九巴213X開辦消息

S3BL100 發表於 2016-7-30 22:58
其實寶達人慣左行上去寶林路等車，但佢地交通已經成左形，加多一條線行出面，知名度未必好高，
而入面又有 ...

213X入寶達總站係合理, 因為真係可以清晒13X堆客
213M就唔係唔得, 不過效果無咁立竿見影, 堆客依然死等小巴...

213X入寶達總站後, 13X已可即時縮短至中秀

neoplan720p 發表於 2016-7-22 09:09
係要處理呀，但細執一、兩條線？
一定會好多漏洞。

等中九龍幹線通車 (約2023) 重組14X, 215X, 點睇? 初步構想如下:
14X, 215X 均以藍田北做總站, 215X出站返原線, 14X 跟 603行, 油塘上中九龍幹線, 出幹線後跟 280X 去尖東, 取消215P, 14 拉去三家村填補 14X 撤出

castanopsis 發表於 2016-8-2 10:43
其實你知唔知13X塞既一段加士居道係邊一段？
最塞既一段，28同213X都一樣要塞
根本繁時13X慢過28落到新世 ...

好簡單，直接拎 14X 同 215X 比較（間唔中一齊到），你睇下邊部車到太空館先？
非繁，加士居道唔塞，215X 係太空館橫過果陣，14X 通常到 iSquare。
下繁，加士居道塞死，215X 到太空館，14X 都未必去到美麗華。

咁你搞清楚 13X 同 28 除左加士居道外，仲有咩野因素會出事？有時佐敦道都好塞下，架架車都過唔到燈，部 13X 點係佑寧堂清客呢？
加上上開紅隧巴士既朋友都知，係下繁，軍營至女拔好多時都塞到暈，過唔到燈係問題。

行土瓜灣道再插隊仲快過行天橋落

依點試過成千上萬次，唔會。
原因係北拱街太多紅隧巴士，單係等咁多部 1 字頭既朋友落歐化埋站，已經足夠塞死果兩條線，
而東九龍走廊慢線既車會睇準歐化堆巴士埋站，當條最左 2 線清空，就立即插上插，插入慢線再落蕪湖街打尖。

如果東九龍走廊既車落唔到橋，我可以肯定馬頭圍道係唔識郁（下面會有解釋），我最差試過係北拱街落蕪湖街要成 20 分鐘。

而繁時最快、最穩定去尖東既方法，應該會係11X+796X既hybrid走線

特別強調班次問題
10分鐘一班時段，98D東九龍走廊落橋，如果一個司機行快線另一個行慢線，已經可以令兩班車相距好近甚至拖卡
而有趣既係，快線快定慢線快要視乎時間同日子
好多時條橋上面會有個幻覺快線會快過慢線，但去到死亡交叉就發現中伏
一個無經驗既司機已經足以打亂213X尖沙咀個班次，變成10-30分鐘一班，係相當唔理想

依點我有保留，我經常性係九龍東去文化中心，假如落死亡交叉塞車，塞到上東九龍走廊近北拱街，我試過以下方法：
1. 東九龍走廊 + 快線落橋 + 加士居道 + 彌敦道（13X、98D）
2. 東九龍走廊 + 快線落橋 + 加士居道 + 漆咸道南（219X）
3. 東九龍走廊 + 慢線落橋 + 加士居道 + 漆咸道南（215X）
4. 東九龍走廊 + 慢線落橋 + 紅隧支路 + 梳士巴利道（5A）
5. 東九龍走廊 + 慢線落橋 + 蕪湖街（直落德民街） + 紅磡繞道
6. 東九龍走廊 + 慢線落橋 + 蕪湖街 + 機利士南路 + 紅磡繞道
7. 土瓜灣道 + 海心公園 + 紅磡道 + 紅磡繞道
8. 土瓜灣道 + 馬頭圍道 + 德民街 + 紅磡繞道（11X + 796X）
9. 土瓜灣道 + 馬頭圍道 + 機利士南路 + 紅磡繞道
10. 土瓜灣道 + 慢線 + 再行返 1-6 走法

