93K改經九龍灣商貿區修訂方案

dennis28a 發表於 2018-4-2 14:38
見你無故拉我落水，想補充兩件事。

213X 既然係寶達前已經夠客起頂閘，點解每朝仲要花多 10-15 分鐘多餘 ...

好簡單一個問題：你係咪唔打算理秀康樓甚至樂華同紀律部隊宿舍班客？

如果兜安達臣叫做「迫康翠客兜佢地唔會去既地方，完全無康翠客從中得益」，
我唔見得行落九龍灣對佢地有幾大得益，綠小 89B（秀茂坪）、綠小 106（秀茂坪、康翠） 已經補晒位。
最少前者當石礦場完全發展後，有潛質兩繁加密到 8-10 分鐘一班車，賺既係長遠兩繁班次。

當然，你堅持九龍灣、寶達外圍，康翠兩區有能力變成兩繁個位數字班次，你喜歡啦。

我無幻想過康翠尖咀線要做兩繁個位班次

不過當你兜路路段多用既時間抵銷左班次增長，係咪真係咁好就見仁見智喇。
況且如果 213X 真係好似你講到咁爆，仲拉長咁遠做乜？人地一定唔會反對？

好簡單一個問題：如果兜多一個地方，用既時間差唔多或者短少少，
但康翠客會去，會有人落車，係咪受惠康翠居民人數多過兜一個佢地唔會去的住宅區？

106 111 兩繁爆到咁，變相又要 93K 幫手清客，兩條小巴真係滿足得晒九龍灣商貿區需求？

每日放工係有極多人專登行去輔警、宏展街、九展上尖沙咀車，行既距離係近過偉業街行去創紀、法院搭 215X。
出面有 14X、215X、219X、98D；13X、213X、224X、28 車海班次唔上，去專登等一部 10-15 分鐘一班既內街尖沙咀線？

每日放工有咁多人專登行去九展坐頻密班次 11X 15X 或者輔警坐 28 去紅磡，於是
專登等一條收 $9.9 兼 15-20 分一班既 297 既乘客，少到原來都打得爆 297？

你建議落九龍灣方案又做唔到海濱道更高價值、啟德醫院空位，得個 Megabox 有幾大戰略價值？有都打左折。

海濱道已經有 14X，仲停埋現時海濱道最近兒童醫院的觀塘海濱公園分站

如果想一條線串埋海濱道同九龍灣，係咪輪到要拖慢海濱道現有乘客車程？
呢樣都其次，如果你諗住咁行，條線由觀塘邊度開？有無足夠住宅區加持？
做唔做到全日都有返合理客量？

唔係話海濱道無戰略價值，但 Megabox 戰略價值明顯更高，
除左兩繁外，假日都有一定客源，非繁亦唔會完全食穀種，九龍灣無其他位有呢個條件

10598C 發表於 2018-4-2 21:28
總而言之我嘅立場係，無論行繞道經土瓜灣，定係跟213X行，或者跟我拆98D個plan，都一定唔會落繞道跟297入 ...

我睇錯你個新方案果度，我先道歉先

不過唔影響我的立論

明明兜九龍灣或者繞道經土瓜灣或者跟 213X 行法，時間都差唔多，
唔會有一個方案趕康翠客而其餘兩個唔會，唔會因此損害康翠客利益，
你偏要接受其餘兩個而唔接受跟 297 兜九龍灣，我有時覺得你都幾得意

S3BL100 發表於 2018-4-2 23:52
好簡單一個問題：你係咪唔打算理秀康樓甚至樂華同紀律部隊宿舍班客？

無咁多時間同你坳你堆歪理，咩野地區意見廢話，
你又肯定人地肯放走條 93K 做你條康翠九商沙出黎？咁前提下大家都唔好出聲討論。

我成日都話，要解決問題 213X 拉入康翠，98D 分拆一樣做到想要既效果，我一向兩選一皆可。
你係都要包拗頸整條不知所謂既康翠九商沙出黎。

但康翠客會去，會有人落車，係咪受惠康翠居民人數多過兜一個佢地唔會去的住宅區？

今日唔會，唔代表將來唔會，將來石礦場係大型私樓群加一個大商場，仲要有石礦公園行，
當康翠都有人上 95M 同 290A 去順秀朋友飲茶打牌既時候，點解要專登去一個得零碳天地同 Megabox 既工商區？

