沙田往來九龍及 72/72A/74A 重組

目的：縮短沙田各區往返巿區所需時間，善用快速公路，並減少尖沙咀及觀塘繁忙地區巴士流量
（其實有相當數目屎忽數）

今次的玩法跟之前有點兒不一樣，重點包括：

1. 用另一個角度重組 72/72A/74A，提供沙田巿中心往返大埔公路每 15 分鐘一班車，並以沙田巿中心作轉乘點
2. 收拾蝕錢線 281A，分拆全日河西尖咀特快，與 280X 聯合班次每 10 分鐘一班；同時河東與全日版 240X 聯合班次每 10 分鐘一班
3. 286C 變相分拆，一條耀安尾站，經長沙灣前往葵芳；一條經錦泰、富安、濱景、第一城，經青沙、長沙灣前往深水步
4. 繼續用東九線收拾 80M

===

1. 72/72A/74A 重組

根據本年 RPP，72/72A/74A/272E 合共派車 20 部，建議從大埔區內重組抽調兩部巴士，作以下重組：

72 改為大埔頭 <-> 美孚，
上繁南行、下繁北行最繁忙一小時 20 分鐘一班，其餘時間每 30 分鐘一班，派車 6 部
（地圖錯誤：北行源禾路至大埔公路）

74A 改為大埔頭 <-> 九龍灣，
改經大老山隧道，上繁最繁忙一小時每 20 分鐘一班，其餘時間每 30 分鐘一班，派車三雙三單
（地圖錯誤；北行源禾路至大埔公路，另北行繞經沙田巿中心總站）

72 及 74A 增設與各途經沙田巿中心巴士總站之路線轉乘優惠，方便乘客往返沙田及九龍各區；
另增設 72/74A <-> 73/75K 轉乘優惠，73/75K 一程免費，方便往來大埔工業村

272E 改為全日服務，太和 <-> 深水步欽州街，
全日每 20 分鐘一班，上繁南行/下繁北行每 15 分鐘一班，派車八輛，全程收費 $11.1
（地圖錯誤：九龍方向經安慈路）

72A 改為美田 <-> 大埔墟站，全日每 60 分鐘一班，收費不變，使用兩輛單層巴士行走

另從 80K 及 88K 各抽調一輛巴士，行走 272B 線，
來往美田 <-> 大埔工業村，途徑科學園，
美田開星期一至五 07:45 及 08:05，大埔開星期一至五 17:30 及 17:50，全程收費 $8.9

重組後，富亨、大埔中心、廣福，聯合班次每 15 分鐘一班車往來沙田巿中心，方便轉乘其他路線前往巿區

===

2. 馬鞍山往返九龍中 - 81C/87D/281X 重組

為理順馬鞍山往返油尖旺巴士服務，建議重組如下：

87D 全日改為 87X，耀安尾站直上公路，派車數目 23 部，並調整班次

281X 改為全日服務，耀安 <-> 尖東麼地道，
改經青沙公路、西九龍走廊（去程）、旺角，派車數目 19 部，繁忙時間每 6-10 分一班

81C 改為富安花園 <-> 佐敦渡華路，
不入尖沙咀，並不經大圍，改停新田圍，方便新田圍往返油尖旺；派車削減至 8 部，全日每 20 分一班；
大圍受影響乘客，可改乘 287X 往返佐敦及旺角，或重組後 281E 往返尖沙咀；同時取消 281B 線

287X 加車兩部，繁忙時間增至每 10 分鐘一班，非繁忙時間增至每 15 分一班

整項重組可減車 1 輛

===

3. 城河東往返九龍中/西 - 86/86A/240X/281A 重組

為縮短沙田巿中心及城河東往返尖沙咀、西九龍行車時間，建議重組如下：

281A 加車三輛分拆，正線全日不經尖沙咀，改經佐敦道往返九龍站，及調整班次；
增設 281E 廣源 <-> 尖東麼地道，
全程收費 $9.9，繁忙時間每 15 分鐘一班，非繁忙時間每 20 分鐘一班，尖東頭車 11:00，
縮減城河西往返尖沙咀所需時間，並與 280X 提供每 10 分鐘一班聯合班次，往返青沙轉車站及尖沙咀；
同時與 240X 提供每 10 分鐘一班聯合班次，往返小瀝源、第一城、富豪花園及青沙轉車站

