新記23係咪資源過剩？

原帖由 jubilant31 於 2013-4-12 20:39 發表

40M行堅道喎
23行羅便臣道

半山區, 包括羅便臣道
每日都有 12 米既 15xx 行 12M
15xx 比普通三軸車更難行果堆路都行到, 所以我唔明問題係邊
亦更加唔明有咩巴士長度限制

原帖由 3xx 於 2013-4-12 23:31 發表
比佢加到30部車咪又係做返咁多客....
我情願佢蒲飛路比個站長
再減返2-3部車都制
23好多時候10分鐘都冇架之後2分鐘黎兩架
好彩有56A就比多$1.4 AMS賺算
冇就西摩道頂閘
如果10分鐘之後個班係33xx就恭喜晒
柏道已經唔 ...

係窮人區例如大窩口,你呢句可能岩
但半山家家戶戶都有車,你巴士既競爭對像好多時係的士私家車
你要人感覺上等得耐佢就自己一人一部車塞死條路,到時就進入惡性循環
減車->街上多左車->行車時間延長->班次更疏->更多人渣車->客量減少->減車->無限loop

呢個循環在九巴身上已經無限出現...

原帖由 manlok 於 2013-4-13 00:33 發表

係窮人區例如大窩口,你呢句可能岩
但半山家家戶戶都有車,你巴士既競爭對像好多時係的士私家車
你要人感覺上等得耐佢就自己一人一部車塞死條路,到時就進入惡性循環
減車->街上多左車->行車時間延長->班次更疏->更多 ...

講左好多次
呢個觀念係錯的
就算有車，亦唔代表d人會渣車翻工

你有無上過半山區？有d樓直頭連停車場都無，何來家家戶戶都有車？

原帖由 ma2 於 2013-4-12 20:34 發表
從城仔85 car佬講 , 新記最有收入路線唔係過海線 ,亦唔係2x ,8p !係23 ..
原因23往蒲菲路方向 收 $6.9及分段$5.7之餘 ,仍有好多乘客坐幾過站或到灣仔便落車....
有好多客唔知有平價的2a,5系 ,10等平車坐車 ,所以23好吸納流水客而優先比資源
給23多個其他線..又唔需要過隧道同跑公路 ,收 $6.9已經win晒其他線王了.  

正如九巴5C
有好多客唔知有其他平價選擇（又或者等唔到）

原帖由 victor888 於 2013-4-13 00:47 發表
講左好多次
呢個觀念係錯的
就算有車，亦唔代表d人會渣車翻工

你有無上過半山區？有d樓直頭連停車場都無，何來家家戶戶都有車？

無錯，有車都唔一定揸翻半山...或者半山揸出去。
我住半山成15年我住幢樓就無車(場)位既。你知唔知我依家将架車唔係泊去堅城(依家已經唔夠班友爭)，就係泊到落數碼港/香港仔(月租)呀...
有車又如何，我真係會揸架車上山咩??? 一年都唔知有無超過10次會泊架車上山。
所以我每年都鬧CUT半山交通個班人無腦... 根本已經服務唔到半山既客，仲去CUT班~!!!

究竟新巴23定城巴629邊條好賺d？

最記得前者有人見過連續9部車上花園道

原帖由 HE7921 於 2013-4-13 01:02 發表
究竟新巴23定城巴629邊條好賺d？

最記得前者有人見過連續9部車上花園道

感覺是前者
後者很多時要空車入/出，不過勝在回車快

[ 本帖最後由 avianwind 於 2013-4-13 01:17 編輯 ]

車海既作用有時就係用上比需求更多既資源去建立形象


只以乘客心態出發 (可能只係本人既心態，但相信全香港唔會得我咁諗 )
揀交通工具/路線，除左速度、舒適度，班次多少都好緊要
尤其港島北岸道路設計問題，好多時都唔止一條路線可以到達目的地
若果可選擇既路線多過一條，速度/舒適度/車費相差有限情況之下，班次帶俾人既印象已經好緊要


好多人鍾意搭地鐵最早期個三條線，除左行車時間有保證，另一重要原因就係即使要行上行落，大部分時間之下個班次都唔使超過 5 分鐘就上到車
除左地鐵，23、電車同埋唔少紅隧隧巴就係玩緊呢樣野
本人相信港島流水線沿線居民除非要選搭某 d 少搭既路線，否則應該無幾多人會知道平均 10 分鐘以內一班既路線實際班次係幾多分鐘
因為無需要去特別留意，平時行街就算唔搭個堆線，雙層巴士咁顯眼，即使唔係巴士迷都好難唔去留意到咩線特別多車，車海洗腦戰術自然就會成功
實際上係咪真係咁多人搭唔重要，最重要只係要洗腦，令沿線一帶乘客覺得呢條線夠方便，幾時都有得搭
(正如地鐵紅藍綠線，入夜後都唔係多人搭，但班次疏極有個限度，保持班次頻密呢個最大形象賣點)