106 111 兩繁爆到咁，變相又要 93K 幫手清客，兩條小巴真係滿足得晒九龍灣商貿區需求？

綠小 89B 一早分流緊 106、111 啦，咁佢兩繁爆未？仲未計 13X 同 213X 一樣載到依批客九龍灣。
106 同 111 早繁爆仲要因為做堆其他區生意，係唔係多客到變部巴士一樣有半車客？特別係康翠兩區。

每日放工有咁多人專登行去九展坐頻密班次 11X 15X 或者輔警坐 28 去紅磡，於是
專登等一條收 $9.9 兼 15-20 分一班既 297 既乘客，少到原來都打得爆 297？

九展 11X 同 15X 夾埋好似唔係好密咋，九展個站仲要一定上唔到車，行去把托？輔警、宏展街得 28 同又係 297。
九展係有齊 14X、215X、219X、98D；宏展街有齊 13X、213X、224X、28，全部夾埋個位數字班次，後者果批仲要一定上到車，又點比呢？

海濱道已經有 14X，仲停埋現時海濱道最近兒童醫院的觀塘海濱公園分站

如果想一條線串埋海濱道同九龍灣，係咪輪到要拖慢海濱道現有乘客車程？
呢樣都其次，如果你諗住咁行，條線由觀塘邊度開？有無足夠住宅區加持？
做唔做到全日都有返合理客量？

唔係話海濱道無戰略價值，但 Megabox 戰略價值明顯更高，
除左兩繁外，假日都有一定客源，非繁亦唔會完全食穀種，九龍灣無其他位有呢個條件

我有講過要開線咩？就算更高價值既地方都比 14X 做左，你條線做唔到就係做唔到。
唔好講到 Megabox 有好高戰略價值，根本打左個五折。

你係度學人講「全日都有返合理客量」？你不如平日落下 Megabox 間戲院同惠康。
再講番你自己條線平日非繁客量有幾合理，唔好笑大人個口，大大間醫院係度潛力會差過一個平日成個死城既商場？

綠小 87、89B 非繁係蝕到入肉；106、111 直頭幾度想放棄成條線，叫後期靠到兩繁假日支持住吊鹽水。
紅綠小都平日做到咁霉，連睛朗假日部穿梭巴客量都麻麻，會唔會你高估左 Megabox 客量呢？

dennis28a 發表於 2018-4-3 02:55
無咁多時間同你坳你堆歪理，咩野地區意見廢話，
你又肯定人地肯放走條 93K 做你條康翠九商沙出黎？咁前提 ...

我講出一D你唔岩聽、你覺得唔需要理既地區意見，你就鬧人係歪理，
覺得問題好似唔使理、唔存在。好波⋯

你有本事就寫包單 213X 改行繞道方案，秀康樓、樂華唔會反對先算啦

我無寫過包單人地肯放走 93K，至少呢度都有版友講左
有議員要求有補償去德福淘大。但我同你好大分別，
係我會 acknowledge 呢個問題的存在，嘗試諗方法解決。
而且我用 93K 係換佢地想要既野返來，反正地區普遍聲音都唔想 93K 阻頭阻勢

