本帖最後由 Charon1999 於 2018-1-9 15:24 編輯
當四大天王齊集在一起嘅時候，就係討論坑口直出隧道去旺角呢條路線嘅時候。
首先，98C的確係比較慢嘅。先唔好理坑口有幾多人坐巴士，因為呢個答案大家都有眼見到，唔需要我再多講，唔信嘅搵日落去下面巴士站企下，基本上都係得98D、290同798比較多人上落，其他路線都好似失蹤咗咁樣。
旺角的確係比較多人去嘅，但係以將軍澳市中心咁多人去計，直接出到九龍城嘅796C同埋出去市區行多段路嘅296C，兩者喺非繁忙時間，做埋深水埗嘅情況之下，其實個客量都唔算係特別出眾。相比之下，人口更加少嘅坑口區如果要養起一條全日淨係出旺角嘅路線，我諗唔單止要觀塘道停曬16嘅站，吸引乘客喺觀塘上車出去旺角，甚至入埋大角咀，咁樣先至勉強能夠支持到一條繁忙時間20分鐘一班、非繁忙時間30分鐘一班嘅路線。
有啲人又會倒轉諗，如果98C拆開九龍段，又得唔得呢？聽落去好似唔錯，長沙灣、美孚、深水埗依啲地方係全日都有人坐嘅。但係佢哋嘅客量又係咪真係咁多呢？星期一至五非繁忙時間嚟講，嗰啲時間冇咩人出旺角，按比例上睇，就好多人出去西九龍。但係以星期六日嘅客量嚟講，以796C同296C作參考，其實旺角落車嘅人至少佔咗一半，部分時間更加高達七成。試過有幾次796C坐滿人出去，過咗太子站，車上面淨喺度嘅人唔超過20個。如果單靠美孚長沙灣深水埗支撐一條全日嘅路線，我會好感謝你幫老九搵到一個善用單層巴士嘅方法。
咩都唔得，咁倒不如退一步，將98S全日化，98C縮短去寶林啦。咁做嘅話，理論上98S客源都足夠，山上面又唔會反對，Ok掛？OK嘅，如果九巴唔介意98S每日康城至到清水灣半島嗰一段都係載空氣，98C嘅客量亦跌到得返三份一甚至四分一，咁係冇問題嘅。前題係九巴唔會比以上兩件事發生，尤其是98C，咁樣搞法遲早取消，唔通你打算叫山上面嗰班人坐95同93K？
坑口有冇需要開條快少少嘅線直接上咗將軍澳隧道呢？現階段我係覺得冇嘅。當然將軍澳隧道轉乘站開咗之後可以考慮開，但係究竟應該搵一個雖然路線長但係唔拉到咁長就冇人坐嘅98C去玩，定係搵一條本身已經有穩健客源、開完刀仲可以生存到嘅路線去玩呢？我會覺得大家倒不如考慮下某條出尖沙咀嘅路線，反正山上面又冇車出尖沙咀，康城嗰邊所謂出尖沙咀嗰條全日線又兜咁耐，另一條又仲未全日，而尚德自己根本又未坐滿某條出尖沙咀嘅路線，加上就算坑口開出去跟692咁行上去將軍澳隧道，都仍然快過到寶琳甚至行山上面。既然係咁，點解唔搵出尖沙咀嗰堆黎玩，而要搵出去深水埗旺角嘅路線去玩呢？
本帖最後由 10598C 於 2018-1-9 15:32 編輯
Charon1999 發表於 2018-1-9 15:20
當四大天王齊集在一起嘅時候，就係討論坑口直出隧道去旺角呢條路線嘅時候。
首先，98C的確係比較慢嘅。先 ...
你都識講將南有兩條線啦，擺埋一齊唔覺得客量會好差，同埋未來仲有康城，隔離板直程仲講緊康城自己做一條，我唔認為坑口夾康城會唔夠客開到15一班
行觀塘道已經係一個比較保守嘅做法
10598C 發表於 2018-1-9 15:30
你都識講將南有兩條線啦，擺埋一齊唔覺得客量會好差，同埋未來仲有康城，隔離板直程仲講緊康城自己做一條 ...
康城自己一條依個真係講下笑好喇，日後食埋137區又或者現時食埋個尚德都還可以考慮下，當然班次都唔會密㗎啦。康城自己一條我睇死佢30分鐘一班都蝕。
而坑口+康城呢個做法就係將唔多人嘅地區再夾多一個唔多人坐巴士嘅地區開一條線，咁樣做十分冒險，加上環保大道嗰段基本上都係空氣居多，到頭來都係得番坑口......
可以試咗上下午繁忙時間先嘅，之後應該就完囉
其實，呢啲嘢從來都係取易不取難，98D人又多覆蓋範圍又少，點解一定要咁執著係拆旺角嗰條呢？
Charon1999 發表於 2018-1-9 16:14
康城自己一條依個真係講下笑好喇，日後食埋137區又或者現時食埋個尚德都還可以考慮下，當然班次都唔會密㗎 ...
既然796C同296C並存底下都做得住，再加上兩條線都係疊住條鐵，你憑咩覺得一條坑口康城會唔夠客？
Charon1999 發表於 2018-1-9 16:14
康城自己一條依個真係講下笑好喇，日後食埋137區又或者現時食埋個尚德都還可以考慮下，當然班次都唔會密㗎 ...
"點解一定要咁執著係拆旺角嗰條呢"
因為你唔明
係我錯，我唔應該阻止你哋四大天王繼續發夢
你哋四大天王就繼續喺度打飛機，打到巴士公司肯幫你開一條直接出旺角嘅路線啦
我唔會講一定開唔成，但係機率一定唔高
S3BL100 發表於 2018-1-8 12:26
真係咁為藍田著想的，係應該 16X 全日，成條碧雲道都有份用，
而唔係走去黐將隧轉車站，得興田有份而且仲 ...
九巴對16X既態度，仲消極過98S
如果你講到倒資源落去拆線係咁難
16X全日難度會更加大
當然，16X全日我係樂見
以前都有建議過用16M取消，加其他資源，換16X全日
但走線上
我會傾向16X行完碧雲道之後，左轉落去停啟旺樓上公路
回程就旺角不停站直飛啟田商場
16X經啟田，加埋將軍澳轉車站
係maximize咗藍田山旺角特快線既覆蓋
本身啟田係藍田諸線既客倉
佢地搭巴士又唔係，地鐵站又遠，得紅小叫做正常
但一大堆藍田紅小塞死觀塘道，其實好唔理想
啟田，好應該搵返巴士做
而16X行啟田仲有一個好處
可以光明正大打劫16啟田特既資源做16X
當然我個建議仲會縮短埋214去成就16X，但呢個係後話
10598C 發表於 2018-1-8 14:01
旺角大角咀來往觀塘我係諗住推落短棍，藍田來往觀塘道就用返大幅減班嘅正線，再唔係同16M、216M重組
(初步 ...
今次我認同100兄16唔可能減落觀塘
16係藍田山頂唯一一條落九龍灣既線，流水力強勁，唔搞得
反而搵16甚至15/215X加個新界線轉乘甚至雙向分段，16M即刻可以說再見
至於16X個構思
我一直都覺得16X應該做 油塘<>碧雲道<>啟田<>旺角<>西九
掟214返去做石礦場
最重要係，如果16X做太子旺角循環，朝早入藍田油塘100%空車
反而如果做西九，堆車只要跳過去行 觀青（第二代6X）
就唔使空載，甚至可以滿載返油塘