281E 增設與西隧九巴獨營線轉乘優惠，往中環/灣仔/銅鑼灣全程 $16

280X 配合重組，南行改經海港城外一段廣東道，不經柯士甸道及彌敦道

240X 改為全日服務，派車八輛，葵興方向改經葵富路、興芳路；沙田方向改經興芳路、荃灣路

增設 286E 火炭山尾街 <-> 深水步 （循環線），
全日大部分時間每 15 分鐘一班，用膳時段每 20 分一班，派車六部，全程收費 $8.9，禾輋往深水步 $7.1，
與 286X 提供往來青沙轉車站至深水步的聯合班次
（地圖錯誤：回程經沙田巿中心總站）

86 予以取消，受影響乘客可改乘 86C、240X、281E、286E 及 新增的 86P 線

86A 下午兩點後往九龍、下午兩點前往沙田班次，全數改為 86P，
秦石後改經沙田巿中心往返沙田圍總站，不經沙角街，同時增設 86A/86P <-> 81K/288 轉乘優惠，
第二程減收 $4.2，補償受影響乘客；受影響乘客亦可以改乘 86C 線

整項重組需加車 6 部

===

4. 40X/86C/286C 重組

為理順馬鞍山往返西九龍巴士服務，縮短上班車程，同時方便錦泰、欣安一帶，建議重組如下：

86C 來回改經龍翔道，不經歌和老街，來回程於新田圍加設分站，並調整部份時段班次，
早上非繁忙時間延長 20 分一班時段，下繁往馬鞍山改為 15 分鐘一班，減車一輛

上下午繁忙時間，抽調兩輛 40X 巴士，分拆 286C：

286C 頌安 <-> 深水步，全程收費 $9.9
頌安開 07:15 07:35 07:55 08:15
深水步開 18:00 18:20 18:40

240E 利安 <-> 葵興站，全程收費 $9.9
利安開 07:20 07:40 07:55 08:10
葵興站開 17:50 18:10 18:30

===

5. 89C/89D/83X 重組

83X 按 RPP 建議，改為水泉澳經廣源往返觀塘碼頭

89C/89D 二拆三，89D 全日不經亞公角及小瀝源

89C 全日改為沙田醫院尾站上公路，班次增至非繁每 15 分一班，下午繁忙時間往恒安亦增加班次至每 7-8 分鐘一班

89P 改為馬鞍山巿中心 <-> 九龍灣，
維持途經亞公角街，並削減上繁班次及增設下繁回程班次，下繁回程以烏溪沙站為終點站，17:50 - 19:20 每 10 分鐘一班；
同時 89D 上繁增加馬鞍山巿中心起載特別班次，每 8 分鐘一班；下繁往馬鞍山調整班次

配合行車時間縮短，89C/89D 合共削減兩輛巴士；另配合 89C 加強服務，
286M 削減班次至每 15-30 分鐘一班，削減兩輛巴士

增設 89A 駿景園 <-> 觀塘翠屏道，
途經濱景花園、碩門邨，每 15/20 分鐘一班，填補 89C 撤出石門後空缺，同時方便往來駿景園、銀禧花園及九龍東，派車八輛，全程收費 $8.6

整項重組需增加 4 輛巴士

===

6. 80M/88X/89/89B 重組

80M 改為只設單向九龍塘往穗禾，從 81K 抽調三輛巴士行走，
服務時段 16:00 - 00:55，每 20/30 分鐘一班車，減車四輛

88X 從沙田及觀塘各抽調一輛巴士，改為油塘 <-> 沙田站，
派車五輛，全日每 20/30 分一班，來回改經觀塘繞道

新增 89E 穗禾苑 <-> 觀塘巿中心（循環線），於 apm 五期設循環點，
派車 7 輛，除用膳時段 20 分一班外，其餘時間 15 分鐘一班，全程收費 $8.9，配合火炭人口增長，
同時方便觀塘居民往火炭上班，並換取 80M 改為下午單向行走
（回程經沙田巿中心總站，不停沙田站）

