(新聞)港鐵：研究解決八達通與單程票票價差距問題

原帖由 kei_hk 於 2012-6-29 16:01 發表


累積唔加﹐我唔係太明你問什麼。

我估你是講第2年加價的一部份。

第1年由$5 > $5.2
單程票會收你 $5.5

第2年要加價﹐會用$5.2去計算加幅﹐不是用$5.5去計算。
如果計算出來由 $5.2 > $5.4﹐會繼續收取$5.5
如果計算出來 ...

個問題係按過去加價的做法，短程單程票因為一加就十幾個百分點，所以一路都加唔到。

其實你個提議都可取，改少少就可以無咁多人嘈。

就係單程票照核准加幅加價，尾數唔係5毫就用優惠價處理，向下調至最接近的5毫。

例如按核准票價加到$4.8 ge，就標單程票價$4.8，優惠價$4.5。可以話收平佐（或者加得無咁多）之餘，下次加價就可大條道理用$4.8起錶。

原帖由 UBS 於 2012-6-29 10:19 PM 發表

咁會將所有單程飛變哂做推廣車費咁wo, 唔得。你暗盤計係會畀人鬧到飛起之餘亦唔係base 現有車費去調節車費。即係篤數

又唔算係篤數的。

因為你都可以講﹐有單程無加價﹐都係拉低了加幅﹐都係有篤數成份。


絕大部人都知﹐八仔的車費應該係低過單程票的。如果真係日日坐﹐唔係連$50按金都要慳呀。
只有少數人﹐本身極少坐車﹐真係連八仔卡都無的﹐才會迫於買單程票。


單程有部份唔加﹐第一次都話只有少數例子。而家這些例子越來越多﹐才會令人再一次關注問題。
事實係﹐MTR以$0.5去加﹐便一定會製造短程加幅過大﹐或者今次主題的問題。MTR一直用後者方法﹐其實只是把問題推遲去面對﹐而不是真正有方法去處理。

原帖由 kei_hk 於 2012-6-29 16:01 發表


而家﹐係mtr先蝕底﹐收少單程票的車費。

呢點我有保留

我唔清楚佢係點樣計個平均加幅出黎
但用簡單數學都可以知道，要計個平均數出黎，但唔同車程 / 唔同票種加幅唔同的話，往往要多除少補

在同一「平均加幅」，
如果單程票價加左價，八達通價就要加少番，
另一方面如果單程票價唔加價，就可以提供空間比八達通票價有較高幅度的上調
所以唔存在港鐵方面蝕底既問題

其實
因為用八達通既人遠比用單程票既人多
比我係港鐵我就寧願加多D八達通好過加單程票喇

同埋情況都出現在九巴 08 年加價，當年平均加幅係約 4 %
部份客量較低既路線就加少 D (例如 51，當年 7.6 -> 7.8, 2.6%)
一些客量較低既路線就加多 D (例如 58X 59X 67X，當年 10.7 -> 11.3, 5.6%)
試諗下如果調轉，51加 5.6%，58X 59X 67X 果堆線只加 2.6%，九巴營業額會少幾多

除非港鐵／九巴係計埋唔同路段、唔同路線既乘車人數，用weighted average去計個平均加價率出黎，咁就無論唔同票種／車程有唔同既加幅，都唔會影響最後營業額，但如果咁計港鐵條數將會極為複雜
如果只係計有幾多個搭車車程 / 票種既 combination，唔計每個車程/票種既乘客人次，咁將加幅主要放於八達通，而唔加單程票，其實可以增加到車票收入

不過究竟條個平均加幅係點計
有待高人解答

[ 本帖最後由 kks 於 2012-6-29 23:06 編輯 ]

原帖由 kei_hk 於 2012-6-29 22:33 發表
事實係﹐MTR以$0.5去加﹐便一定會製造短程加幅過大﹐或者今次主題的問題。MTR一直用後者方法﹐其實只是把問題推遲去面對﹐而不是真正有方法去處理。  

其實咁睇似係透過唔加單程車費，咁先可以加擴大八達通加幅，但又令平均加幅不高於核准額度。
巿區綫前地鐵綫路，$10以下單程票都做到每2次加價單程票就加一次。
輕鐵其實特惠單程票有5毫尾數，但係只佔好少數，但點解都係唔加？
反而因為成人車費唔想要5毫，因為一加之後，所有成人車費都係5毫做尾，龜龜唔想造成大量5毫子找續增加手續費成本就真。

原帖由 toyl 於 2012-6-29 22:52 發表

其實咁睇似係透過唔加單程車費，咁先可以加擴大八達通加幅，但又令平均加幅不高於核准額度。
巿區綫前地鐵綫路，$10以下單程票都做到每2次加價單程票就加一次。
輕鐵其實特惠單程票有5毫尾數，但係只佔好少數，但點解都係唔加 ...

至弊輕鐵 D 售票機成日一野找大量一毫子比人
明明唔收一毫但又狂找一毫比人

咁既話好難減低找贖成本 （雖然可以減低銀行找換成本）

其實港鐵如果晌今次車費調整, 只調高單程車票的收費就皆大歡喜啦. 起碼大部份市民不受影響.唔使又十送一, 又乜野回饋乘客... 都是騙人的方法!!

[ 本帖最後由 Ekin 於 2012-6-30 00:30 編輯 ]

原帖由 053h4 於 2012-6-29 11:13 發表


無啦啦加多5毫, 即係碌削無八達通, 少用八達通的市民, 咁都可以接受?

另外, 過去推廣八達通, 取消儲值票, 八達通票會原則係優惠過單程票價
單程貴過八仔, 你話優惠單程票乘客都無問題, 無啦啦加價, 咁都得? ...

你都幾奇怪! 無八達通, 少用八達通的市民, 真係少有.


本來港鐵就係唔想加價, 不過要跟隨機制, 先要加價.
只加單程票, 不加八達通, 就好啦.
.... 我都係發夢, 講o下, 唔好見怪...

原帖由 Ekin 於 2012-6-30 00:27 發表
其實港鐵如果晌今次車費調整, 只調高單程車票的收費就皆大歡喜啦. 起碼大部份市民不受影響.唔使又十送一, 又乜野回饋乘客... 都是騙人的方法!!

你咁講又岩喎
既然一定要加價 (根據機制)
真係有心唔加價，
淨係加單程票咪得囉
反正咁樣又無違反機制

不過有得加又點會唔加丫