但你就當問題唔存在，連點補償人都唔考慮。
人地指出問題，你唔岩聽，就鬧人歪理，咁叫做討論？

起碼 213X 行繞道的話，康翠尖線好似我上面所講，
跟 213X 行樂華走，都叫做有返咁上下誠意，係解決問題的方法

不過咁，你唔岩聽就當問題唔存在，已經唔係第一次

好似上一次
你竟然仲走去 quote 人一半唔 quote 另一半，玩斷章取義，
去將你用 95M 代 98A 做 BBI 線的方案合理化，
我批評你之後，你就潛左水。
你點樣同乘客交代，包括點樣補償無啦啦受影響的秀暉樓 98A 客，你到今日仲未找數

曲解人地文意後打稻草人，換著係幾年前 italk，係可以告罵戰停版的

仲有呢度 359 版友問你，213X 到底係咪真係好客到寶達上爆，
邊班車爆，你又係未找數。
人地明確指出 megabox 去九展段路唔好行，你又視而不見

今日唔會，唔代表將來唔會，將來石礦場係大型私樓群加一個大商場，仲要有石礦公園行，
當康翠都有人上 95M 同 290A 去順秀朋友飲茶打牌既時候，點解要專登去一個得零碳天地同 Megabox 既工商區？

返工時間係咪去九龍灣商貿區需求多過秀順公屋區先？

你證明到非繁同假日去秀順需求都拍得住去九龍灣先算啦

九展 11X 同 15X 夾埋好似唔係好密咋，九展個站仲要一定上唔到車，行去把托？輔警、宏展街得 28 同又係 297。
九展係有齊 14X、215X、219X、98D；宏展街有齊 13X、213X、224X、28，全部夾埋個位數字班次，後者果批仲要一定上到車，又點比呢？

我想講既係，入面有得搭，自然就會有唔少客作首選，
就算疏、貴都好，至少唔使再行出去上車。
更何況你都識話有班客上左 shuttle 去地鐵站

如果有條尖咀線停正 megabox 門口，你覺得真係仲會有幾多人由果頭行出去輔警或者九展坐你口中果堆車海線？

我有講過要開線咩？就算更高價值既地方都比 14X 做左，你條線做唔到就係做唔到。
唔好講到 Megabox 有好高戰略價值，根本打左個五折。
再講番你自己條線平日非繁客量有幾合理，唔好笑大人個口，大大間醫院係度潛力會差過一個平日成個死城既商場？

既然海濱道已經有 14X，呢條 megabox 尖咀線有無需要做埋海濱道？

而我上面回應 10598C 版友對我走線的質疑，已經講左一樣野，
條線一班車載左幾多客係一件事，咁多條線加埋一共做左幾多客，
同樣資源搵到幾多新客，先係重點

再環顧九龍灣、觀塘、觀塘山四周，九龍灣尖咀線 10 分鐘步行距離內無替代品，條路亦唔好行，
增長潛力最大，你都識話有班客係坐緊x shuttle 去地鐵站

Megabox 睇落好似死城的鐘數，德福、淘大又好旺？
而且唔止係 Megabox，九龍東成堆近年新落成商廈，
往往帶來意想不到的需求，215X 創紀、219X 偉樂街有辦大家睇，
而九龍灣除左海濱道已經有 14X cover 外，大部份新落成商廈都位於 megabox 附近，
而且行去九展比起 megabox 更唔就腳

如果 14X 兜入海濱道搵新客係可以的話，點解康翠尖線食埋 megabox 又唔得？

S3BL100 發表於 2018-4-3 00:05
我睇錯你個新方案果度，我先道歉先

不過唔影響我的立論

98D拆線個方案，可以由98D抽嘅車似乎更多，亦都唔駛走入九龍灣呢個無定向黑洞

自從有幾次比九龍灣塞死左，我對於九龍灣已經避之則吉，何況全日計九龍灣客量唔會夠其他方案穩，走入九龍灣亦都唔係居民最想要嘅野

居民寧願有條線經淘大，或者繞道土瓜灣，甚至經安達、新清、土瓜灣出尖沙咀，多過有條全日線去九龍灣

大家都唔係唔知111、106非繁蝕成點，康翠九商巴士線，只需要有繁時已經非常足夠

dennis28a 發表於 2018-4-3 02:55
無咁多時間同你坳你堆歪理，咩野地區意見廢話，
你又肯定人地肯放走條 93K 做你條康翠九商沙出黎？咁前提 ...

