梨木樹巴士不便利居民 區議員：多年無車出尖沙咀

tonychow 發表於 2018-12-7 10:44
唔反對佐敦止步，但正如我之前講，九記開快線目的純粹係為咗減車同 upgrade，一係節省資源，一係開空氣線 ...

但荃威加麗城做尖沙咀特快，都幾可肯定出去幾難夠客，除非大循環
有934做例子，我諗九巴更加唔想整條要同少站西鐵打嘅特快

中港城疊住西鐵線柯士甸站，海皮同尖東永安又疊住尖東站，呢兩度會出得比較少客
可惜基於道路網限制，尖沙咀特快頭站一定會係柯士甸站附近，之後無論係行柯士甸道、彌敦道或直行廣東道入去都好易塞車
金巴利道站幾有競爭力嘅，但由匯翔道開車轉去停站之前已經要過五關斬六將，280X上繁半車都係九龍站落車，或者俾到少少啟示

如果做循環，可以經九龍公園徑、彌敦道做到金巴利道站，但就要先兜海皮，兜咗路感覺點都冇咁好
213X/219X過咗半島同九龍公園就冇咩人落車，去程最大舊客係尖東落
當然260X加連威老道都有客落，但始終......屯門出去車程長，巴士比較好打嘛

最後就係尖沙咀特快就算大循環，要籌嘅車數都唔少，個人認為唔係太值得
假設一出一入啱啱好一個鐘搞掂 (實際應該要多5-10分鐘)，20分鐘一班要搵4部車，15/16分鐘一班要搵5-6部車
而無論由30、30X、34M、234X抽車，都會有唔係去尖沙咀嘅乘客受影響 - 234X雖然可以縮短去西九龍站換取減少啲班，但來回程加埋最多都只係少10-15分鐘咁大把，非繁都係要湯落20再加30縮短減1車先做到新線20分鐘一班 (當然，234X係有234C柯打，但堆柯打攞黎救番原先要做嘅班次先啦！)
除非荃威肯接受30X減埋落20/30分鐘一班，甚至撤出祈德尊新邨改執沙咀道/荃灣東散客 (換言之即係分埋大部分班次同客源去234X)

反而拆旺角特快，起碼真係有一半以上原先搭緊30X/234X嘅人可以受惠，亦無咁驚唔夠客，當然特快效果相對會弱啲
但咁樣咪轉個思路囉，改以繁時特別線全日做名義，希望喺本來有服務嘅情況下變相宣傳 (麗城去油尖旺本身有234X，如果有日見到打住尖東麼地道234P嘅牌，會照上？然後坐感唔錯又會些牙下比其他街坊)
268X嘅成功 - 由全日拆線初期只得下繁入元朗10-12分鐘一班，到而家來回最密一小時有7-9分鐘一班，證明旺角特快都有其吸引之處嘅

tonychow 發表於 2018-12-7 10:44
唔反對佐敦止步，但正如我之前講，九記開快線目的純粹係為咗減車同 upgrade，一係節省資源，一係開空氣線 ...

依家荃葵都叫做每區/1-2 區有一條線出深長茘旺角，基本上只要唔收車，都算合理服務。例如 33A，唔計楊屋道果段，新區上車落深水埗甚至旺角，我覺得都仲喺接受範圍入面。
問題係如果改快拆線重組等等，基於客源減少 (由深長茘油尖旺 變做 只做深長茘 或者 只做油尖旺)，最後會唔夠客。

我又唔係咁睇
上面唔少版友都講過，行西廊其實可以吸引到一班人回流
當然速度上西廊同長沙灣道唔少時段都只係差5-10分鐘
但單係飛公路俾到既速度感，都已經有唔細既吸引力
至少見到，268X/68X拆完線之後，都好明顯多客過以前一線走天涯年代
我覺得拆西廊旺角特快，本身係值得做
而如果過程中可以擴大埋服務範圍，就更加（for instance 33A/37拆線落埋油麻地/佐敦/尖沙咀）

梨木樹點解係例外
純粹係因為新界段走線仲有空間再改快（棄上路，行下路葵涌道天橋）
九龍段/新界段同時改快會唔夠客既前提下，改快新界段班次更密效益更高

依家 234X 非繁都未坐滿就上公路，拆完線就會更少客。7 L; X1 A1 s0 G9 u: n  V0 ]) z
一個正路解決方案就係將路線兜多一區，例如 30X 同 234X 合併，一條荃景圍兜西約，一條西約兜荃景圍；一條做深長茘，一條油尖旺。

