93K改經九龍灣商貿區修訂方案

GW5878 發表於 2018-3-29 22:41
搭 E22A 由觀塘道返將軍澳有咩問題？價錢合理，時間上又唔係太差，有次下繁我係觀市搭返去 E22A同 98A 同 ...

算吧啦你

觀塘道車海同 98A 有轉乘的前提下，我從來唔認為 93K 撤離觀塘道需要補償德福淘大客，
問題只係點樣滿足議員

而你叫人坐 E22A 係仲差過 1A 3D 11B 11C 11D 14 15 16 17 轉 98A，不如慳返啖氣，索性叫人轉車都好過塞垃圾俾人

S3BL100 發表於 2018-3-29 23:49
93K 如果做觀塘道土瓜灣半直通先落尖咀，應該會慢過繞道入九龍灣再機隧出佐敦尖咀

而且前者基本上無新客 ...

九龍灣出尖沙咀一係出去輔警搭車，一係去九展搭車，呢啲乘客一直都存在，唔會冇出現過，做九龍灣至尖咀講得好聽啲就係左手交右手，講的差啲一樣係執雞

雖則觀塘道土瓜灣尖咀半直通非繁我唔否認唔係快，但繁時計未必差得遠

咁樣改半直通最重點嘅地方係兩不誤，既唔會令到康翠冇車出九龍灣，亦都唔會令山上冇車出土瓜灣，反而快左，又令康翠有車去尖咀，又有觀土班客坐，亦都做到觀九-佐尖半特快

係紅van同105甚至地鐵手上搶返嚟嗰班客先叫做真正嘅生客

S3BL100 發表於 2018-3-29 23:45
一拆三就免了，如果真係拎 93K 來玩，應該係要換埋全日尖咀線返來，而唔係淨係換沙田線

...

就算93K死
最多只可以換一條新線
咁要睇下山上想要尖咀定沙田喇

JX9097 發表於 2018-3-30 12:40
就算93K死
最多只可以換一條新線
咁要睇下山上想要尖咀定沙田喇

93K 本身 11 部車，新線一定用唔足咁多車

10598C 發表於 2018-3-30 00:50
九龍灣出尖沙咀一係出去輔警搭車，一係去九展搭車，呢啲乘客一直都存在，唔會冇出現過，做九龍灣至尖咀講 ...

講左好多次，九龍灣客倉係 Megabox 附近，
果度行去九展或者輔警都唔就腳，亦唔近過行去地鐵站，
相信有唔少客流失左去地鐵

做半直通？呢條咁既線，無藉口同其他線共用車隊，無得用埋今日 98P 果兩部車，
而且唔可以開太疏，結果用車數目隨時同今日 93K 無異

如果尖咀線經啟隧佐敦，可以用現有路線，例如 98D 分支名義去做，
實際加車數目分分鐘得 93K 既一半

剩返果一半車，想用來同其他線重組開沙田線又得（但假設 88X 點都拆的話，
拉埋入翠林都只係用多兩部車），開條 30 分一班落土瓜灣，
借埋佢地過剩資源益埋安達安泰亦得

想維持康翠有車去土瓜灣，唔代表尖咀線一定要經土瓜灣。
當然俾 105 獨大未必係好事，但問題係 93K 土瓜灣往返康翠有幾多客先，值唔值得本末倒置

S3BL100 發表於 2018-3-30 22:44
講左好多次，九龍灣客倉係 Megabox 附近，
果度行去九展或者輔警都唔就腳，亦唔近過行去地鐵站，
相信有 ...

好老實我真係情願留低105同297都唔想要93K
105都仲叫做可以做寶林返上山，山下留297去九龍灣都仲有用，93K除左搶錢之外我睇唔到有咩功能

仲要諗埋出年東西線就通車，呢個時候鋪定路送93K一程係絕對有需要

S3BL100 發表於 2018-3-30 22:44
講左好多次，九龍灣客倉係 Megabox 附近，
果度行去九展或者輔警都唔就腳，亦唔近過行去地鐵站，
相信有 ...

