新城流水線問題

點解新城會對流水線用個放棄的態度？就好似2，2A咁成日無車分分鐘等20分鐘以上先有車，d流水線真係無錢賺?

其實都係D簡單數學題假設車費一樣


路線A 10部車一日做5000人
路線B 5部車一日做3000人


雖然前者收入多過後者

但講效率
前者一部車一日500人
後者一部車一日600人

可以話依家香港地公交服務有少少病態
點都盡量令每一部巴士載佢最多客

又例如新巴2號
以前10-12分1班唔頂閘
減到15-20分1班，繁忙時間頂閘啦，岩岩好

而2仔由10-12分減至15-20分1班個陣，起碼減左3-4部車
開少3-4部車但客量相若，提升路線效率

多左個幾部車又可以行18X..

行車時間長，大上大落都會影響

例如條702，喺海麗永遠準時開，但因為班區佬不斷要求加紅綠燈，又多客，結果成日拖哂卡返總站

HT408 發表於 2016-8-24 20:56
行車時間長，大上大落都會影響

例如條702，喺海麗永遠準時開，但因為班區佬不斷要求加紅綠燈，又多客，結 ...

702又係攞來衰

又一城加返個總站未得

當然加多個站長做一條線真係好唔抵
咁不如直接打電話返海麗報到lo

rusf101001 發表於 2016-8-25 00:09
702又係攞來衰

又一城加返個總站未得

青山道落海麗要加返BBI

p.s. 702有啲奇怪，豬紙同網頁都係雙向線格式，但報站係循環線

HT408 發表於 2016-8-25 00:17
青山道落海麗要加返BBI

p.s. 702有啲奇怪，豬紙同網頁都係雙向線格式，但報站係循環線

實際上我係又一城坐過一次真係循環線
不過唔似假循環線要趕客落車先

rusf101001 發表於 2016-8-25 00:09
702又係攞來衰

又一城加返個總站未得

當然加多個站長做一條線真係好唔抵
咁不如直接打電話返海麗報到lo

再唔係整遙距報到系統都得

如果你要一個簡單嘅答案，就係「流水線好難有肉食」。

**********
一、一程車載幾百人嘅迷思
-> 一直都有人強調，部分流水線可以每程上上落落之下，載成200，甚至300人。
咁就算流水線收得平，但一個座位可能一程已經收緊幾個人嘅錢，隨時好賺過特快線。
呢樣係正確。
但唔好忘記有一個實際因素影響呢個咁美好嘅夢——脫班。
香港路面情況唔多好，大家都知，再加上流水線普遍車程長、多人上落，前車食下燈、上落多幾個，後車就會追到。
咁嘅情況下，前車的確好好賺呀，但後車呢？可能全程都係半滿，甚至更少。
無論新巴嘅2A、82（以前開足車嘅年代），定係城巴嘅5B、10，抑或九巴嘅1A、5C，都面對緊同樣問題。

二、需要把脫班而導致私牌的成本計算在內
-> 正正因為流水線更容易脫班，所以私牌嘅機會亦會增加。
私牌即係做唔到生意，但司機嘅人工、油費都依然要計算在內。

三、隧巴線混入流水角色
-> 更甚嘅係，由於隧巴線往往牽及兩間公司嘅時段問題，所以重組、拆線係難上加難。
係咁嘅情況下，隧巴線要減低成本係無乜可能，只能夠從開源入手。
但由於本身路線唔吸引，所以過海客嘅增長空間，真係好有限。
結果就俾巴士公司諗到條屎橋，就係用$5.7去做流水，順便搶埋對家客。
睇下102（天后至筲箕灣）、106（天后至小西灣；紅磡至黃大仙）、116（銅記至鰂魚涌）、以前嘅101、104（中環至堅城）、619（北角至上環；牛頭角至順利）等等路線，就知道而家巴士公司都放任呢樣野去發生。

四、$2優惠
-> 長者$2優惠，令佢地坐隧巴線定流水線，已經無價錢分別，但巴士公司嘅收入卻有分別！
坐2A，政府幫巴士公司補貼一個長者$0.1；但坐102、106，政府就幫巴士公司補貼$0.8（如果未過海，就直程要補貼$2.7或$2.9！）
你係巴士公司，係唔影響長者嘅車費之下（唔駛怕俾人話無良心），你會去開2A、82，定係開102、106？
所以，當初我已經預言，$2優惠係會整頹一堆流水線，受害嘅唔係長者，而係要俾全費嘅成人。

五、貴價流水先有出路？
-> 雖然我好唔鍾意1A、5C呢類明知無人坐全程，但就要個個客俾全費嘅流水線，但現實或者就係只有呢類流水線先至有肉食，從而使巴士公司繼續投放資源落去做。
不過5C或者好快都無呢支歌仔唱，老九都知道5C咁樣行法，脫班脫到傻，不如開多幾班5P、5X加快回車好過。
到最後，可能只有1A先頂得住。

六、社會責任
-> 我明白流水線係難做（特別港島區地鐵坐幾站就到，就算唔落地底，又有電車夾擊），
但代唔代表巴士公司可以唔跟時間表開車，脫班脫到亂哂龍都唔救？
唔係。
你一係就直接話「我唔想再做呢幾條流水線架啦」，又或者減班減到15分鐘一班但開足車，
都總好過聲稱「6-9分鐘一班」黎欺騙乘客，但到頭來成日都要等10幾分鐘先有車。

neoplan720p 發表於 2016-8-25 09:13
如果你要一個簡單嘅答案，就係「流水線好難有肉食」。

**********

係啦，柴小巴士公司D流水線真係⋯⋯

rusf101001 發表於 2016-8-25 00:26
實際上我係又一城坐過一次係真係循環線
不過唔似假循環線要趕客落客先

702以前好似係九龍塘有定時點..
不過以單向都可以追到前車來講 有都係沒咩用

話說上星期日搭左轉702 (而當時701已經沒車返 脫班)
明明海麗正常開車
一到又一城已經見前車等緊出總站(開始拖)
去到民樂樓(5分鐘內)見到第3架702轉入去又一城

元州街又塞到PK咁 成10分鐘先行完

結果回程班客就等餐死 等幾個字結果幾架一齊到