234X肯定無條件自己分拆旺角特快
你個所謂“正路”方案，亦唔會work

點解？
我假設——
1. 長深荔線：西約兜荃景圍
2. 油尖旺線：荃景圍兜西約

西約出長深荔就會慢咗5-10分鐘，祁德尊變相無咗油尖旺線

調轉——
1. 長深荔線：荃景圍都西約
2. 油尖旺線：西約兜荃景圍

今次就到祁德尊無咗深水埗線，講兩繁柴灣角班客直接倒走
而無論用邊個方案，荃市都會有變無

30X/234X呢組線
講咗咁多個方案，我仍然屬意30X行楊屋道做旺角特快、30拉直補長深荔位
倒曬大涌道班客俾234X，234X就會夠客拆線，做西約>象石>梨木樹>佐尖
西約兜梨木樹其實唔係真係咁唔順路
朝早234C其實只係比234D慢6分鐘，西約兜梨木樹需時分分鐘仲少過兜荃景圍

ricky 發表於 2018-12-7 11:19
你的32A/32X當然快，但九巴都唔會咁做，佢一向都唔願意改革果度的交通。

不過，你同時要解決來回石圍 ...

上面講既32A/X方案，九巴唔肯做其實好正常
象石梨木樹直飛旺角，夠唔夠客真係好成疑問

九巴大發善心肯做既，對梨木樹而言固然好
但做人唔好太貪心
梨木樹基本盤係得咁大
要有心理準備，新界段九龍段無可能兩邊都特快
我上面打咗咁多篇千字文，就係想講
飛葵涌道天橋，掃曬長深荔旺角
效果會好過兜石籬上路，再飛西廊直落旺角

不過，你同時要解決來回石圍角至華員邨，同埋石圍角去石籬(回程有94小巴)的交通問題，尤其是返放學時間。

無話要取消32

238X 發表於 2018-12-7 13:32
先講揸車。公共交通好基本上無人想揸車。海濱連去錦田都可以一程鐵，揸車誘因其實頗小。我自己都係非繁去 ...

36B盤數幾乎肯定見紅
我會覺得主因係條線繁時粒半鐘都唔知行唔行得完一單
但只係收$6.8仲要得一水客
同樣行車時間俾59M，已經做完一轉，收咗兩次$8.4

32 食 36A 係最簡單，但我會認為呢條只係一條「中間線」，飛完葵涌好大機會都係要跟 36B (北行跟 36A)。

之後我會考慮拉埋 31B 玩四變三：# R" M! X% _& w0 Y

新 32B：石圍角 <> 沿 32 舊線 <> 九龍改跟 31B (北行跟 36B 行元州街)，擺到明流水。唔一定要食哂 31B，但 31B 要同新線同路 (即係入埋元州街)，咁樣石籬可以 keep 住叫兩飛  Q8 l8 g& a! A( k8 S) z

32X：真正特快，停完和宜合道下一個站就鴉蘭街，如果驚唔夠客可以停埋同珍甚至光輝圍，但葵俊苑打後全部都要飛

你個方案其實同我上面提出既想法好似
重點都係盡量俾梨木樹用下路走，而唔係學36X兜石籬上路同35系鬥搶

其實說到底都係行車時間同班次既取捨
主要個問題係，新32同32X，究竟應該分開兩條做各自20分鐘一班，定一條過10分鐘一班？
兩個方案都可行，但俾我選擇，我會一條密車線做曬，然後再拆尖沙咀特快

最後，我同意應該開32B食31B做流水
但我會建議32B行返荔枝角道
然後35A拆線，新35A安蔭開跟31B落奧運站，35X飛西廊/大埔道做特快

Ricky403 發表於 2018-12-9 01:14
但荃威加麗城做尖沙咀特快，都幾可肯定出去幾難夠客，除非大循環
有934做例子，我諗九巴更加唔想整條要同 ...

68X假假地都叫做一條線皇，本身全日開緊個位數字班次
拆完線之後，68X非繁班次即刻跌一半落15

234X/30X本身已經開緊20
旺角以南條線如果食埋尖沙咀，客量尚算穩陣
但長深荔條線班次肯定跌倒落30分鐘一班甚至更疏
呢個我相信大家都唔想見到

而講到呢度，荃景圍同西約，情況又會有分別

30X本身慢
如果拉直30補位，對原有長深荔客至少唔會慢咗
新30可以食多三四水客（荃景圍<>葵興芳、荃市<>深水埗、大連排<>長深荔[補36A位]）
如果九龍端總站再拉長，擺落何文田，就可以處理埋41/45問題再攞多三四水客
30有條件用合理班次補到長深荔個位，30X就放心改旺角特快

反而234X
要拆旺角特快又唔影響到長深荔客，幾乎唔可能
基於呢個前提，我會傾向拆尖沙咀特快
西約自己拆尖沙咀特快又肯定唔夠客
所以一係就拉荃市，一係就學我上面group石圍角梨木樹

Ricky403 發表於 2018-12-9 01:14
但荃威加麗城做尖沙咀特快，都幾可肯定出去幾難夠客，除非大循環
有934做例子，我諗九巴更加唔想整條要同 ...