係我眾多次經驗入面，早繁同下繁有非常唔同既結果。

早繁，路線 7 仲叫識行。
下繁，除左路線 7 外，仲多左令人最出奇走法，路線 4。

而你口中既 11X+796X 其實好唔穩定，
原因係早繁太多車落紅隧，後果係夠膽塞死晒整條漆咸道北之餘，有極大量私家車倒流入蕪湖街／北拱街、馬頭圍道、土瓜灣道。
而下繁係就係多謝死亡交叉，既然倒流得上東九龍走廊，蕪湖街通常有極大量車流倒塞返入黃埔、馬頭圍道。我都試過好多次落黃埔企左係家維邨度，
加上下繁有大把車漆咸道北入黃埔，德民街根本唔識郁。

當然，最慢係任何落死亡交叉既方案，但 215X 同坐左無數次的士比我既經驗，漆咸道北塞車有兩大主因：
1. 落紅隧車流
2. 上加士居道天橋車流

而最荒謬既係，落紅隧車流通常只集中係早繁，因為有大量私家車不惜一切入隧道，除左選擇正常漆咸道北慢線外，仲會選擇落漆咸道南、暢運道、康莊道再 U-Turn。
但過左早繁，格局會非常唔同，我同每個的士司機吹水，都發現原來唔係咁多車會選擇係東九龍走廊落紅隧，所以漆咸道北落紅隧唔一定好塞。
頂多只需要塞一塞康莊道幾分鐘，就可以落到梳士巴利道支路。

依一點就係點解咁多位板友成日講，215X 最快方法係先落慢線，係曲街站再入留中線落理工，會遠快過直接落橋入快線塞，
原因係因為漆咸道北紅隧入口唔塞車。

你話 98D 去到死亡交叉先知出事，原因就係 98D 仲要落加士居道，有極大量紅隧車流插入加士居道上橋，
相反跟 215X 行完全無依個問題，一可以 Cut 去 2 線，215X 會即走，一有機會插去慢線走人，而 98D 最慘係繼續留係 2-3 線比人任插，當中包括大量紅隧巴士。
所以 213X 同 13X 行法已經爭好遠。

倒返轉，如果好不幸漆咸道北紅隧入口係下繁塞車，我幾乎可以肯定倒塞返上蕪湖街／北拱街、馬頭圍道、土瓜灣道。
有唔少漆咸道北或東九龍走廊車為左想快，永遠會先入蕪湖街落黃埔，結果落黃埔一定唔會快，又係塞死，進一步加劇馬頭圍道塞車情況。
（如果真係快，黃埔班友就唔會日日講 15 塞到嘔，想地鐵快手通車）

如果條件去到咁唔理想（例如東九龍走廊塞車位係土瓜灣街市），條條路一樣塞到死一死，咁不如一直唔好上橋，行紅磡道博一博。
但如果紅隧都係唔係好塞，我就發現原來落海心公園唔係快好多。最重要係我落的士價錢係完全一樣，問你死未？

紅隧過海繁時多數單邊塞死 另一邊會好少少

所以下繁跟5A咁行有機會走得甩

紅磡道要兜到好入先到 都要花唔對時間 又多燈

TankKingEH9697 發表於 2016-8-3 13:02
紅隧過海繁時多數單邊塞死 另一邊會好少少

所以下繁跟5A咁行有機會走得甩

其實問題係太多車都係出番同一個方向，紅隧口或漆咸道、加士居道死亡交叉，試問蕪湖街又點唔會出事，一出事邊條路都死。

最大敗筆係，反正沙中線都搞到成地爛地，
好心就一早規劃多支路係漆咸道北（南行）上公主道支路，再上國際都會，
佢真係咁起，即可將大量分流落黃埔、尖沙咀車流，我敢保證，世界更美妙。

BTW，不過政府係唔會起，有心搞，根本唔會唔用腦起條支路係國際都會落死亡交叉（仲要快線）。而且而家左右兩邊起晒大學，想搞分層系統又做唔到。要解決問題，靠中九龍幹線吧。

dennis28a 發表於 2016-8-3 01:44
好簡單，直接拎 14X 同 215X 比較（間唔中一齊到），你睇下邊部車到太空館先？
非繁，加士居道唔塞，215X  ...

