九巴應唔應該轉買曲梯車??

直梯起碼保證梯級形狀四四方方，理論上叉錯腳機會最少
半直梯甚至傳統曲梯其實扶著手落都好易叉錯腳


自己試過係半直梯 (新記 60xx) 巴士落下層
係正常車速、無講著電話聽著歌、右手捉實扶手情況下落樓梯都叉錯腳仆左落下兩級
又見過人搭傳統曲梯車上樓時因為抬頭望著較高梯級 (應該係睇需唔需要先讓落樓乘客) 左腳不慎踩到梯邊更圓心位置
即刻成個仆一仆，如果個次呢道無情力大 d 佢應該已經撞崩牙


但而家呢隻直梯最大問題係又佔位又長
早幾年係港島仍未有太多機會搭直梯車
搭親都係電車/傳統曲梯巴士，頂龍係低地台車好少少既有半直梯 (即而家新城 E500 個款)
偶爾搭中九巴直梯車，係上層落下層前望落梯底真係個心都寒一寒
無端白事條樓梯長左成倍，眼前突然好空洞咁，一個唔留神腳一腳軟可能已經碌左落幾級


外國都係九巴 ATE 同期巴士開始行直梯 (可能外國更早)
例如倫敦 Plaxton President 車身既巴士 (ATE 隻 E500 車身同設計靈感可能黎自呢隻車)
但人地條直梯係梯級四方得黎左右邊較窄，佔用車身長度亦遠比香港呢邊少，又安全又有效率
反正條梯再闊都好少有乘客同時上落樓，不如設計到每個乘客可以專心快趣行完重好

想條樓梯對正中門, 最好就係好似城巴格式MAN, 想用埋直梯, 可以學下悉尼MCW

除左直樓梯安全問題, 上左咁耐車都未行到有位, 對D公公婆婆行動不便嘅人先係最危險

原帖由 kei_hk 於 2011-12-30 02:23 PM 發表


曲梯會較慳位﹐適合上落較少的長途線﹐可比直梯車裝多1-2排位(每層計)。

直梯的樓梯位較闊﹐適合流水線﹐特別是同一車站同時有人上落﹐可加快上落樓的時間。


巴士公司用那一款樓梯較好﹐其實都無一個標準答案的

以本人親身經歷，直梯好少做得到同時有人上落呢個功能；而只是增加了上落樓梯之時間

其實以九巴咁多長途線黎講，唔應該為左條百害而無一利既直梯而去進一步減少座位.....巴士比鐵路最大優勢是有位坐和上落方便....九巴咁做等同自挖墳墓

[ 本帖最後由 111 於 2011-12-31 01:04 編輯 ]

原帖由 sunnykam 於 2011-12-31 00:05 發表
想條樓梯對正中門, 最好就係好似城巴格式MAN, 想用埋直梯, 可以學下悉尼MCW

除左直樓梯安全問題, 上左咁耐車都未行到有位, 對D公公婆婆行動不便嘅人先係最危險 ...

老人家最緊要上車快有位座定
而家要行半架車先有位坐
司機唔等佢坐低就開車已經好危險!

原帖由 111 於 2011-12-31 12:55 AM 發表


以本人親身經歷，直梯好少做得到同時有人上落呢個功能；而只是增加了上落樓梯之時間

其實以九巴咁多長途線黎講，唔應該為左條百害而無一利既直梯而去進一步減少座位.....巴士比鐵路最大優勢是有位坐和上落方便....九巴 ...

根本無人會預同一時間上落﹐但樓梯闊了﹐一條直路﹐當停站期間﹐步行樓梯的時間係會行的快些少的。

直梯仲有一個好處﹐便是當大家shopping完後﹐一抽二抽上樓﹐你便好發覺直梯可愛之處。

而曲梯﹐即使停定車﹐都要慢慢行。有無試過落樓時差點踏到前面一位的大褸褸腳﹐女仕的裙邊


我自己覺的﹐在相同情況下(即一齊停定車上落 或 大家都是行車期間)﹐2種梯人流相比﹐是相約的﹐沒有大分別。



至於九巴﹐流水線也有不少﹐ 一刀切用直梯﹐其實唔係無道理的。反正長途線遲早都被鐵路政策而開刀﹐所以都可講唔係太在乎﹐一部車也只差4人﹐對於整體幫助也不大。所以﹐我估九巴短期內都唔會用回曲梯車(2軸新車除外)。

原帖由 petcity 於 2011-12-31 12:48 PM 發表
當新城入返直梯時，唔知到時大家又會點講

最緊要上落時自己小心，否則設計上點安全都係冇用

其實﹐政府及巴士公司都一直宣傳安全﹐行車時不要上落樓梯。

但是﹐實際上有幾多人做到?  包括預早落定樓下等下車又好﹐行動不便的都硬要上樓..............


最緊要的係﹐自己知自己事﹐行車時要上落要緊握扶手﹐無手或無力緊握的﹐便應該停車期間才上落樓梯。

原帖由 ksmbh 於 2011-12-31 08:58 AM 發表

老人家最緊要上車快有位座定
而家要行半架車先有位坐
司機唔等佢坐低就開車已經好危險!

老人家其實唔應該上樓的﹐應該是用下層座位。

但超低地台車的設計局限﹐點都要行到車的中部才有位﹐司機其實有責任在他們坐好才開車的。

司機即使唔等﹐開車的一刻都會慢慢加速﹐減低意外發生。

其實新城E500隻曲梯已經好好,多返幾個位又無以前既曲梯咁易差錯腳,根本就唔需要成條樓梯都直
用返曲梯+好似城仔E400用薄凳,應該可以騰到多幾個座位出黎

原帖由 hr1918 於 2011-12-31 13:36 發表
其實新城E500隻曲梯已經好好,多返幾個位又無以前既曲梯咁易差錯腳,根本就唔需要成條樓梯都直
用返曲梯+好似城仔E400用薄凳,應該可以騰到多幾個座位出黎 ...

個人覺得張薄凳唔好坐..