同西鐵重疊呢點我本身唔係好認同。
其實西約同荃景圍都唔係好近西鐵站，特別係後者。
識人住灣景，步行來回西鐵站都用咗 20-25 分鐘。
就算你話住麗城最近西鐵站果幾座，都要行 15 分鐘左右，搭車又唔係行路又唔係。況且搭車都無咩選擇，如果搭得 234B，不如荃灣站落轉紅色線算數，34 又貴 $1。
荃景圍就仲衰。以我步速，20-25 分鐘係夠我由西站行到去愉景新城巴總 (我行得算快)，平時等 39A 一個唔好彩走咗班車都要等 20 分鐘，上咗車仲要漫遊荃灣東，俾多 $4.3 仲要慢咗。兩架小巴，一架可以非繁收車，夜晚半個鐘都無一班，另一條又唔入西站 (同埋楊屋道都有相當機會上滿客飛站)。
當然我唔否認快線直去佐尖係客源單一，但呢點係佐尖線本身問題，唔關荃葵走線事。另外其實佐尖線拉埋落紅磡 (e.g. 黃埔，俾 30X 同 6F 重組) 亦係可行方向。

castanopsis 發表於 2018-12-9 04:45
我又唔係咁睇
上面唔少版友都講過，行西廊其實可以吸引到一班人回流
當然速度上西廊同長沙灣道唔少時段 ...

走線上我唔反對你條新 30 行法，不過有兩個問題。
其一，咁行應該唔會收到 $8.9，特別係你仲要食埋原來荃景圍 <-> 葵興芳客 ($6.4/回程 $4.9)、36A 客 ($5.8)，如果拉得太長又唔開雙向分段只會等區佬反對。當然我唔覺得九記會開雙向分段。
其二，30 餅碎位實在太多，真係好難補得足。
30 無咗，荃景圍來往荃灣東 (沙咀道、熊貓) 得返條 39A，亦無直線去茘景山醫院區 (瑪嘉烈、下葵涌分科診所) 同住宅區 (祖堯、茘景邨來往沙咀道)，況且茘景山交通本身已經差，再抽走多一條線就好慘了，而 30 有一半都算係茘景山資源，咁樣攞走法俾荃景圍重組講真亦唔公平。依家 30 得 5 架車，就算連埋 36A 5 架 (梨木樹要拆快線的話無理由 5 架全部攞去做新 30)，最後應該都係唔夠車拆一條縮短版茘景山荃灣線。
行長沙灣道無錯係有觀感問題，不過行象石梨木樹觀感上一樣唔好得去邊。講真我唔係常客，不過以前我會搭 49X 而唔係落地底，通常 8 點左右會喺荃錦交匯處至石圍角路附近見到架頂閘 234C。我唔知有幾多人會搭呢架頂閘巴士喺石圍角可風梨木樹落，不過如果搭 234C 落東九，仲要喺石圍角塞燈塞車 (特別係喺石圍角巴總出面排隊) 觀感同樣可以好差。
而睇返西廊線做得係咪好好，我會話部分西廊線一樣做得同深長茘線差唔多。以 63X 為例，我唔知停美孚係咪真係咁趕客，只不過如果依家非繁都係開 30 (唔好唔記得屯門搭西鐵優勢已經小，屯轉仲要服務幾乎整個屯門)，其實都唔算得上係好好。至於邊個係原因同邊個係結果 (疏車/條線唔吸引) 就之後再討論。不過深長茘到底係咪真係咁少客都成問題。依家青衣北 41A 同 44 並存，44 都一樣可以好密車，41A 無錯係有客回流，但咪又係照樣開 20。

tonychow 發表於 2018-12-9 11:32
同西鐵重疊呢點我本身唔係好認同。
其實西約同荃景圍都唔係好近西鐵站，特別係後者。
識人住灣景，步行來 ...

另外其實佐尖線拉埋落紅磡 (e.g. 黃埔，俾 30X 同 6F 重組) 亦係可行方向。

留意到上面有人提出尖沙咀同紅磡group埋一齊做
我唔覺得理想

南行 西廊>廣東道>紅繞 咁行仲說得過去
但北行九龍公園徑站位太差，尖沙咀如果要食得正，至少往新界方向一定要行彌敦道
咁對紅磡而言就真係好慢

講到紅土
至少土瓜灣/九龍城去荃灣可以用12A延長去做
之前計過，只要簡化紅磡段走線偷時間，加3正1蛇就搞掂
就算最後荃灣段載客率低過692都有賺，回本門檻極低