配合開班 89E，89 減車兩輛及調整班次

89B 縮短至九龍灣，減少觀塘道車流，調整至每 15/20 分鐘一班，減車四輛

配合 89B 縮短，281M 減車兩輛，抽調至 80/80P 增加繁忙時間班次，並開辦四班 80A
從美田單向經顯徑，獅隧後不停站直達九龍灣宏照道，經偉業街前往觀塘碼頭

整項重組削減兩輛巴士

===

7. 82X/84M 重組

為調撥資源，重組 82X/84M，84M 往樂富方向不停鑽石山站，改停四美街；
往富安方向改經鳳舞街、東頭村道及黃大仙巴士總站，非繁忙時間來回繞經廣源及恒生商學書院，增至每 15 分一班

82X 改為只於上下午繁忙時間提供服務，調整為上繁每 20 分一班，與 82P/84M 聯合班次，
下繁每 12/15 分一班，整項重組削減兩輛巴士

===

8. 其他調動

81S 開車時間改為 07:00、07:20 及 07:40，方便學生上學；同時增設
281P 美松苑 -> 尖沙咀，星期一至六開 07:55 及 08:15，從 81 抽調巴士行走，全程收費 $8.9，
方便四美區前往尖沙咀，並於服務時段與 286P 提供 10 分鐘一班聯合班次，另增設與九巴獨營西隧線轉乘優惠

85A 改為 15/20 分一班，減車一輛

83K 非繁忙時間改為 15 分鐘一班，減車一輛

80K 改為全日 12/15 分鐘一班，減車一輛

取消 38A，並從 47X 及 48X 合共抽調三輛巴士，將 RPP 建議的 48A 線提昇至全日行走，編號改為 248X，每 20 分一班，進一步完善青沙網絡

從 46X 抽調四輛巴士，增設新線 246X 麗瑤 <-> 沙田圍
全日每 30 分一班，特快連接荔景、美孚及沙田，全程收費 $8.9，
同時調整 46X 班次，上午繁忙時間顯徑方向改為 12/15 分一班
（地圖錯誤：麗瑤方向經沙田巿中心總站，不停沙田大會堂）

全部重組項目合計，只需額外增加一輛巴士

（完）

第一組：
其實可以看成是72、72A減班，換開272E、272B全日吧，這兩組沒什麼意見
反而想重點說74A（正好我在想74A的重組）——
改74A上大老山隧道的想法是一樣的
不過變沙田兜大圈，反而進一步趕走九龍客？
而且小弟在74A還有熱狗的時期坐過兩三次74A，沙田那幾站幾乎沒人上車
（估計樓主是想補72、72A減班後，沙田經埔公來往大埔那段吧）

我會這樣改74A，打包74B和74D（在外地出差，網絡不便畫地圖，請見諒）——

I. 74A 由啟業出發，繞經麗晶花園、啟晴德朗、九龍灣、彩虹、新蒲崗後上大隧，出隧道後經沙瀝公路、沙田路直上埔公九肚山段；大埔段拉直，不經運頭塘。
74B 提升至全日服務，起訖點與74A相同。九龍灣至大隧段跟新74A相同；出隧道後繞經大學站及科學園前往大埔。大埔內走線也與新74A一致。
保留現有74B服務，改為“74B特別班”；同時按最新RPP，加開上繁大埔往九龍灣班次。此外兩線上午9點前由九龍灣開出班次，不經九龍灣商貿區。
兩線全程收費$10.1，共用約8部單層巴士。兩線各60分鐘一班車（聯合30分鐘）