綠小 87、89B 非繁係蝕到入肉；106、111 直頭幾度想放棄成條線，叫後期靠到兩繁假日支持住吊鹽水。
紅綠小都平日做到咁霉，連睛朗假日部穿梭巴客量都麻麻，會唔會你高估左 Megabox 客量呢？

106, 111 專線都是同一個奶媽生的, 以我所知二條線繁忙時段是出不足車行, 所以 106 先有上滿客私牌直上繞道返秀暉樓而不停牛頭角道的快車
其實樓主可直接同運吉投訴會直接受理.
71A 專線提早尾班車收檔, 已比運吉行政警告過.

但 87, 89B 不是喎, 87 是邱玉英(牌照是 17202C 的客運營業證), 乘客通告有「順盛（香港）有限公司」（Success Sino (Hong Kong) Limited）的印章
http://hkbus.wikia.com/wiki/%E9%82%B1%E7%8E%89%E8%8B%B1
89B 是誠時有限公司
http://hkbus.wikia.com/wiki/%E8%AA%A0%E6%99%82%E6%9C%89%E9%99%90%E5%85%AC%E5%8F%B8
根本不一樣的

起碼 106, 111, 89B 上不晒 MEGABOX 堆客, 不是駛鬼要三條線?

S3BL100 發表於 2018-4-3 06:57
我講出一D你唔岩聽、你覺得唔需要理既地區意見，你就鬧人係歪理，
覺得問題好似唔使理、唔存在。好波⋯

咁 213X 改唔成，係唔係 98D 唔可以改？

但我同你好大分別

完全無，甚至更離譜，人地提出所有方法都 Reject，要堅持你既方法，邊個問題最大？
你有考慮過補償？你口中所謂既補償同無補償無方別，你覺得 No 就 No 唔洗改，仲山頭主義過當區區議員。

好似上一次
你竟然仲走去 quote 人一半唔 quote 另一半，玩斷章取義，
去將你用 95M 代 98A 做 BBI 線的方案合理化，
我批評你之後，你就潛左水。
你點樣同乘客交代，包括點樣補償無啦啦受影響的秀暉樓 98A 客，你到今日仲未找數

唔好意思，我貴人善忙，有時間關心下區內其他更有意義既野好過。
「無啦啦受影響的秀暉樓 98A 客」，有無考慮過秀暉樓其實有得益，行過少少有一更穩定既巴士服務唔係叫補償？
你咁既論調全香港所有重組都唔洗做，區區樓下都有一條線就得啦。

但又好自相矛盾，要求人地 95M、93K 取消交車拎佢做重組，
咁其他區無左條線又當無事，突然將個目光集中係觀塘區又鬧人有問題，邊個玩緊語言偽術呢？

曲解人地文意後打稻草人，換著係幾年前 italk，係可以告罵戰停版的

好似我無曲解你文意，而係你曲解我文意再話斷章取義就真。

仲有呢度 359 版友問你，213X 到底係咪真係好客到寶達上爆，
邊班車爆，你又係未找數。
人地明確指出 megabox 去九展段路唔好行，你又視而不見

係 213X 正式加班前，安泰剛入伙，有當區區議員反映過有八點幾左右有車去到寶達要企。

Megabox 去九展段路唔好行，我咪講左可以行去宏展街上車。
邊個係度曲解緊我文意，邊個需要道歉呢？

返工時間係咪去九龍灣商貿區需求多過秀順公屋區先？
你證明到非繁同假日去秀順需求都拍得住去九龍灣先算啦

咁明明現有秀茂坪、康翠並唔係無足夠交通需求落九龍灣商貿區，
點解唔係將一條單向既巴士線進一步係山上打爆出城呢？你繼續無視依個 Point，我講 A 時你又去番 B。