其實下繁尖東路況一樣好樣衰，尤其南行，成日都塞滿車
當然，計埋應該都快過行佐敦道彌敦道到太空館，但唔好講到佐敦道塞車尖東唔會

我搭咗幾年104，正常下繁加士居道死亡交叉到女拔萃一段其實尚算暢通
塞死都唔係未試過，不過少，而且通常只限於週末/大時大節下午人人都塞入佐敦尖沙咀食飯既時間

而你口中既 11X+796X 其實好唔穩定，
原因係早繁太多車落紅隧，後果係夠膽塞死晒整條漆咸道北之餘，有極大量私家車倒流入蕪湖街／北拱街、馬頭圍道、土瓜灣道。
而下繁係就係多謝死亡交叉，既然倒流得上東九龍走廊，蕪湖街通常有極大量車流倒塞返入黃埔、馬頭圍道。我都試過好多次落黃埔企左係家維邨度，
加上下繁有大把車漆咸道北入黃埔，德民街根本唔識郁。

可能我上面講得唔好
我口中既11X+796X走線，係講緊行啟德隧道+紅磡繞道
既然無論係13X、213X、定98P，本身都唔需要服務紅磡土瓜灣，紅土一段當然會用最快走線行，亦即行紅磡道
啟德隧道+紅磡道+紅繞，肯定穩定過上面提到既任何一個方案
當然，如果咁行，尖沙咀服務範圍會比較窄，個人傾向用繁時特班方式玩，補償未來重組可能產生既尖東特快真空位

依點我有保留，我經常性係九龍東去文化中心，假如落死亡交叉塞車，塞到上東九龍走廊近北拱街，我試過以下方法：
1. 東九龍走廊 + 快線落橋 + 加士居道 + 彌敦道（13X、98D）
2. 東九龍走廊 + 快線落橋 + 加士居道 + 漆咸道南（219X）
3. 東九龍走廊 + 慢線落橋 + 加士居道 + 漆咸道南（215X）
4. 東九龍走廊 + 慢線落橋 + 紅隧支路 + 梳士巴利道（5A）
5. 東九龍走廊 + 慢線落橋 + 蕪湖街（直落德民街） + 紅磡繞道
6. 東九龍走廊 + 慢線落橋 + 蕪湖街 + 機利士南路 + 紅磡繞道

.........略............

其實你長篇大論咁講唔同時間既路面狀況，仍然未回應213X走線既兩個主要問題——班次不穩、窒礙未來重組

你講既路面情況我可能無你咁清楚
但早繁東九龍走廊落橋行快線最快、非繁下繁行慢線cut中線最快既情況我都親身體會過唔少次
而你篇文打到咁長，其實正正帶出我想講既嘢——紅磡一帶交通狀況好複雜，邊條線最快唔能夠一概而論
正正就係因為個路況複雜，唔同司機既判斷唔同，已經可以導致前後車行車時間出現明顯差異，造成班次不穩
我相信大家唔係未見過有98D/296D既司機非繁死塞快線，搞到行車時間大幅延長，甚至因而出現脫卡
98D/296D/13X仲叫做有個總站調整下班次，213X呢？

你可能話219X/224X都係咁行，已經有先例
但我想講，兩條線基本上已經應驗咗我所講既隱憂，至少219X已經成日出現班次間距混亂甚至脫卡（仲要本身條線已經唔係密）
219X/224X下繁東行客量長期墊底，好多時仲衰過同屬邨巴既296D，我估同班次不無關係（當然仲有好多其他原因）
213X東九段市區路仲長過219X/224X，我真係唔信個班次可以keep到

而未來重組方向一點你又係未答到我......

尖沙咀段走線問題細，因為反轉行唔會有人要轉車

但觀塘個邊，點樣分餅仔？

九巴擺明比215X獨大，以前13X、219X做二奶，224X做三奶

之後又14X、213X

但依然無損215X地位

根住有版友睇唔通215X真正價值，走去拆215X先好笑...

觀塘道要保留最少10分鐘1班往返尖沙咀服務

黎黎黎...

有冇人知道213X早繁去尖東落車既人有幾多？有冇搭開13X去尖東既人轉投213X?

kay 發表於 2016-8-4 07:11

觀塘道要保留最少10分鐘1班往返尖沙咀服務

1A開緊7分鐘一班

castanopsis 發表於 2016-8-4 06:49
其實下繁尖東路況一樣好樣衰，尤其南行，成日都塞滿車
當然，計埋應該都快過行佐敦道彌敦道到太空館，但唔 ...

又咁講呀
有總站果三條線班次又唔係特別穩
296D亦唔見得真係好客過219X/224X
重點在於個班次有幾多密
多於你係行循環定搵到個總站泊

至於之後重組問題
只要你條線繼續落到佐敦同尖咀既
反對聲音應該唔會多