港島 23 基本上已經深入民心，係 23 號沿線生活既港島居民就算甚少上半山，都一定認得呢條線，
自然有朝一日需要去要搭 23 號既地方，第一時間就會諗佢
就算車費較貴，只要唔係比其他路線貴好多，大部分人都只會當搭到 3B 12 40 103 呢 d 平車係 bonus，由行程一開始已經預算好係俾 23 既車錢同搭呢條線


所謂先進、交通方便既地方有時就係要靠呢 d 供應比需求大既線做個效果出黎
巴士、地鐵、電車公司亦樂於係非繁時為部分路線提供比實際需求更密既班次黎建立方便既形象
(否則部分地鐵路線、紅隧線、A 線入夜後應該一早已經可以 cut 到得翻單向或者半個鐘一班)
本黎繁忙時間出車海搶客係好事，以前新城未一家親年代，英皇道 10 號班次應該唔會輸比 23，東區英皇道一帶 529 應該亦係朝早成條街最密車既線
只係兩巴鬥到港島都俾佢塞勻晒 (新巴早年係泳季普通假日時連 65 都玩車海，誇張到無人有)
自然需要 set quota，加上港島居民開始信唔過巴士效率，自己渣車既人愈黎愈多，惡性循環之下巴士開始無肉食
到而家就算無 quota 制，相信巴士公司都只會繼續現有幾條真係最賺錢既線繼續以車海黎保持形象，其他線都唔使旨意佢咁好心同你加車


另外，半山有錢人多，但有錢同亂使錢係兩回事，識搵錢既人最先識用錢同了解價值
大把人都識衡量下下渣車/請司機/搭的士塞燈抵定搭公共交通抵，愈有錢先愈唔會似輕鐵哥咁使錢法
再加上半山大把學校，有大量外傭接放學同去買送，對公共交通有一定需求

原帖由 HE7921 於 2013-4-12 17:02 發表
究竟新巴23定城巴629邊條好賺d？

最記得前者有人見過連續9部車上花園道

23 應該一路以黎都咁賺
未有自由行前 629 亦似乎無咁好客，唔似而家行過灣仔金鐘海傍一帶好似無時無刻都見到堆 629 坐滿人咁行緊
而數翻三五七年前，分分鐘 10 號都可以同呢堆線平頭，或者金額數字及唔上但賺錢程度排名僅次於佢地


中六七 (07-09) 返學返銅鑼灣，好多時連續走晒 2 2A 81 77 99 就唯有求其搭 82 85 529 落北角轉車
好幾次係北角國都個站上 10 號巴士先覺中伏，由北碼轉出黎第一二個站，有大量人上車之餘
竟然分別亦有大量乘客落車，而當然落極客都會有更多人上車，
而且時為春定係秋天，同埋本人只觀察到銅鑼灣都要落車，咁短路程之間已有大量懶人連兩三個街口既距離都要以巴士代步，相信冬天、夏天同雨天情況更甚
由北角至銅鑼灣，10 號同 23 站位差唔多，雖然 23 比 10 貴一倍，
但 10 每日做埋大量真係只搭一兩個站既懶人，流水程度比 23 更癲，23 號始終會有人嫌貴，
而且 23 係半山個截流水客量應該未必多得過 10，落山由金鐘開始亦只係收流水線價錢
23 號雖然無論幾時睇都有一堆人搭，亦收得貴，但英皇道至銅鑼灣一帶上 23 既人數唔算多
講到尾應該只係灣仔、金鐘上山個程極度好賺，拉勻成條線其餘低效率部分仍然搵到錢


印象中 07-09 年 10 號已經算疏車，班次同而家差唔多，比起讀初中個陣放學落英皇道等車差得遠
10 同 23 每次到站，前後十架巴士幾乎一定夾雜著另一部 10 同 23，幾乎從來唔需要等車，只需等佢從車龍中埋站
依稀記得當年印象中去到維園一帶，10 號車上既乘客似乎係會比 23 多少少
照計 10 號獨市位分分鐘比 23 號多，唔使真係出咁密車大家仍會乘搭，定線亦唔算同新巴路線直接競爭
如果 10 號收咁平都仍然驅使城巴自接手後出車海維持至近年先減班 (如果以前好賺但俾新巴打殘例如 8X 一早已經大減班或者縮線)，
相信條數本身應該都幾可觀下

[ 本帖最後由 HW8373 於 2013-4-12 18:29 編輯 ]