我用最保守嘅Google Map計，無論邊一個時段九龍灣出尖沙咀最快都係出九展搭巴士

你話九龍灣出尖咀會走落地鐵？唔好玩啦，巴士塞完車一站直出尖咀隨時20分鐘都唔駛，地鐵仲站站停緊

既然巴士係車程上有優勢，換句話如果真係怕塞車點都會落地鐵，就算有條線兜過嚟九龍灣門口都係唔會有人搭你出尖沙咀，何況仲要係開半粒鐘一班，尖咀方向隨時未落到九龍灣隨時已經海鮮班次

更何況康翠—九龍灣—尖咀只限兩繁，客源窄，康翠塞完九龍灣先去尖沙咀觀感又唔係特別好，亦都唔開得密，下繁返將軍澳直程0~30分鐘一班

呢條半直通雖然我唔打算開得疏，但亦都冇人話過唔準開得疏，亦都冇人話過唔準抽其他車行

正正呢條線“串通”1A、11B、11X、14(X)、15(X)、17、26、98P等線，一樣可以左減右減一兩部出嚟冇難度，遲啲沙中線開左之後就更加多車減出嚟

還掂呢條線都係服務土瓜灣，減車出嚟做觀土半直通直程抵玩，你睇15X頂閘頂成咩樣就知，土瓜灣至九龍灣之間直飛，係有唔少捧場客

同埋另外提一句，98P而家咪又係98D抽車柯打行，98P未來加班咪又係95抽車行，冇人話過一定要同一個number先可以抽車行

如果參考返你之前嘅建議減98D，查實條線已經接近減無可減，除非你想98D上繁入坑口落到30分鐘一班

我同議員交涉過，佢話除非95M全日延長去淘大，否則冇可能比93K飛走德福，105查實服務質素越嚟越差，係咁多限制底下，我只覺得轉半特快係最貼地嘅做法

同時，我亦都諗唔到有咩方法可以維持康翠土瓜灣巴士線，而又做到特快尖咀線，亦都做到沙田線

條半直通嘅好處恰好就係最容易過到議員嗰關，亦都對現時嘅乘客影響最細，但同時亦都向康翠提供合理車程前往尖沙咀，亦向山上乘客提供更快嘅車程前往土瓜灣，同時吸納觀土觀佐半特快嘅乘客乘坐

你話我嘅建議93K隨時減唔到車，咁梗系啦，我比起你嘅建議，中間做多一大堆流水客，班次亦都靚過你嘅建議唔少

再講你都識講拆88X只不過係加兩架車，呢兩部車無論將軍澳重組攞出嚟又好，沙中線重組到抽又好，要減車根本唔困難

至於係咪本末倒置，就見仁見智啦，究竟本係康翠—觀塘道—土瓜灣，定係康翠—九龍灣—尖沙咀？恕小弟才疏學淺分唔清

10598C 發表於 2018-3-31 00:39
我用最保守嘅Google Map計，無論邊一個時段九龍灣出尖沙咀最快都係出九展搭巴士

你話九龍灣出尖咀會走落 ...

乜你覺得有替代品而且需求唔大的九龍灣、土瓜灣，
比起而家本身無全日車而且需求明顯更大的尖沙咀，原來更有需要，
去到一個地步，可以為左前者而要後者繼續忍受相當唔吸引的車程？

九龍灣塞埋都唔差得過觀塘道土瓜灣停站，
你仲未計回程，就算俾你做半直通，都會慢過行東九廊停埋九展同宏通街就右轉上繞道至少 20 分鐘

爬山經觀繞九龍灣東九廊，因為行法同 98D 相差較少，尤其是回程，
因此可以大條道理微調 98D 逆向班次，計埋本身而家上晝有兩班 98P、下晝一班，
只需要抽 93K 六部車就已經可以做半全日 20 分一班 (i.e. 回程遲開、去程提早尾車），
仲有五部車俾你做其他野