一係倒轉，你開條專線做返工番無問題，我敢寫包單綠小 106 同 111 放棄經營權（已經想唔做好耐），而綠小 89B 亦會出聲反對。
咁係唔係條新線做晒安達臣、牛頭角補償番上面既服務？

點解仲要開一條非繁完全重疊既路線出黎？

我想講既係，入面有得搭，自然就會有唔少客作首選，
就算疏、貴都好，至少唔使再行出去上車。
更何況你都識話有班客上左 shuttle 去地鐵站

如果有條尖咀線停正 megabox 門口，你覺得真係仲會有幾多人由果頭行出去輔警或者九展坐你口中果堆車海線？

咁問題係，係唔係個個都係 megabox 返工？德福大廈、Space 係唔係一定會行返去宏照道上車？宏照道行前少少就係輔警。
297 係全個九龍灣獨市落黃埔、紅磡內街，試問你條尖沙咀康翠線比起輔警／九展有咩咁特別？吸引到人等 20-30 分鐘一班車？

唔好講咁遠，近少少 14X 海濱道獨市生意，下繁已經開緊 20 分鐘，一樣儲唔到太多客，最後又係有客頂唔順上 shuttle 去地鐵站。
班次唔密趕客係主因，一日 14X 唔係去到 10 分鐘都好難玩落去，假假地 215X 同 219X 分別玩緊 8 同 12 分鐘。
14X 根本唔值兩繁 10 分鐘。

唔好忘記一個重點，上得公司車駁鐵既人，主要係想準時，正如大把人觀塘人一樣唔上 215X 保鐵落尖沙咀一樣。
215X 如果真係載得晒所有客，絕對唔係 8 分鐘一班可以應付到。

既然海濱道已經有 14X，呢條 megabox 尖咀線有無需要做埋海濱道？

根本唔應該拎 14X 做海濱道，直頭唔應該行海濱道。
上下繁，九龍灣、牛頭角內街塞到傻，好地地 15A 由創紀二期去到啟業都要 15-20 分鐘。

點解仲要拎油塘線、康翠線去做依兩舊餅影響班次？
係九龍灣、牛頭角內街一日未有更好方法解決上下塞車問題，開任何新線入面都係死。
你硬係要開多條新線專登入去塞車。

28B 好地地係 Megabox 燈位去到零碳天地落車，唔好彩都要 5 分鐘，下繁如是，假日更甚。

而我上面回應 10598C 版友對我走線的質疑，已經講左一樣野，
條線一班車載左幾多客係一件事，咁多條線加埋一共做左幾多客，
同樣資源搵到幾多新客，先係重點

再環顧九龍灣、觀塘、觀塘山四周，九龍灣尖咀線 10 分鐘步行距離內無替代品，條路亦唔好行，
增長潛力最大，你都識話有班客係坐緊x shuttle 去地鐵站

條路亦唔好行依點係可圈可點，有人覺得唔好行，如果真係咁難行，九展、宏展街應該一早無晒客先係。
宏展街係有能力短短 10 分鐘儲到 30-40 個尖沙咀客上 213X／224X，而隔離九展個站一樣係有驚人增長。

另一個重點係，其實有唔少尖沙咀客係鐘意去宏通街上車多過輔警依個站，原因為宏展街多左架 224X。
咁有幾多人會特登係臨華街上一部 20-30 分鐘既車，而唔行多 2-3 分鐘去輔警／宏展街叫幾味？

定你想新線兩繁直接做 10-12 分鐘？咁就可能有得玩啦，但值唔值為左專登塞入九龍灣而變相倒車去維持班次？
到時用既資源同賺番黎既客完全唔成比例，值嗎？
仲要同 13X、213X 重疊九龍灣北、上秀、寶達，到時新線同 13X、213X 班次一定會出事，
如果 13X、213X 班次唔可以減，新線根本唔夠客做到咁密，跌番兩繁 20-30 分鐘有咩用？


