大範圍係政府地，起路入去無可避免要收地）
諮詢期只要有人講句：發展果區會影響傳統合法權益，咁就己經有排搞...

去到最後即使真係收得到，往後仲可能會有好多小動作au下au下，
不過去到0個個階段，公眾往往唔會太在意。

原帖由 dippy 於 2011-6-21 02:13 發表


請教一下係乜野小動作, 以前真係無聽聞過
係司法覆核定係類似釘子戶果類

另外, 唔開新文了
今日政府又放風話有機會復居屋, 有人估青衣, 到底青衣中部要留幾多位先可以
同埋果一帶可以起樓嗎? ...

你提到的那些算係明人不做暗事的大動作了。

早幾日睇報紙，有提及村屋的原居民及非原居民矛盾，
文中有人提過，得罪人換來的可能係倒屎入車。
假如你是受人二分四的政府外判工程人員，遇到這種情況，
地就法律上係收左，但實際上你做唔到野，你會怎樣處理？（只是假設性情況）

我唔係話贊同靠惡就大晒，而係上層唔出手的話，做細的好難做。
好似之前有人話要「革命」，真係同遮唔同柄，之前另一班人話要革命就眾聲齊討，
呢班人話要革命就買佢怕，直頭係清朝遺風土豪惡霸。
法理上，向中華人民共和國負責的特區政府是否應該做點甚麼？

居屋，唔知用邊處，我個人就覺得不如用埋置安心的地，
畢竟推行一個改動過的舊計劃比推行一個全新的計劃來得容易。

我唔識樓市的東西，有人提議新居屋只准首次置業者買一次，我覺得都幾好丫，
如果我抽到居屋，起碼叫做自己樓，質素又唔係差，住過世都唔係問題。
真係想換樓，到時再儲錢囉，我阿爸都係40歲先抽到居屋，50歲供完，
唔係大富大貴的話根本無能力也不應該勉強自己去供私樓。
市場也不應該expect這班「富基層／窮中產」去支撐樓市，
這本身就不健康，動輒50-60層的納米豪宅等班同胞玩個夠。

[ 本帖最後由 DIH 於 2011-6-21 11:00 編輯 ]

原帖由 s3m124 於 2011-6-16 20:30 發表
其實需要興建更多住宅, 絕對無需要打郊野公園的主意, 只要打開地圖睇睇,
香港仍然有足夠土地興建樓宇, 大可以透過擴展市區或新市鎮的周邊地區(例如掃管笏, 古洞, 佐敦谷, 石門), 或直接開發新市鎮都做到(例如錦田) ...

我諗好多地方就算要收地，都好有難度(原居民)。
加上如果離市區太遠，咪一樣好多人唔制。

所以有人話香港唔夠宜居之地，其實從整盤考慮下，絕對不是myth，而是事實！
如果要你搬去東涌逸東村/天水圍等地方，然後每日往返港島區工作，賺四位數月入，相信你也未必願意。

原帖由 my881903 於 2011-6-21 14:33 發表

我諗好多地方就算要收地，都好有難度(原居民)。
加上如果離市區太遠，咪一樣好多人唔制。

所以有人話香港唔夠宜居之地，其實從整盤考慮下，絕對不是myth，而是事實！
如果要你搬去東涌逸東村/天水圍等地方，然後每日往返港島區工 ...

香港的確唔係太多宜居之地，今時今日住到咁多人都拜科技所賜。
其實無論新市鎮定郊野公園都係遠，要近的話就係市區搵地，
但又已經插針都唔入，就算可以填海，維港都冇乜得幾多可以填。

宜居之地唔多，咁就要向難度挑戰，我自己排的次序係咁：
1. 新市鎮剩餘的小型土地，近期例子：石門、欣安
2. 市區開山，近期例子：彩盈、安達臣道
3. 不屬於原居民又不是郊野公園的較偏遠地皮
4. 收回原居民地皮大規模發展
5. 維港外填海
6. 郊野公園：last resort，我唔想香港搞到好似里約熱內盧咁。

其實有無可能修訂《保護海港條例》，容許在維港內填海？

至於原居民土地問題......可以考慮放寬丁屋政策，容許村民興建多層建築物並分層出租/出售，減輕住房壓力。

[ 本帖最後由 ArnoldC 於 2011-6-23 01:40 編輯 ]

錯AC SORRY

其實收地, 好多人都講原居民地好難收, 但其實我想講, 就算係唔係原居民,
收地從來都不易....大家睇到菜園村的例子....

但我想唔係無解決方法, 亦唔係等於唔可以做, 可以從更好的補償入手....
這是最有效的方法去減少收地反對聲音...但問題係差在, 我地香港廣大市民,
是否同意政府俾更好補償(用公帑)俾被收地的居民?