II. 74D延長至油塘（經觀塘道及鯉魚門道，不上藍田山）。大埔段改經運頭塘上吐露港公路。
全程收費維持$14.8。對開頭班車提早至6:00開出，維持60分鐘一班。
保留7:00及18:00對開班次繞經科學園，其餘時間均不繞經。


第二組：
基本沒什麼意見，但倘若81C縮短，理應減價（樓主新81C全程約16.5km，收$7.4-$7.8應該差不多）


第三組：
基本沒什麼意見，但是這樣廣源會失去直達深水埗的路線，重組阻力甚大
（我想樓主是想利用240X——286E／286X青沙轉乘？）


第四組：沒意見。


第五組、第六組：
同意89D早就應該飛小瀝源，讓路給83X全日。89C全日改快也問題不大。

新開的89A其實可以跟89E二合為一（個人認為用88系編號較好）：
88A 穗禾苑——觀塘（翠屏道）
由穗禾苑開出後，改經濱景花園、碩門邨進入大隧，進出九龍東。
全程收費 $7.5，派車10部（其中3部蛇車柯打88P），15-20分鐘一班車

駿景園似乎沒有全日進出觀塘的需求，但也可以開條繁時線試試：
88P 駿景園-->觀塘鐵路站
由駿景園開出後，繞經沙田市中心，然後跟現有88X出觀塘
全程收費 $8.2，上繁開3班車，由88A抽調。

同意88X 延長至油塘後可以徹底飛走觀塘
然而也建議沙田總站跟RPP延長至火炭站——因為沙田站實在是爆棚

還有，我想89B縮短至九龍灣後，其實可以同時延長入沙田市中心
集中做沙田進出九龍灣，也取代第一組74A沙田兜大圈的建議


第七組：
不久前小弟就曾建議此兩線重組。
當時小弟是想殺84M，拉82X兼改沙田區循環——得到的反響當然不佳
樓主則反過來做，84M加班兼非繁拉入廣源，82X改兩味，看起來比較穩妥


第八組：沒意見。


總結：樓主的建議還是一如既往地用心認真，不過這次可圈可點的地方也不少

74A既定位好怪想將幾件事串埋一齊
但幾邊都不討好

280X係281E出現下
冇咩機會加班既情況下現有情況只會持續

86C唔咩點提速
286C又唔全日
馬鞍山來往西九龍既問題冇處理到實在可惜

89A包唔到第一城外圍果站唔知會唔會迴響?

246X其實半個鐘一班吸引力有限
同埋祖堯同麗景總行程會唔會仲慢過現有46X轉車呢
更大問題係係46X抽走4架車後
無受246X益城隧來往大圍
現有運載力都不足下點算?

[delete]想問返樓主建議的272E都係收$13.2（九龍坑價）嗎？如是者，我會反對72的改動。[/delete]
我諗272E合理收費範圍應該係$11樓下(已經計緊油尖價)，如果搞得成272E，
不妨來回都跟現時72行埋安慈路，橫掂新72繞過晒舊墟及大埔中心外圍，唔怕重疊。

你建議81C, 281A塞埋入佐敦道加重塞車壓力，亦無助縮短行車時間(對比尖東)。
另外，281E作為小瀝源-青沙轉乘線與其同280X爭食尖沙咀，
不如直接煲大240X,280X青沙轉乘啦，既然殺得86，唔爭在吞埋281E。
承上，如果280X加密，宜獨食火炭/源禾路-青沙及尖沙咀-青沙轉乘，
286E則改往圓州角(威院)，沙田正街後改經田園閣、多石，
能保留深水埗-威院/愉翠第一城掹車邊直達服務，源禾路-深水埗尚有81。

Snoopy@FB8617 發表於 2016-4-3 17:53
86C唔咩點提速
286C又唔全日
馬鞍山來往西九龍既問題冇處理到實在可惜

其實佢已經處理2/86C問題，就係利用240E做埋兩繁荔枝角特快，
長沙灣/深水埗繼續保留全日86C，並只輕微提速(龍翔道)。

72咁改＝嚴重趕客！
272E非繁可能唔夠客
要做最多都係72飛沙田同行青沙，埔公一定要行，而家72非繁都係20分鐘一班，改完特快後一定做唔住20分鐘一班。如果大埔－西九需求大當日加強服務應係272P唔係72
同埋你咁改72A＝爭取同74A一樣摺埋既命運，埔公沿線多得你唔少，仲有班學生客！72A不如入埋沙市