606 同 641 最大問題，唔單係觀塘道車慢，而係啟業去到創紀之城係要搞成 15-20 分鐘。
如果新線再跟 297 入內街，點行都要浪費時間，值唔值得為左一班一定願意行既人而搞慢來回行車效率？

你口中入面既新客，究竟仲有幾多？
所有啟隧線一定會停果幾個站，本身係無特別資源需要招呼佢地，係零消費。
你單方面計一定會多左新客，但係犧牲左新線下繁班次穩定性，去到尖沙咀更易脫班，然後跌客去番 215X 轉 98A 或 213X。咁有咩好處？

為左入個九龍灣，新線兩繁咁搞要加多幾部車行，假日又一定會脫班，咁又值唔值？
假日又有幾多人會由 Megabox - 九展 - 尖沙咀？根本無得做。

Megabox 睇落好似死城的鐘數，德福、淘大又好旺？
而且唔止係 Megabox，九龍東成堆近年新落成商廈，
往往帶來意想不到的需求，215X 創紀、219X 偉樂街有辦大家睇，
而九龍灣除左海濱道已經有 14X cover 外，大部份新落成商廈都位於 megabox 附近，
而且行去九展比起 megabox 更唔就腳

如果 14X 兜入海濱道搵新客係可以的話，點解康翠尖線食埋 megabox 又唔得？

真係差好遠。
Megabox 死城的鐘數，德福、淘大間超市仲客似雲來，而 Megabox 間惠康一個鐘可以連 10 單生意都無。
到酒樓，德福間稻香搬到上 8 樓都仲要等到傻，Megabox 果幾間，早茶、下午茶要等位咩，有部係一陣？
到戲院，德福、淘大兩間戲院係多成倍人入去睇戲；重點係，其實九展果間放工後戲院仲多人過 Megabox，死未（你鐘意自己研究下）。

海濱道班客一收工呢，幾乎係唔會行去 Megabox、九展行街，只係一支箭去觀塘道搭車，或者上公司車走人，因為 Megabox 返屋企麻煩。
Megabox 除左主力做假日家庭客外，除左 Lunch，其他時間都係死死地，近年仲要越做越差，隔離九展仲進取。

將軍澳、觀塘山、藍田山果批公屋客，當中有部份係安置重建居民，佢地會寧願去朋友屋企附近行，再上去打牌吹水。
Megabox 最大缺點係所有公屋、居屋、私樓都要專登搭車去，你建議新線根本對錯晒對象，做既目標客群錯晒。
你只要睇番 Megabox 成個商場做緊咩野客就知，後生、家庭客為主，特別係有車中產客。

康翠秀茂坪假日家庭客有幾多？Megabox 買野，睇戲都唔平，你條線主打公屋客，仲要係公公婆婆，點可以拎佢同 297 做緊既中產客比？
公公婆婆會唔會落去 Megabox 買 Aland 同 H&M？上去 Foodcourt 食 Papper Lunch 同遛冰？去玩具反斗城買玩具？頂多去宜家涼冷氣。

根本康翠 - 秀茂坪 - 九龍灣非繁無需要多一條巴士線入內街，而家服務直頭係過剩，仲做黎仲咩？

寫字樓通勤客係唯一出路，但兩味為主，非繁九展、宏展街已經有非常充足巴士服務，近德福平台果排又唔會專登落去搭巴士。
得番企業、Megabox、國際交易中心叫做有潛在市場，你點做都做唔到 215X 8-12 分鐘一班，仲要同 215X 東行重疊。
隔離 30 分鐘 14X 係人版，非繁客又唔係多，但又唔夠客加密到非繁 15 分鐘一班，點搞都係死。

但為左入一入內街，14X 已經付出好大行車時間代價，
Megabox - 尖沙咀依批客又唔係唔識行，兩繁搶番九展／宏展街班客，而打亂晒全線班次又好值？
記住，215X 行去創紀，219X 行去偉樂街時間，係同企業行去宏展街／九展時間相若。

