cky 發表於 2018-8-4 00:53
只要 112 或 116 途經的站
好多人都會咁做
包括我都係
正解, 我太古人想慳都搭電車, 趕時間就地鐵, 何況係北角個時間差距無咁大
巴士基本上得落雨/好X熱先會諗
053h4 發表於 2018-8-4 16:37
咁肯定跨張左，康山電車其實唔算多人上落
康山電車站點會唔多人落車?唔好講東行, 西行都一樣
"唔算多人" 係咪指班班車都要二三十人落車先算?
完全唔覺得太古對電車有嘅咁支持，支持巴士多過電車好多囉
西行巴士站係正商場門口，等車唔駛日曬雨淋，的車都叫做密，2, 2A, 81, 82, 85 加埋嘅流水幾乎密過電車，重要仲有貴啲嘅77, 99揀，仲有北角以東嘅電車係比較疏，搭巴士係有好大著數。太古城行去搭巴士嘅，穿過地鐵站一上就係巴士站，揀都唔會揀電車搭
而東行，2A, 81, 106停正康怡，同電車差唔多。但係去太古城，巴士停正戲院門口，勁方便，而電車就停係康怡，去吉之島就方便啲。但又係因為北角以東嘅電車係比較疏，所以都係搭巴士好啲。如果去西灣河、筲箕灣，搭巴士近乎架架都係平，又多選擇，冇一架貴，真係冇乜可能會去揀搭電車，除咗吉之島唔算行。
boco1211 發表於 2018-8-5 17:50
完全唔覺得太古對電車有嘅咁支持，支持巴士多過電車好多囉
西行巴士站係正商場門口，等車唔駛日曬雨淋，的 ...
西行電車站多人落，好主要都係大安樓一帶只係坐 2 個站落康山的客，雖然都有一批人會選擇行路，但唔想行的，巴士坐 1 個站，又要去到最前先有，過咗馬路都好自然行去電車站，時間唔差好多。而西灣河一帶，講真坐 2、3個站巴士俾 2蚊又好 4個1 又好，冷氣反而唔係重點，直覺上係唔太化算，所以呢個距離的電車客亦不乏。