同埋286M索性CUT淨兩繁，反正接駁大老山任務已經交左俾89C，兩條只能活一條

Snoopy@FB8617 發表於 2016-4-3 17:53
74A既定位好怪想將幾件事串埋一齊
但幾邊都不討好

74A 咁做，只係取消唔成前提下的另一個重組方式，俾人 72/74A 聯合班次落沙田巿中心轉車，一粒鐘一班果條變成 72A；
同埋我某程度上係上食埋富亨沙田巿中心流水（而家富亨無 K 巴）

280X 最大問題係客源基本盤唔係好夠，但同時穗禾苑又一定唔會放走尖咀車。
就算加班，最盡都係加到非繁 15 分一班，未必好過 280X+281E 非繁十分鐘一班車…

同埋 281E 係有幾個目的：

1. 收拾條蝕錢 281A，甚至代埋城河東部份 81C 功能
2. 城河東尖咀，一程特快直過，點都吸引過 280X 轉車，我相信 280X 吸唔到幾多轉車客
3. 順手做埋城河東西隧港島，塞住佢地把口先

我覺得 281E 值搏率幾高，甚至可能仲好做過馬鞍山西九特快…
而且，就算講尖沙咀轉車客，如果兩飛平均 10 分鐘一班車，點都吸引過得一條 280X 俾人轉車，起碼做大青沙尖咀個餅先

86C 某程度上係因為要代埋 86 做新田圍，殺 86 換 286E/240X/281E 全日，先要留低，
但事實上，第一城尾站上公路，都唔會快過曾大屋上公路好多…

但我自己就覺得有其他野可能比起 86C 全日提速更值得做

89A 如果沙田第一城唔放行，就跟返 89C 停外圍，濱景調頭，但原意係想食埋碩門邨

246X 其實雙向都有做大圍同荔景，某程度上亦係塞住荔景山把口，滿足佢地多年以來拉 46X 入祖堯的要求，我甚至覺得 246X 係荔景山唯一有潛力新線。
抽四部車我覺得影響又未必好大，反正其實未至於雙向同時爆晒，
比較少人的方向或者仲有減班空間，顯徑私去美孚不知幾快。
反而係荔景山一段值唔值得架架 46X 由頭行到落尾，如果唔係要做瑪嘉烈梨木樹流水，
46X 真係或者可以縮短，減車俾 246X 加班

但至少兩繁都可以將一半班次變成荔景起載/止步

hon_son_wilson 發表於 2016-4-3 21:52
想問返樓主建議的272E都係收$13.2（九龍坑價）嗎？如是者，我會反對72的改動。
我諗272E合理收費範圍應該係 ...

上面講左 272E 係收 $11.1，同埋係入安慈路，
只係 google maps 九龍方向畫唔到，同埋我無畫到回程走線，但應該可以估到點行

加價係轉特快誘因，當然我唔認為應該加到盡，加到太多可能弄巧反拙

81C 對比起擺尖東麼地道的確慳唔到幾多時間，純粹係因為想放彌敦道配額，而 81C 覆蓋範圍已經有其他尖咀線（281E/281X）
反而 281A 經佐敦道入九龍站，對比起而家落到尖沙咀先屈返上去，係真係可以慳到唔少時間

同時當然亦係要屈尖沙咀客乖乖地坐 281E，而家 281A 收得太平所以盤數差

同上，280X 煲到盡都係 15 分鐘一班，就算想焗人青沙轉車，10 分鐘一班聯合班次叫兩飛
點都好過一條線 15 分鐘一班，而且而家 281E 擺明係要掃晒城河東尖沙咀的，在整個網絡 big picture 入面有佢作用，包括西隧口轉車去港島，青沙轉車取代唔到

同樣地，沙田巿中心、源禾路，280X+286E 點都吸引過 280X 一條

而且 72 除上繁外又減到 30 分一班，81 要爬山增加成本，而且唔到欽州街以西，86 取消的話 286E 係有存在必要。
而家深水步往返沙中/源禾路，其實 81 站位最靚，但條線旺丁唔旺財，兼且覆蓋有限。
如果有 286E，至少可以西九龍中心/黃金一帶源頭截客，唔洗下下由西九龍中心行去大埔道坐 81