我試過下繁係宏展街上 224X，完全改晒觀，點解創紀、偉樂街係人辦，宏展街／九展就唔係人辦？
你幾時見過九巴專登開條偉業街特車去做 215X 同 219X 兩批碼頭區行到傻既客？唔可以咁雙重標準。

最後，你對九龍灣未來發展方向完全錯晒，九展對面係九龍灣最貴商業核心地皮，九展直頭準備拆隧道起新橋駁去新商廈去到啟德區。
反而 Megabox 要起都起緊或起晒，全部係純單幢商廈，仲要準備起天橋駁去德福。
九展對面果排樓未來先係最有肉食既地方，宏通街對面西行仲要加新路，有心想做 Megabox 係外圍加站就得，而唔係入內街塞車。

果頭仲要係未來 T2 主幹路轉乘巴士彎位置，如果真係出現一條觀繞快線係九展落橋，對長遠發展先係最好。
一開始入左內街就無得返轉頭，亦唔無必要。

突然諗到，既然 S3BL100 版友話入九龍灣唔算慢，Dennis28A 版友又話有106、111等線服務山上至九商，但兩條線都蝕錢蝕到入肉，倒不如一齊重組三條線

93K改做類似 S3BL100 版友嘅方案 (可考慮跟28入土瓜灣)
而111跟102咁改行觀塘道 (亦可考慮逆走經寶林、將隧)
至於106就縮短去淘大，經振華道

咁做一方面可以滿足康翠有尖沙咀(/維持土瓜灣線)，亦都提升106、111小巴服務意欲

10598C 發表於 2018-4-3 09:39
98D拆線個方案，可以由98D抽嘅車似乎更多，亦都唔駛走入九龍灣呢個無定向黑洞

自從有幾次比九龍灣塞死左 ...

點計算新增客量問題，之前已經講左，唔重覆

尖咀線係居民想要既野，但如果併埋九龍灣做，會唔會因為入九龍灣所以居民寧願唔要？

當然，仲有幾個方案我都會收貨的。
繞道土瓜灣 OK，跟 213X 經樂華走都 OK（不過因為 213X 包袱被迫做循環線，
回程真係有機會 0-30 分一班），但又安達又土瓜灣我覺得唔合理

原來經安達兩繁雖然避觀塘道塞車，但非繁觀塘道唔塞果陣，時間同觀塘道打和。
況且安達泰已經有尖沙咀線，再多條尖咀線入去做乜

如果跟我個方案但加經土瓜灣，我覺得都唔 OK，原因自己參透下

又咁講，入九龍灣既 106 111 非繁蝕錢，但康翠尖唔係只做九龍灣生意，
唔會因為入一入九龍灣，而搞到更蝕。
如果開呢條線入去，結果令到服務麻麻的 106 交牌，達成佢地心願，
又令山上客兩繁唔使等幾班車都上唔到，其實未必係壞事

而且如果補得晒土瓜灣、德福，咁到時康翠尖線
只要行車時間合理，點行都唔係重點，因為已經滿足晒其他野

P.S. 28a 長文之後再回，我另一部電腦上面 draft 左回應，
但我唔打算解決原則性問題之前，逐點慢慢花時間回應細節

dennis28a 發表於 2018-4-4 04:11
咁 213X 改唔成，係唔係 98D 唔可以改？

我無講過 98D 唔改得，問題係你個方案，
98D 就咁拆兩條，坑口專線會唔夠客，落實機會有幾多？

如果係 98D+296D 重組，一條康翠寶林，一條坑口尚德，又另計，但亦有問題要處理

同埋你終於承認你個 213X 方案有機會出事啦？

完全無，甚至更離譜，人地提出所有方法都 Reject，要堅持你既方法，邊個問題最大？
你有考慮過補償？你口中所謂既補償同無補償無方別，你覺得 No 就 No 唔洗改，仲山頭主義過當區區議員。

