路線930、930X 服務改動

kay 發表於 2017-4-10 09:42
所以無人反對930X全日
而事實上930X全日都係額外資源
否則930貢獻晒自己D車都唔夠

根本就唔肯搵 962/969 車.....
明明有幾班連窗邊都坐唔滿就上公路

荃灣人係賤 d ...海濱有人照...
不過大窩口葵興芳仲賤
得閒就搞下佢

171 就減車
我唔覺得, 城巴會還返連埋今次果兩班車

講左咁耐.... 為民主為基層街工三子去左邊?

acc1368 發表於 2017-4-11 00:48
$16 何貴之有???當年69_未減價都收緊$15.X
又
地鐵己經收平咗都$14.X

千禧年代 930 收緊 $15.3 個陣 , 地鐵係收緊 $11.8
而家差距係拉近咗 , 但當年個定價的確偏高

castanopsis 發表於 2017-4-11 11:13
荃灣作為人口龐大既通勤大區，我覺得至少港島東線有得做
唔同682/694呢類新界只服務純住宅區、工業區既 ...

其實930同934分工問題要追溯到1998年西隧通車開930

當年934同佢前身334一直都係由九巴做，好難要佢無啦啦分餅仔俾城巴
930就本身擺西站，其實主做大窩口、葵涌邨、葵興芳多
本身十幾年相安無事（因為荃灣客非繁送哂俾鐵同紅小嗎）

但自從城巴想做荃灣市中心大客，就將呢個問題撈咗上面，其實箇中原因只係1998年到而家九城兩巴都唔太重視荃灣過海客，所以一路冇諗過合作搞一條西約/荃景圍+荃灣市中心嘅過海線，加埋當年規劃對外線習慣將荃灣同葵涌擺埋一齊

而其實聯營線都有問題，就係想加班會難好多，例如條307

所以其實係當年運輸署太短視，貿然批咗930俾城巴，增加咗日後分拆重組 (類似A31及A32) 俾荃灣市提速嘅難度
當然，如果係九巴攞到930個專營權，儘管而家荃灣市+麗城或會有條過海線王 (但灣景總站車坑會唔夠用！) ，但葵涌嗰條會做成點就好難講......

053h4 發表於 2017-4-12 11:12
你咁講洗咩招標啊, 咩都九巴做埋咪算LOR

無競爭唔會有進步

冇錯，無競爭唔會有進步，但有競爭就一定有進步？競爭都有良性惡性之分
而家九城喺荃灣咁玩法，雖然930系列可以平$2，但就將原本做到一條密車10-12分鐘一班嘅資源斬開兩份，麗城同市中心非繁齊齊20-30分鐘一班，呢個算良性競爭定惡性競爭，唔使多講


而家雖然930系列比934系列平$2，但城巴經營930嘅態度都唔算得上好，咁搵番九巴黎做，消除934系營收同930系營收嘅衝突，減少日後兩個系列重組阻力，荃灣受惠分分鐘仲多，當然，可能到時葵涌邨同興芳待遇更差

但至少930系、934系，甚至同埋935、936都有更好機會整合走線，用最少資源做最多客

其實，如果有競爭就一定有進步，點解運豬要搞專營權，又要推個公共交通協調政策去保鐵？
公共交通運輸同其他行業不可同日而語

053h4 發表於 2017-4-12 12:31
得罪講句, 唔係930諗往拉去荃威, 你覺得會有934X?

又睇番九巴經過荃灣市中心堆線, 59A/66 唔洗講, 30X好 ...

招標令將軍澳山上沒有將沙

053h4 發表於 2017-4-12 12:31
得罪講句, 唔係930諗往拉去荃威, 你覺得會有934X?

又睇番九巴經過荃灣市中心堆線, 59A/66 唔洗講, 30X好 ...

而家講緊長途特快過海，你就講59A/66/30X/234X，咁梗係顯得九巴冇心機做啦

你話有時城巴逼到埋黎九巴先肯做番好, fine
但你又唔睇下條930平日而家為咗條930X陰下陰下陰剩幾多？

好啦，930就算俾咗城巴做，九巴入紙開934A嗰陣，運豬有冇協調過九城喺荃灣市嘅服務區域？
934A擺明係抗衡930X嘅產物
而家九城就係咁投放資源喺荃灣市過海，但車從何來？930X就諗住靠西港島南港島，如果南港島cut唔夠車，係咪就冇得全日，定係又要930進貢幾班？
更加唔好提因為唔夠車而做唔到來回兩班嘅934A
第時934真係唔知佢點抽車出黎行全日 (靠沙中線？定啲order收番黎？)，但全日到，又夠客咩？

而又咁啱，934+930X嘅走線過海，最夠客做全日，資源又可以整合
930系嗰邊，唔使搞埋930
934系嗰邊，進度可以快少少

咁講，競爭可以係好，但無方向嘅競爭，爭黎都冇用

Ricky403 發表於 2017-4-12 14:02
而家講緊長途特快過海，你就講59A/66/30X/234X，咁梗係顯得九巴冇心機做啦

你話有時城巴逼到埋黎九巴先 ...

聽區議會錄音，今次934A加車由30x cut出黎嘅車做，車就cut左，但未加到班。