S3BL100 發表於 2016-4-3 23:22
上面講左 272E 係收 $11.1，同埋係入安慈路，
只係 google maps 九龍方向畫唔到，同埋我無畫到回程走線， ...

sorry, 一時大意無睇清楚272E價格，原文已改。

樓主建議多處運用聯合班次，我諗樓主對聯合班次穩定性相當有信心，
我會擔心到頭來都會形成20分鐘拖卡的局面。

另外，講到286E要同286X聯合班次，286E大概應該停怡閣苑、長沙灣遊樂場。
點解唔係286X,286E入元州街？因為9巴已經用行動表示佢地嘅意向，
而從樓主72(272E),86,86A,86C,286C(240E)的建議，亦感覺到深長荔實在微不足道。
OT: 有感9巴線逐一撤離青山道/元州街，咁又當該區乘客係咩呢？
我明白或者我唔應該怨改青沙線踢出長沙灣道的建議，只可以怨政府無力改善內街擠塞加劇的問題。

hon_son_wilson 發表於 2016-4-3 23:28
樓主建議多處運用聯合班次，我諗樓主對聯合班次穩定性相當有信心，
我會擔心到頭來都會形成20分鐘拖卡的局 ...

240X 281E 廣源開到乙明邨同路（當然 240X 擺黃泥頭，但只係差一個站），至少出九龍方向可以聯合班次

280X 281E 尖沙咀開到轉車站係同路，又可以聯合班次

280X 281E 沙田各自總站開到青沙轉車站條路基本上唔會點塞，可以調節開車時間，效果大致都唔會差

所以聯合班次唔係問題，我就唔會胡亂建議聯合班次的，係呢幾條我覺得可行性比較高先至咁做

反而 286X 286E 兩條，因為各自大部分時間都係 15 分一班，所以咁執的需要相對較少。
同時 286X 服務沙田居民為主，但 286E 因為做埋沙巿火炭，係同時做緊沙田同深水步居民，
元州街係上客位，同時 72 仲要減班，因此 286E 走入元州街係理所當然

仲要黃金附近截左班唔想行去大埔道坐 81 的懶鬼先…

今次我搬走的，其實只係得 272E 一條，但嚴格來講都唔係搬走，而只係減班，但 272E 的情況，行長沙灣道的確好過行青山道元州街，做人有時候唔使太敏感的…

hellomato 發表於 2016-4-3 17:37
第一組：
其實可以看成是72、72A減班，換開272E、272B全日吧，這兩組沒什麼意見
反而想重點說74A（正好我在 ...

74A 本身係在取消唔成的前提下，一條線做幾樣野：

1. 同 72 聯合班次，每 15 分鐘一班（上繁 10 分一班）送大埔公路乘客落沙田巿中心轉車
2. 同 72 聯合班次，做大埔北 - 沙田巿中心流水
3. 睇埋來回方向沙田點行，就知道我想食埋源禾路/沙田巿中心/沙乙博的 89/80X 去九龍灣返工客，呢條係屎忽數
4. 埔公大隧轉乘線，雖然我唔 expect 北行有幾多人咁搭

74A 去埋啟德唔係問題，但如果係大隧後直去埔公，而唔做沙田巿中心，我唔覺得對佢地有咩用。
另一方面係沙中線通車後，佢地去新界東會方便好多。我有諗過 74A 唔用偉業街天橋入九龍灣，改行承啟道，但又唔想加多個麻煩位

小瀝源而家都唔係好多人搭條兜到嘔泡的 86 去深水步，換 240X/281E 每 10 分鐘一班上青沙轉車站可能仲實際

而我有諗過一條線掃晒穗禾苑同石門工業區，但唔用得大車，而呢條線同時做晒火炭工業區同石門，返工時間北行應該會爆到傻。
再加上想做埋源禾路大隧，同埋殺 80M 非繁後留返條線做沙中穗禾流水，所以都係分開 89E 89A 兩條，順便送 88X 全日上觀繞，減少 88X 改道爭議

89B 縮短九龍灣，本身係睇在呢條線比起其他新界線在觀塘道的使用率低，減車支持其他重組，同時俾我放 89A 落觀塘道。
所以我諗拉去沙田巿中心就不必