咁請你話我知我邊忽無考慮過補償人地

反而我已經指出至少兩處你唔考慮補償人。
首先係 213X，我同你三番四次講秀康樓會出問題，正常根本估到
乘客唔會接受打回原形得返一條 13X，入機隧慢 10-15 分鐘，去尖東再慢多 10 分鐘，
而你就覺得因為 213X 應該行繞道，所以秀康樓問題係「歪理」

但我至少已經提出，213X 改行繞道後，康翠尖線可以跟今日 213X 行法，
做返秀康樓至樂華牛頭角，減少影響。
雖然我係提出康翠尖線行九龍灣，但我已經講明仲有至少兩個方案，包括經樂華走，我都會收貨

其次仲有：

唔好意思，我貴人善忙，有時間關心下區內其他更有意義既野好過。
「無啦啦受影響的秀暉樓 98A 客」，有無考慮過秀暉樓其實有得益，行過少少有一更穩定既巴士服務唔係叫補償？
你咁既論調全香港所有重組都唔洗做，區區樓下都有一條線就得啦。

秀暉樓仲做緊南邨客，叫班南邨客行去秀程樓坐車係「行過少少」？
返屋企果程，寶琳北路寶達邨落車日曬雨淋，仲要過多兩條馬路，
望下秀暉樓個站的使用量，正常人都估到無可能過到。
但你就覺得因為要將 98A 改行隧道，所以呢大量乘客可以唔理

仲有康翠客車程拖慢，尤其非繁；成條線觀塘道上落乘客當中七成人受影響，又可以唔理

更穩定？叫班人「行過少少」坐車係令車程更穩定的唯一方法？
如果係轉兩邊總站令車程更穩定的話，今日 98A 已經可以唔理 apm+轉乘客擺雅麗道。
我話如果 95M 改到好似 98A 咁行減少影響，你又唔理，凡親同你意見相左就係歪理，
到底邊個玩一言堂？

好似我無曲解你文意，而係你曲解我文意再話斷章取義就真。

都係啦，請你指出我邊忽曲解你文意

係 213X 正式加班前，安泰剛入伙，有當區區議員反映過有八點幾左右有車去到寶達要企。

Megabox 去九展段路唔好行，我咪講左可以行去宏展街上車。
邊個係度曲解緊我文意，邊個需要道歉呢？

「去到寶達要企」已經同你之前聲稱「寶達前夠客起頂閘」(#94) 差好遠，而家又打算蒙混過關？

你係有話過宏展街有車坐，有一定客量 (#97)
但你無說服過 359 版友 (#95) 呢段路係好行

我 google maps 度到條路長 900 米，要行 12 分鐘，
由國際交易中心出發，仲長少少。
如果樓下有車坐，就算 20 分一班，都唔會差過行十幾分鐘出去叫幾飛

至於你其他關於九龍灣既觀點，我至少一半唔同意。
至低限度就算下繁塞車都好，只要做雙邊總站，係唔影響尖沙咀佐敦返康翠乘客
仲要係因為代 213X 做樂華同秀茂坪道而被迫要做循環線的方案，真係會影響尖沙咀返屋企班次，
淨計車程亦慢過我回程只加停宏通街就轉上繞道的方案，我都會收貨

至於上繁喇喎，九龍灣塞完原來係唔慢過 98P 落寶林塞將隧，同 213X 行法都係差唔多平手

不過呢D好大程度都係技術問題，最大問題係
你自己見到唔岩聽既觀點就話人「歪理」、「離譜」；
為左達到自己心目中的重組，就可以唔補償人，然後屈人地唔補償受影響既人；
一定要跟自己果套，人地指出你果套有咩問題，就屈人地「一言堂」

我本來係唔想翻舊帳，但係解決左呢D原則性問題同埋我最反對你既原因前，
講太多咩九龍灣、咩重組方案，都無意思