但係如果學你玩半直通，98P 因為車程同服務範圍差太遠，已經唔郁得。
就算你話可以由 1A 14 15 甚至 95 抽車，事實係可用資源更少，而你要動用更多資源去做你條半直通

況且我真係唔認為觀塘道來往土瓜灣佐敦尖咀好需要呢條半直通執雞。
觀塘方向仲可以話九龍城迴旋處有部分時間塞車，但土瓜灣方向唔塞，
而家 14 15 本身都唔爆的前提下，你隨時搞到 14 15 甚至 26 同你呢條半直通攬炒

而你將呢條線可以做埋流水客視作賣點同好處，似乎
你真係覺得呢班客比起貴區居民更重要。
你批評我入九龍灣係執雞（但事實係 megabox 同臨華街行去九展唔就腳，
生客亦未必識行），但你自己將執雞視為好處，簡直係雙重標準

又咁講，康翠來往德福淘大真係要補位的話，條線之後直入沙田係好過去土瓜灣，
唔係事必要將德福淘大同土瓜灣捆綁埋一齊

因為康翠去土瓜灣有替代品，觀塘道沿途去土瓜灣係執雞，
但康翠無全日車去沙田，88X 而家只係單向做觀塘道，返工時間無巴士入火炭，放工時間亦無巴士出來

係你覺得好似一定要德福淘大同土瓜灣串埋一齊做，連居民需要都唔理

就算真係要補土瓜灣，唔該，翠林經安秀道新清落山返 93K 原線，30 分一班，
回程九龍城飛橋做半直通，至少可以抽安達水，安秀道去土瓜灣養固定客源
去維持康翠有全日車去土瓜灣，好過你走去執 14 15 雞

S3BL100 發表於 2018-3-31 12:46
乜你覺得有替代品而且需求唔大的九龍灣、土瓜灣，
比起而家本身無全日車而且需求明顯更大的尖沙咀，原來 ...

行觀塘道上路去尖沙咀車程有幾唔可以接受？定係你覺得繁忙時間塞入九龍灣車程好快？我亦都唔認同你回程嘅走線只停宏通街呢個方案

你嘅方案開就開20分鐘一班(我一直以嚟記得你都係開全日30，唔知你幾時轉左20分鐘)，實際嚟講經足咁多塞車位其實就係0-40分鐘一班

話條線似唔似98D成件事根本好主觀，我條半直通一樣係做緊康翠至尖沙咀，睇地圖嘅話根本只係行上路而非公路嘅98D

我作為本區居民，深知我本區一定唔夠客撐一條全日線只做九商同尖沙咀，唔係嘅話我駛睇班流水客咁重要？客源窄，途經塞車路段加循環導致班次極度不穩已經死得

你所謂用6部車做康翠—九龍灣—尖沙咀，然後剩返5部車出嚟咪又係要做一條土瓜灣線，但兩條線班次都係唔靚，仲要得半全日

但對於一般市民嚟講，究竟慢少少但係全日15/20分鐘一班，定係快少少但係全日半粒鐘一班好？受惠嘅人數邊個會多啲？

另一方面，巴士公司係邊個方案蝕錢嘅機會最小？邊一個方案過到區議會嘅機會最高？

就算條將觀沙火嘅線經德福，咁我條線到時候直程可以踢上去行觀繞，或者安秀道新清落土瓜灣尖沙咀一樣得，因為14或15是但一條可以直接轉特快

但我始終不敢苟同要有一條全日線由康翠入去九商，起碼去土瓜灣嘅客路大過去九商唔少

最重要嘅係，整體客源要廣，班次亦都係要acceptable，呢個先會係最大機會win win嘅方法

最希望寶琳北路過將軍澳隧道橋底後建設一條路作巴士線給巴士過翠林邨後直接左轉上將軍澳隧道